الموضوع: القول الفصل في شقق الاسكان

بالنسبه للفلوس فهي ان شاء الله مش هتضيع
منا ممكن اشتري من مقاول ويهرب او يكروت في البناء
الفكره كللها الاتفاق مع البنك على ايه تشطيب ايه وكده عالاقل يكتبو اللي هيركب في العقد

يبدو ان سياسة رفع اسعار الهوا في بلدنا ماشيه ماشاء الله 100% وأثرها واضح سواء للبيع او الشراء
فهما بيبيعوا بسعر السوق يعني

قد تكون مناسبه لحد, وحد تاني فلوسه جاهزه مش مجبر عليها وينقي براحته ويستلم فوري كمان
هتلاقي اختلاف على ارض الواقع ؟ ده اكيد وحصلت قبل كده

من رأيي ماحدش يحجز الا لو فعلا الفكره كموقع ومساحه وتقسيم شقق مناسبه ليه

المشاركة الأصلية كتبت بواسطة a_taamer

اغلى شقه هى صاحبه مساحه 150 متر
سعر المتر بالتميز 4550
دفعه الحجز 10%= 68250
دفعه التعاقد فى حاله الفوز 10%= 68250
اجمالى المدفوع 136500
باقى المبلغ من 682500 =546000
على 48 شهر
يبقى القسط الشهرى 11375 فى الشهر wow

هل الحسبه كدة صح ؟
هل مساحه الشقق صافى ؟

قريبة شوية بس مش بظبط الشقة ال 150 متر ملهاش تميز لانها في الدور الارضي وحتي لو ليها تميز فانسبة التميز 2% يعني المتر في الادوار المتكررة ب4335 ج دفعة الحجز ثابتة 45000 و لو رسيت عليك تكمل 20% من تمن الشقة يعني (20%×تمن الشقة)-45000
القسط ربع سنوي علي 4 سنين يعني 16 قسط القسط كل 3 شهور
المساحة بعد رفع الحوائط + نسبة مشاركتك في المنور يعني الصافي من غير حساب الحوائط ولا المناور هتلاقيه حوالي 77% يزيد حاجة بسيطة او يقل حاجة بسيطة حسب النموذج

المشاركة الأصلية كتبت بواسطة swimmer25

معلش عشان الناس اللي بتدافع عن المشروعات العظيمة اللي مفيش زيها..دي ردودي


أولا السعر 4250 جنيه للمتر...مش بس كدا كمل
+ 2% مصاريف إدارية
+ 1% مجلس أمناء
+ 5% وديعة صيانة
+ 2% تميز للأدوار المتكررة
يعني إجمالي 10% يعني سعر المتر وصل 4675 !!!!..طيب على كلامك ما أشتري في فيلا أحسن لأن بكدا السعر بقى أغلى من برا بالفعل
2- ده غير إنك هتدفع مقدم كبير بالفعل وإحتمال تاخد أو متاخدش يعنى حاجز فلوس في حاجة إنت مش مالكها ومفيش أي وسيلة تقدر تجبر بيها الحكومة إنها تخلص لو إتأخرت زي الحاجزين كدا في بيت الوطن من سنة ومفيش لسه مرافق ولا حد إستلم أي حاجة ولا فيه أي نوع من أنواع التقدم
3- وياريت متكلمنيش على التشطيب لأن بغض النظر إن السعر أعلى من فيلات القرنفل اللي إنت كاتبه...مفيش حاجة في كراسة الشروط بتقول التشطيب عامل إزاي ولا حاجة بتقول أصلا إنها متشطبة ده غير إن الواحد يفضل يستلم نصف تشطيب ويشطب على مزاجه بالتكلفة اللي هو عايزها




4- المساحات مش صافي...بحساب المساحات هتلاقي إن الشقق عليها تحمل 25% بالفعل ومحدش يقدر يقول إن 25% ده حوائط !! 25 % حوائط إزاي يعني!...طيب ما نقول إن برا كمان ال 25% دي حوائط
5- الكلام المكتوب "تجمع عمراني محاط بسور من السياج الشجري"...يعني تجمع حواليه شجر فقط مش سور ببوابة وأمن وخلافه زي الرحاب أو أي كومباد تاني في القاهرة الجديدة
6- مفيش أي حاجة في كراسة الشروط بتتكلم عن أسانسير داخل الوحدات..بالتالي هتكون العمارات 5 أدوار بدون أسانسير ولا حتى مكان لأسانسير عشان السكان لو محتاجين يركبوا

ياريت لما نتكلم نتكلم بالدليل عشان فيه ناس على الكلام ده هتروح تحجز تدفع شقى عمرها

راي يحترم بس طريقة حضرتك في المهاجمة مش لطيفة ! راجع الردود انا رديت علي استفسار اخ في المنتدي بناءا علي المعلومات اللي عندي لا قولت اننا الوزير ولا انا اللي هنفذ ولا انا في موقف اامدافع مجرد رد علي استفسار من اخ
1- علي موقع هيئة المجتمعات العمرانية بيان رسمي بالغاء نسبة ال 2% مصاريف ادارية و الاكتفاء ب 0.5% مجلس امناء ده قبل بداية الحجز نزلو البيان ده و تقدر تدور عليه علي موقع الهيئة في المكان اامخصص للاخبار شوف الاخبار اللي من حووالي اسبوعين .. وديعة الصيانة هي شئ متعارف عليه في اي كومباوند في الدنيا مش اختراع و متتحسبش من سعر المتر زي محضرتك تضلت يعني لو روحت تشتري في مدينتي هيقولك المتر ب 9000 جنيه في النموذج الغلاني ووديعة الصيانة كده كده هتدفعها وصلت الفكرة لحضرتك ؟
حضرتك بتقولي اني بقول اي كلام هيسبب لغط
طيب ردا علي النقطة دي اولا الاسانسير مذكور فعليا في كراسة الشروط في الرسومات الهندسية للمشروع حضرتك تقدر تسال اي مهندس عمارة بلاش مهندس عيل في اولي عمارة هياكد لحضرتك ان الرسومات الهندسية مذكور فيها الاسانسير و مكانه بالظبط و الرسومات الهندسية في اي تعاقد عقاري هي جزء لا يتجزأ من العقد و سند قانوني يبقي اذن مش بفتي او بروج كلام بدون اصل في العقد بالاضافة للتنويه الرسمي اللي برضه اصدرت الهيئة موضح فيه للناس اللي مفهمتش الرسومات انه فعليا في اسانسير انا شخصيا عقد شقتي الحالية مفيهوش نص ان فيه اسانسير بس مرفق مع العقد رسومات العقار اللي موضح فيها الاسانسير و الالزامية للطرف اللي باعلك

