ماهو الشنبر و أزاي ممكن يخلي الموتور خفيف ؟

**bishoy02010** · 16-03-2009 12:23 AM

المشاركة الأصلية كتبت بواسطة samirayad

الحته دى من كلام أخوناbishoty بتشير الى زيادة ضغط الغازات فى غرف المحرك عن الوضع الطبيعى فى حالة الحرق على الغيارات............وطبعا كده بتدعم وجهة نظرى....(ودى تجربه عمليه اهى قدامنا )

طيب إيه الحل !!!!!!!! كدة سنبر ولا بلوف الصمامات ولا إيه ؟

**samirayad** · 16-03-2009 12:31 AM

المشاركة الأصلية كتبت بواسطة bishoy02010

طيب إيه الحل !!!!!!!! كدة سنبر ولا بلوف الصمامات ولا إيه ؟

ما أنا مش عاوز أرد لأنك مش موضح الأمور كويس........فياريت لو تعيد الصياغه بخطوات مرتبه وواضحه.......علشان أعرف بالظبط التفويت منين ( لأنى مبقدرش اقول كلام الا أما أكون فاهم الوضع كويس )..........فعاوزك ترتب الوضع لو سمحت

**bishoy02010** · 16-03-2009 12:38 AM

منا مش عارف ارتبة إزاى طب حضرتك اسئلنى وانا هجوبك !!! هوة اللى ققدر ققوله ان انا عندى لما بحرق على الغيارات بشم ريحت زيت والزيت بيقل بشم الريحة من خرطوم الفايظ لآنى مش موصلة بكل بساطة دية اكتر حاجة بشتكى منها وطبعا الزيت بيقل جامد فى الحالة دية وبيبقى فية ضعط هوا لو شيلت الغطا بتاع الموتور لكن الشكمان مبيطلعش دخان والسحب عادى جدا بس صوت الموتور عالى عن الطبيعى مش عارف ليه او يمكن السبب حاجة تانية بس انا كدة قلت اللى شايفة وحضرتك ممكن تسألنى على اى حاجة وهرد عليك اه مرة كنت بغير جوانات الفرن لقيت فية زيت خفيف مطرحهم :)

**samirayad** · 16-03-2009 12:52 AM

بشم ريحت زيت والزيت بيقل بشم الريحة من خرطوم الفايظ

دى بتدل على حدوث تفويت من الشنبر للكرتير لما بتحرق علشان ضغط غازات الأحتراق بيعلى والمكنه ما بتبقاش فايقه

وطبعا الزيت بيقل جامد فى الحالة دية

كده يبقى الشنبر بدأ يخف ومينفعش تحرق على المكنه

وبيبقى فية ضعط هوا لو شيلت الغطا بتاع الموتور

وده تفويت من الصبابات

لكن الشكمان مبيطلعش دخان والسحب عادى جدا بس صوت الموتور عالى عن الطبيعى مش عارف ليه

سيلات الصبابات عندك كويسه علشان كده مفيش زيت بينزل من عندها للغرف.............والحل دلوقتى ياتهدى العمليه مع المكنه شويه وبلاش موضوع الحرق ......وأذا كنت بتهوى موضوع الحرق ده .......فيجب أنك تغير طقم شنبر وتعمل روديه كمان......وبرضه حنشوف آراء أخرى (يمكن أكون تسرعت فى حاجه وموضحتهاش كويس )

**bishoy02010** · 16-03-2009 12:55 AM

المشاركة الأصلية كتبت بواسطة samirayad

دى بتدل على حدوث تفويت من الشنبر للكرتير لما بتحرق علشان ضغط غازات الأحتراق بيعلى والمكنه ما بتبقاش فايقه كده يبقى الشنبر بدأ يخف ومينفعش تحرق على المكنه وده تفويت من الصبابات سيلات الصبابات عندك كويسه علشان كده مفيش زيت بينزل من عندها للغرف.............والحل دلوقتى ياتهدى العمليه مع المكنه شويه وبلاش موضوع الحرق ......وأذا كنت بتهوى موضوع الحرق ده .......فيجب أنك تغير طقم شنبر وتعمل روديه كمان......وبرضه حنشوف آراء أخرى (يمكن أكون تسرعت فى حاجه وموضحتهاش كويس )

