القول الفصل في شقق الاسكان

**a7medalaa** · 15-12-2014 01:22 PM

طولت عليك بس عشان كنت بلف زيك فحبيت اديك عصارة تفكيري :d لو عندك اي سؤال تاني تحت امرك

**khaloooda** · 15-12-2014 02:06 PM

المشاركة الأصلية كتبت بواسطة a7medalaa

بص يا باشا انا هتكلم عن الموقع اللي في القاهرة الجديدة اللي عند فيلات القرنفل و اارحاب و ااكلام اللي هقوله مش تعميم عشان خبرتي فقط في القاهرة الجديدة
اولا الموقع: منطقة قصور الشرباتلي علي يمينك منطقة فيلات التمرحنة بعدها اراضي بيت الوطن و بعدها مدينتي علي شمالك الرحاب و في ظهرك منطقة فيلات القرنفل و في وشك حتة ارض فضاء هتتعمر في المستقبل بعدها طريق السويس انا نزلت عاينت الموقع اولا الحتة دي منسوبها مرتفع يعني درجة ااحرارة هتبقي معقولة في الصيف و تلج زي مدينتي في الشتاء و هتشوف من بلكونتك الرحاب نظرا لانها مرتفعة عن منسوب الرحاب و تاني اهم نقطة انها بعيدة بمسافة كبيرة عن خطوط نقل كهرباء الضغط العالي ( ميعرفش اضررها الا اللي درسها) :d المفيد ان الموقع 10 علي 10 و في اقل من سنتين المنطقة دي هتبقي من اغلي المناطق في مصر كلها و افتكرني ساعتها :d
ثانيا اسعار المنطقة: منطقة قيلات القرنفل المتر فيها بيبتدي من 4600 جنيه علي المحارة و اقل مساحة 180 متر و عليها نسبة تحميل فوق ال 25% .. منطقة التمرحنة المتر فيها بيبتدي من 4500 برضه علي المحارة و مفيش تسليم فوري لان المنطقة كلها لسة بتتبني منطقة الرحاب كلنا عارفين المتر بيبتدي من 7000 جنيه فالاخوة الكرام اللي بيقولو تاخد قطاع خاص ارخص كامل الاحترام بس ده مش مظبوط
تالت نقطة تسهيلات السداد: اقصي تسهيلات سداد في القاهرة الجديدة كلها بتكون تدفع في حدود 35% مقدم و تقسط علي 30 شهر دي اقصي حاجة شفتها و في الاماكن اللي لسة صحراء زي اللوتس و ابو الهول انما منطقى القرنفل اقصي تسهيلات هتكون 40 الي 50% مقدم
رابع نقطة الطرق و المحاور الرئيسية: يمينك شارع التسعين الشمالي واحد من 3 اكبر شوارع في القاهرة الجديدة كلها بينك و بينه حوالي 1 كم يعني في ثانية توصله و في نفس الوقت بعيد بما يكفي انك متوصلكش دوشته في المستقبل ممكن تدخل بيتك من 5 مداخل علي الدائري و تكمل جوة القاهرة الجديدة لحد متوصل او من مدخلين من علي طريق العين السخنة و تكمل لحد متوصل او من الطريق الدائري التاني اللي بيوصل بين طريق السخنة و طريق السويس و بيعدي علي مدينتي او من 4 مداخل علي طريق السويس 2 منهم يوصلوك مباشرة بدون لف جوة القاهرة الجديدة و دي في رايي اهم نفطة في الموقع و هو تعدد المحاور
مساحات الشقق: المساحة بتتحسب بعد رفع الحوائط وده المتعارف عليه لو اشتريت من اي حد سواء شركة او افراد او حكومة
الخدمات: حسب كراسة الشروط هيبقؤ كومباوند مغلق محاط بسور من وحزام من الاشجار وعندك اسانسير و اماكن ركنات و حسب الرسومات التخطيطية للموقع هيبقي فيه منطقتين خدمات و مساحات خضراء يعني كومباوند محترم افلحوا ان صدقوا و ان لم يصدقوا فانت مش خسران حاجة انت شاري شقة متشطبة سوبر لوكس جوة كومباوند ارخص من شقة جنبك في الشارع مش جوة كومباوند و علي المحارة يعني يوم اما هتازم معاك خلص اقساطها و بيعها هتكسب فيها 200% علي الاقل المنطقة دي بتغلي كل يوم بصورة فظيعة
ملخص الكلام عشان لو تهت مني : لو زي حالاتي متقدرش تدفع مليون جنيه كاش في شقة في القاهرة الحديدة في موقع محترم بس تقدر تدفع مقدم حوالي 150 الف تزيد او تقل حسب المساحة اللي هتختارها و تدفع قسط شهري في حدود 8 الاف يقل او يزيد حسب المساحة يبقي اتوكل علي الله الموقع تحفة و انا بقولك عن يقين مش هتلاقي سعر المتر ده في المنطقة دي ولا حتي نص تشطيب مش تشطيب كامل ولا حتي في الشارع مش جوة كومباوند اما لو ربنا موسع عليك ومعاك كاش كبير روح خدللك شقة فيلا في القرنفل 180 متر و انت طالع و هتبقي قاعد في شقة دور جوة فيلا دورين + ارضي بس هتحتاج كاش كبير
استخير ربنا و لو هتقدر علي قسطها توكل علي الله القاهرة الجديدة بقت حلم دلوتي الاسعار وصلت للخيال لو عرفت تلحق فيها حاجة انت الكسبان حكومة بقي ولا قطاع خاص مش هتفرق .. و اخيرا انا بتكلم عن المنطقة المذكورة تحديدا جايز مناطق تانية تبقي غالية انا معرفش انما باكدلك المنطقة دي ارخص عن القطاع الخاص اللي عالمحارة انزل اسال بنفسك و ربنا يوفقك للخير

