اقتباس المشاركة الأصلية كتبت بواسطة tasaka مشاهدة المشاركة
- موش عارف الموضوع ده عامل لك لخبطه .. مع اننا اتكلمنا فيه اكثر من مره

لازم تنسى موضوع المضخه ده خالص و انك تروح البنزينه علشان تعمله

كل الكلام عن طريقه عاديه بتعملها عند ميكانيكى او بتاع راديتير او فى البيت عندك لو حبيت تعملها بنفسك

مفيش مضخه ( عاديه ) فى كل الطرق اللى قرأتها على النت .. لكن فيه جهاز تغيير ميه كامل من اول مره و ده يختلف عن مضخه موبيل ( على ما اعتقد )

انا قلت لك تسأل مهندس المحطه لو هى محطه كبيره حيكون ادرى بامكانيات المضخه اللى عنده .. لكن انا معنديش اى فكره عن شكلها حتى ..

كان زمان من 15 او 20 سنه فيه مضخه بتعمل دوره تنظيف عكسيه لميه التبريد و استعملتها مره واحده فقط و محبيتش استعملها تانى



معنديش فكره عن الموضوع ده .. لم ادرسه .. محسيتش انه Critical من خلال وصف الشركات لسوائلها مفيش تركيز على الميزه دى

لكن اللى اعرفه ان كل ما كانت الدوره مضغوطه اكثر .. درجه الغليان بترتفع اكثر .. ده للميه العاديه ( ميه الحنفيه )

و اللى اعرفه كمان ان اى دوره تبريد بتكون مضوطه فى حدود 20 PSI ( او رقم قريب من هذا ؟؟ ) .. يعنى درجه الغليان حتكون اعلى من 100 للميه العاديه ( ميه الحنفيه )

فهل فالفولين اعطت الرقم ده للدوره المضغوطه ام كمواصفه عامه ؟؟


دى ميه امسويل ( و طبعا معروف اداء امسويل بصفه عامه ) نسبه خلط 50 .. يعنى 129 درجه مئويه فى وجود ضغط 15 PSI
Boil-over protection up to 265°F with a 15 psi radiator cap



و ده جدول على السريع .. ابحث الموضوع بنفسك لو تحب الاستزاده
107 Kpa يساوى 15.5 PSI .. يعنى درجه غليان 100 ( للميه العاديه من الحنفيه )
133 Kpa يساوى 20.5 PSI .. يعنى درجه غليان 107 او 108 ( للميه العاديه من الحنفيه )

- هو فعلاً عامل لي لخبطة :(
الطريقة العادية مقصود بيها استعمال القربة لتزويد المياة مع فك خرطوم الراجع من البلوك؟

فالفولين المياة بتاعتها يونيفرسال حمراء لدرجة غليان 128 على 15psi radiator cap.