إسأل و إطمن علي الفرامل..

**SAMER_ENGINES** · 21-12-2008 08:04 PM

المشاركة الأصلية كتبت بواسطة shoudy2005

لآ ابدآ يا اخ car lover انا بحب مواضيعك و بتعجبنى بس انا قولت اللى كان مكتوب على علبة الزيت بس مش اكتر و بمناسبة الزيت انا عندى الفتيس مانيوال للعربية المرسيدس بس بيتحطله زيت اوتوماتيك و مشيت على زيت المصنع 100 الف لحد دلوقتى مفروض يتغير ولا يتزود اصل الكتالوج مش موضح حاجة هن التغيير

ربنا يديم المحبة بيننا و اهلا بيك دايما صديقي Shoudy2005

و بالنسبة للزيوت بتاعة الفتيس و الكرونة و الحاجات دي بتتزود بس من وقت للتاني و انت بتعمل الصيانة او بتغير زيت في البنزينة تقول له بس اكشف لي علي زيت الفتيس و الكرونة و هو بيزودهم لك لو لاقاهم ناقصين او محتاجين يتزودوا.

**dr_abooody** · 21-12-2008 11:33 PM

اولا اشكرك على موضوعك الجامد دة

انا عندي سؤال
ازاي أعرف ان الماستر العمومي عايز يتغير
اصل انا من ساعة ما ركبتة من سنتين و الفرامل بلاقيها ناشفة و مش بتفرمل كويس مع الحمولة و غيرت طنابير و تيل امامي و خلفي و خراطيم و بحط زيت فرامل نوعة غالي علبة ابيض في اسود كدا
و بردة لازم ادوس جامد شوية عشان تفرمل

العربية 128 1100 سي سي

**HeMa_LanCeR** · 21-12-2008 11:44 PM

انا عندي بقي حاجه غريبه شويه
الفرامل بتزحف كتير
رغم ان التيل الخلفي جديد
والتيل الأمامي جديد
والكاوتش حالته كويسه
بس لو انا ماشي روحت دايس فرامل ورافع الهاند في نفس الوقت العربيه مش بتزحف خالص
ايه الحل؟

**ecybrarian** · 22-12-2008 12:10 AM

على فكرة سؤال HeMa_LanCeR مهم جدا ومشهور جدا في السفيا الأتوماتيك (عربيتي السابقة). أرجو الرد عليه

وسؤالي أنا عن هل ضروري تغير زيت الفرامل كله كل 60 ألف زي البعض ما بيقول؟؟ ومنين أجيب الزيوت الألمانية أو الفرنسية المحترمة إللي بتعمل 15 أو 30 جنية للنص لتر؟؟

**SAMER_ENGINES** · 22-12-2008 12:29 AM

المشاركة الأصلية كتبت بواسطة dr_abooody

اولا اشكرك على موضوعك الجامد دة

انا عندي سؤال
ازاي أعرف ان الماستر العمومي عايز يتغير
اصل انا من ساعة ما ركبتة من سنتين و الفرامل بلاقيها ناشفة و مش بتفرمل كويس مع الحمولة و غيرت طنابير و تيل امامي و خلفي و خراطيم و بحط زيت فرامل نوعة غالي علبة ابيض في اسود كدا
و بردة لازم ادوس جامد شوية عشان تفرمل

العربية 128 1100 سي سي

شكرا ليك صديقي
و موضوع الفرامل ناشفة قصدك ايه؟؟ انا شخصيا اعتقد اني قصدك انها محجرة و كدة يبقي سرفو طول ما الفرامل محجرة تحت رجلك و مع ذلك مش بتفرمل كويس يبقي سرفو.
و طبعا الكلام ده بيبقي بالحمولة او بدون بس أكيد حضرتك بتحس بيه مع الحمولة أكتر و طبيعي اوي اني القوة الفرملية لعربية تكون أقل مع الحمولة.
و تعالوا نشوف مثال علي الموتور و الموتور يعني تحريك العربية لما تيجي تمشي بالعربية و هي فاضية اسهل و لا و هي مليانة و محملة أسهل؟؟
أكيد و هي فاضية.
نفس الكلام الفرامل برضه و العربية فاضية اسهل كتير من و هي محملة.
فموضوع الحمولة ده متخافش منه لانه طبيعي اما البدال انه يكون ناشف و مع ذلك العربية مش بتفرمل فلازم الكشف علي السرفو.

**SAMER_ENGINES** · 22-12-2008 12:50 AM

المشاركة الأصلية كتبت بواسطة dr_abooody

اولا اشكرك على موضوعك الجامد دة

انا عندي سؤال
ازاي أعرف ان الماستر العمومي عايز يتغير

نسيت اجاوب علي النقطة دي و الرد أهو.
بالنسبة للماستر العمومي بيتعرف انه عايز يتغير لما العربية تحدف في الفرامل مثلا او الفرامل تكون واطية اوي (مع ملاحظة اني دي ممكن تكون أعراض لحاجات تانية غير الماستر العمومي) بس طبعا أوضح حاجة تعرفك أني الماستر لازم يتغير أني الماستر يضرب زيت بتلاقي طبعا الخزنة عندك ناقصة اوي او فاضية و الماستر غرقان زيت.