انا شاكر ذوقك وتعبك جدا
فعلا انا كنت محتاج رد من حد درس المنطقة وعارفها
ربنا يبارك فيك
ولو نويت واخدت هناك ابقي عرفني
يمكن نطلع جيران في الاخر

**egyptawy2010** · 15-12-2014 02:29 PM

هى الاسعار بكام ونظام الدفع ولو واخددها استثمار هل هواستثمار كويس

**a7medalaa** · 15-12-2014 02:42 PM

المشاركة الأصلية كتبت بواسطة khaloooda

انا شاكر ذوقك وتعبك جدا
فعلا انا كنت محتاج رد من حد درس المنطقة وعارفها
ربنا يبارك فيك
ولو نويت واخدت هناك ابقي عرفني
يمكن نطلع جيران في الاخر

ربنا يكرمك و يوفقك للخير ان شاء الله و لو عندك اي سؤال في المنطقة دي تحديدا تحت امرك
انا حجزت هناك فعليا و ان شاء الله نطلع جيران لو ربنا كرمنا و الله يقوينا علي اققساطها :d

**tkamal** · 15-12-2014 02:46 PM

a7medalaa تسلم ايدك وكلامك انت عظيم يابنى واكدت وجهه نظرى

ناقص تاكيد واحد
الشقه فى فيلا فى القرنفل تعمل كدة حسبه 850 الف لو على مساحه 180
وتبقى على المحارة مع دفع النص وتقسيط النص صحح الكلام ؟

**a7medalaa** · 15-12-2014 03:07 PM

المشاركة الأصلية كتبت بواسطة egyptawy2010

هى الاسعار بكام ونظام الدفع ولو واخددها استثمار هل هواستثمار كويس

اي استثمار عقاري هو استثمار ناجح و مربح و يا سلام لو في منطقة مستقبلها رائع زي القاهرة الجديدة او 6 أكتوبر او الشيخ زايد فعلا فلوسك هتتضاعف بس في حاجة مهمة مش مسموحلك تبيع الشقة قبل ماتخلص الاقساط اللي عليها يعني متعملش حسابك علي بيع قبل ماتخلص اقساطها
و بالنسبة للاسعار كان في اخ محترم عامل scan لكراسة الشروط و حاططها في موضوع تقدر تعرف منها الاسعار بالتفصيل لان الاسعار حسب الموقع و المساحة
http://www.nilemotors.net/Nile/449196-200.html

**a7medalaa** · 15-12-2014 03:33 PM

المشاركة الأصلية كتبت بواسطة a_taamer

a7medalaa تسلم ايدك وكلامك انت عظيم يابنى واكدت وجهه نظرى

ناقص تاكيد واحد
الشقه فى فيلا فى القرنفل تعمل كدة حسبه 850 الف لو على مساحه 180
وتبقى على المحارة مع دفع النص وتقسيط النص صحح الكلام ؟

