الموضوع: الزيوت التخليقية ... هل هي تخليقية فعلا؟؟

المشاركة الأصلية كتبت بواسطة almahmoud1

طالب رايكم:
معايا رينو كليو 1007 - 1400 سى سى - عامله 90 الف كم - بغير زيت وولف 5w40.

ايه رأيكم فى وولف وكمان 5w40 مناسب ولا لأ؟

زيوت وولف فيه منها كذا نوع... حتى لو ليهم نفس اللزوجة.. فمش كلهم زي بعض.. لإن مواصفات الزيوت مش لزوجة وبس.

المرجع الوحيد في اختيار الزيت المناسب هو الكتالوج..

ارجع لكتالوج العربية وشوف المواصفات المطلوبة إيه... وبعدين نشوف الزيت المناسب..

لو تقدر تقوللنا الكتالوج طالب إيه علشان نقدر نساعدك.

وعموما.. رينو كانت عاملة مواصفة مجمعة فيها كل مواصفات الزيوت للعربيات بتاعتها.. بس الفكرة إنك لازم تعرف "كود الموتور" بتاعك..

وبالنسبة للكليو 2007 (أعتقد بيسموها كليو 3) .. أكواد المواتير بتاعتها كالتالي:

D4F أو K4J أو K4M أو M4R أو K9K

موتورك كوده إيه في دول؟؟


عموما.. أنصحك تقرا الموضوع ده كمان..

http://www.nilemotors.net/Nile/341680-a.html


...

المشاركة الأصلية كتبت بواسطة ahmedz310

هل فيه موقع احط فيه نوع الزيت ومواصفاته يقولي هو تابع لأنهي مجموعة!؟
او رابط لموقع بيحدد المجموعات دي والزيوت التابعة لكل مجموعة

للأسف أنا معرفش إذا كان فيه موقع زي كده أو لأ.. وبصراحة أشك إنك تلاقي حاجة زي دي بسهولة.. ده حتى إني حاولت أشوف قايمة زي كده في موقع الـapi .. بس للأسف ما لقيتش.

أغلب الكلام اللي بنقوله في الحتة دي بالذات جاي إما من مواقع شركات الزيوت نفسها أو من المواقع المتخصصة ومواقع تقييم الزيوت.

الحقيقة .. الزيوت الألماني مريحانا من اللخبطة... فلو عايز تشتري زيت وانت متأكد من نوعه... اشتري زيت ألماني.


...