القول الفصل في شقق الاسكان

**Amro_ON** · 18-12-2014 04:43 PM

المشاركة الأصلية كتبت بواسطة a7medalaa

بص يا باشا الموقع اللي في الشروق كويس و الموقع اللي في بدر كويس جدا انا شخصيا شايف موقع بدر افضل كتير من موقع المشروع في الشروق اولا لان موقع الشروق في نص المدينة يعني لو داخل من طريق السويس هتمشي كتير جدا جوة المدينة ولو جاي من طريق اسماعيلية هتمشي برضه كتير جوة المدينة
اما موقع بدر فهوة في الحي المتميز انا نزلت عملت زيارة للحي المتميز من حوالي شهر عشان كنت بفكر اخد ارض هناك بناء علي نصيحة د/محمد بس لاقيت الموضوع اعلي من امكانياتي فعلا منطقة الحي المتميز في قمة الروعة و الشوارع و اسعة جدا و اتجاه رايح و اتجاه راجع في كل الشوارع حتي الجانبية و في حارات خدمة علي الشوارع الرئيسية و ميادين و مساحات خضراء و هي علي طريق السويس مباشرة او متخش من مدخل بدر في مدخل خاص للحي المتميز و ماشاء الله مبني هناك فيلل تحفة ما شاء الله انزل خد جولة هناك.
انا لو منك اخد في المتميز و اوفر فلوسي مش هتفرق خالص في المستوي عن الشروق ده ان ماكنش الحي ده بالذات مستقبله احسن من الشروق بس ده مش تعميم علي بدر للاسف بدر فيها حتت جوة تكاتك و باعة جائلين و حاجة قرف بس دول هتبقي معزول عنهم

كان في تعليق لدكتور محمد هيفيدك جدا

انا روحت بدر بس دخلت من المدخل الرئيسي ورحت مكان دار مصر من ورا الحي المتميز مدخلتش جوا الحي المتميز...المكان لسه للاسف صحرا تماما والمشروع هيتبني على منحدر كده...متقدرتش بصراحه تحدد معالم...الحكومه فعلا حطا الحي المتميز في حته كويسه جدا على طريق السويس بس محتاج شغل من الجهاز وواضح ان الجهاز مكسل ومعملش حاجات كتييره في المنطقه دي

**a7medalaa** · 18-12-2014 05:05 PM

المشاركة الأصلية كتبت بواسطة amro_on

الشروق انا روحت المكان بتاع دار مصر...جنبه على اليمين كومباوند حلو وظهره صحرا وقدامه نادي جرين هيلز صغير بس مش وحش الطرق اللي حواليه مرصوفه كويس ودي حاجه قل ما تجدها في الشروق... على شماله عمارات اهالي وجنبه بشويه عمارات الشباب

عيبه ان جوه الشروق فعلا محتاج مجهود عشان تدخل وتخرج من الشروق بس كده

الراجل المحترم ده قال كل اللي كنت هقووله :d اضيف بس نقطة صغيرة الصحراء اللي في ضهره دي في التخطيط بتاع الجهاز هتبقي مركز المدينة منطقة خدمات كبيرة جدا المنطقة كويسة و هتبقي عمرانة وقت تسليم المشروع و هي تعتبر عمرانة نسبيا من دلوقتي و في عمارات قريبة من النادي ساكنة فعلا و المنطقة مش بتطل علي اي اماكن اسكان شباب بس لو خليت نادي جرين هيلز علي شمالك و مشيت حوالي 1كم شرقا هتوصل لاسكان الشباب
ربنا يوفق الجميع

**حسام الغرباوي** · 18-12-2014 05:07 PM

المشاركة الأصلية كتبت بواسطة a7medalaa

الراجل المحترم ده قال كل اللي كنت هقووله :d اضيف بس نقطة صغيرة الصحراء اللي في ضهره دي في التخطيط بتاع الجهاز هتبقي مركز المدينة منطقة خدمات كبيرة جدا المنطقة كويسة و هتبقي عمرانة وقت تسليم المشروع و هي تعتبر عمرانة نسبيا من دلوقتي و في عمارات قريبة من النادي ساكنة فعلا و المنطقة مش بتطل علي اي اماكن اسكان شباب بس لو خليت نادي جرين هيلز علي شمالك و مشيت حوالي 1كم شرقا هتوصل لاسكان الشباب
ربنا يوفق الجميع

بينها وبين المدخل كام كيلو تقريبا ؟؟

**a7medalaa** · 18-12-2014 05:23 PM

المشاركة الأصلية كتبت بواسطة حسام الغرباوي

بينها وبين المدخل كام كيلو تقريبا ؟؟

من طريق الاسماعيلية هتمشي حوالي 5 كم في طرق داخلية و من طريق السويس حوالي 10كم قي طرق داخلية لو جهاز الشروق بطل الفساد اللي فيه و اشتغل مش هتبقي مشكلة انما حاليا الشروق كمدينة مشكلتها ان طرقها الداخلية مكسرة و مفيهاش اضائة كافية بليل ربنا يهديهم المدينة كويسة بس الجهاز اداريا سئ

