تقرير استلام التو 2015 الشكل الجديد

**rasha adly** · 19-09-2014 08:02 PM

المشاركة الأصلية كتبت بواسطة ibrahimahmed

بصى هى العربية دى فى منها 6 الوان فقط ... وهم :
ابيض .. فضى .. رمادى غامق ( اللى هو قريب اوى للاسود) .. ازرق غامق .. لبنى .. احمر
فلو حضرتك شفتى الاسود يبقى اكيد تقصدى الرمادى الغامق او الفرانى الغامق ... لان مفيش الوان تانية من العربية ليها علاقة بالاسود غير اللون الرمادى الغامق
والمعلومات دى من معرض الوكيل مودرن موتورز الدقى ... وهناك عندهم بروشور فيه ال6 الوان

يبقى اللي انا شفته هو الرمادي الغامق الفيراني يعني
خلاص يبقى الاحمر هو الافضل ليا
ميرسي لحضرتك ومبروك تاني على العربية
عقبال مستلم بتاعتي انا كمان
لما استلمها لو لونها كان الفيراني مش الاحمر هرفعلكم الصور تشوفوا اللون

**مصطفى عمر** · 22-09-2014 05:42 PM

عاوز اعرف لو هدفع خمسين فالميه من قيمه العربيه علشان اشترى بصوره البطاقه بس من غير اثبات دخل او سجل تجارى ..الفايده هابقى اد ايه على المبلغ المتبقى ولو هدفع 40 الف الفيده هتقل ولا اخر حاجه الفايده بتاعت نظام الخمسين فالميه مش بتقل عنها مهما زودت المقدم ... ولو حد يعرف يحسبها و يقولى القسط هيبقى كام لو دفعت الخمسين فالميه ..

**ibrahimahmed** · 22-09-2014 08:14 PM

المشاركة الأصلية كتبت بواسطة مصطفى عمر

عاوز اعرف لو هدفع خمسين فالميه من قيمه العربيه علشان اشترى بصوره البطاقه بس من غير اثبات دخل او سجل تجارى ..الفايده هابقى اد ايه على المبلغ المتبقى ولو هدفع 40 الف الفيده هتقل ولا اخر حاجه الفايده بتاعت نظام الخمسين فالميه مش بتقل عنها مهما زودت المقدم ... ولو حد يعرف يحسبها و يقولى القسط هيبقى كام لو دفعت الخمسين فالميه ..

الموضوع بيختلف من بنك لللتانى ومن حالة للتانية ... يعنى لو انت موظف قطاع عام الفايدة بتبقى اقل حوالى 2% من موظف قطاع خاص
وبعدين مابقتش تفرق موضوع ال 50% عشان مفردات المرتب
يعنى انا قطاع خاص ودافع 30% بس وقدمت طلب من غير مفردات مرتب وجاتلى الموافقة بعد يوم واحد ومن غير استعلام ولا فالبيت ولا فى الشغل ... والفايدة كانت حوالى 10%
الخلاصة ... حاول تسال احسن مع البنوك حتى بالتليفون .. هايدوك معلومات اكيدة احسن من هنا
وماتحولش تسال فى المعارض لانها كلها هاتقولك انها هاتجيبلك فايدة قليلة ... كل ده كلام بياعين ووقت الجد بتبقى الفايدة عالية ... خلى استعلامك مع البنوك

**مصطفى عمر** · 23-09-2014 01:07 AM

انا معنديش مهنه لا ثابته و لا خاص ولا عام .. انا بشتغل شغل حر و مليش مكان كمان طبعا الشرح هيطول للموضوع دا
انا بتكلم عن صوره البطاقه بس لانى اعرف ان اللى بيدفع خمسين فالميه مش بيطلب منه طلبات لا اثبات عمل او دخل ملوش دعوه خالص.... المهم انت تقصد اروح البنك و اشوف طلباتهم ايه بالنسبه للعربيه و اشوف فايدتهم هتبقى كام ... انت اشتريت بالطريقه دى يعنى روحت بنك ولا معرض .

