أنا جبت لانسر 1300 خليجي أوتوماتيك وكانت عاملة 24000 كيلو ،غيرتلها زيت موتور ، وتيل فرامل ووصلت دلوقتي بيها ل33000 ،أنا من أسيوط ومفيش مراكز صيانة للمتسوبيشي عندنا ،وفي ناس بتقول إن التوكيلات مش موثوق فيها وبينصحوا إن أعمل كل الصيانة نفسي ،بخلاف زيت الموتور والباور والفرامل وماء الريديراتير ،فيه ايه تاني يتغير ويتعمله كشف دوري وأرجو إن حضرتك تشيرلي بشكل مفصل عن زيت الفتيس الأوتوماتيك وبيتغير كل كام كيلو ،اعذرني خبرتي محدودة أو تقدر تقول معدومة ولك جزيل الشكر
لأستاذ / طارق
السلام عليكم ورحمة الله وبركاته
وشاكرين لك مجهوداتك فى خدمة أعضاء نايل موتورز
كنت عايز اعرف تكاليف عمل الصيانة 30000 كم وانا ديما باسنخدم ذيت bp 10000 كم اعلي فئة من الذيت عندهم من شركة car gas.
الكشف علي السيارة بالكامل بالكمبيوتر بسبب اني عايز اعمل كشف كامل علشان ان اشترتها من حوالي 2 شهر موديل 2009.
و لاحظت انها بتستهلك بنزين بصورة كبيرة سواء كنت على طريق سفر او في وسط البلد و المتوسط بتاعها 200 في الصفيحة و هي ما تعملهاش صيانة ال 20 الف تقريبا بس صاحبها غير بس زيت و فلتر و انا كمان مشيت بيها سرعات عاليه 180 و 190 بس مش لمسافات كبيرة فهل ده فرق في حاجة و لا ده ممكن يكون حاجة في البوجيهات او الموتور و هل ممكن اوديها مركز الخدمة الموجود في غمرة ورقم تيلفونو كم ولازم حجز ولا .
وهولسيادتكم جزيل الشكر
اهلا وسهلا بحضرتك ومبروك العربية الجديدة
سعر الكشف الكامل على العربية 180 جنيه + 10%
صيانة الثلاثين ألف تشمل تكلفة صيانة 150 جنيه + 10% و زيت موبيل وان 10 آلاف كيلو 230جنيه +10% أو لو تحب تجيب معاك الزيت اللي متعود عليه و فلتر زيت 60 جنيه + 10%
وخلال الصيانة حضرتك بتبلغهم بملاحظة استهلاك البنزين العالي وهم بيكشفوا على العربية ويشوفوا السبب سواء كانت محتاجة تغيير بوجيهات او فلتر هواء وان كان ميعادهم الفعلي عند الأربعين ألف
رقم تليفون مركز الرواس غمرة هو 24830754
المشاركة الأصلية كتبت بواسطة mragh
السلام عليكم باشمهندس طارق
من فضلك كنت عايز أعرف صيانة ٤٠٠٠٠ لانسر ١٦٠٠ منوال تتكلف كام ، و هل ممكن تتعمل في مركز الخدمة السريعه اللي في موبيل شيراتون
مع العلم اني المفروض أغير تيل فرامل كمان
ايوة ممكن حضرتك تعمل صيانة الأربعين في مركز خدمة موبيل شيراتون الاوتوستراد تكلفة الصيانة 170 ج + 10% و زيت موبيل وان 230 ج + 10% و فلتر زيت 60 ج + 10 % و فلتر هواء 230 ج +10% و فلتر بنزين 565 ج + 10% و بوجيهات 120 ج + 10% سعر تيل الفرامل للبومة 450 ج + 10%
المشاركة الأصلية كتبت بواسطة kholio
بعد إذنك يا بش مهندس طارق كنت عايز اعرف ثمن الكلاكس الاصلي وتيل الفرامل الأمامي الأصلي للانسر الشارك كام في التوكيل حاليا؟
ثمن الكلاكس الأصلي للشارك بيكون عالي وواطي سعرهما 250 و 190 ج + 10% ، وفيه طقم ياباني مش اصلي سعره الاتنين عالي وواطي معا بـ 110 ج + 10% سعر تيل فرامل الشارك 430 ج + 10%
المشاركة الأصلية كتبت بواسطة mohamed777
السلام عليكم ورحمة الله وبركاته
كيف حال حضرتك ياباشمهندس ... اسأل الله ان تكون فى اتم صحة واحسن حال
العربية راكنها ومش بستعملها غير فى السفر وممكن تقعد بالشهرين ماطلعهاش
