الموضوع: عيوب ومميزات اوبل استرا كوزمو 2014 "Opel Astra Cosmo "

اهنيك علي صراحتك موضوعيتك بصراحة انا صحبي معاة واحدة اشتكي من الكركرة وراح حط 95 لاقاها زي ماهي بتكركر برضو
اتمني يكون موضوع الفتيس دة ثابت يعني يكون الفتيس بيعيش لان بشوف العيب دة بيظهر في عربيات بعد عشر سنين
بصراحة اوبل قضت علي سمعتها تماما في مصر كدة وحتي لو نزلو موديل تحفة محدش هايشترية للاسف
تقريرك كان موضوعي جدا مكانش فية اي تحيز وانا قعدت في صراع بين الكورولا والاوبل والفلوانس لكن واضح اني عملت الصح لما جبت كورولا لان اي عربية بيبقي فيها عيوب انما لما تخش في موتور او فتيس او عفشة بتبقي جوهرية ومتعبة ومالهاش حل
ربنا يباركلك في عربيتك واتمني من كل ملاك اوبل يعترفو بعيوبها ويتحدو ضد الوكيل عشان يوصلو دايما لافضل الحلول في المشاكل المشتركة في كل العربيات

المشاركة الأصلية كتبت بواسطة mustafa_farouk

i love this car awi

وانا كمان بحبها ومن وجهه نظري شايفها احسن عربيه فى فئتها :)

المشاركة الأصلية كتبت بواسطة swimmer25

لما جربتها في 2013 كان فيها تأخير بين النقلات ودي حاجة مزعجة بالنسبالي جدا
ولما عربية تنزل بمشكلة زي دي ومتتحلش قبل طرحها في السوق يبقى عيب أوي
الأوروبي قيمته راحت بصراحة والياباني متفوق والكوري بدأ يتفوق

اليابااني لا يعلى عليه بس بردو الالماني يفرق فى الجوده والخامات موضوع الفتيس ده التوكيل قال ان في سوفتووير جديد هجربه وابلغك وهيا النتشه بين التاني والتالت فقط الصراحه ومبتبقاش ملحوظه الا لو انت مركز مع العربيه بالمناسبه هيا بردو موجوده فى الياريس الجديده معرفش الكورولا فيها الموضوع ده ولا لاء

المشاركة الأصلية كتبت بواسطة omar mahmoud

شكرا علي التقرير
السرعة القصوي للعربية كام؟؟و الثبات ممتاز لحد سرعة كام؟؟؟
و ربنا يباركلك في عربيتك

السرعه القصوي للعربيه فى ناس جايبه بيها 210 وزي الفل انا عن تجربتي جبت بيها 175 وكان ثباتها ممتاز من وجهه نظري بس انا عموما بخاف من السرعه مبزودش عن 120 فى الغالب :) لكن اللى بيجري بيها بيقول ثباتها ممتاز على 210

المشاركة الأصلية كتبت بواسطة ashourashour

العفشه اخبارها اه في شوارع المخروبه ؟

ضهر العربيه مستقر ولا بيطلع وينزل ويزعج اللي قاعد ورا ؟

على سرعه 100كم ال rpm كام ؟

وربنا يباركلك

1- العفشه مش زي الطاسات طبعا فى الشوار المخروبه لكن هيا فعلا انعم عفشه شوفتها فى الجنط ال 17 بس بردو متجريش على 60 على شارع متكسر لكن لو ماشي على 20 او 15 مثلا ولا هتحس باي حاجه.

2- مجربتش الموضوع ده الصراحه بس محدش قعد ورا واشتكي ابدااا وبيني وبينك وانا سايق عمري محسيت بضهر العربيه وهو بيعوم او بيطلع وينزل لا ثبات مينفعش اتكلم عليه وامان وصاج الله اكبر الصراحه.

3- على ما اتذكر ممكن 2 بالكتير اوي وسرعه الفتيس بتكون على السادس الصراحه الفتيس بيريح فى الموتور

ولو انت مسافر وثبت السرعه على 100 هتلاقي راحه وتوفير بنزين زي الفل هتنبهر بجد :D

المشاركة الأصلية كتبت بواسطة j a g u a r

مشكور جدا

فى مشاكل مع ال 92 ..

والكركره بتروح مع ال 95 ولا لا ...

بأمانه انا مجربتش 95 ده خالص بس هقولك ملخص الناس اللى جربت:

1- ال 95 اللى بيستعمله مبيحش باي كركره ونادر جدا لما بيحس بيها (بس ادفع بقي فلوس).

2- ال 92 ينقسم لجزئين:

1- 92 من محطه نضيفه: العربيه بتفرق معاك فى السحب والكركره نادر حدوثها.
2- 92 مخلوط بجاز ومايه من محطه حراميه: العربيه هتكركر معاك

ده اللى انا سمعته من الملاك التانيين لكن بكل اختصار انا الكركره معايا كانت بتحصل بشكل مش دائم ومكنتش متضايق منها خالص ولما بتحصل بتكون وانت جايب ال n وعايز تجيب d او r ولما روحت التوكيل نزلوا سوفت ووير ظبط الموضوع ده بنسبه 80% وفى واحد جديد على ما اسمع منهم بردو هيقضي المشكله دي نهائي وهينزل بعد العيد طبعا لو جربته هقولكوا ان شاء الله :)

المشاركة الأصلية كتبت بواسطة mohamed-adly

مميزات طبيعية وموجودة في الكوري والياباني معادا طبعا الثبات

لكن العيوب الصراحة متفاجئ بيها وعيوب مش هينة وتحديدا عيب نتشه نقلات الفتيس

بص ياباشا انا كان معايا كروز وكان فيها نتشه الفتيس بس مش زي الاوبل نهائي بأمانه الاوبل رجه كده خفيفه بين التاني والتالت بس بالظبط كانك جايب التاني وروحت جايب ال 3 بعدها بشويه بس شلت رجلك من على الدبرياج بسرعه شويه والصراحه الموضوع ده بيظهر مره و 10 لاء لكن هشوف موضوع السوفتووير بردو واقولك

بالمناسبه النتشه دي محدش هيحسها الا لو واحد مركز جداااا مع العربيه وهيا بتنقل واحد محسوك زي حالاتي كده ومؤخرا لقيت نفس النتشه بس على اقوي شويه فى الياريس وكانت زيرو مكملتش 500 كيلو حتي فمش عارف بقي ايه الحكايه!!!