إسأل و إطمن علي الفرامل..

**AHMEDCAR** · 18-12-2008 12:30 PM

الفرامل عندى ناشفه جدا جدا بعد ما غيرت جلد الماستر العمومى و طاقيه السيرفو بقي البدال ناشف و مش بتمسك كويس

**SAMER_ENGINES** · 18-12-2008 05:58 PM

المشاركة الأصلية كتبت بواسطة mero78

بسم الله الرحمن الرحيم
اولا احب اشكر حضرتك على هذا الموضوع الجميل خصوصا انه موضوع متخصص فى الفرامل فقط
ثانيا انا عندى عربيه سكودا فيلشيا وعندى مشكله فى السيرفو باسمع صوت تنفيس لما بدوس على الفرامل وسألت الميكانيكى قاللى ان دى مشكلة سيرفو ولكن ان عندى ثلاث اسئله
1-هل فى مشكله لو تركت الفرامل كما هى خصوصا انها مش عامله اى مشكله
2-هل يجب شراء الماستر والسيرفو مع بعض ام يمكن شراء كل منهم منفرد
3-هل يمكن اصلاح السيرفو بدلا من شراء اخر جديد

اهلا بيك

1- أنا لا أحبذ ابدا ترك الفرامل بهذا الشكل فكما اقول دائما تهاون في اي شئ في السيارة الا الفرامل
فهي ببساطة التي ستوقف السيارة في حالة الخطر.

2- بالنسبة للشراء طبعا بتشتري كل حتة لوحدها لأن السيرفو مش بيتغير زي الماستر الماستر بيتغير أكثر من السيرفو و السيرفو ممكن لو بفرض انه اتغير ممكن يتغير مرة واحدة طوال عمر السيارة لكن الماستر سهل انه يبوظ او يضرب زيت.

3- و بالطبع ممكن اصلاح السيرفو المعطل (و أيضاً حسب العطل) فمن الممكن التصليح جدا و لكن لو استعصي الامر فيجب ان تتجه للتغيير.

و للعلم في العربيات المزودة بسيرفو الفرامل تعتمد عليه في الفرامل تماما تقريبا.

**SAMER_ENGINES** · 18-12-2008 06:01 PM

المشاركة الأصلية كتبت بواسطة ahmedcar

الفرامل عندى ناشفه جدا جدا بعد ما غيرت جلد الماستر العمومى و طاقيه السيرفو بقي البدال ناشف و مش بتمسك كويس

أيه يا جدعان ده اليوم العالمي للسرفو و لا أيه
بدون تفكير سرفو طبعاً روح للي عمل لك السرفو قول له الفرامل محجرة تحت رجلي في حاجة مش مظبوطة في السرفو.

**نينو** · 19-12-2008 03:40 AM

ياباشا انا عندي مشكلة مجنناني و هي صفارة مع دوسة الفرامل انا معايا فيرنا و غيرت التيل و مفيش فايدة مش عارف اعمل اه و التنابير سليمة جدا ياريت تقولي اعمل اه انا الميكانيكي قلي التيل في نحاس و مش حلو اعمل اه اجيب نوع اسمو اه و شكرا

**Dr_Smart** · 19-12-2008 04:08 AM

الف شكر على الموضوع الممتاز ده وجزاك الله خيرا

اتمنى تثبيت الموضوع من قبل الادارة

**grumby78** · 19-12-2008 04:59 AM

هوا زيت الفرامل المفروض يتغير كل اد ايه ؟؟ عشا ن انا صحابي بيقولو انه مش المفروض يتغير , يتزود بس لما ينقص الكلام ده صحيح ولا ايه؟؟؟

**shoudy2005** · 19-12-2008 08:14 AM

زيت الفرامل مفروض يتغير طبعآ كل سنة على الأقل علشان بيكون لم وساخة و رطوبة

**i_Am_Legend** · 19-12-2008 05:46 PM

انا عندى 127 ايطالى 1974 الفرامل كويسة جدا بس مع الزحمة والفرامل الكتير بلاقى الدواسة وطيت اوى وبقت خفيفة ولو وقفت شوية بلاقيا رجت تانى وبقت كويسة وانا لسة مغير جلد الماستر ومغير ماستر كامل خلفى والتيل عندى كويس جدا

