الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة ksa2011

هل سعر تيل الفرامل الاصلى نزل تمنه ؟ وهل الطنابير الصينى كويسه ولا لا ؟

لأ سعر تيل الفرامل في التوكيل كما هو 385 ج + 10%
موضوع الطنابير الصيني كويسة ولا لآ - بصراحة مش عارف

المشاركة الأصلية كتبت بواسطة oushy

بشمهندس طارق أنا عندي صوت ونه عامل زي مايكون العربيه فيها كارونه وبايظه بسمع الصوت ده بالذات في بدايه طلوع العربيه ولو شلت رجلي من علي البنزين بيروح يجي تاني لما ادوس تاني مش عارف الصوت ده تقريبا من الفتيس الصوت ده قالقني خايف يكون في حاجه في الفتيس !!!

حضرتك هات العربية التوكيل بحيث مهندس الاستقبال يجرب العربية مع حضرتك ونحدد بالظبط المشكلة فين

المشاركة الأصلية كتبت بواسطة hatem_badawe

طارق باشا



اسفين علي ازعاجك


انا عندي مشكلة كدا في عربتي وهي لانسر بومة

بعد ما عملت صيانة العشرين
في التوكيل


وغيرت تيل الفرامل


لما امشي بالعربية للخلف بسمع صوت صفارة كأن التيل خلص

انما للامام عادي مفيش صوت

كل ما ارجع بضهري من الجراج اتعكنن الحقيقة

وشكرا يا باشا

اهلا يا استاذ حاتم
موضوع صوت الصفارة في التيل مع الرجوع للخلف بيكون سببه كلبسات تسمى صاجة التيل وهي للأسف منتهية دلوقتي في التوكيل ومطلوبة ممكن تتابعنا بالتليفون لتركيبها اول ما توصل وسعرها 60 جنيه - مركز خدمة قليوب ت 42157629

المشاركة الأصلية كتبت بواسطة littlepharoe

أنا ناوى أجيب لانسر بوما 2010 مانيوال 1300 cc
ومش هاقدر أزود عن كده لوجود التزامات ماديه أخرى
و أنا عندى أسره 4 أفراد و عموما سواقتى هادئه و سفرياتى
مرتين أو ثلاثه سنويا مع تشغيل التكييف تقريبا طول الصيف
هل 1300 cc مناسبه لأحتياجاتى؟
وماهى معدلات استهلاكها للوقود.وشكرا جزيلا مقدما لسيادتك

ايوة باذن الله الـ 1300 هتناسب احتياجات حضرتك خاصة انها مانوال مش اوتوماتيك وحتى لو اوتوماتيك طالما السواقة هادئة يبقى مفيش اي مشاكل باذن الله
بخصوص معدل استهلاك الوقود فشركة ميتسوبيشي مش بتعلن في كتالوجاتها عن ارقام محددة لمعدل استهلاك الوقود انما من واقع خبرة اصحاب العربية في المنتدى هنا فالعربية الـ 1300 مانوال استهلاكها ممتاز جدا في الوقود وبالتوفيق

المشاركة الأصلية كتبت بواسطة totti3377

:ka_che1[1]:نداء لمصراوي جدا خبير ميتسوبيشي انا الحمد لله جبت لانصر شارك هاف اسبورت سعودي بس في اول الف كيلو كنت بسافر اسكندريه كتير وكنت بمشي 120 وساعات 130 والrpm كان بيزيد عن 3000 في بعض الاحيان هل ده ممكن ياثر علي الموتور ............ولك جزيل الشكر:e_braces[1]:

زي ما قلت لحضرتك في الموضوع المنفصل موضوع انك في الـ 1000 كيلو متر الأولى زودت على سرعة 120 كم وعن 3000 ار بي ام فدي هي الحدود التي ينصح بعدم تخطيها خلال الألف الأولى كنوع من التليين النهائي للمحرك لأنه بيتم تليينه في المصنع ، لكن نستبشر خير ان ميكونش ده أثر على حاجه باذن الله طالما العربية ماشية كويس

الموضوع ابسط من كده بكتير

استاذ حاتم موضوع صاجة التيل دي بتكون قطعة معدنية صغيرة بتمسك تيل الفرامل والتيل نفسه هتلاقيه كويس والموضوع مش محتاج خرط طنابير خالص ولا حتى تغيير تيل طالما مفيش صفارة مع الفرامل او في اثناء المشي

اما بشكل عام لو التيل منتهي وعمل عالي وواطي في الطنابير واحتاجت الى خرط فان عملية خرط الطنابير هي عملية رسمية من شركة ميتسوبيشي (اقصد مش تأليف صنايعية من مصر) ولها ماكينة خاصة بتخرط الطنابير والعربية مرفوعة على الكوريك الرباعي وماكينة الخرط بتشيل او بتاكل جزء من الملليمتر ولذلك احيانا تسمى مسح الطنابير لمساواتها ، وبالتالي فده مش بيأثر عليها ولا محتاجه تتغير واعتقد ان تغيير الطنابير ده محدش بيحتاجه الا عند كيلو متر عالي جدا

هي سعرها 80 جنيه + 10%

لكن الكمية الموجودة قليلة مخصصة لاستخدام مراكز الصيانة فقط وممكن تيجي خلال اسبوعين تلاته كمية منها تخصص للبيع المباشر