بس بسخنها وهى فى مكانها لمده 20 دقيقة مرتين فى الاسبوع
فهل ده كويس للمحافظة عليها؟
واقصى مده اد اية لركنتها ممكن تقعدها وبعدها احركها؟ علشان العفشة
علما انى بلاحظ الكاوتش علشان ما ينامش والسلك يتكسر
لانسر 2007 اوتوماتك هاف اسبورت عدادها تقريباً 43 الف كم
وجزاك الله خيرا
انا عرضت السؤال على المهندس احمد عناني مدير الورشة في مركز الخدمة الرئيسي في قليوب وقال يجب طبعا تغيير زيت المحرك لو عادي كل 3 شهور ولو تخليقي (مثل موبيل وان) كل سنة حتى ولو لم يتم عمل كيلو متر كبير على زيت المحرك ويجب تحريك السيارة من مكانها حتى لا يتلف الكاوتش وتحركها كل اسبوع على الأكثر ويجب تشغيل التكييف البارد ولو لمدة خمسة دقائق كل اسبوعان حتي يتم تزييت الاورنجات الخاصة بخراطيم التكييف
المشاركة الأصلية كتبت بواسطة temokemo
المهندس المحترم طارق اليومين دول بدور علي عربية تكون 1600 بس اوتوماتيك بس كلة قالي مادام هتجيب اتوماتيك يبقي افضل انك تكشف عليها في التوكيل او مركز خدمة معتمد وانا الحقيقة مش قاعد في القاهرة فكنت عايز اعرف ممكن لما ربنا يوفقني في حاجة كويسة ممكن اكشف عليها فين والكشف هيكون تكلفتة كام وهل في الكشف بيديني تقرير كامل عن العربية و هل لازم احجز معياد قبل ماروح ولا اية ينفع اورح في اي معياد من غير حجز ارجو من حضرتك النصيحة ولحضرتك جزيل الشكر
هو حضرتك من المنيا واعتقد القاهرة اقرب لك من قنا اللي فيها مركز خدمة معتمد في صعيد مصر وبالتالي حضرتك شرفنا في مركز الخدمة الرئيسي في قليوب لما تتوفق في عربية باذن الله كويسة المكان في قليوب الكيلو 16 طريق اسكندرية الزراعي ت 42157629 وممكن تيجي في اي وقت مش مشكلة بس يفضل بدري شوية في اي يوم والتكلفة 180 ج + 10% وبيكون فيه تقرير شامل للعربية عن الصاج والحوادث ، والتكييف ، وحالة المحرك ، والفتيس ، والعفشة ، وايه اللي العربية محتاجاه وهل فيها قطع غيار مش اصلية ولا لأ خاصة العفشة
المشاركة الأصلية كتبت بواسطة mgk_tex
السلام عليكم
انا امبارح دخا موتسكل فى المرايا اليمين بتاعت العربيه وكسرها هيه ماسكه دلوقتى على السلك الكهربا سالت ناس قالولى لازم تغير المرايا كلها وقالولى كمان فى الاصلى وفى حاجات تايوانى سعرها ارخص المشكله ان الماتور بتاع المرايا شغال وكويس انا كده لازم اشتريها بالموتور ولا ممكن الاقى مرايا اشتريها من غير الماتور بتاعها؟
هي المرايا الجديدة الأصلي للبومة سعرها حاليا 900 ج + 10% يعني 1000 جنيه انما لو القاعدة بس هي المكسورة (او مع الزجاجة فقط كذلك) لكن البودي سليم والمحرك سليم ففيه عدة موضوعات اتعملت هنا في المنتدى عن طرق تغيير القاعدة لوحدها او لصقها وان كان ده مش اصلي لأن الأصلي لازم المرايه على بعضها
هي لو العربية مش في التأمين يبقى حضرتك شوف استيراد مثلا أو التايواني ممكن يكون ارخص
السلام عليكم
كل التقدير والاحترام
امتلك لانسر موديل 2007/ 1600 cc اتوماتك
انا من محافظة قنا وقد سمعت ان مركزكم الموقر من افضل مركز الخدمه
لدى مشكلة بسيطة فى العربية اناه مش بتسحب وجربت تغير فلتر الهواء + البنزين + تنظيف الرشاشات
ولم افلح
ارجو المساعدة
خالص تحياتى لسيادتكم
فيه حضرتك مركز خدمة معتمد في قنا ممكن تكشف عنده