شكرا بس الموضوع ده بيتكلف ادد إية وبيتعمل فين ؟؟؟؟

**samirayad** · 16-03-2009 12:59 AM

طيب ماتسايس المكنه شويه وممكن تجرب موضوع زيت الشنبر ده ............وأهى محاوله قبل حل المكنه (وبرضه وخليك وسط )..........والصراحه مقدرش أفيدك فى التكلفه حاليا (لأن الموضوع بيحدد بعد الكشف وحسب قطع الغيار المطلوبه )....لأنك ممكن تحتاج صبابات مثلا وممكن لا...............

**bishoy02010** · 16-03-2009 01:01 AM

منا حطيتة قبل كدة بس معملش حاجة مفرقش فى حاجة قصدى معلش كان عندى سؤال انا كنت بسمع اللى بيعمل شنبر ده بيبوض بعد 6 شهور وكلام غريب كدة صح المواضيع دية ولاإيه و إن الموتور بيتخنق ومبيجريش زى الأول وهكذا !!!

**samirayad** · 16-03-2009 01:06 AM

لا متصدقش الكلام الخرط ده.......أهم شىء تختار صنايعى كويس

**bishoy02010** · 16-03-2009 01:11 AM

مهوة عشان كدة انا بسأل وياريت اللى يعرف ميكانيكى نظيف قوى يقولى لأنى بجد تعبت والموتور ده انا لسة جايبة استيراد مكملش 6 أشهر وقرب يفوت منى فعايز حد يرجعهولى 100% بقى لآن الإستيراد مش زى مكنت فاكر طلع مش ادد كدة ومستهلك منة كتير فاللى يعرف حد شغال فى مواتير الب ام الموديلات القديمة ياريت يقولى او يكون بيفهم فى المواتير وتعميرها وممتاز وشكرا

**sab3aawy** · 16-03-2009 10:40 AM

[QUOTE=samirayad;707840]

المشاركة الأصلية كتبت بواسطة M.Mokhtar

لا هو أنت عندك حق طبعا وفعلا أنا لخبطت العمليه شويه......................

_ أنا فعلا أفتكرت الدخان الأبيض من مقاس الزيت ( وده اللى بيكون بيبقى بسبب تفويت من بين الشنبر الى الكرتير)

_ أما التفويت من عند التاكيهات بيكون بسبب عدم تطبيع الصبابات......وأنا بأعتذر لصاحب السؤال

معلش اعذرونى للتدخل ، لكن بالفعل انت كنت صح فى الأول يا باشمهندس سمير، لان تحت منفد على فوق، من مسارات رجوع الزيت، وبالتالى لما بيحصل ضغط تحت نتيجة لتهريب جزء من الكبس الى غرفه الكارتير بيسمع فوق، وفيه عربيات كتير خرطوم الفايض بتاعها بيبقى طالع من غطاء وش التاكيهات وليس من غرفة الكارتيرة زى ال 127 ،

عدم تطبيع الصبابات لا يؤدى الى ان فيه ضغط يبان عندى من غطاء التاكيهات، عدم تطبيع الصبابات يؤدى الى ان الكبس او ضغط الحريق يهرب الى الشكمان لو كان الصباب اللى مش مطبع صباب عادم، او لو كان الصباب اللى مش مطبع صباب بنزين فده يؤدى لهروب هواء الحريق الى المنايفولد وتسخين خليط الهواء والوقود مما يؤدى لتدهور اداء المحرك، لكن فيه فاصل بين منطقة دخول الهواء وخروج العادم فى وش السلندى ومنطقة التاكيهات، هو كاوتش الصباب، وهو بيمنع نزول الزيت الى منطقة تبادل الهواء وخروج الهواء الى منطقة التاكيهات، وبالتالى حتى لو تىكر هو بيسبب دخول الزيت الىمنطقة الهواء الساخن وليس خروج الهواء الساخن الى منطقة غطاء التاكيهات،

ارجو ان اكون قد اوضحت الصورة