الموضوع: القول الفصل في شقق الاسكان

المشاركة الأصلية كتبت بواسطة a_taamer

نقاش مثمر ان شاء الله ليس هدفه غير النصيحه والتوجيه وارجو البعد عن المشاحنات

انا رفعت المساحات من كراسه الشروط للنموذج b مساحه 140 متر وطلع صافى المساحه 108.5
تراس 2 مش متاكد من المساحه بالضبط

مظبوط بنسبة تحميل 22.5% اقل نسبة تحميل في القاهرة الجديدة 25% وترتفع في بعض الاماكن و تتجاوز ال 35% ودي نقطة مهمة جدا لازم الكل يراعيها وقت شراء عقار سواء من شركة او حكومة او افراد عشلن متلاقيش نفسك دافع تمن شقة 220 متر و تيجي تقيسها تلاقيها 140 متر مثلا ! ودي كانت شكوي اكتر من جار ليا كانوا شاريين تبع شركة كانت عاملة مجموعة عمارات وبعد ماستلموا لاقوا للمساحة اصغر بكتير فكنت واقف معاهم ساعة الثورة فكلهم بيقولو دي شركة نصابة لا الشركة مش نصابة هما اللي كانو فاهمين غلط لان فعليا مفيش اي بائع في سوق العقارات بيجمع مساحات الغرف و يعتبرها هي دي المساحة الكلية .. التراس الصغي 1.25×1.25 الكبير 1.25×4

المشاركة الأصلية كتبت بواسطة swimmer25

فعلا الجزء المالي مش كاتب عن المصاريف الإدارية ومجلس الأمناء ومكتوب فعلا في حالة التنازل قبل وبعد الإستلام فقط
بالنسبة للكمبوند بردو مش أكيد بس مش هجادل لأني قلت رأيي وخلاص
وبالنسبة للمصاعد حضرتك مردتش فين الرسم ده في كراسة الشروط

ده رمز الاسانسير في الرسم الهندسي المعماريhttp://www.edrawsoft.com/symbols/elevator.png
http://www.edrawsoft.com/solutions/s...lding-core.png

هتلاقيه مذكور في المخطط في كراسة الشروط مثلا عندك بين مدخل 2 و 3 في نموذج B رمز الاسانسير حتي هتلاقي رسمة بير الاسانسير كمان موضحة بخط اسود سميك ( خرسانة)

المشاركة الأصلية كتبت بواسطة ZAMTRANS

أستاذ أحمد علاء، شكراً على ردودك القيمة في الموضوع وباقي الأعضاء في الحقيقة نقاش شامل ووافي

لو سمحت من وجهة نظرك أي النموذجين أفضل أ ولا ب وأي الشقق أمامية وخلفية وأيه رأيك في مساحة 140 في النموذج ب هل أمامية ولا خلفية وتطل على باركنج ولا حديقة يعني باختصار اللي عايز يحجز ايه وشكرا مقدما

عفوا شكرا علي ذوقك
في رايي نموذج B افضل بيحقق ال privacy يعني لو عندك ضيف في الصالة اهل البيت يقدروا يقعدوا براحتهم في الاوض و زوجتك تقدر تستخدم المطبخ براحتها من غير ماتعدي علي الصالة و لو الضيف حب يدخل الحمام برضه مش هيتعدي علي خصوصية البيت عشان في حمام في الصالة مش جارح الشقة خالص عكس نموذج A انا شايفه سخيف جدا لو عندك ضيف في الصالة هيبقي جارح البيت كله تقريبا و زوجتك متقدرش تدخل المطبخ الا لما تعدي علي الصالة
موضوع واجهة ولا ضهر العمارة ده يرجع للشخص انا شخصيا بحب ضهر العمارة خصوصا لو بتبص علي جنينة عشان بحب الهدوء و مبحبش الدوشة بس دي ترجعلك شوف اولوياتك
عامة الحصان الرابح في وجهة نظري مساحة ال 130 و ال 140 متر في نموذج B هما احسن حاجة شوف انهي انسبلك ماديا و تحب علي الواجهة ولا الضهر ال 140 ضهر ال 130 واجهة ال 130 اوض الاطفال اصغر و مفيش حمام في ال master bedroom بس المطبخ و الصالة اوسع من ال 140 ... ال 140 3 حمامات و اوض الاطفال اوسع و حمام في ال master شوف اولوياتك و اختار علي اساسها
و ربنا يوفقك للاصلح

