الموضوع: اتحاد مالكي الفيات اونو

المشاركة الأصلية كتبت بواسطة abohassan

بص ياباشا انا ها اشرح المشكله تانى بالترتيب:
1 - العربيه ماكنتشى بتنقط اى زيت .
2- انا غيرت زيت الفتيس وحطيت 2 لترموبيل 80/90
3- صبحت الصبح لقيت بقعة زيت تحت العربيه .. الزيت كان نازل من عند كاوتشة الكوبلن الداخلى الشمال ..
4 - الميكانيكى قرط على القفيز البلاستيك الى كاوتشة الكوبلن الداخلى مربوطه بيه .. وقالى خلاص كدا مش ها تنقط تانى .
5 - وانا بظبط زوايا بصيت وانا واقف تحت العربيه .. لقيت لسه نقط زيت بتنزل من عند نقطة إلتقاء كاوتشة الكوبلن مع الفتيس .فا مش عارف .بقى ايه الموضوع دا ..؟ أغير الكاوتشه يمكن تكون مقطوعه .. ؟

ويعنى ايه حته انى لو زودت الزيت بينزل تانى أكنو بيتسرب .. هل دا طبيعى يعنى ..؟؟؟


...

ياباشا لو انت غيرت زيت يعني نزلت زيت الفتيس كلو وحطيت زيت جديد يبقى كده الفتيس ناقص زيت عشان فتيس الاونو بكل انواع مواتيرو بتاخد 2.4 كيلو زيت يعتبر اتنين كيلو ونصف ماعادا الاوتو ال 1400 هيا الي بتاخد 2 كيلو بس
ومعتقدش ان عربيتك 1400 cc
الي انا اقصدو بقى انك ممكن تروح بنزينه ومينزلش زيت الفتيس ويزودو بس بيحطو زيت زياده عن اللزوم اكتر من 2.4 كيلو يخليهالك مثلا 3 كيلو في االحالة دي هتفضل العربية يجي اسبوع بتنزل في الزيت الزيادة ده
وطالما الميكانيكي شايف ان الكوتشة محتاجة تقريط بس يبقى اكيد سليمة والموضوع كله انك عندك زيت زيادة وهيفضل كده شويه ويقف لوحدو
بالنسبة لتغيير زيت الفتيس بقى دي حاجة ملهاش اي لازمة في الاونو زيت الفتيس بيتزود بس وده لما تحس بخشانة في صوت الفتيس او صعوبة في تعشيق النقلات معدا الصعوبة الي بتبقى موجوده الصبح بس اول طلعة للعربية ده طبيعي في كل الاونو كدة
افضل حاجة تعملها استنى اسبوع وشوف التنقيط هيقف ولا لا لو موقف ارجع للميكانيكي
بس خلى بالك اي صوت خشونة في الفتيس يعني الزيت ناقص وتروح للميكانيكي علطوللللل ومتعملش اي مشوار حتى لو صغير لو حسيت الخشونة دي

المشاركة الأصلية كتبت بواسطة abohassan

أنا فعلا نزلت زيت الفتيس كله ..لانى كنت بغير طقم دبرياج .. ولما خلصت جبت 2 كيلوا زيت فتيس وحطيتهم والميكانيكى قالى ان أصلا الفتيس بيقى لسه فيه شوية زيت فاضلين يعنى مش بينزل كله يعنى ( 2 ك + الشويه المتبقيين من الزيت القديم ).. ولما حصل موضوع التسريب دا قلتله هل محتاجين نزود الزيت تانى علشان نعوض النقص ..فا عمل عمليه غريبه ( حط صباعه جوه الفتحه بتاعة طبة زيت الفتيس وقالى ان مستوى الزيت كويس ) .........

إن شاء الله ... أنا علشان اريح نفسى من الموضوع دا .. ها أروح أغير الكاوتشات بتاعة الكبالن الداخليه ....
سؤالى بقى .. هل الكاوتشات دى بتتربط بالقفيز البلاستيك ( الكويلات ) فعلا ولا ليها قفيز معدن مخصوص ..؟؟؟
....................

هيا الكاوتشات دي لو نضيفة بتيجي بقفيز معدن معاها وده الافضل ومفيش مشكلة من القفيز البلاستيك بس متجبش قفيز رفيع في نوع قفيز عريض اكتر من نصف سنتي عرض
قصة بقى الميكانيكي يفك الطبة ويحط صباعه دي اشتغالة لان اكيد صباعو مش هيدخل في الفتحة دي

المشاركة الأصلية كتبت بواسطة derwish

ًباح الخير يا شباب الاونو ان ماعايا اونو 94 1000 سي سي عايز استشارة بخصوص تركيب بوجيهات 2 شمعة مع العلم انا بحط بنزين 80 في مشكلة ولال هتأدي كويس من غير مشاكل

بوجيهات 2 شمعة دي لو كربراتير عادي ملهاش اي لازمة ومش هتعمل اي فرق ولو ركبتها وحسيت بفرق يبقى انت بتوهم نفسك
وانت بتحط 80 ليه ؟ توفير يعني؟ على الدى البعيد هتزعل من ال 80 ده
1- تفويلة ال 80 بتعمل معاك كام كيلو وتفويلة ال 90 بتعمل كام؟ انا في عربيتي لما جربت ال تفويلة ال 80 بتعمل 110 كيلو ال 90 بتعمل 240 كيلو
2- ال 80 بيحتاج تغير بوجيهات وفلتر بنزين كل 10 الاف كيلو ال 90 كل 20 الف
3- ال 80 بيخلي موتور العربية ماشي مش مضبوط ويكركر ومحتاج جهد اكبر فبيقصر عمر الموتور يعني لو الموتور مع ال 80 هيمشي 100 الف ال 90 هيخليه يتحمل لحد 200 الف
احسبها انت بقى وشوف انهي اوفرلك انك تفول 80 بي 25 جنيه وتوفير قريب هتدفع اضعافو وانت مش واخد بالك ولا 90 بي 55 جنيه وتوفر على المدى الطويل

المشاركة الأصلية كتبت بواسطة ahmed_zimo

الف الف شكر يافندم علي اهتمام سيدتك بالرد علي سؤالي

ومعلش انا ليا سؤال تاني ارجو من سيادتك تجوبني علية او اي حد من رواد الرابطة الكرام

انا مقاس الكوتش عندي 70/55 والمشكلة اني لقيت الاستبن بايظ بمعني انة موش متساوي في حتة اعلي من حتة
وكمان في كوتش تاني من الي ورا في خوابير كتير وبينفس كل يومين لازم ازودة

فعشان كدة قولت اشتري كوتشين مقاس اكبر وبالمرة يعلو العربية شوية حضرتك تنصحني بمقاس كام ونوع اية وسعرهم اية ومن عند مين وياتري لما اجيب كوتشين اكبر اركبهم ورا ولا قدام وشكرا جدااا لاهتمامكم واسف جدا علي الاطالة

انتا تامر ياباشا
بالنسبة للكاوتش انت عندك اعلى مقاس يركب للاونو اي حاجه تاني هتبقو اوطى المقاس بتاعك عرض الفردة 55 وارتفعها 70
الباقي الي بيركب 165/65 او 175/60 ودول اوطى من الي عندك بس اعرض
انا عن نفسي مرتاح مع ال 165\65
:b4_033: