الموضوع: مخصص للرد على أسئلة الأعضاء في مجال التوظيف و سوق العمل

المشاركة الأصلية كتبت بواسطة mo7amed_omara

امتحان الانجليزى اللى قبل الانترفيو ياترى حيكون فية اية ؟؟؟ يعنى اركز على اية فى المذاكرة ؟؟؟؟ وشكرا ارجو الرد قبل يوم الخميس

آسفة اني ما ردتش قبل يوم الخميس.. بس هو عموما ردي ما كانش هايفرق أوي لإن كل شركة و ليها امتحان غير التاني، يعني فيه بيركزوا على الجرامر و تركيب الجمل و فيه بيجيبوا كومبرهينشن و كومبوزيشن و اختار ما بين الأقواس و امتحان امتحان يعني مش هزار.. و فيه بيجيبوا امتحان عبيط مش محتاج مذاكرة.

يا ريت تطمنا عليك عملت ايه امبارح في الانترفيو.

المشاركة الأصلية كتبت بواسطة نور القمر

موضوع ممتاز حقيقي يا علا
وانا بفكر بقالي فترة اغير مجال شغلي
ومستصعبة الموضوع اوي اني ابدأ من الاول
مش عارفه ممكن تقدري تساعديني ولا ايه

ابعتي لي السي في أبص عليها و أقول لك ان شاء الله.

المشاركة الأصلية كتبت بواسطة twinsrashed

موضوع ممتاز ممتاز ممتاز
انا كان لية سؤال
فى ال CV غلط انى اعمل page boarder
شكرا اووووووووووى

مش مستحب انك تعمل أي بوردر للصفحات و لو ضروري اوي يبقى أخف خط لبوردر في الحياة.

المشاركة الأصلية كتبت بواسطة ahmed1981

وهل وضع الصورة في السيرة الذاتية شيء جيد ؟؟؟؟؟؟

يفضل انك ما تحطش صورة في السي في إلا لو اتطلب في الإعلان اللي انت مقدم عليه، و لو حطيت صورة لازم تكون لابس فيها فورمال (بدلة و كرافتة) و تكون متصورها في استوديو و حجمها صغير و تحطها في السي نفسها على اليمين، مش تعملها أتشاتشمنت في فايل لوحدها.

المشاركة الأصلية كتبت بواسطة Mohamed-Saoud

للأسف مافيش حاجة وصلتني!!!
أنا بعته يوم 1 نوفمبر بعنوان [from NileMotors [cv subject :)

انت مش محتاج تفكرني يا محمد، انا فاكرة كويس اني استلمت السي في بتاعتك و رديت عليك في ساعتها، بس الظاهر ان الرد ما وصلكش. عموما ان شاء الله يوم الأحد لما أروح الشغل هابقى اعملهالك فورورد.

المشاركة الأصلية كتبت بواسطة MTAK

بصراحة ليس عندى استفسار معين
بس بتابع بشغف
جزاك الله خيرا على الافادة الجميلة من هذا الموضوع
"تعرفى تجيبييلى عقد عمل فى نيوزلندا او كندا :)"
انا بهزر طبعا انما لو ........... مش هانقول لأ
هاها

لو عندك انت عقد من دول يا محمد ابقى قوللي الله يكرمك :)

المشاركة الأصلية كتبت بواسطة aif

متابع .... بس ما عنديش حاجة اقولها .....
ربنا يكرمك يا علا .... استاذة..... ورئيسة قسم كمان .:k32:
ربنا يقدرك علي فعل الخير ومساعدة الآخرين و يجزيكي خير علي مجهودك ....
بصراحة موضوع في الجووووول :k18:

مرورك يشرفني يا فندم و جزاك الله خيرا على التشجيع

المشاركة الأصلية كتبت بواسطة birdybirdy

ربنا يكرمك ياعلا على المجهود والافادة دي بجد.
فعلا ناس كتير اوي ممكن يكون عندها مؤهلات كويسة وخبرات في مجال العمل لكن ممكن متكونش تعرف بورتوكولات التوظيف ماشية ازاي وكمان صيغ ال C.V. المفروض تكون شكلها ايه ولا ازاي يعمل Presentation كويس عن نفسه في الإنترفيو وده ممكن ميخليش فرصهم في السوق تكون كتيرة.

انا عملت كمية انترفيوهات فظيعة وفي شركات كتيرة وكبيرة ولحد دلوقتي كل فترة شركة تتصل بيا تطلب مني اروح اعمل انترفيو وبصراحة كنت كل مرة بكتشف حاجة جديدة واحس اني بطور نفسي اكتر ولما بعدي من المقابلة الأولى واترشح للمقابلة التانية او التالتة بنبسط اوي حتى لو متعينتش في الوظيفة بس كفاية اني عرفت ان مستوايا متقدم واني عديت اكتر من مرحلة في ال filtration اللي بيعملوها وده بيخليني اثق في نفسي اكتر واطور من نفسي اكتر.
موضوعك فعلا مميز وكلنا بنستفيد منه بجد

تسلمي يا بيردي على المشاركة. ان شاء الله لما الفريق اللي انا باشتغل معاه ينظم كورس للسي في و الانترفيو هابقى أقول لك عشان تحضري، ان شاء الله هاتستفيدي جدا.

المشاركة الأصلية كتبت بواسطة sharky

موضوع رائع و مفيد جدا

شكرا يا علا

شكرا ليك انت يا شاركي على التفاعل :)

المشاركة الأصلية كتبت بواسطة boody8882

فكرة ممتازة وبداية رائعة للفكرة . بجد من أهم الأفكار اللى إنطرحت فى المنتدى
ربنا يباريكلك ويعينيك على مساعدة الأخرين فى مجالك

جزاك الله خيرا :)