نقطة مهمة في شراء العقارات اتكلمت فيها قبل كده بس هوضحها اكتر بالحسابات و هي نسبة التحميل
لو لفيت علي شركات العقارات في القاهرة الجديدة او حتي من غير ما تنزل خش دور علي الفيس بوك او النت هتلاقي نسبة التحميل تتراوح من 30% ل 40% و الدارج في معظم الاماكن هو 35%
طب ايه هي نسبة التحميل ؟ هي 100-(صافي المساحة مقسومة علي المساحة التسويقية للوحدة )×100%
ببساطة نسبة التحميل هي نسبة افلوس اللي دفعتها ومستفدتش بيها كمساحة داخلية في بيتك كل ما تقل يكون احسن طبعا
يعني امسك مثلا الوحدة دي الوحدة دي بتسوق علي انها 215 متر
اجمع مساحات المذكورة علي الرسم ( الغرف، الحمامات،... الخ ) اقسم الرقم اللي طلعلك علي 215 و بعدين اضرب الرقم اللي هيطلع في 100 هتلاقي النسبة 65% يبقي نسبة التحميل100-65= 35%

طيب راجع الحسابات في الوحدة دي المساحات التسويقية مكتوبة عندك علي الرسم اقسمه مساحات الغرف بعد ماتجمعها علي المساحة التسويقية و اضربها في 100 برضه طلعت 65%

عيد هنا 65%

دي بتسوق علي انها 200 متر اعمل حساباتك 65%


طب تعالي بقي المفاجأة
اللوتس 3-1
المساحة التسويقية هنا 167 متر مربع اقسم جمع صافي المساحات علي الرسم علي 167 و اضرب في 100 هتلاقي النسبة 64% ماشي يا سيدي ايه الجديد ؟ مخدتش بالك من حاجة ؟ صافي المساحة كان 106.98 متر مربع يعني الوحدة اللي في دار مصر صافي مساحتها 108.5 انت دافع فيها 4250×140 متر اما لو جيبتها من شركة هدفع 4250( بافتراض ان نفس سعر المتر و ده مش حقيقي القطاع الخاص بيبيع المتر اغلي )×170متر يعني شقتك هي 170 متر مش 140 متر بمقاييس المنطقة و مقاييس السوق عرفتوا ليه بقول ارخص بفارق كبير عن القطاع الخاص في القاهرة الجديدة بالذات ؟ مش مصدق الحسابات ادخل علي الموقع ده دليل أهم الشركات العقارية التي تعمل في مدينة القاهرة الجديدة
اختار اي شركة و خش علي موقعها و اعمل الحسابات بنفسك
نسبة التحميل في دار مصر=100-((108.5÷140)×100)= 22.5% ده اقل بكتييير من القطاع الخاص 35%
باختصار لو عايز تجيب شقة صافيها 108.5 متر في اللوتس مثلا انزل قولهم عايز شقة 170 متر ( اللوتس اقل كمستوي من القرنفل و كمان مش جوة كومباوند ) هتقف عليك بحوالي 800 الف تزيد او تقل قليلا حسب تميز الموقع و هتبقي عالمحارة
هتجيب نفس المساحة في دار مصر ب 600 الف و موقع احسن و ارقي بكتير ( القرنفل و الشرباتلي و التمرحنة هي مناطق فيلل فقط اما اللوتس عمارات ) و جوة كومباوند و تشطيب كامل
ارجو يكون الكل عرف ازاي يحسب نسبة التحميل عشان و انت بتشتري عقار تبقي عارف السوق ماشي ازاي و متتصدمش تدفع تمن شقة 200 متر و تبقي فاكر انك هتيجي تقيس بالمتر هتلاقيها فعلا 200 متر
ربنا يوفق الجميع