ربنا يكرمك و شكرا علي ذوقك مظبوط كده شقة في القرنفل هتعمل فعلا في الحدود دي اغلب المساحات اللي هتلاقيها من 180 ل 250 متر و الاسعار بتتراوح من 850 الف ل مليون و نص حسب الموقع و المساحة و قربها من الخدمات و التشطيب و الواجهة و الكلام ده كله و ليك حصة في الجراج طبعا و المنطقة دي فعلا رائعة و هيبقي ليها مستقبل رائع بص الموضوع محتاج منك لفة الاول علي النت علي مواقع زي عقار ماب و سوق العقار .... تعرف ال range و بعدين انزل بنفسك اتفرج بص دي خريطة القرنفل عشان تعرف ازاي تروح شوف اقرب طريق ليك بس بلاش تدخل من شارع ال90 الشمالي من ناحية طريق السويس عشان لسة فيه حتت عايز الاسفلت يتظبط و هتدايقك في السواقة ادخل احسن من شارع ال 90 وخش من جنب downtown علي شارع ال 90 الشمالي و كمل لبعد جامعة المستقبل لحد ماتوصل لنادي المعادي بعده بحاجة بسيطة هتلاقي علي شمالك فيلات القرنفل و علي يمينك فيلات التمرحنة اتفرج و اسأل و لف :D منطقة القرنفل - القاهرة الجديدة

ودي خريطة القرنفل http://diar-invest.com/images/Projec...0_27/map_6.jpg

و طالما مهتم بالقاهرة الجديدة الخريطة دي هتفيدك برضه
http://www.egyptiantalks.org/invb/up...1224191261.jpg

ربنا يوفقك للي فيه الخير

**حسام الغرباوي** · 15-12-2014 05:46 PM

المشاركة الأصلية كتبت بواسطة a7medalaa

بص يا باشا انا هتكلم عن الموقع اللي في القاهرة الجديدة اللي عند فيلات القرنفل و اارحاب و ااكلام اللي هقوله مش تعميم عشان خبرتي فقط في القاهرة الجديدة
اولا الموقع: منطقة قصور الشرباتلي علي يمينك منطقة فيلات التمرحنة بعدها اراضي بيت الوطن و بعدها مدينتي علي شمالك الرحاب و في ظهرك منطقة فيلات القرنفل و في وشك حتة ارض فضاء هتتعمر في المستقبل بعدها طريق السويس انا نزلت عاينت الموقع اولا الحتة دي منسوبها مرتفع يعني درجة ااحرارة هتبقي معقولة في الصيف و تلج زي مدينتي في الشتاء و هتشوف من بلكونتك الرحاب نظرا لانها مرتفعة عن منسوب الرحاب و تاني اهم نقطة انها بعيدة بمسافة كبيرة عن خطوط نقل كهرباء الضغط العالي ( ميعرفش اضررها الا اللي درسها) :d المفيد ان الموقع 10 علي 10 و في اقل من سنتين المنطقة دي هتبقي من اغلي المناطق في مصر كلها و افتكرني ساعتها :d
ثانيا اسعار المنطقة: منطقة قيلات القرنفل المتر فيها بيبتدي من 4600 جنيه علي المحارة و اقل مساحة 180 متر و عليها نسبة تحميل فوق ال 25% .. منطقة التمرحنة المتر فيها بيبتدي من 4500 برضه علي المحارة و مفيش تسليم فوري لان المنطقة كلها لسة بتتبني منطقة الرحاب كلنا عارفين المتر بيبتدي من 7000 جنيه فالاخوة الكرام اللي بيقولو تاخد قطاع خاص ارخص كامل الاحترام بس ده مش مظبوط
تالت نقطة تسهيلات السداد: اقصي تسهيلات سداد في القاهرة الجديدة كلها بتكون تدفع في حدود 35% مقدم و تقسط علي 30 شهر دي اقصي حاجة شفتها و في الاماكن اللي لسة صحراء زي اللوتس و ابو الهول انما منطقى القرنفل اقصي تسهيلات هتكون 40 الي 50% مقدم
رابع نقطة الطرق و المحاور الرئيسية: يمينك شارع التسعين الشمالي واحد من 3 اكبر شوارع في القاهرة الجديدة كلها بينك و بينه حوالي 1 كم يعني في ثانية توصله و في نفس الوقت بعيد بما يكفي انك متوصلكش دوشته في المستقبل ممكن تدخل بيتك من 5 مداخل علي الدائري و تكمل جوة القاهرة الجديدة لحد متوصل او من مدخلين من علي طريق العين السخنة و تكمل لحد متوصل او من الطريق الدائري التاني اللي بيوصل بين طريق السخنة و طريق السويس و بيعدي علي مدينتي او من 4 مداخل علي طريق السويس 2 منهم يوصلوك مباشرة بدون لف جوة القاهرة الجديدة و دي في رايي اهم نفطة في الموقع و هو تعدد المحاور
مساحات الشقق: المساحة بتتحسب بعد رفع الحوائط وده المتعارف عليه لو اشتريت من اي حد سواء شركة او افراد او حكومة
الخدمات: حسب كراسة الشروط هيبقؤ كومباوند مغلق محاط بسور من وحزام من الاشجار وعندك اسانسير و اماكن ركنات و حسب الرسومات التخطيطية للموقع هيبقي فيه منطقتين خدمات و مساحات خضراء يعني كومباوند محترم افلحوا ان صدقوا و ان لم يصدقوا فانت مش خسران حاجة انت شاري شقة متشطبة سوبر لوكس جوة كومباوند ارخص من شقة جنبك في الشارع مش جوة كومباوند و علي المحارة يعني يوم اما هتازم معاك خلص اقساطها و بيعها هتكسب فيها 200% علي الاقل المنطقة دي بتغلي كل يوم بصورة فظيعة
ملخص الكلام عشان لو تهت مني : لو زي حالاتي متقدرش تدفع مليون جنيه كاش في شقة في القاهرة الحديدة في موقع محترم بس تقدر تدفع مقدم حوالي 150 الف تزيد او تقل حسب المساحة اللي هتختارها و تدفع قسط شهري في حدود 8 الاف يقل او يزيد حسب المساحة يبقي اتوكل علي الله الموقع تحفة و انا بقولك عن يقين مش هتلاقي سعر المتر ده في المنطقة دي ولا حتي نص تشطيب مش تشطيب كامل ولا حتي في الشارع مش جوة كومباوند اما لو ربنا موسع عليك ومعاك كاش كبير روح خدللك شقة فيلا في القرنفل 180 متر و انت طالع و هتبقي قاعد في شقة دور جوة فيلا دورين + ارضي بس هتحتاج كاش كبير
استخير ربنا و لو هتقدر علي قسطها توكل علي الله القاهرة الجديدة بقت حلم دلوتي الاسعار وصلت للخيال لو عرفت تلحق فيها حاجة انت الكسبان حكومة بقي ولا قطاع خاص مش هتفرق .. و اخيرا انا بتكلم عن المنطقة المذكورة تحديدا جايز مناطق تانية تبقي غالية انا معرفش انما باكدلك المنطقة دي ارخص عن القطاع الخاص اللي عالمحارة انزل اسال بنفسك و ربنا يوفقك للخير