اسمه مجموعة شركات الدولية أوتو - قنا - المدينة الصناعية - الصالحية - المرحلة الثانية ت 0123191980 - 0195510559
المشاركة الأصلية كتبت بواسطة mo3az
أنا جبت لانسر 1300 خليجي أوتوماتيك وكانت عاملة 24000 كيلو ،غيرتلها زيت موتور ، وتيل فرامل ووصلت دلوقتي بيها ل33000 ،أنا من أسيوط ومفيش مراكز صيانة للمتسوبيشي عندنا ،وفي ناس بتقول إن التوكيلات مش موثوق فيها وبينصحوا إن أعمل كل الصيانة نفسي ،بخلاف زيت الموتور والباور والفرامل وماء الريديراتير ،فيه ايه تاني يتغير ويتعمله كشف دوري وأرجو إن حضرتك تشيرلي بشكل مفصل عن زيت الفتيس الأوتوماتيك وبيتغير كل كام كيلو ،اعذرني خبرتي محدودة أو تقدر تقول معدومة ولك جزيل الشكر
هو اقرب مركز خدمة معتمد لحضرتك الموجود في قنا والمذكور عاليه وطبعا مشوار من اسيوط لقنا
الصيانات بتكون كالتالي :
- صيانة العشرة آلاف والعشرين والتلاتين تغيير زيت محرك وفلتر زيت ومراجعة عامة على العربية لو محتاجة تربيط عفشة او تيل فرامل
- صيانة الأربعين بتكون اول صيانة تقيلة بيتغير فيها الى جانب زيت المحرك والفلتر : بوجيهات وفلتر هواء وفلتر بنزين وزيت فتيس
- بخصوص زيت الفتيس فيه زيت ميتسوبيشي اصلي انما مش موجود غير في المركز الرئيسي في قليوب فقط وبالتالي حضرتك ممكن تستخدم زيت atf بتاع موبيل وده بيستخدم في كل مراكز الخدمة المعتمدة نظرا لعدم توفر الزيت الأصلي في معظم المراكز الآن
(((دى حاجه ابسط من البساطه بس للاسف مش هاقدر اوصفلكوا بتتعمل ازاى بس هو اى سمكرى هايظبط قايم الباب بايده الصوت هايروح والصوت ده ناتج عن احتكاك الكاوتش بتاع الباب باقايم العربيه)))
هو ممكن يكون فيه (لاوحة) بسيطة حصلت في الباب نتيجة المطب والسمكري بيعدله بخبرته ببساطة انما طبعا لازم سمكري يشوف العربية ويجربها ويظبط الباب
عندى حاجه مش عارف انا كانت مشكله ولا ده طبيعى وهى المروحتين عند الرداتير فى البومه 2006 خليجى بيشتغلوا مع بعض عند السخونه ( من غير تشغيل التكييف خالص) ,فهل عمل المروحتين مع بعض ده طبيعى ولا واحده بس لازم تشتغل والتانيه مع التكييف.
الطبيعي ان المروحة الأولى مخصصة لتبريد الردياتير والتانية تشتغل مع التكييف ولكن عمل المروحة التانية بدون ما التكييف يشتغل يعني ان الحرارة عالية اكتر من الطبيعي مما يحتاج تشغيل المروحة التانية كمان للمساعدة وده معناه ان فيه مشكلة في دورة التبريد
الطبيعي ان المروحة الأولى مخصصة لتبريد الردياتير والتانية تشتغل مع التكييف ولكن عمل المروحة التانية بدون ما التكييف يشتغل يعني ان الحرارة عالية اكتر من الطبيعي مما يحتاج تشغيل المروحة التانية كمان للمساعدة وده معناه ان فيه مشكلة في دورة التبريد
والعربية تحتاج للكشف عليها لتحديد المشكلة
م. طارق ..... السلام عليكم ورحمة الله وبركاته
أنا عندى المروحتين بيشتغلو مع بعض أثناء تشغيل التكييف وكانت العربيه زيرو هل فى مشكله فى دورة التبريد وهى جديده ؟؟؟ مع العلم مؤشر التبريد فى المنتصف دائما والحمد لله وفى مركز الصيانه مصريه جسر السويس أفادو أن دوره التبريد تعمل بكفاءه لأنه لايوجد أرتفاع فى الحراره . ( مروحة التبريد لاتعمل بمفردها عندى والحراره لاترتفع)
لى سؤال يعنى أيه مجموعة الفراشه ؟؟؟؟ لأنهم نظفوها فى مركز الصيانه .... وشكرا وأسف على الاطاله
المفضلات