2-فلوسك هتستردها لو مجتلكش شقة و لو عايز تسيبها للمراحل الجاية سيبها و هتاخد عليها فوايد زي اي وديععة في اي بنك و ده برضه مذكور
3-النقطة دي عندك حق فيها و فعلا كانت نقطة اعتراض انه مش مذكور نوع التشطيب في الكراسة بس الراجل لف الدنيا يقول سوبر لوكس و الله متشطبة و برضه طلعوا بيان رسمي انها تشطيب سوبر لوكس عارف ان ده ممش كافي كشرط في عقد بس هو يعد مسؤلية سياسية قدام الناس يعني هل حضرتك تتصور انه بعد مادار علي كل قناه يقول كده يقدر مايشطبهاش ده اللي حجزوا ياكلوه !
4 برضه اختلط عليك الامر المساحة بعد رفع الحائط ده مصطلح عقاري معناه ان المساحة مش مساحة صافي مساحة الغرف بس في نفس الوقت هي صافي مساحة العقار لان في شركات بتحسبلك مساحة الارض و تحمل عليك نسبة فيها برغم انها مش مبني عليها لان الشروط البنائية في القرنفل 45% من مساحة الارض باختصار بعد رفع الحوائط تعني صافي مساحة شقتك بعد رفع الحوائط + نسبة مشاركتك في المنور المنور بيعتبر خدمة للشقق وكل شقة بتشارك فيه وفعليا ده المتعارف عليه مفيش حد بيجمع مساحات الغرف و يقول هي دي مساحة الشقة ..
شاكر ليك علي النقاش المثمر

المشاركة الأصلية كتبت بواسطة swimmer25

باشا الكلام مش جديد على كل المدن الجديدة
القاهرة الجديدة كل مناطقها فيه مساحات خضراء ومناطق خدمية ومناطق أسواق حتى مناطق الإسكان الإجتماعي فالكلام مش جديد
حكاية الكومباوند دي بقى وسور وزي الخاص والرحاب وكدا دي عايزة دليل
أصلا كراسة الشروط كلام إنشاء حاطه واحد عايز ياخد فلوس من الناس وبس

كراسة الشروط مذكور فيها انه تجمع عمراني متكامل الخدمات الرياضية و الاجتماعية و التجارية و محاط بسور من السياج الشجري لتحقيق الخصوصية
اخر مادة في اول صفحة من كراسة الشروط + رقم 4 في الشروك العقارية بتقول انه وديعة الصيانة هتخصص لاتحاد الشاغلين او شركة ادارة للصرف منها علي الامن و النظافة و الصيانة لمرافق المشروع

المشاركة الأصلية كتبت بواسطة abdulkhaleq

بالنسبه للفلوس فهي ان شاء الله مش هتضيع
منا ممكن اشتري من مقاول ويهرب او يكروت في البناء
الفكره كللها الاتفاق مع البنك على ايه تشطيب ايه وكده عالاقل يكتبو اللي هيركب في العقد

يبدو ان سياسة رفع اسعار الهوا في بلدنا ماشيه ماشاء الله 100% وأثرها واضح سواء للبيع او الشراء
فهما بيبيعوا بسعر السوق يعني

قد تكون مناسبه لحد, وحد تاني فلوسه جاهزه مش مجبر عليها وينقي براحته ويستلم فوري كمان
هتلاقي اختلاف على ارض الواقع ؟ ده اكيد وحصلت قبل كده

من رأيي ماحدش يحجز الا لو فعلا الفكره كموقع ومساحه وتقسيم شقق مناسبه ليه

بالظبط جدا يا سلام عليك جيبت المفيد من الاخر
اللي فلوسه حاضرة ومعاه كاش فوق ال 400 الف يشتري شقة في فيلا في القرنفل او التمرحنة او اللوتس و يقسط الباقي بس برضه هيستني من سنة ل 3 سنين علي ما يستلم اللي معاه فوق ال 600 يشتري في البنفسج او النرجس و هيستلم بعد سنة او اقل و يقسط الباقي اللي معاه فوق 800 الف يشتري في الاحياء من 1 ل 4 علي شارع ال 90 او جنوب الاكاديمية و يقسط الباقي اكتر من كده ماونتن فيو و مدينتي و مون فالي و the square و .... حاجات تانية كتير فعلا وهم
ده مختصر القاهرة الجديدة عشان منقعدش نخش في حلقات نقاش وهجوم مفرغة "الحكومة بتستعبط و حرامية و بيغلوا العقارات و مش حاسين بينا و و و..." ماكلنا عارفين الكلام ده احنا بنتكلم علي امر واقع بيقول ان مفيش شقة في القاهرة الجديدة ارخص من 700 الف باستثناء مساكن الشباب