لو حد عنده استفسار عن الدهانات و الديكور و النقاشه عامه

**kliken** · 03-03-2014 12:31 AM

المشاركة الأصلية كتبت بواسطة erada

السلام عليكم ورحمة الله وبركاته
بعد مرور 4 سنوات على تشطيب شقة وجدت سقوط للبياض فى مناطق عديدة تقريبا على ارتفاع مابين 20 الى 50 سم من الارض السيراميك وكما هو واضح فى الصورة بعد كشط الحتت "المبربأة" بسكينة المعجون فالمنظر سئ جدا

1-ما هو سبب التقشير علما بأن المكان ليس فية رطوبة ولا مواسير والمواد الخام المستعملة كانت جيدة على ما أذكر والنقاش شخص معروف وغالى
2-ما هو الحل مؤقتا لتجميل المظهر علما بأنى مش ناوى أبيض الشقة الا بعد سنتين تلاتة ان شاء الله لوجود أولويات أخرى
وشكرا لجميع المساعدات مقدما

و عليكم السﻻم و رحمه الله و بركاته
لﻻسف يا باشا هى بنسبه كبيره رطوبه او هى كانت ضعيفه قبل كده و ما تعالجتش كويس
و حلها تتعالج باﻻسلوب المناسب سيﻻر قوى بعد ما تتقشر كويس و بعدين تتمعجن و تتدهن
لﻻسف ملهاش حل مؤقت صعب تلزق عليها اى حاجه حتى لو ورق و غير كده هيبقى مكلف برضه اى حل ممكن اقوله لحضرتك هيبقى مكلف اكتر من الدهان

**kliken** · 03-03-2014 12:37 AM

المشاركة الأصلية كتبت بواسطة a.saad

باشمهندس
اخبارك ايه ؟
سؤالين لو تسمح
مجموعة الدهانات الديكورية الجديدة من يوتن هل بتتلون ولا ذات الوان الكتالوج ؟
الالوان المط الغير ديكورية فى يوتن اسمها ايه ؟؟ فينوماستيك ولا حاجة تانية ؟؟
والبيج والروز البستلة والجالون فيهم بكام وتكفى كام متر لكل وجه ؟؟؟

زى الفل الحمد لله ازاى حضرتك و يا رب تكون بخير دايما
فى حاجات منها بتتلون و فى حاجات بتيجى ثابته مش بتتلون حضرتك قولى الشكل اللى عجبك و انا اوضحلك فكره عمله و اذا كان بيتلون و ﻻ ﻻ
اسمها فينوماستيك العادى و فى غينوماستيك هاى جين و فى فينوماستيك مقاوم للبقع و بيختلفوا حسب التطبيق
البيج البستله تعمل فى حدود 300 جنيه تقريبا
و الروز ممكن 350 جنيه بس حسب اللون طبعا كل ما تعمق كل ما يزيد شويه و لو فى لون معين برقم او صوره له عجبك اقولك سعره مفيش مشكله
و البستله تفرد حوالى 100 متر مربع للوجه الواحد فى المتوسط

**Abo Yasso** · 03-03-2014 07:21 AM

المشاركة الأصلية كتبت بواسطة kliken

و عليكم السﻻم و رحمه الله و بركاته
لﻻسف يا باشا هى بنسبه كبيره رطوبه او هى كانت ضعيفه قبل كده و ما تعالجتش كويس
و حلها تتعالج باﻻسلوب المناسب سيﻻر قوى بعد ما تتقشر كويس و بعدين تتمعجن و تتدهن
لﻻسف ملهاش حل مؤقت صعب تلزق عليها اى حاجه حتى لو ورق و غير كده هيبقى مكلف برضه اى حل ممكن اقوله لحضرتك هيبقى مكلف اكتر من الدهان

السلام عليكم
باشا افضل نوع سيلر ايه ؟؟؟
ويتساب قد ايه مدهون سيلر قبل ما نبتدى المعجون
شاكر لمجهودك

**A.Saad** · 03-03-2014 09:03 AM

المشاركة الأصلية كتبت بواسطة kliken

زى الفل الحمد لله ازاى حضرتك و يا رب تكون بخير دايما
فى حاجات منها بتتلون و فى حاجات بتيجى ثابته مش بتتلون حضرتك قولى الشكل اللى عجبك و انا اوضحلك فكره عمله و اذا كان بيتلون و ﻻ ﻻ
اسمها فينوماستيك العادى و فى غينوماستيك هاى جين و فى فينوماستيك مقاوم للبقع و بيختلفوا حسب التطبيق
البيج البستله تعمل فى حدود 300 جنيه تقريبا
و الروز ممكن 350 جنيه بس حسب اللون طبعا كل ما تعمق كل ما يزيد شويه و لو فى لون معين برقم او صوره له عجبك اقولك سعره مفيش مشكله
و البستله تفرد حوالى 100 متر مربع للوجه الواحد فى المتوسط

