انت تسأل وإستشاري منتدى متسوبيشي يجيب (2)

**مصراوي جدا** · 14-05-2009 02:00 PM

المشاركة الأصلية كتبت بواسطة ahmedehab

يا باشا الف شكر لكن العربيه عامله 26000 كم حتى الان اقدر اعملها ايه في الوقت الحاضر علما باننى من خارج القاهره؟؟؟؟؟؟؟؟؟؟؟

26 ألف مفيش اي مشكلة ما هو زي ما حضرتك عارف ان صيانة العشرة والعشرين والتلاتين بتكون اساسا زيت وفلتر ومراجعات عامة وتربيط عفشة وكشف لو محتاجة تيل وتغييره
انما الصيانة التقيلة بتكون في الأربعين

المشاركة الأصلية كتبت بواسطة mohamedway

بالمناسبه كنت عاوز أسأل البشمهندس طارق عن توافر التيل الsumitomo الأخضر من حيث:

هل هو موجود علطول ولا ساعات ممكن ما ألاقيهوش خالص لأنى مقتنع بيه عن التانى رغم انه بيخلص أسرع و مش عاوز أركب أى تيل غيره علطول؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

ولكم جزيل الشكر على مجهودكم الرائع

باذن الله متوفر .. هو جات فترة من حوالي سنة كان فيه نقص في التيل بس بعدها اصبح متوفر النوعين بكثرة والحمد لله

المشاركة الأصلية كتبت بواسطة aratux

مهندس طارق
ممكن أحجز لتغيير طقم السيور يوم السبت المقبل فى جسر السويس؟

المقبل يعني 16 مايو بعد بكره في حسر السويس مش ممكن لكن ممكن تتصل بيهم تحجز موعد

انما في قليوب ممكن لو جيت الساعة 8 صباحا باذن الله

**ahmedehab** · 14-05-2009 09:28 PM

[كنت عاوز اسال هى عفشه 1300 مانوال خليجى رياضيه ولا لا؟ وياريت يا باشمهندس طارق تفيدنى هل يمكن اللعب فى العداد الالكترونى للانسر وكيفية اكتشاف ذلك ؟ وشكرا ياباشا على المجهود الكبير]

**sherif0333** · 15-05-2009 02:26 AM

استاذ طارق انا معايا شارك 2008 و كنت عملت صيانى الالف فى 1-1-2009 بعد ما عملت الصيانة لقيت الكمبيوتر بتاع العربية كاتب ان الصيانة القادمة بعد 9000 كيلو او 3 شهور و من اول ابريل كل ما دور العربية يكتبلى ميعاد الصيانة الدورية انا استخدامى للعربية مش كتير لغاية دلوقتى انا عامل 4000 كيلو فياريت حضرتك تقولى اعمل اية

**Daash** · 15-05-2009 05:46 AM

استاذ طارق

لاحظت شئ غريب بالسيارة ولا اعلم الامر

انا لدى لانسر شارك واقوم بتفويل بنزين 92 ولكن ارى ان العربية ضعيفة فى السحب وبصراحة اتخنقت منها لما ركبت البومة حسيت ان العربية الشارك ضعيفة جداً بالنسبة للبوما .

المهم والدى مره قام بتفويل بنزين 90 للعربية ولقيت العربية بقا حالها غريب لقيتها قوية جداً والسحب بتاعها بقى شديد وحسيت انها اقوى من البوما .

انا لا افهم النظرية فى استخدام بنزين 92 او 90 ولكن السؤال المهم هل يضر السيارة استخدام بنزين 90 ؟؟

ياريت اصحاب لانسر شارك يجربوا بنزين 90 مرة ويقولولنا النتيجة يمكن تكون عربيتى مختلفة :)

**johnson** · 15-05-2009 11:20 PM

استاذ طارق
مساء الخير دى اول مشاركة ليه
انا محتاج اسال حضرتك سوال
انا هاغير بطارية عربيتى لانسر 1600 موديل 2006
ايه احسن الانواع واجيبها 55 زى اللى ركبه فى العربية ولا اجيبها 70 او 60 محتاج رد حضرتط بسرعة ولو حد من الاعضاء عنده راى ياريت يضيفه و شكررررررررررا

**Ahmed Nouh** · 15-05-2009 11:36 PM

المشاركة الأصلية كتبت بواسطة مصراوي جدا

لو الغرض من الجواب المحافظة على الضمان فمفيش داعي له لأن عند الاحتياج للضمان بيتم الكشف على الكمبيوتر على بيانات العربية والتأكد منها وبالتالي هيظهر انها من عربيات مصرية وضمانها ساري بشرط ان تكون المالك الأصلي للعربية اما اذا كان الغرض من الخطاب تقديمه لجهة ما فده مفيش فيه مشكلة بس حضرتك اشرح لي هيتقدم لمين وايه الظروف سواء على الخاص او باتصال تليفوني من 8 ص الى 4 م ت 42157629

شكرا جزيلا لتجاوبك معايا يا بشمهندس طارق

هو الجواب كان لجهه ما فى اشتراك لخدمه بس مطلوب التأكد ان عربيتى تابعه للوكيل وليست مستورده من قبل اى تاجر للخليجى

ان شاء الله اول ما احتاجه هكلم حضرتك وشكرا جزيلا على خدمتك

المشاركة الأصلية كتبت بواسطة Daash

المهم والدى مره قام بتفويل بنزين 90 للعربية ولقيت العربية بقا حالها غريب لقيتها قوية جداً والسحب بتاعها بقى شديد وحسيت انها اقوى من البوما .

تجربه قد تكون مفيده فى الموضوع ده

جربت تحط 92 بس من بنزينه تانيه غير اللى متعود تحط منها ؟

**zonboroky** · 16-05-2009 12:41 AM

باشمهندس طارق انا معايا لانسر 99 1300 اوتوماتيك كاربيراتير شاريها من سنتين بس من ساعتها وانا حاسس ان فيها مشكلة في الفرامل بتفوت ساعات وغيرت خزنة الزيت والتيل ولسة برضه ساعات الفرامل تقع لتحت قووي كانها مش موجودة اصلا .ثانيا صوت الموتور عالي قوي ومش ناعم على الرغم اني مش بسيبها عايزة حاجة وبغيرلها كل حاجة بأحسن نوع . فهل ممكن في التوكيل يعملوا فحص للموتور والفرامل ويقولولي لو فيه مشكلة ولاايه الحكاية لاني بدأت اشك انها كانت عاملة حادثة قبل كدة (ربنا يستر )انا متشكر لسعة صدرك

**amer20042** · 16-05-2009 06:41 AM

السلام عليكو انا الدكتور امير على الاسيوطى
من اسيوط انا ممكن اسئل الباشا كام سوئال كده بس معلش هوا قديم شويه
انا معايه عربيه 504 وهغير بعربيه متسبيشى 2004 انت ايه رايك ويا ريت تقولى ايه ميزاهه وايه عيبها علشان انا
حابب الموستبيشى جامد والف شكر للمنتدا الجميل ده و جزاك يا ريت الرد بسرعه يا باش مهندس الله خيرا الجمعة 21 جمادى الأولى 1430