**SAMER_ENGINES** · 22-12-2008 01:09 AM

المشاركة الأصلية كتبت بواسطة HeMa_LanCeR

انا عندي بقي حاجه غريبه شويه
الفرامل بتزحف كتير
رغم ان التيل الخلفي جديد
والتيل الأمامي جديد
والكاوتش حالته كويسه
بس لو انا ماشي روحت دايس فرامل ورافع الهاند في نفس الوقت العربيه مش بتزحف خالص
ايه الحل؟

هو حسب ما أنا فهمت اني العربية بتسرح منك يعني تدوس فرامل تلاقي مفيش استجابة كويسة و العجل بيزحف و انت بتقول لما بترفع الهاند العربية مش بتزحف يبقي في حاجة في الفرامل الخلفية لأني معني انك بترفع الهاند العربية مش بتزحف او بتقف علي طول يبقي في حاجة في الماستر العمومي او ممكن يكون في سدة في خرطوم أو ماسورة من المواسير او الخراطيم الموصلة للفرامل الخلفية او عيب في ماستر التوزيع او ما يسمي بماستر الضفدعة و ده اللي بيوزع سائل الفرامل علي الفرامل الخلفية و دي مشكلة شائعة في كل العربيات تقريبا و في الحالة دي بيتم إلغاء ماستر التوزيع و بتشتغل دايركت من غير ماستر توزيع بدل ما يتغير و يبوظ تاني و إلغاءه مش بيكون مؤثر إطلاقاً.
و الخلاصة اني في حاجة في موصلات سائل الفرامل للعجل الخلفي.

**SAMER_ENGINES** · 22-12-2008 01:16 AM

المشاركة الأصلية كتبت بواسطة ecybrarian

على فكرة سؤال HeMa_LanCeR مهم جدا ومشهور جدا في السفيا الأتوماتيك (عربيتي السابقة). أرجو الرد عليه

وسؤالي أنا عن هل ضروري تغير زيت الفرامل كله كل 60 ألف زي البعض ما بيقول؟؟ ومنين أجيب الزيوت الألمانية أو الفرنسية المحترمة إللي بتعمل 15 أو 30 جنية للنص لتر؟؟

اهلا بيك صديقي
و لقد تم الرد علي مشكلة هيما لانسر و اتمني اكون افادته.
و بالنسبة لسؤالك فستجد الرد في آخر الصفحة التانية هنا في نفس الموضوع.
و بالنسبة لشراء الزيوت فستجدها في محلات الإكسسوار, التوفيقية, شارع دمشق في مصر الجديدة أو ورش الفرامل و الدبرياج.

**maka** · 22-12-2008 02:05 AM

أرسل أصلا بواسطة car_lover
علي فكرة احنا بشتغل في التيل الـ Ate عادة و هو نوعية جيدة جدا و أكيد الزيت حيكون بنفس الجودة بس بصراحة انا مجرتش الزيت بتاعه

.

هو التيل ده موجود للفيورا و اللانوس؟؟؟؟

معلش سوال تانى هو التيل بيتغير كل كام كيلومتر ولا ملهاش علاقة

**dr_abooody** · 22-12-2008 02:37 PM

المشاركة الأصلية كتبت بواسطة car_lover

نسيت اجاوب علي النقطة دي و الرد أهو.
بالنسبة للماستر العمومي بيتعرف انه عايز يتغير لما العربية تحدف في الفرامل مثلا او الفرامل تكون واطية اوي (مع ملاحظة اني دي ممكن تكون أعراض لحاجات تانية غير الماستر العمومي) بس طبعا أوضح حاجة تعرفك أني الماستر لازم يتغير أني الماستر يضرب زيت بتلاقي طبعا الخزنة عندك ناقصة اوي او فاضية و الماستر غرقان زيت.

العربية عندي كانت بتحدف شمال و اتقلبت بيها على الدائري روحت مغير طنابير و تيل امامي
و بعد كدا بقت بتحدف يمين
روحت مغير طنابير و تيل خلفي

و لحمت الركبة اليمين عشان كان فيها شرخ

دلوقتي الاقيها مرة شمال و مرة يمين و مرة مظبوطة و مافيهاش مشاكل بس بحس ان الفرامل تقيلة شوية و بالذات في الحمولة

ملحوظة ان الفرامل بتحدف بس مع الفرامل المفاجئة

بس الماستر العمومي مش متغرق زيت و الزيت مش بينقص خالص عندي
و الفرامل عالية و مش بتوطى

بس هو العيب من الفرامل مش من حاجة تانية لان العفشة مظبوطة و كلة تمام

معلش سؤال تاني
هل الجنط الاكبر يحتاج فرامل اقوى ؟
انا مركب جنوط 14 185 60
اكبر من المقاس الاصلي اللي هو 13 145 60
هل دة بيضعف الفرامل و لا ملهاش علاقة

الموضوع: إسأل و إطمن علي الفرامل..

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

إسأل مجرب للاسبيرانزا التيجو 1600 مانيوال

تابع موضوع إسأل مجرب للاسبيرانزا تيجو 1600

إحكي لنا عن موقف تعطلت فيه عربيتك واتصرفت إزاي (إسأل مجرب)

إسأل مجرب ولا تسأل طبيب

الكلمات الدلالية لهذا الموضوع

المفضلات

المفضلات

ضوابط المشاركة