الموضوع: عيوب ومميزات اوبل استرا كوزمو 2014 "Opel Astra Cosmo "

المشاركة الأصلية كتبت بواسطة ashourashour

تاني نقلات الفتيس ... مبيحرموش !!!!:i_angr1[1]:

لا الفتيس مبيترردش ولا حاجه فى النقلات بينقل نقلاته الطبيعيه بس هو فى احساس بالنقله مش اكتر واحساس خفيف جدا بين التاني والتالت وده فى كل العربيات على فكره وعموما هو مختلف تماما عن الفتيس الايزي ترونيك

المشاركة الأصلية كتبت بواسطة khaled458

اعرف منين ان سنسور مروحة التبريد باظ؟ و انا واقف في اي اشارة العربية بتتهز بحس بيها في قاعدة الكرسي و الدريكسيون ممكن مروحة التبريد يبقي ليها علاقة؟

باشا انت معاك عربيه ايه؟ لان لو معاك الاسترا الجديده اي حاجه بتبوظ بتطلعلك فى الكمبيوتر بتاع العربيه على طول

السلام عليكم ,

انا كنت حاجز كورولا 2015 الفئة التانية
بس بصراحة لما شفت الاسترا و اتفرجت عليها في توكيل منصور العربية رائعة بصراحة


بس قلقت شوية دلوقتي من موضوع الرجة و نقل الفتيس ده , المشكال ديه موجودة في 2015 كمان ؟

و عامة هيا و لا الكورولا ؟ كعربية جوه البلد معظم الوقت

متفق مع صاحب التقرير في رقم 1, 2 لكن قطع غيار السيارات كلها غالية ولو قارنتها بالكورولا مثلا نفس الاسعار تقريبا ودي سيارة مكونتها الماني فطبيعي ارتقاع اسعارها
التوكيل: هو متوسط وليس ممتاز كحال توكيلات مصر على الله والحقيقة انا ما وجهتش مع التوكيل مشاكل لكن هو ملتزم بالضمان
البنزين: انا بمون بنزين 92 من محطات الامارات وموبيل on the run ووطنية وبصراحة بتجنب اي محطات صغيرة أو مش نظيفة وماعنديش كركرة نهائيا على الرغم من ان الموضوع شائع في سيارات كثير ومنها كوري ويباني بسبب غش البنزين لكن هو يعتمد على نوع المحطة وموقعك الجغرافي في مصر
الفتيس: موضوع اول مرة اسمع عنه الفتيس هو الميزة الاولى في العربية 6 سرعات أكثر من رائع الفتيس نقلاته مبكرة لراحة الموتور وسلس وقليل الاعطال واحساس بمتعة في القيادة وكان من اسباب اختياري للسيارة ولا يوجد أي نتشة فتقريبا الحالة دي فردية أو لسبب اخر
لكن اعجبني فيها الثبات رائع والفخامة والجودة ومتانة السيارة متماسكة وعوامل امان
فقط حبيت اوضح ان بعض العيوب المذكورة ليست شائعة ومش موجودة عند اغلبية الملاك

المشاركة الأصلية كتبت بواسطة rasmaroon

متفق مع صاحب التقرير في رقم 1, 2 لكن قطع غيار السيارات كلها غالية ولو قارنتها بالكورولا مثلا نفس الاسعار تقريبا ودي سيارة مكونتها الماني فطبيعي ارتقاع اسعارها
التوكيل: هو متوسط وليس ممتاز كحال توكيلات مصر على الله والحقيقة انا ما وجهتش مع التوكيل مشاكل لكن هو ملتزم بالضمان
البنزين: انا بمون بنزين 92 من محطات الامارات وموبيل on the run ووطنية وبصراحة بتجنب اي محطات صغيرة أو مش نظيفة وماعنديش كركرة نهائيا على الرغم من ان الموضوع شائع في سيارات كثير ومنها كوري ويباني بسبب غش البنزين لكن هو يعتمد على نوع المحطة وموقعك الجغرافي في مصر
الفتيس: موضوع اول مرة اسمع عنه الفتيس هو الميزة الاولى في العربية 6 سرعات أكثر من رائع الفتيس نقلاته مبكرة لراحة الموتور وسلس وقليل الاعطال واحساس بمتعة في القيادة وكان من اسباب اختياري للسيارة ولا يوجد أي نتشة فتقريبا الحالة دي فردية أو لسبب اخر
لكن اعجبني فيها الثبات رائع والفخامة والجودة ومتانة السيارة متماسكة وعوامل امان
فقط حبيت اوضح ان بعض العيوب المذكورة ليست شائعة ومش موجودة عند اغلبية الملاك

