اقتباس المشاركة الأصلية كتبت بواسطة tasaka مشاهدة المشاركة
تحياتى الى استشارى المنتدى المهندس بوربو .. اللى فهمنا مدى اهميه الزيوت ( بعد ما كنت بادخل على اول بنزينه و اغير موبيل 1 بدون تفكير )
ربنا يكرمك والله.. أنا ما استاهلش الكلام الحلو ده :)


اقتباس المشاركة الأصلية كتبت بواسطة tasaka مشاهدة المشاركة
و فى الحقيقه كل ما باحاول افهم موضوع الزيوت ده اكتر .. اجده يتشعب اكثر و اكثر و يحتاج مزيد من التعمق فى القراءه و البحث

حسب ما فهمت من الموضوع

- المجموعه 4 .. لها زيت اساس pao .. و عاده يضاف الاستر بنسبه لامكانيه مزج الاضافات ( توجد طرق اخرى غير الاستر لمزج الاضافات لبعض زيوت المجموعه 4 )

- المجموعه 5 .. بعضها يستخدم الاستر كزيت اساس



حسب ما فهمت من الموضوع و تصفح الانترنت عن الاستر

- مميزاته ان الاستر من افضل مواد التزييت المعروفه .. و كذلك من اغلاها .. و يستخدم فى التطبيقات التى المعرضه لدرجات حراره عاليه لثباته المميز على درجات الحراره العاليه
أنا فعلا بستفيد من حضرتك ومن زملا كتير في المنتدى بمعلومات جديدة عليا... وأنا لا أدعي العلم.. أنا زي حضرتك بالضبط.. بحاول أفهم وأزود معلوماتي من مصادر موثوقة قدر الإمكان.

وأكتر شيء بستفيد منه فعلا هي النقاشات والأسئلة اللي بتجبرني إني أدور لحد ما ألاقي إجابة تقنعني شخصيا على الأقل.

اقتباس المشاركة الأصلية كتبت بواسطة tasaka مشاهدة المشاركة
- ان له بعض الاثار الجانبيه
1- له تأثير على ال seals .. و سؤالى هو
- ما هو مدى التأثير ؟
- هل بعد استعمال زيت به استر .. يمكن بعد كده الرجوع الى تصنيعى مجموعه 3 ؟ .. ام ان تأثر الجوانات سيظل مستمر لاحقا بعد ذلك برغم الانتقال الى مجموعه 3
- هل التأثير على الجوانات لما يكون زيت اساس ( مجموعه 5 ) ؟ .. ام يحدث حتى لو كانت اضافته بنسبه لمزج الاضافات ( مجموعه 4 )
- هل عمل فلش قبل استعمال مجموعه 3 .. ينهى التأثير لاحقا ؟
مفيش مشاكل إنك ترجع لمجموعة 3 بعد استخدام مجموعة 4 أو 5... والموضوع مش محتاج فلش ولا حاجة


إنما لو الجوانات اتأثرت فعلا .. فلازم تتغير...

باختصار.. التأثير السلبي على الجوانات معناه إنها تبدأ تسرب زيت.


ملخص التأثير السلبي على الجوانات والأويلسيلات هو كالتالي:
* الإستر في معظمها مواد مذيبة.. وبالتالي بتعمل على إذابة الترسبات داخل الموتور (الترسبات الناتجة من الزيوت المعدنية في أغلب الأوقات).

* لو حصل وكان فيه ترسبات موجودة على أحد الجوانات أو الأويلسيلات.. فالترسبات دي هتتشال والجوان أو الأويلسيل يبدأ يتعرض مباشرة للزيت.. لإن الترسبات كانت عاملة طبقة عازلة.

* الخطر المحتمل هو إن الأويلسيل أو الجوان يكون قديم وبدأ يشرخ.. وغالبا ده بيكون بدأ يحصل بعد مرور 5 سنوات من عمر الجوان أو الأويلسيل... وبالتالي هيبدأ يحصل تسريب زيت من أكثر من مكان في الموتور.


التسلسل المذكور ده هو بالضبط سبب ابتعاد الناس عن الزيوت التخليقية في المواتير القديمة..


المفروض إن الزيوت الحديثة من المجموعة 4 و 5 يكون التأثير ده أقل من زمان (حسب ما ذكر في أكثر من مواقع متخصصة في الزيوت).. بس التجارب هتأكد الكلام ده أو تنفيه.

وعموما .. المفروض إن الزيوت من مجموعة 3 ما يكونش عليها إضافات الإستر... لإنها بتقبل الإضافات طبيعي.. فالمنطقي إن ما يكونش ليها التأثير السلبي المذكور سابقا.

اقتباس المشاركة الأصلية كتبت بواسطة tasaka مشاهدة المشاركة
2- و يتأثر بالرطوبه بشده .. و سؤالى هو
- هل الاستعمال القليل للسياره و على ايام متباعده .. يولد رطوبه داخل المحرك زائده

ممكن توضيح اكتر للجمله اللى تحتها خط الخاصه بزيوت المجموعه 4 و 5 .. خصوصا عن الاستر ester
تحياتى
بصراحة مش متأكد من مسألة التأثر بالرطوبة دي... واللي أعرفه إن زيوت المجموعة 4 و5 ليهم قدرة عالية على مقاومة التأكسد اللي أحد مسبباتها هي الرطوبة.

ومهم جدا نعرف إن الرطوبة مش بتدخل الموتور من الجو...

الرطوبة بتدخل الموتور كناتج من عملية احتراق البنزين.. وحضرتك عارف إن مفيش سلندر مقفول بنسبة 100% .. ولازم يحصل تسريب من العادم للبلوك عند الزيت.

أكبر كمية من التسريب بتحصل في بداية التشغيل والموتور بارد... علشان الخلوصات بين السلندر والشنابر بتكون لسة واسعة أو مش مضبوطة تماما... والكلام ده بيقل كتير بعد ما الموتور يسخن.

والزيت بيتخلص من الرطوبة وشوائب العادم اللي فيه لو كان مشوارك بالعربية طويل نسبيا (مش أقل من 8-10 كيلومتر)


اقتباس المشاركة الأصلية كتبت بواسطة tasaka مشاهدة المشاركة
مع الاخذ فى الاعتبار استعمالى البسيط سواء للكيلومتر .. او ركن السياره لفتره بين الاستعمال و الذى يليه

انا اخترت زيت من المجموعه 4 او 5 ..

علشان كده عايز اتأكد من التساؤل فى ردى السابق قبل الشراء .. و ان طريقه استعمالى مناسبه لهذه النوعيه من الزيوت فيما يخص التفاعلات السلبيه

تحياتى
إن شاء الله مفيش مشاكل... زيوت آمسويل بتكتب في البروشور بتاعها مدة ومسافة الخدمة بكل وضوح (في حالات الخدمة العادية والشاقة)..

لو تقوللنا نوع الزيت اللي حضرتك اخترته من آمسويل بالضبط نقدر نرجع للبروشور بتاعه ونتأكد من النقطة دي.


...