**SAMER_ENGINES** · 20-12-2008 06:37 PM

المشاركة الأصلية كتبت بواسطة نينو

ياباشا انا عندي مشكلة مجنناني و هي صفارة مع دوسة الفرامل انا معايا فيرنا و غيرت التيل و مفيش فايدة مش عارف اعمل اه و التنابير سليمة جدا ياريت تقولي اعمل اه انا الميكانيكي قلي التيل في نحاس و مش حلو اعمل اه اجيب نوع اسمو اه و شكرا

كلام الميكانيكي صح الصفارة دي بتحصل من احتكاك التيل بالطنبورة و لما التيل يكون مش من خامة كويسة بيعمل صوت حتي لو مش متاكل حاول تغير التيل و من الأنواع الجيدة جدا ترينيتي Trinity و اته Ate.

**SAMER_ENGINES** · 20-12-2008 06:51 PM

المشاركة الأصلية كتبت بواسطة grumby78

هوا زيت الفرامل المفروض يتغير كل اد ايه ؟؟ عشا ن انا صحابي بيقولو انه مش المفروض يتغير , يتزود بس لما ينقص الكلام ده صحيح ولا ايه؟؟؟

شوف حضرتك سائل الفرامل مش بيتغير بالمعني المفهوم يعني مش بفتح و اغير سائل الفرامل زي زيت الموتور كدة لا, اما لا ليه فلأنه بيتغير مع تغيير التيل او المساتر يعني لما بنفتح و نعمل عمرة الفرامل كل فترة الزيت بيتصفي لوحده و بينزل و بنضطر نحط سائل جديد و بكدة بنكون غيرنا الزيت اما لو العربية استعمالها مش كتير يعني مش بتغير تيل كتير يبقي بالتالي الزيت برضه هيفضل محافظ علي قوامه و نضافته.

اما بالنسبة لموضوع التزويد فده غلط (الا لو كان عندك لا قدر الله ماستر ضارب او خرطوم مقطوع و بيشر فلازم تحط سائل فرامل طبعا كل شوية لحد ما توصل اقرب مكان عشان تصليح العطل)
لكن في العادي انا لما بلاقي السائل بدأ ينقص أعرف اني التيل بدأ يتاكل لاني اللي بيحصل ببساطة اني لما التيل بيتاكل بينزل السائل عشان يحل مكان التيل اللي اتاكل ده و هنا لازم ابدا اشوف التيل بتاع الفرامل ظروفه ايه و اروح اكشف عليه و لو مكشفتش بيفضل ينزل و ينزل لحد ما لمبة الفرامل تنور و من هنا تعرف انك لازم تروح لورشة الفرامل و الدبرياج عشان يفك التيل القديم و اللي حيكون اتاكل فعلا و هتلاقي السائل نزل زي ما قلنا في الاول و يرجع يركب لك تيل جديد و يقفل و يحط سائل فرامل جديد و بكدة بتكون حضرتك جددت التيل او مليت التيل زي ما احنا بنقول و غيرت السائل.

(و ده مع كامل احترامي للناس اللي قالت انه يتغير كل فترة معينة جايز هما ليهم تجربة في الموضوع ده و ياريت نتشارك الأفكار انا كمان كل يوم بتعلم و الصنايعي اللي انا مشاركه بيتعلم و كلنا بنتعلم فأهلا بأي خبرة جديدة و لو انا سهي علي و قلت معلومة غلط فمفيش مانع نصحح لبعض).

الموضوع: إسأل و إطمن علي الفرامل..

LinkBack

أدوات الموضوع

عرض

-

-

-

-

الزيت -

-

-

-

المواضيع المتشابهه

إسأل مجرب للاسبيرانزا التيجو 1600 مانيوال

تابع موضوع إسأل مجرب للاسبيرانزا تيجو 1600

إحكي لنا عن موقف تعطلت فيه عربيتك واتصرفت إزاي (إسأل مجرب)

إسأل مجرب ولا تسأل طبيب

الكلمات الدلالية لهذا الموضوع

المفضلات

المفضلات

ضوابط المشاركة