الموضوع: لو حد عنده استفسار عن الدهانات و الديكور و النقاشه عامه

[quote=البليهيس;3875328605]

المشاركة الأصلية كتبت بواسطة البليهيس

بصراحه مش عارفه بس حالتهم مفيهاش حاجه انا عوزه اغير بس وحتي مفيش تشققات ولا حاجه الا في البلكونات شفت حضرتك الشيش مش بيكون له خشب برضه علي الارض اهو اللي علي الارض ده حساه مشقق كده لكن الباقي عادي واعتفد تنهم مدهونين لاكيه زيت يعني ولونه ابيض البيبان والشيش اخضر كده ....طب معلش باشمهندس ممكن حضرتك تفهمني لو استر اعمل ايه ولو زيت اعمل ايه وكله بثوابه ههههههه ولا رايك اجيب نجار يظبطهملي انا عوزه نصيحتك لاني مبثقش في الصنايعيه بصراحه وحضرتك ثقه
حاولت ابعت لحضرتك الصوره بس مش نافع في مشكله في الموقع

متشكر لحضرتك على ثقتك
اللى انا فهمته من كﻻم حضرتك كده ان النجاره مدهونه ﻻكيه و طالما حالتها كويسه من غير تشققات يبقى ممكن تجيبى ﻻكيه عادى سواء ابيض او ملون جاهز و يتدهن على طول بعد اضافه نفط على الﻻكيه بنسبه بسيطه علشان تخلى الاكيه يبقى فاكك شويه و تدهنى على طول
و بالتالى مش محتاجه حد متخصص لكن لو محتاجه شغل النجاره مش اى حد يشتغل فيها و بالتالى هتحتاجى حد تانى يدهنها

متشكر جدا لذوق حضرتك و لك مثل الجزاء و الدعاء ان شاء الله ربنا يبارك فى حضرتك
و تحت امر حضرتك فى اى استفسار اخر

المشاركة الأصلية كتبت بواسطة a.saad

لو عندى شبابيك مدهونة لاكيه وعايز اخليها على لون الخشب
اللى عرفته انها تتعمل بصاروخ ومش هيكون النتيجة النهائى جيدة لان فيه مناطق الصاروخ مش هيعملها زى زوايا الضلف السلسلة
ينفع نلزق قشرة على اللاكيه او يكون فيه طريقة تانية لازالة اللاكيه ؟؟؟؟؟؟؟

من الصعب جدا زى ما حضرتك قلت ان نشيل طبقه اﻻكيه عن اﻻخشاب ﻻن الخشب بيمتص الدهان اﻻكيه و الطريقه الوحيده هى الصاروخ بس ﻻزم تكون حته الخشب سالكه زى باب عدل مثﻻ و برضه هيبقى مقرف فى الفينيش بتاعه مش هيتظبط 100%
اﻻسهل لو باب امك تركب قشره ارو و تعملها استر براحتك لكن لو شباك اظن انها مستحيل ظبطها و دهانها استر
فى طريقه تقدر تدى بيها شكل قريب من ثمره اﻻستر بأنك تعملها بتأثير ثمره الخشب باليدى جليز

المشاركة الأصلية كتبت بواسطة chicobon

شكرا لرد حضرتك انا معجنت الحيطة بس مجتش علي مياه وحدة يعني زي ما يكون الاماكن الي معجنتها الابيض فيها اوضح من الاماكن الي معملتش فيها معجون مبقع بمعني اصح و موضوع السانيتون انا شفته النقاش عمل كده لما كان بيعمل الشقة عندي من فترة ادي وش او وشين سانيتون و بعدين دهنها بلاستيك تقريبا عشان بيكون فات مدة طويله جدا علي دهان البلاستيك واللون بهت انا حاسيس الابيض الي عندي مصفر برغم ان النوع كان سابس نصف لميع الي هو قابل للغسيل ز سؤالي ازاي اوصل ان لون الحيطة في الاخر كله يكون واحد و المعجون مش يبان

اللى انا فتهمه من كﻻم حضرتك ان الحوائط عندك مدهونه ابيض
لو مدهونه ابيض يبقى الدهان اللى انت شغال بيه تغطيته مش كويسه ايا كان نوعه انت لو معجنت كويس و صنفرت بصنفره ناعمه و دهنت وشين ابيض من خامه نظيفه هتستر معاك على طول و كلها هتبقى ميه واحده ان شاء الله

السلام عليكم يابشمهندس
أنا عاوز أقولك إني قريت الـ 28 صفحة كلهم بالردود والإستفسارات :d
دي حاجة مبعملهاش كتير الصراحة لأن دخولي هنا ع المنتدي قليل جدآآآ
وفرحت أكتر الصراحة إن حضرتك كمان من السويس زيي وبتتكلم عن موضوع فالجوووون خصوصآ إن عندي شقتي علي المحارة يادوب بس عملت السقف المعلق وحلقان الأبواب والشبابيك والنجار خلص شغل الخشب بس قاللي بلاش نركبه دلوقتي الإ بعد ما أخلص السيراميك عشان تبقي الأبواب والشبابيك مظبوطة
المهم دلوقتي علي حسب كلام حضرتك لازم أدي وشين معجون الأول بعدها أركب السيراميك والخشب وتأخد وش تالت معجون تقريبآ بعدها الدهان بالألوان ولا إيه بالظبط .. أساسي طبعآ إن شاء الله لازم أقابلك لما أبدء فالحاجات دي :d ومحتاج بردو أعمل شوية ديكورات الحاجات البارزة فالحيطة دي- معرفش إسمها إيه-
والدهان إللي عامل زي الرخام ده وإللي زي القطيفة كمان .. الشقة مساحتها 120 متر تقريبآ
فكنت عاوز أعرف التكلفة الكلية التقريبية في حدود كام بعد إذنك والمصنعية كذلك
وآسف إني طولت علي حضرتك
وجزاك الله خيرآ