بص انا مرحتش المناطق بالظبط بس مش زي ما حضرتك كاتب كدا بالظبط

اول حاجة بخصوص سعر المتر ...الحكومة منزلة سعر المتر 4250 جنية + 2 % نسبة تميز للادوار من الثاني الي القبل الاخير + 5 % صيانة ...يبقي كدا سعر المتر واقف ب4550 .....ودا سعر المتر الطبيعي برة ( ودا في المناطق المسكونة فعلا وفيها خدمات و و و ) وكمان في اسعار اقل ....يعني احنا ممكن نفترض ان سعر الحكومة نفس سعر الخاص ( تقريبا )

الفرق بقي ان الحكومة انتا مش ضامن منها اي حاجة زي الخاص

1 - الخاص برة العمارات فيها احدث اسانسيرات ..ألحكومة بتقلك هنعمل اسانسير واحد في كل عمارة ..
2 - بخصوص العزل ...الحكومة مش منزلة اي شيء بخصوص العزل ...ولما الناس سألت قالت هنشوف الموضوع دا
3 - بخصوص اماكن البارك ..الحكومة قالت هنعمل لكل مجموعة عمارات بارك ....طبعا الخاص مش كدا خالص ..
4 - غير كدا ..الكمبوندات الخاصة فيها امن وحراسة ونظافة ...الخ ..دا مش متوفر في الحكومي !!
5 - غير كدا الحكومة التشطيب بتاع الحكومة مش سوبر لوكس ولا حاجة ...مين قالك كدا ؟؟؟ دا اصلا مش مكتوب في كراسة الشروط او العقد ان في بند تشطيب ...هما قالو ان في تشطيب بعدها بس مش محدد نوع التشطيب
6 - الاستلام بعد سنتين !!!!!!!!! دا علي كلام الحكومة طبعا ..يعني اعتقد مش اقل من 3 سنين

**a7medalaa** · 15-12-2014 06:09 PM

المشاركة الأصلية كتبت بواسطة حسام الغرباوي

بص انا مرحتش المناطق بالظبط بس مش زي ما حضرتك كاتب كدا بالظبط

اول حاجة بخصوص سعر المتر ...الحكومة منزلة سعر المتر 4250 جنية + 2 % نسبة تميز للادوار من الثاني الي القبل الاخير + 5 % صيانة ...يبقي كدا سعر المتر واقف ب4550 .....ودا سعر المتر الطبيعي برة ( ودا في المناطق المسكونة فعلا وفيها خدمات و و و ) وكمان في اسعار اقل ....يعني احنا ممكن نفترض ان سعر الحكومة نفس سعر الخاص ( تقريبا )

