الموضوع: القول الفصل في شقق الاسكان

علن الدكتور مصطفى مدبولى، وزير الإسكان والمرافق والمجتمعات العمرانية، تيسيرات جديدة، لمشروع دار مصر، للإسكان المتوسط، تلبية لرغبة عدد كبير من الحاجزين فى المشروع، عن طريق الصحف والبرامج الفضائية، أهمها زيادة فترة السداد دون فوائد إلى 5 سنوات بدلا من 4 سنوات. وقال الوزير فى تصريحات صحفية إن أسلوب السداد الجديد الذى تم الموافقة عليه، هو سداد 10 % كدفعة حجز، ومثلها كدفعة تعاقد، موضحا أنه بعد دفعة التعاقد سيتم سداد دفعات ربع سنوية، وذلك فى العام الأول، تقدر بـ 7500 جنيها للوحدات الصغيرة ، و10 آلاف جنيه للوحدات الكبيرة. وأضاف الوزير :" بالنسبة للوحدات بمساحتى 100 و115 مترا، سيتم سداد 7500 جنيه دفعة ربع سنوية، بإجمالى 30 ألف جنيه سنويا، وللوحدات ذات مساحات 130 و140 و150 مترا، سيتم سداد 10 آلاف جنيه دفعة ربع سنوية، بإجمالى 40 ألف جنيه". وأشار الوزير إلى أنه بعد إنتهاء العام الأول سيتم سداد المبلغ المتبقى بطريقين وفقا لرغبات الحاجزين، الأول عن طريق السداد عن طريق التمويل العقارى، والثانى عن طريق السداد على 16 دفعة ربع سنوية دون فوائد مباشرة مع هيئة المجتمعات العمرانية الجديدة. وأكد الوزير أن بهذه التيسيرات ستزيد المدة المقررة للسداد دون فوائد إلى 5 سنوات، موضحا أنه بالنسبة للتمويل العقارى، فإنه وفقا للموافقة الأخيرة للبنك المركزى سيتم تمويل الوحدات بمبادرة التمويل العقارى، حتى 500 ألف جنيه للوحدة، بفائدة متناقصة 8 % ، أى كلما يقل المبلغ تقل الفائدة. وعلى صعيد متصل، واصلت هيئة المجتمغات العمرانية الجديدة، الرد على استفسارات الحاجزين وراغبى الحجز فى المشروع، وأكد المهندس وليد عباس، مدير المكتب الفنى بقطاع التخطيط والمشروعات، أن هناك إمكانية لاختيار ألوان الحوائط والسيراميك، قبل التسليم، موضحا أن سيوجد انتركم مركزي من داخل الشقة إلى بوابات الكومباوند الرئيسية، وناد رياضى، وأقل مسافة بين العمارات من الواجهة الأمامية تصل إلى 8 أمتار. وأشار عباس إلى أنه لراغبى الإطلاع على الماستر بلان للمشروع، يمكن الإطلاع عليه من هيئة المجتمعات العمرانية الجديدة. وحول التشطيبات، أكد وليد عباس، أنه توجد كرانيش بأسقف صالة الاستقبال، ودهانات الحوائط الداخلية وجهين معجون وثلاثة أوجه بلاستيك، وفتحات الواجهات من الألومنيوم ذات القطاعات الثقيلة، أما الأرضيات فمن السيراميك فرز أول 40 x40 والحوائط للحمامات والمطابخ سيراميك فرز أول 20 x30 ، وجميع أطقم الصحى ايديال استاندرد أو ديورافيت، والمداخل رخام جرانيت والسلالم من الرخام الجلالة. وأوضح عباس أن كل الوحدات داخل تجمع سكنى محاط بأسوار ذات خدمات خاصة سور سلك بجانب سياج شجرى.

المصدر: البيان الرسمي لهيئة المجتمعات العمرانية
http://www.newcities.gov.eg/dispNews.aspx?ID=1111

محدش ساكن قريب من القصر العيني يعدي علي هيئة المجتمعات العمرانية في شارع اسماعيل اباظة متفرع من شارع القصر العيني ينوبوا فينا ثواب و ندعيله :D عشان مشغول جدا و الله اليومين دول و مشوار عليا محتاج افضي يوم يجيبلنا ال master plan بتاع القاهرة الجديدة القرنفل من المكتب الفني

المشاركة الأصلية كتبت بواسطة eslam.elrefaey

استفسار بسيط على التعديل الاخير علشان مش فاهم اللفظ هل المبادرة الى بقت ب 500 ألف بدل 400 ألف دى تمن الوحده زى زمان ولا (مش فاهم اللفظ المكتوب) انى لو مقدم على مثلا الوحدة الى ب 650 ادفع الفرق واتمتع بالمبادرة

انت كان متاح ليك اختيارين للدفع ياما علي 4 سنوات بدون فوايد ياما تمويل عقاري حسب دخلك ممكن لحد 20 سنة بفايدة 8% تناقصية بس التمويل العقاري كان بيغطي الوحدة اللي تمنها لحد 400 الف التعديل انك دلوقتي البنك بيغطي التمويل للوحدة اللي تمنها لحد 500 الف و اول سنة هتدفع 7500 كل 3 شهور لو واخد شقة 115 او 100 متر لو اكبر هتدفع 10 الاف كل 3 شهور لمدة سنة بعد السنة ماتخلص قدامك اختيار من اتنين يا تكمل باقي الاقساط علي 4 سنين مع الهيئة بدون فوايد ياتدخل التمويل العقاري و البنك هو يدفع للهيئة وانت تقسط زي مقولنا علي فترة مريحة حسب دخلك