**a7medalaa** · 18-12-2014 05:33 PM

المشاركة الأصلية كتبت بواسطة amro_on

انا روحت بدر بس دخلت من المدخل الرئيسي ورحت مكان دار مصر من ورا الحي المتميز مدخلتش جوا الحي المتميز...المكان لسه للاسف صحرا تماما والمشروع هيتبني على منحدر كده...متقدرتش بصراحه تحدد معالم...الحكومه فعلا حطا الحي المتميز في حته كويسه جدا على طريق السويس بس محتاج شغل من الجهاز وواضح ان الجهاز مكسل ومعملش حاجات كتييره في المنطقه دي

بدر مظلومة المخصصات المالية بتاعتها قليلة جدا الدولة مهتمة بالقاهرة الجديدة و اكتوبر و زايد و دمياط الجديدة عشان بيطلعوا بسبوبة حلوة من وراهم و باقي المدن الجديدة بيدوها فتات بس السنادي الوزارة زودت الميزانية بتاعت بدر عن السنين اللي فاتت 50 مليون زيادة فا يا مسهل .. خش الحي المتميز نفسه عشان تقيم الموقف لان طبيعي تلاقيها لسة صحراء بس هتعرف تحكم علي مستقبل الحي من جارك اللي خلص بناء و مرافقه و شوارعه و النخطيط بان علي ارض الواقع عنده .. الحتة دي هتغلي و هتتعرف لما مدينتي تخلص مركز التسوق الترفيهي الضخم اللي مخطط يتعمل علي طريق السويس هي و هليوبليس مخطط تعمل مركز تسوق عالمي علي مدخلها من طريق السويس و المقاولين العرب و مصر الجديدة للاسكان ليهم مشروعين هناك و مدينة الشيخ خليفة بن زايد كل دول لما يبتدوا هيزودوا عمار المنطقة .. الحتة محتاجة حبة صبر هتبقي حاجة محترمة في المستقبل

**Ahmed Oraby** · 18-12-2014 06:33 PM

A7medalaa

مستمتع بردودك جداً في الموضوع و طولة بالك في الرد عالناس و الكلام لما بييجي من واحد فاهم بيفرق كتير
ربنا يكرمك و ان شاء الله تكون القرعة من نصيبك :)

**a7medalaa** · 18-12-2014 07:39 PM

المشاركة الأصلية كتبت بواسطة Ahmed Oraby

A7medalaa

مستمتع بردودك جداً في الموضوع و طولة بالك في الرد عالناس و الكلام لما بييجي من واحد فاهم بيفرق كتير
ربنا يكرمك و ان شاء الله تكون القرعة من نصيبك :)

شكرا علي ذوقك
كلنا اخوات و بنستفيد من بعض و الواحد ياما استفاد من رجالة نايل موتورز المحترمين .. اميين يا رب

ربنا يوفقنا جميعا للخير

**a7medalaa** · 18-12-2014 07:54 PM

بعد بحث مطول اخيرا وصلت لل Master plans بتاعة المشروع و مذكور فيها عدد العمارات و عدد الوحدات و المخطط العام لكل منطقة

السادات

العاشر من رمضان

دمياط الجديدة

بدر

العبور

الشروق

6 اكتوبر

القاهرة الجديدة

**assaf** · 18-12-2014 09:58 PM

محدش بص علي العبور انا من الشرقيه فبفكر في العبور بس شايف ان الموقع بتاعها متطرف شويه

**a7medalaa** · 18-12-2014 10:32 PM

المشاركة الأصلية كتبت بواسطة assaf

محدش بص علي العبور انا من الشرقيه فبفكر في العبور بس شايف ان الموقع بتاعها متطرف شويه

بص هي في الحي الترفيهي ده حي فيلات من الاحياء الراقية جدا في العبور قريب جدا من نادي العبور و جهاز المدينة و بينك و بين ارض جامعة حلوان و جامعة بنها 5 دفايق بالعربية و بعيد عن المنطقة الصناعية و علي يمينك ااحي الاول عمران بالكامل و فيه كل الخدمات الممكنة مدارس خاصة و حكومية وتجريبية و مستشفيات و و ... بس مشكلته انه بعيد عن القاهرة نسبيا بس قريب من الشرقية لو شغلك و التزاماتك في الشرقية الموقع ممتاز جدا و ليه مخرج مباشر في ثانية تبقي علي طريق بلبيس بدون متحتاج تخرج علي طريق اسماعيلية لو شغلك في قلب القاهرة بلاش منها هتبقي مشوار كبير عليك كل يوم عشان تنزل قلب القاهرة
الله يوفقك للخير

الموضوع: القول الفصل في شقق الاسكان

LinkBack

أدوات الموضوع

عرض

-

-

-

-

-

-

-

-

المواضيع المتشابهه

القول الفصل في سحب بريليانس v5 ( من 0 - 100 )

القول الفصل في زيت الفتيس

القول الفصل فى الطنابير

القول الفصل في الشاشات

يا ريت القول الفصل فى الفيات ال 126

الكلمات الدلالية لهذا الموضوع

المفضلات

المفضلات

ضوابط المشاركة