الموضوع: عيوب ومميزات اوبل استرا كوزمو 2014 "Opel Astra Cosmo "

المشاركة الأصلية كتبت بواسطة a_samir2011

معلش يا جماعه انا اسف ع التأخير فى الرد على فكره انا متفق مع استاذ احمد فهمي فى اللى هو بيقوله

لحد دلوقتي مفيش اي اخبار عن السوفت وير الجديد

وفعلا طول ما المشكله متحلتش يبقي فشل وميهمنيش ان حد بيضحك فى وشي علشان يلبسني بعد الضمان

عموما الاحساس بالنقلات او النتشه هيا عباره عن هزه خفيفه بين النقله التانيه والتالته بتحصل فى العربيه ولو ظبط رجلك ان العربيه تنقل على ار بي ام 2 بالظبط مش هتحس باي حاجه... يبقي التوكيل يعرف يظبط التوقيت ده بس هو اللى مش فاهم ف العربيه للاسف

على فكرة نفس الكلام في الإمارات لما رحت جربت العربية وقلتلهم إن الفتيس فيه تأخير في النقلات مشترتش بسبب ده ..محدش إهتم...المشكلة في أوبل نفسها
على فكرة هو تأخير في النقلة مش نتشة ...يعني خلال ما العربية بتنقل لو شلت رجلك من البنزين ورجعت تدوس تاني لحد بس ما الفتيس ينقل من نقلة للتانية مش هتحس بالنتشة
لأن خلال الفترة من نقلة للتانية تقدر تقول إن الفتيس بيكون idle مش بينقل حركة فأكنك بتدوس بنزين على الفاضي وده بيحصل حتى مع وضع ال S
وأنا الحمد لله عملت اللي عليا ودخلت سألت الناس وحذرتهم لما جربتها لكن للأسف الناس بتجري ورا الشكل والإسم والأوبشن فقط والعربية في ال 3 حاجات دول مالهاش حل

المشاركة الأصلية كتبت بواسطة Alaa H Ghannam

يا جماعه من فضلكم انا هاحجز الكوزمو بعد اسبوع ان.شاء الله الي يا ريت حد يفيدني فيه هو اسعار قطع الغيار في حد كاتب انو 1500 و بيقعد معاه عشره الاف بس انا بقالي شهرين من غير عربيه و ماصدقت رسيت علي الكوزمو اللي هيفرق معايا موضوع اسعار قطع الغيار دي بس ف يا ريت من فضلكم حد يفيدني فيه

رديت عليك هناك المبلغ ده يجيبلك عربيات كتير الاسترا صفقه فاشله حاليآ وبالسعر ده شوف كورولا والا قشقاي او i35 او حتي سيراتو والله هت يح دماغك من كل اللي انت شايفو هنا