الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة ahmed_nbe

السلام عليكم ورحمة الله وبركاته
ممكن سؤال صغير أوى وهذا السؤال الصغير للأفاده العامه
كيفية المحافظة على الفتيس الاوتوماتيك (cvt) عموماً (فى جميع حالات السياره مع ذكر السبب للعلم) - وخصوصاً عند الوقوف المؤقت (حيث أننى سألت المهندس احمد عنانى وقال لى أن لا أغير وضع الفتيس على وضع N إلا إذا وقفت أكثر من دقيقتين وأقل من ذلك فيضر الفتيس ممكن أعرف لماذا ؟ لأننى كنت أفعل ذلك) وهل يوجد اسطوانه دبرياج فى الاوتوماتيك وإذا كان يوجد هل يحدث لها أيضاً تهالك وما حدود سرعات كل من DS - DL ومتى أفضل استخدام لها وعدم استخدامهم واستخدام ال D فقط هل هذا خطأ وهل من الممكن النقل من D الى DS لزياده التسارع وما هى حدود السرعه الذى يمكن التغيير من وضع الى آخر
هلى يجب على أن أترك السياره حتى تسخن حتى استطيع الحركه بها حيث أن الكتالوج مذكور فيه أنه علىّ أن اتحرك بالسياره فى اسرع وقت بعد تشغيل السياره ما هو الصحيح والأفضل للسياره
وهل يجب أن أترك المفتاح على وضع start فتره من الزمن قبل تشغيل السياره صباحاً.

بعد عرض السؤال على المهندس أحمد عناني مدير الورشة في مركز الخدمة الرئيسي في قليوب اجاب بالتالي :

أولا : للمحافظة على الفتيس الاوتوماتيك CVT يجب تغيير زيت الفتيس بالكامل (8-9) كيلو كل 40 ألف كيلو متر وتجنب البدء من الثبات بدوسة كاملة على الاكسراتير
وفي حالة الاشارات يجب عدم النقل على P أو N ويفضل الوقوف على النقلة في الفترات التي ليست طويلة نسبيا لأن كثرة التعشيق وعدم التعشيق تضر بنسبة بسيطة على المدى الطويل بالمجاميع الداخلية للفتيس

ثانيا : في السيارات المانوال بفتيس اوتوماتيك مثل الكولت 2007 يوجد اسطوانة دبرياج ودسك دبرياج وبلية دبرياج
اما الفتيس الاوتوماتيك CVT لا يوجد به اسطوانة دبرياج او ديسك او بلية

ثالثا : يمكن النقل من D الى Ds بشرط تكون السرعة أقل من 100 كيلو متر في الساعة والى السرعة L بشرط الا تتعدى السرعة 25 كيلو متر في الساعة

رابعا : الافضل ترك السيارة تسخن وبعدين تبدأ التحرك وتجنب التعجيل السريع ولا يجب ترك المفتاح على START فترة من الزمن

وكمان لمزيدا من التفاصيل ده رقم موبابل المهندس أحمد عناني للي يحب يتصل به 0120002235 (طبعا هو اللي عرض الرقم مش انا اللي بادبسه )

المشاركة الأصلية كتبت بواسطة Eyad007

السيد المهندس / طارق زويل بعد التحيه أولا بشكرك على اهتمامك وردك الجميل السهل والدقيق انا بالفعل اشتريت بعد ردك عليه بومه 2010 سبورت 1600مصريه بس ليه سؤال عن الجيربوكس الجديد .
هل التحويل من الأوتوماتك إلى المانيول أثناءالقياده به ضرر على الجيربوكس ولا ده شيءعادى أو العكس من مانيول إلى اوتوماتك ولا يجب التوقف عند التحويل ؟
ولكم منا جزيل الشكر وفائق الاحترام .
محمد

ألف مبروك العربية
انا سألت مدير الصيانة دلوقتي قال لي الفتيس ده زي فتيس الباجيرو اللي فيه سبورت مود ممكن تنقل من الاوتوماتيك للمانوال وانت على اي سرعة فلو افترضنا انت على سرعة عالية مثلا 120 ونقلت على السبورت مود (المانوال) هتلاقي الشاشة الصغيرة في التابلوة اظهرت لك انك دلوقتي على الرابع 4 وتقدر تتحكم في الفتيس مانوال + و -

اهلا وسهلا بحضرتك
الحقيقة انا مش متخصص في تسعير المستعمل
انما اعتقد العربية تعمل حدود 85000 خاصة لو فعلا عاملة 30ألف كيلو فقط
شوف حضرتك الموضوع ده مشابه
http://www.nilemotors.net/Nile/115631-2007.html

وفيه كمان موضوعات مختلفة في القسم عن تسعير عربيات مشابهه

المهم في الموضوع لو اتففتوا على السعر هو الكشف على العربية في التوكيل للتأكد من ان الكيلو متر صحيح (ليس تأكد بجهاز فليس هناك جهاز يكشف ذلك ولكن من خلال الكشف على حالة العربية بواسطة الفنيين اللي عارفين كل سنتيمتر فيها) والتأكد ان مفيهاش حوادث ودي اهم نقطة ثم الكشف على المحرك والعفشة والتكييف والعربية بشكل عام
الكشف على العربية تكلفته حوالي 200 جنيه

بخصوص الصيانة الدورية لو العربية فعلا عاملة 30 ألف يبقى مش محتاجة حاليا غير صيانة الـ 30 ألف تتكلف حوالي 400 جنيه وعلى الكيلومتر 40ألف فيه اول صيانة تقيلة شوية تتكلف حوالي 1000 جنيه
وعموما تفاصيل الصيانات موجودة في الموضوع المثبت عن صيانة العربية من الألف الى الأربعين ألف

اهلا بيك يا باشمهندس محمد
كان فيه احد الأعضاء اشتكى من مشكلة مشابهه قبل كده وكان علاجها اعادة برمجة لفتحة السقف بتتكلف 60 جنيه

ده اذا لم يكن هناك مشكلة ميكانيكية في التشغيل وطبعا الكشف هو اللي هيحدد المشكلة فين بالظبط