الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة specialm14

الف حمدا الله على العودة من تانى يا بشمهندس طارق يا جميل ، انا بعد أذنك ليا أستفسار أنا عربيتى لانسر بومة موديل 2008 سوبر اكشن وكنت بغسلها فى البنزينة بره وجوه وجاء مياه على التابلوه و بعد ماأتغسلت بشغل السى دى تشانشجر وجده لايعمل ولا أسطوانة عايزة تشتغل و الزرار اللى فى الكاسيت اللى بيحول على السى دى مابيحولش على السى دى والكاسيت بيحول راديو وكاسيت بس ومش عارف أعمل أيه تنصحنى بأيه

من فضلك أرجو الرد أنا خايف يكون دخل مياه بالداخل
وتانى مرة حمدا الله على العودة من جديد

الله يسلمك
هو طبعا مش مفروض يوصل ماية للكاسيت او السي دي ومش عارف ايه حجم المشكلة اللي ممكن تعملها الماية انما بشكل عام مفيش اصلاح للكاسيت او السي دي في التوكيل وانما بيتم التغيير فقط للوحدة لو كانت العربية في الضمان وكان التلف عيب صناعة
فنصيحتي لحضرتك لو لسه المشكلة قائمة (ربما الماية نشفت والمشكلة انتهت) انك تكشف على الكاسيت والسي دي في احد مراكز الصوتيات المتخصص زي مراكز أدريان

المشاركة الأصلية كتبت بواسطة abumoh2000

السلام عليكم ورحمة الله وبركاته
عربيتى لانسر 98
بتنتش على السرعات البطيئه وفى اول الطلعه
بحط بنزين 80

رد المهندس أحمد عناني مدير الورشة في مركز خدمة قليوب :
طبعا البنزين له تأثير وننصح بوضع بنزين أوكتان 90 على الأقل ويفضل حضرتك تشرفنا في مركز الخدمة للكشف على فلتر الهواء وفلتر البنزين والبوجيهات ونظبط المحرك لانهاء التنتيشة

المشاركة الأصلية كتبت بواسطة sheriefaly

سلام كبير لكبير المهندسين مهندس طارق
عربيتى بومة 2010 عدادها 1200 كيلو. كلاتش التكييف يلقط لمدة 14 ثانية و يفك لمدة 10 ثوانى بانتظم هل هذا طبيعى مع العلم ان التبريد مش قوى
شكرا لاهتمامكم

شكرا يا استاذ شريف
رد المهندس أحمد عناني مدير الورشة في مركز خدمة قليوب : حضرتك بتقول ان التكييف تبريده مش قوي والفصل والوصل لكلاتش التكييف سريع فلازم تحضر العربية لمركز الخدمة الرئيسي للكشف وتحديد اللازم عمله

المشاركة الأصلية كتبت بواسطة yasser12345

حمدالله علي السلامه ... نورت المنتدي
ما هو المحول الحفاز وازاي اعرف ان عربتي موجود بها هذا الشئ أم لا و اذا حدث به مشاكل أعرف اذاي
( بمعني مطابقة للتوجيهات دول الاتحاد الاوربيه , ومعد الانضغاط 9.5 أم 10)
لانسر بومه 1600 مانيول موديل 2008 سعودي
شاسيه 706168
وشكر ا لسعة صدرك

شكرا لك المنتدى منورك بأعضائه كلهم
المحول الحفاز او catalytic Converter هو وحدة تكون في علبة الشكمان للسيارة لتقليل انبعاث الغازات الخطيرة مع العادم ودي اصحبت ضرورة في كثير من السيارات ودول كتير ترفض استيراد السيارات بدونها ومن ضمن الدول دي مصر انما الأردن لأ وبالتالي بتلاقي اللانسر الأردني مفهوش محول حفاز انما المصري والخليجي فيه
وهو بيكون زي الكربون داخل علبة الشكمان وفيه ناس بتشيله علشان العربية بيحسوا انها مكتومة ولما تشيله تمشي اقوى واسرع
موضوع اذا حدث به مشاكل فهو مش بيتغير او بيتغير فيه قطعة غيار
معدل الانضغاط في اللانسر البومة المصري 9.5 والخليجي 10 يعني عربيتك 10 وفيها محول حفاز

المشاركة الأصلية كتبت بواسطة saadsaad

السلام عليكم انا اشتريت سياره لانسر بومه1300ccأوتومتك موديل2009مش خليجى عاوز استفيار عنها وللعلم انا بستعملها 15يوم فى الشهر عاوز اعرف مميزتها وعيوبها هى شغاله 9الاف كيلو كسر الزيرو سعرها 85 الف وشكرااااااااااااااااااا

مبروك العربية وطبعا العربية البومة معروفة في مصر كلها من سنين طويلة وكل الناس بتشكر فيها يعني مش عارف هاقول لحضرتك ايه عن مميزاتها وعيوبها انما ممكن حضرتك تبحث هنا في المنتدى عن مميزات البومة او في قسم المقارنات
واهم حاجة حضرتك تحافظ عليها بالصيانات الدورية كل 10 آلاف كيلو متر علشان تحتفظ بحالتها باذن الله

المشاركة الأصلية كتبت بواسطة el3omda

باشمهندس طارق .....السلام عليكم ورحمة الله وبركاته

بخصو ص مياه الريدياتير الخضراء من ساعة ماشتريت السيارة زيرو من 2006 ولم اغير المياه وشكل المياه لم يتغير كأنها جديدة فهل فى ضرر على السيارة وهل بعد هذه المدة تفقد المياه خواصها لتبريد الموتور وماهى المده اللى بيتغير مياه الريدياتير أو بعد مسافة كام كيلو متر.؟؟ وفى حالة التغيير أيه أفضل مياه توصى بيها.؟؟ وأسف على الاطاله

رد المهندس أحمد عناني مدير الورشة في مركز خدمة قليوب : مياه الردياتير تتغير كل 80 ألف كم ونوصي بمياه ردياتير موبيل الخضراء لأن تركيزها هو المطلوب لنوعية الردياتير الخاصة بالسيارة