**مصطفى عمر** · 23-09-2014 01:10 AM

عندى استفسار كمان لو هشترى مثلا بمعاش والدتى طبعا ست كبيره اصدى بالمعاش كا ورق او ضمان لو الدنيا عصلجت هل ينفع بعد الشراء فور ا صاحب المعاش يعملى توكيل عام بخصوص السياره علشان تراخيص المرور و القرف اللى انت عارفه ...طبعا دا بعد اول ترخيص بأسم اللى شارى صاحب المعاش لانى سمعت ان الترخيص فالقسط لازم بيتجدد كل سنه و دا هيكون عبء على صاحب المعاش يبقى بيساعدنى و انا اتعبه مش معقول

**mrghost** · 23-09-2014 07:41 AM

المشاركة الأصلية كتبت بواسطة مصطفى عمر

عندى استفسار كمان لو هشترى مثلا بمعاش والدتى طبعا ست كبيره اصدى بالمعاش كا ورق او ضمان لو الدنيا عصلجت هل ينفع بعد الشراء فور ا صاحب المعاش يعملى توكيل عام بخصوص السياره علشان تراخيص المرور و القرف اللى انت عارفه ...طبعا دا بعد اول ترخيص بأسم اللى شارى صاحب المعاش لانى سمعت ان الترخيص فالقسط لازم بيتجدد كل سنه و دا هيكون عبء على صاحب المعاش يبقى بيساعدنى و انا اتعبه مش معقول

ينفع يعملك توكيل بالتعامل مع المرور والادارة عادى مفيش مشكلة

**ibrahimahmed** · 23-09-2014 10:10 AM

المشاركة الأصلية كتبت بواسطة مصطفى عمر

انا معنديش مهنه لا ثابته و لا خاص ولا عام .. انا بشتغل شغل حر و مليش مكان كمان طبعا الشرح هيطول للموضوع دا
انا بتكلم عن صوره البطاقه بس لانى اعرف ان اللى بيدفع خمسين فالميه مش بيطلب منه طلبات لا اثبات عمل او دخل ملوش دعوه خالص.... المهم انت تقصد اروح البنك و اشوف طلباتهم ايه بالنسبه للعربيه و اشوف فايدتهم هتبقى كام ... انت اشتريت بالطريقه دى يعنى روحت بنك ولا معرض .

انا رحت المعرض وهو عرفنى بالبنوك اللى بيتعامل معاها وبالتالى انا استعلمت من البنك بشكل مباشر

**مصطفى عمر** · 23-09-2014 11:33 AM

اشكركم

**rasha adly** · 23-09-2014 08:37 PM

ياجماعة انا هستلم عربيتي بكرة ان شاء الله
وطبعا الكل عارف انها نازلة فاضية تماما
انا معرفش اي حاجه في اي حاجة خالص لا عن العربية دي ولا عن غيرها
فهموني بأه انا لو عاوزة اركب الكاسيت واشتريته من بره وركبته بره
هل ده هيعملي اي مشاكل مع التوكيل قدام لما اروحله لو احتاجت حاجه
ولا عادي ونفس الكلام هنطبقه على اي حاجه من الكماليات
لو حبيت اجيب اي حاجه واركبها بره ده فيه مشكلة ولا عادي

**ibrahimahmed** · 23-09-2014 11:02 PM

المشاركة الأصلية كتبت بواسطة rasha adly

ياجماعة انا هستلم عربيتي بكرة ان شاء الله
وطبعا الكل عارف انها نازلة فاضية تماما
انا معرفش اي حاجه في اي حاجة خالص لا عن العربية دي ولا عن غيرها
فهموني بأه انا لو عاوزة اركب الكاسيت واشتريته من بره وركبته بره
هل ده هيعملي اي مشاكل مع التوكيل قدام لما اروحله لو احتاجت حاجه
ولا عادي ونفس الكلام هنطبقه على اي حاجه من الكماليات
لو حبيت اجيب اي حاجه واركبها بره ده فيه مشكلة ولا عادي

الف مبروك وبرنا يديكى خيرها ويباركلك فيها
الكاسيت امره سهل لانه فيشة انما اللى ممكن يعمل مشكلة لو اتركب برة هو السنتر والانذار لانه بيحتاج لعب فى الضفيرة
ممكن تركبيهم برة بس كده ممكن لو حصل لا قدر الله مشكلة فى الكهرباء بعد كده التوكيل هايقولك كهربة العربية برة الضمان
وعامة تصفحى الموضوع من اوله صفحة صفحة كده هتلاقى فيه ان شاء الله رد لمعظم الاسئلة اللى شاغلاكى بما انك مقبلة على الاستلام