الموضوع: عايز شوية آراء خبيرة-كورولا وللا اوكتافيا

المشاركة الأصلية كتبت بواسطة ahmed1981

حتى بعد إعتراف التوكيل إن فيه عيب ؟
ونزول الموديل الجديد بفتيس أوتوماتيك عادي في إستجابة للشكاوى ؟؟
وتغيير السوفت وير الخاص بالفتيس القديم ؟؟!

هو الهنعيدوا نزيدوا ,,
ماحنا قولنا ان الفتيس اتغير عشان الناس معرفتش تسوقه و معندهاش فكرة عنه ,,
و ان السوفت وير الجديد دة update مش اكتر زاى ما حصل مع الاسترا و الفكترا

معلومة من المصدر للعلم فقط .. الأوكتافيا لا تبيع في دولة كاملة مثل الإمارات أكثر من 100 سيارة في العام وحطو خطين تحت 100 سيارة والف خط تحت في العام, ياريت أحد الأخوة يديني مبرر واحد مع انهم نفس السعر في الإمارات.

ملاحظة: انا عشت في الإمارات 23 سنة.

المشاركة الأصلية كتبت بواسطة delpo

معلومة من المصدر للعلم فقط .. الأوكتافيا لا تبيع في دولة كاملة مثل الإمارات أكثر من 100 سيارة في العام وحطو خطين تحت 100 سيارة والف خط تحت في العام, ياريت أحد الأخوة يديني مبرر واحد مع انهم نفس السعر في الإمارات.

ملاحظة: انا عشت في الإمارات 23 سنة.

هو حد هيسيب كامري و يفكر في الاوكتافيا
الكامري من اكتر العربيات اللي بتتباع هناك

المشاركة الأصلية كتبت بواسطة awazeer

هو حد هيسيب كامري و يفكر في الاوكتافيا
الكامري من اكتر العربيات اللي بتتباع هناك

يا فندم اي عربية بتتباع اكتر من الاوكتافيا يعني الكورولا في الامارات بتتباع بشكل رهيب وده مش كلام في الفاضي انا راجل بتكلم بالواقع والارقام وهقولك ازاي:

الفطيم هو صاجب توكيل تويوتا في الإمارات وبداية من الشهر الجاري يعني من 1/7 شال التأمين والصيانة من على التوكيل من كتر المبيعات وبيبيع بنفس السعر يعني هتدفع اضافي تأمين وصيانة فوق السع العادي يعني ببساطة الكورولا زادت بنحو 5 آلاف جنيه في الإمارات.

ثانياً الستوك أو المخزن بتاع الكورولا في أبوظبي في منطقة الميناء نفذت منها جميع سيارات كورولا ولم يتبقى منها سوى 14 سيارة كورولا بونها أبيض فقط و تم بيع كل سيارات الكورولا في المخزن وعشان كده غلو الأسعار.

ثالثاً الإثبات عشان طبعا ناس كتير هتشكك في الكلام ارفع سماعة التليفون واتصل بالفطيم تويوتا وأسألو عندك كورولا أو لا هيقولك الأول صعب بس هحاول اوفرلك ولو قدرت مش هيبقى في غير اللون الأبيض بس, ومن غير تأمين ولا صيانة.

رابعاً الاوكتافيا لا يمكن مقارنتها ابدا بالكامري حضرتك بتقارن بين عربية تحت 200 الف جنيه وعربية بنص مليون جنيه, فا دي فئة ودي فئة تانية خالص فا ياريت متقولش ان دي مابتبيعش عشان دي موجودة, ولو حتى افترضنا ان كلامك صح فا ده معناه ان التويوتا برضو متفوقة.

تحياتي

والله يا جماعة مبيعات الكورولا في العالم كله اكبر من الأوكتافيا فا قدامنا حل من اتنين يا العالم كلو غبي واحنا الي طلعنا الفار من بق القط, يا اما احنا الي العيب فينا زي ما كل حاجة ماشية بالمقلوب عندنا ,,,, الكورولا أعلى سيارة حققت عدد مبيعات في تاريخ السيارات كلها.

بالمناسبة بلاش فلسفة .. خلينا واقعيين

وتحياتي