الفرق بقي ان الحكومة انتا مش ضامن منها اي حاجة زي الخاص

1 - الخاص برة العمارات فيها احدث اسانسيرات ..ألحكومة بتقلك هنعمل اسانسير واحد في كل عمارة ..
2 - بخصوص العزل ...الحكومة مش منزلة اي شيء بخصوص العزل ...ولما الناس سألت قالت هنشوف الموضوع دا
3 - بخصوص اماكن البارك ..الحكومة قالت هنعمل لكل مجموعة عمارات بارك ....طبعا الخاص مش كدا خالص ..
4 - غير كدا ..الكمبوندات الخاصة فيها امن وحراسة ونظافة ...الخ ..دا مش متوفر في الحكومي !!
5 - غير كدا الحكومة التشطيب بتاع الحكومة مش سوبر لوكس ولا حاجة ...مين قالك كدا ؟؟؟ دا اصلا مش مكتوب في كراسة الشروط او العقد ان في بند تشطيب ...هما قالو ان في تشطيب بعدها بس مش محدد نوع التشطيب
6 - الاستلام بعد سنتين !!!!!!!!! دا علي كلام الحكومة طبعا ..يعني اعتقد مش اقل من 3 سنين

بص يا باشا عشان نوضح الامور اولا انا الحكومة مش هتديني مليم لو حضرتك روحت اشتريت فا ردي كان بناء علي معلومات حبيت اوصلها لشخص محتاجها
ثانيا نيجي للنقاش:
المنطقة في منطقة قصور الشربتلي و في ضهرك فيلات القرنفل و علي يمينك فيلات التمرحنة وعلي شمالك الرحاب تقدر تشوف حضرتك ده من علي جوجل او تروح بنفسك
يا فندم خلينا نحسبها بالورقة و القلم انا دلوقتي واحد عايز اسكن في حي راقي في القاهرة الجديدة اقل حي سعر المتر فيه 3900 ده في ابو الهول اللي لسة صحراء و تبتجي تطلع لحد متوصل ل 6500 جنوب الاكاديمية و او دخلت جوة الكومبوتدز المتر هيبتدي من 5500 لحد 11 الف جنيه كويس خلينا نمسك العصاية من النص حضرتك هتنزل القرنفل تسال هيقولك سعادة الباشا المتر بيبتدي من 4500 لحد 5500 ( في الشارع مش كومباوند مغلق باسوار زي دار مصر ) هتقوله ماشي يا سيدي فرجني هيقولك سعادة الباشاا لا احنا لسة بنبني هتقوله طب استلم امتي هيقولك 2016 2017 هتقوله نوع التشطيب هيقولك نص تشطيب يعني عالمحارة من الاخر يعيني زود 700 جنيه علي سعر المتر تمن التشطيب اللي هتدفعه انت هتقوله طب التسهيلات هيقولك انا هعملك عرض عظيم و خصم متين هتدفع 45% و الباقي علي 3 سنين و تستلم بعد ستين و نص يعنب انا محتاج 400 الف كاش علي الاقل عشن اخد حاجة في نفس المكان تبع القطاع الخاص .. و الله يا باشا ليس دفاعا و لكن هو ده الامر الواقع انا بكلمك بطريقة استثمارية بحتة لا ليا علاقة زيد اللي عملها ولا عبيد
تاني نقطةكاسة الشروط مكتوب فيها ان الوديعة للصيانة و الامن و ده متعارف عليه في اي كومباومد في البلد بتدفع وديعة عشان الصيانة و الامن و العمارة فيها اسانسير و مفيش عمارة في لقاهرة الجديدة كلها فيها اكتر من اسانسير هعمل بيهم ايه هو واحد يكفي التشطيب علي لسان الوزير قال سوبر لوكس و هتختار اطقم الحمامات و الوان الدهانات و الكلام ده مكور نصا علي موقع هيئة المجتمعات العمرانية يعني مينفعش يقولو مقولناش
البارك وفقا لمخطط المشروع اللي كان محطوط علي موقع الهيئة البارك هيكون مكان مخصص امام العمارات مش تحت الارض
الاستلام بعد 18 شهر
ارجو عدم تحويل الموضوع لنقد سياسي او حكومي الموضوع استثماري بحت اننا بتكلم من وجهة نظر السوق ارجو تفهمني المشروع فعليا ارخث من العمارات اللي في الشارع اللي بيبعها القطاع الخاص و هو كومباوند
تشرفت بالنقاش معاك يا فندم