الموضوع: القول الفصل في شقق الاسكان

المشاركة الأصلية كتبت بواسطة a7medalaa

بص يا باشا عشان نوضح الامور اولا انا الحكومة مش هتديني مليم لو حضرتك روحت اشتريت فا ردي كان بناء علي معلومات حبيت اوصلها لشخص محتاجها
ثانيا نيجي للنقاش:
المنطقة في منطقة قصور الشربتلي و في ضهرك فيلات القرنفل و علي يمينك فيلات التمرحنة وعلي شمالك الرحاب تقدر تشوف حضرتك ده من علي جوجل او تروح بنفسك
يا فندم خلينا نحسبها بالورقة و القلم انا دلوقتي واحد عايز اسكن في حي راقي في القاهرة الجديدة اقل حي سعر المتر فيه 3900 ده في ابو الهول اللي لسة صحراء و تبتجي تطلع لحد متوصل ل 6500 جنوب الاكاديمية و او دخلت جوة الكومبوتدز المتر هيبتدي من 5500 لحد 11 الف جنيه كويس خلينا نمسك العصاية من النص حضرتك هتنزل القرنفل تسال هيقولك سعادة الباشا المتر بيبتدي من 4500 لحد 5500 ( في الشارع مش كومباوند مغلق باسوار زي دار مصر ) هتقوله ماشي يا سيدي فرجني هيقولك سعادة الباشاا لا احنا لسة بنبني هتقوله طب استلم امتي هيقولك 2016 2017 هتقوله نوع التشطيب هيقولك نص تشطيب يعني عالمحارة من الاخر يعيني زود 700 جنيه علي سعر المتر تمن التشطيب اللي هتدفعه انت هتقوله طب التسهيلات هيقولك انا هعملك عرض عظيم و خصم متين هتدفع 45% و الباقي علي 3 سنين و تستلم بعد ستين و نص يعنب انا محتاج 400 الف كاش علي الاقل عشن اخد حاجة في نفس المكان تبع القطاع الخاص .. و الله يا باشا ليس دفاعا و لكن هو ده الامر الواقع انا بكلمك بطريقة استثمارية بحتة لا ليا علاقة زيد اللي عملها ولا عبيد
تاني نقطةكاسة الشروط مكتوب فيها ان الوديعة للصيانة و الامن و ده متعارف عليه في اي كومباومد في البلد بتدفع وديعة عشان الصيانة و الامن و العمارة فيها اسانسير و مفيش عمارة في لقاهرة الجديدة كلها فيها اكتر من اسانسير هعمل بيهم ايه هو واحد يكفي التشطيب علي لسان الوزير قال سوبر لوكس و هتختار اطقم الحمامات و الوان الدهانات و الكلام ده مكور نصا علي موقع هيئة المجتمعات العمرانية يعني مينفعش يقولو مقولناش
البارك وفقا لمخطط المشروع اللي كان محطوط علي موقع الهيئة البارك هيكون مكان مخصص امام العمارات مش تحت الارض
الاستلام بعد 18 شهر
ارجو عدم تحويل الموضوع لنقد سياسي او حكومي الموضوع استثماري بحت اننا بتكلم من وجهة نظر السوق ارجو تفهمني المشروع فعليا ارخث من العمارات اللي في الشارع اللي بيبعها القطاع الخاص و هو كومباوند
تشرفت بالنقاش معاك يا فندم

كلام معقول لكن الى مخوفنى ضعف الاقبال الشديد

وياترى انت بتختار الموقع بتاع العمارة ولا انت وحظك

مش عارف بالنسبه للتجمع, لكن بالنسبه لأكتوبر تقريبا بالسعر العادي
هل هيبقى التسليم زي شقق بنك الاسكان زمان ؟ ولا عمارات لازقه في بعض وكده
انا رأيي انك تنزل الموقع لو تقدر, تشوف التصاميم
تشوف العقد بيتكتب فيه ايه كده يعني

المشاركة الأصلية كتبت بواسطة egyptawy2010

كلام معقول لكن الى مخوفنى ضعف الاقبال الشديد

وياترى انت بتختار الموقع بتاع العمارة ولا انت وحظك

و الله دي نفطة مفدرش افتي فيها لاني مش في موقف المدافع عن الحكومة هما الصراحة سياستهم التسويقية متخلفة و ده في وجهة نظري اللي سبب كده بس انا شايف انك تدرس الموضوع من كل جوانبه و تسال و تنزل تتفرج في المنطقة و اسال علي الاسعار و متحطش في دماغك كام واحد حجز 100 زي الف هو انت لما بتروح تحجز شاليه ولا شقة من شركة خاصة بتسالهم كام واحد حجز
بتختار الدور و المساحة انما الموقع لا

المشاركة الأصلية كتبت بواسطة linuxstorm

يا استاذ a7medalaa

بما انك زورت المكان هل فعلا المدخل بتاعها من على المقابر و هيا بتبص على المقابر ولا بعيد ؟

شوف صورة الخريطة هنا

http://www.islamup.com/do.php?img=4517

وبالنسبة للشراء كأستثمار كام ممكن يكون سعر الايجار المتوقع بعد استلامها ؟

وشكرا لك

لا بص يا باشا المقابر ملهاش مدخل من ناحية القاهرة الجديدة اطلاقا و معزولة تماما عنها المدخل بتاع المقابر من علي طريق السويس فقط و المقابر بعيدة عن المشروع و المنطقة اللي فيها دار مصر هي اصلا منطقة قصور الشربتلي مش حتة ارض في الصحراء يعني و ليها طرق و مداخل و مخارج اقرب 3 مخارج ليها مخرج علي شارع ال 90 الشمالي و مخرجين علي طريق السويس و المقابر اصلا مش هتشوفها و انت داخل ولا و انت خارح الا لو دخلت من الدخلة اللي بعد المقابر من طريق السويس و اصلا الارض اللي بينك و بين المقابر و علي يمين و شمال المقابر لزق فيها دي في تخطيط الجهاز و كل خرايط القاهرة الجديدة هي منطقة اسكان فندقي فاخر يعني هتتباع لمستثمرين و هتتعمل كومباوندز فاخرة نز خريطة القاهرة الجديدة من اي حتة و هتفهمني

ق

المشاركة الأصلية كتبت بواسطة abdulkhaleq

مش عارف بالنسبه للتجمع, لكن بالنسبه لأكتوبر تقريبا بالسعر العادي
هل هيبقى التسليم زي شقق بنك الاسكان زمان ؟ ولا عمارات لازقه في بعض وكده
انا رأيي انك تنزل الموقع لو تقدر, تشوف التصاميم
تشوف العقد بيتكتب فيه ايه كده يعني

لا كومباوند مغلق و فيه مساحات خضراء و العمارات بعيدة عن بعض وفيه باركنج ده مش اسكان اجتماعي يا جماعة هو ده اللي مسبب اللغط اللي عند الناس من الاخر الحكومة لاقت القطاع الخاص بيكسب من الكوباوندز بالهبل فقالو طب ليه منعملش كومباوند يكون سعره ارخص من الشركات العقارية في رايي كل اللغط سببه التسويق الغبي من الحكومة هو ببساطة كومباوند سكني مش مدعوم للقادرين بسعر اقل نسبيا عن القطاع الخاص ده رسومات مخطط الموقع اللي الهيئة نزلتها عاشن الصورة تقرب من اذهان الناس المنطقة البني دي مناطق الخدمات