هي الناس كلها هتحجز في القاهره الجديده بس ولا ايه :)
طب ايه اخبار الشروق وبدر :)
أنا بنسبه كبيره هحجز في بدر :)
حد ناوي على بدر :)

المشاركة الأصلية كتبت بواسطة amro_on

هي الناس كلها هتحجز في القاهره الجديده بس ولا ايه :)
طب ايه اخبار الشروق وبدر :)
أنا بنسبه كبيره هحجز في بدر :)
حد ناوي على بدر :)

بص يا باشا الموقع اللي في الشروق كويس و الموقع اللي في بدر كويس جدا انا شخصيا شايف موقع بدر افضل كتير من موقع المشروع في الشروق اولا لان موقع الشروق في نص المدينة يعني لو داخل من طريق السويس هتمشي كتير جدا جوة المدينة ولو جاي من طريق اسماعيلية هتمشي برضه كتير جوة المدينة
اما موقع بدر فهوة في الحي المتميز انا نزلت عملت زيارة للحي المتميز من حوالي شهر عشان كنت بفكر اخد ارض هناك بناء علي نصيحة د/محمد بس لاقيت الموضوع اعلي من امكانياتي فعلا منطقة الحي المتميز في قمة الروعة و الشوارع و اسعة جدا و اتجاه رايح و اتجاه راجع في كل الشوارع حتي الجانبية و في حارات خدمة علي الشوارع الرئيسية و ميادين و مساحات خضراء و هي علي طريق السويس مباشرة او متخش من مدخل بدر في مدخل خاص للحي المتميز و ماشاء الله مبني هناك فيلل تحفة ما شاء الله انزل خد جولة هناك.
انا لو منك اخد في المتميز و اوفر فلوسي مش هتفرق خالص في المستوي عن الشروق ده ان ماكنش الحي ده بالذات مستقبله احسن من الشروق بس ده مش تعميم علي بدر للاسف بدر فيها حتت جوة تكاتك و باعة جائلين و حاجة قرف بس دول هتبقي معزول عنهم

كان في تعليق لدكتور محمد هيفيدك جدا

المشاركة الأصلية كتبت بواسطة mfe

المشاركة دى لحضرتك و استاذ عبد الحكيم
بص ياباشا بدر مدينة قديمة من اقدم المدن الجديدة فى مصر نقول ايه عيوبها و مزاياها
عيوبها الاول
معظم السكان القدامى من الطبقة المتوسطة او اقل
فيها مساكن شعبية فى بعض اجزائها
بعدها النسبى عن القاهرة
طب المزايا
مدينة جميلة و منظمة
فيها اراضى كتير فاضية معظمها فاضى
فيها كل الخدمات الممكنة
طيب انا برشح ايه بالضبط فى بدر
القصة و ما فيها ان الدولة كانت بتنزل ارض بدر تخصيص و قرعة مساحات صغيرة محدش كان بيحجز فيها كله رايح على الشروق و العبور ففى سنة من السنين ٢٠٠٧ على ما اذكر او ٢٠٠٨ الدولة اتجننت و راحوا مقسمين واجهة المدينة على طريق السويس الى هو اميز منطقة قسمين قسم حصصوه مشروعات و التانى اراضر فيلل بمساحات من ٦٠٠ الى ١٦٠٠ متر و راحو منزلينها قرعة و كانت القرعة الرابعة ساعتها
الاراضى ساعتها اتباعت كلها لبناء فيلل دورين على ٤٠٪ من مساحة الارض
المفاجاة كمان انهم عملوها منطقة مغلقة محاطة بحزام اخضر من جميع الجهات و ليها ثلاثة مداخل بس عليها بوابات امنية
يعنى مبقاش ليك علاقة ببدر نفسها بقت كانها منطقة قيلات على طريق السويس ادام مدينتى
طبعا الى موقفها اسم مدينة بدر لكن الواقع العملى من جودة السكن اقدر اقارنها بالشروق الى السعر فيها ثلاثة اضعاف على الاقل
طب لما نعرف كمان ان جامعة بدر الجديدة هتبقى جنبها و ان مركز تسوق عالمى هيبقى جنبها مباشرة يبقى نتحمس اكتر شوية
طب لما بقى كمان نعرف ان الدولة سعرت المتر من سنتين فى المنطقة دى ب ٢٥٠ دولار المتر كاراضى العاملين فى الخارج يبقى نقدر ساعتها نعتبر انها فرصة معمارية
طب احنى ناخدها و نستنى ايه او هتعلى امتى
اما مشروع مصر الجديدة يتبنى و هو مش بعيد عنها و يطرح متر الارض فيه ب ٥ الاف و اما القوات المسلحة تبدا فى الامتداد الى بعدها يبقى ساعتها نبيع بمكسب او نسكن و احنا فرحانين بمستوى السكن الى حوالينا
الى عايز يروح الارض هى واجهة بدر على طريق السويس و معظمها مبنى مش ارض فاضية و فيها قصور بمعنى الكلمة اول متدخل بدر خش يمين من طريق ضيق هتلاقى بوابة امنية هيفتحلك عادى خش و هتلاقى ناس كتير عارضين بس لف شوية و خد ارقام و اسال و دور و فاصل
و لو خدت و ربنا كرمك فيها فى يوم من الايام ان شاء الله بس ادعيلى دعوة حلوة

مافيش حد ينوبه ثواب ويقولنا موقع الشروق أخباره ايه؟
هل حواليه اسكان شباب ولا أهالى او فيلات؟
وأخبار الطرق المؤديه ليه ايه؟
والمنطقة عمرانة ولا ايه؟