الله يطمنك يا اخي , ده انا كنت حاسس اني حجزت 128 لما الناس قالت رعشة و كركرة و نتشة في الفتيس ! رعبوني

المشاركة الأصلية كتبت بواسطة netera

الله يطمنك يا اخي , ده انا كنت حاسس اني حجزت 128 لما الناس قالت رعشة و كركرة و نتشة في الفتيس ! رعبوني

لا يافندم كلام غير صحيح لكن احنا بنعمل من الحبة قبة بدون فهم التفاصيل وبنصدق اي حاجة وبنقول للتمرجي يا دكتور والميكانيكي يا بشمهندس
حضرتك انا كنت في توكيل كيا بعمل صيانة لسيارة كيا وسمعت عميل بيشتكي من التسقيف او ظاهرة الصفع لكيا ريو ودفعني الفضول للدخول في المناقشة وافاد المهندس انهم عندهم شكاوي كثير بسبب البنزين وفرغوا تنكات السيارات ووجدوا ان البنزين مخلوط بمياه ومواد اخري وماعندهمش حل للعميل غير انوا ينتقي محطة البنزين، وانا ايضا لم اواجه مشكلة التسقيف في السيارة الكيا لنفس السبب مع الاوبل اني بمون من محطات مضمونة وحضرتك ممكن تسأل مراكز الصيانة وتتأكد اذن الموضوع لا يقتصر على الأوبل فقط ده في مختلف السيارات وده مش عيب في السيارة واظن يعني كيا ريو منتشرة اكثر من الاوبل ومحادش بيعيب فيها ليه
محركات الأوبل عندها قدرة تحمل الكوارث دي وما مسمعناش عن اوبل استرا غيرت موتور بسبب بنزين شوف الماركات الأخري في سيارات غيرت مواتير بسبب حساسية محركاتها من البنزين المغشوش.
هو حضرتك فاكر المانيا هتنتج عربية بكل العيوب دي ولمدة سنتين او 3 على التوالي ده الالمان رأس مالهم الجودة
في نقطة اخيرة احنا عندنا سوء استخدام للسيارات و عشوائية في الاستخدام يعني كم واحد قرأ كتالوج السيارة قبل ما يركبها خصوصا عربية حديثة مليئة بالتكنولوجيا يا فندم استخدام العربية له اجراءات وخطوات بسيطة عشان سلامة المعدة ما حدش بيلتزم بها والنتيجة اعطال مفاجأة
مثال:
1-تعشيق الفتيس قبل فرملة اليد وتحميل السيارة على الجير بوكس
2-تحريك الفتيس في اتجاه عكسي والسيارة لم تتوقف بعد من r الي d والعكس والسيارة تتحرك ببطيء غلط لازم السرعة تكون 0 سرعة وقياسا على ذلك كل معدات السيارة يوجد سوء استخدام
3-توقف المحرك مباشرة بعد رحلة طويلة خصوصا لو المروحة شغالة (انتظر لما المروحة تتوقف) لان الحرارة عالية
طبعا الامثلة دي مش هتبوظ العربية من اول مرة ولكن مع الوقت واستمرار الاستخدام بنفس النمط تسمع بقى عن عيب في الفتيس وتسمع عن عطل ثرموستات ...الخ. دي مجرد امثلة افتكرتها لكن هناك امثلة كثيرة توضع في الاعتبار