حضرتك تنصح باى فينوماستيك فيهم

شاكر لحضرتك وقتك وتعبك جزاك الله خير عن الاعضاء

**kliken** · 03-03-2014 08:17 PM

المشاركة الأصلية كتبت بواسطة a.saad

حضرتك تنصح باى فينوماستيك فيهم

شاكر لحضرتك وقتك وتعبك جزاك الله خير عن الاعضاء

الفينوماستيك العادى ده مثالى فى النطبيق العادى على قد الغسيل للحوائط و يتمتع تغطيه و معدل فرد جيد جدا
الفينوماستيك الهاى جين نفس السابق و ضيف له مضاد لبعض انواع بكتيريا و انتشار اللهب
الفينوماستيك مقاوم البقع معدل فرد و تغطيه ممتاز جدا باﻻضافه الى انه مقاوم ﻻى بقع او شخبطه الوان تطلع منه بسهوله بالغسيل مناسب لوجود اﻻطفال المﻻئكه اللى عندينا هههههه
و اى استفسار تانى تحت امرك

**Red_1024** · 12-03-2014 04:45 PM

انا بعت لحضرتك رسالة علي الخاص يا استاذ محمد ياريت حضرتك تبقي ترد عليا

**Red_1024** · 12-03-2014 04:46 PM

بالنسبة لدهان سقف المطبخ والحمام بيتعمل اية

**shgashga** · 12-03-2014 10:47 PM

السلام عليكم
بصراحه مش قادر اوفيك قدرك انا اتعلمت منك حاجات كتير واستفدت جدا منك بشكل عظيم
ودلوقتي انا فكرت افتح محل للبويات وعندي محل تشطيبه جيد جدا وفي مكان علي شارع رايسي ومساحته 75م وكنت عايز استاذن حضرتك في انك تساعدني واعرف من حضرتك :
1- قائمه بكل ما يحتاجه المحل من البضاعه التي يحتاجها العملاء حيثان المحل سيبيع دهانات حوائط ودهانات للسيارات
2- افضل اماكن التي يمكن شراء البضاعه الازمه للمحل منها والتي تكون افضل من حيث سعرها وجودتها
3- هل من الافضل وجود ماكينه تلوين في المحل واذا كان هذا ضروري فكم سعرها وما افضل الانواع وكم سعرها وماهو افضل مكان لشراءها
4- هل من السهل الحصول علي توكيل لاحد شركات الدهانات وما هي طريقه الحصول عليه وما هي تكلفته
واخيرا هاكون شاكر لحضرتك جدا لاني بصراحه مهتم جدا بالمشروع ده ومفيش حد اعرفه يساعدني واسف علي الاطاله واسف علي تعبك يا باشمهندس

**kliken** · 12-03-2014 11:56 PM

المشاركة الأصلية كتبت بواسطة red_1024

انا بعت لحضرتك رسالة علي الخاص يا استاذ محمد ياريت حضرتك تبقي ترد عليا

بالنسبه لرساله حضرتك و هى فى مضمونها الفرق بين الﻻكيه المغسول و الﻻكيه العادى و اﻻستر
بعد اذن حضرتك هرد هنا علشان اﻻستفاده تبقى اكتر
اﻻستر ده معروف و هو اللى بتبقى باينه فيه ثمره الخشب و بيتلون بدرجات كتير برضه اشهرها العسلى و درجات البنى و ده بيتكلف فى حدود 350 جنيه للقطعه
الﻻكيه العادى بيبقى شغل بلدى معجون و صنفره و ﻻكيه بطانه مط و ﻻكيه ﻻمع او نصف ﻻمع للوش النهائى و كله بيبقى مدهون يدوى روله بلحه او فرشه و ده عادى مصنعيه القطعه حدود 150 جنيه
الﻻكيه المغسول بيبقى فيه صنفره كتير جدا و رش بالكمبرسور و بعدين تلقط و تصنفر كويس و رش بالكمبرسور مره اخرى لغايه ما بيبقى ناعم جدا و بيتخدم كويس لغايه ما يكون اشبه بالمرايه و بيتكلف حدود 350 جنيه مصنعيه للقطعه

-

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة