الموضوع: حجز الشوارع للركن (ضروري حد يفيدني)

المشاركة الأصلية كتبت بواسطة ashraf229

حضرات السادة اللي بتقولوا بمنتهى الحماس روح و بلغ و أقلب الدنيا!!!!!!!!!

هأبلغ عن جاري و تبقى حرب أهلية و يتربص بيا كل يوم و التاني و تنتشر العداوة

وكل كام يوم أنزل ألاقي بوسة ولا حكة و لا خربشة على العربية اللي دافع دم قلبي فيها!!!

جه الحي و شال الحديد ما يعرفش سيادته يدهم الشاي بتاعهم و يطنشوا؟؟؟أو يركبه تاني بعد ما يمشوا ده على اعتبار انهم
صايمين و ما بيشربوش شاي!!!

مش ممكن يطلع صاحب سلطة أو بلطجي و يقلب الدنيا وتبقى حوار!!

لو حضرتك متربي و ابن ناس و ما بتحبش قلة الأدب تعيش ازاي!!
ما انته ممكن تكون محترم و بتحب الخير للناس و لنفسك و بتحب تعيش في هدوء وده حقك
يبئى لازم الناس تتقي الله و تحب بعض و تكون سلسة شوية لأن معظم مشاكلنا احنا اللي عملناها و نرجع نحب بعض ده أولا
ثانيا اللي ما يعرفش يبئى محترم القانون يخليه محترم بالعافية لأني مش مطالب اني أخد كورس في الشتيمة و أشترك في جيم
و اكون بلطجي و أشيل سلاح علشان أعرف اخد حقي المفروض في نظام بيحكمنا

دوريات و حملات و نزاهة و شرف من المسؤولين لازالة التعديات

و خلينا حقانين.....ناس كتير معندهاش أخلاق و لا في حي بيشتغل أصلا.......و عليه العوض

مفيش فايدة.........

++++++++++++1
كلامك مظبوط واؤيد كلام حضرتك الموجة للعضو الاخر .
وياما شوفت وافضل حاجة كانت بتسعدنى فعلا انى الاقى فردتين نايمين ع الارض
كنت ببقى سعيد انها جت على كاوتش .. غير كدة تلاقى خبطة .. فانوس مكسور وتمنة 1200 ف توكيل لانسر
دة كلة بسبب الخناق والشرطة وخلافة باردو هيحاول يضايقك بشتى الطرق .. الموضوع بقى بلطجة بشكل غريب
بالنسبة للركنة مبقتش بفترق معايا بصراحة بركن بعيد عن البيت عادي وبعيد عن شغلي وحتى بعيد عن المكان
اللى رايحة اية المشكلة لما امشى خمس دقايق مثلا ولا دقيقتين ؟ فى سبيل الحفاظ على السيارة وعدم اخذ حق الغير
حتى لو حصل ورحت مولات .. سيتى سنتر فية باركنج جوة بركن فية .. كارفور كذلك .. مول زي كايرومول
واخدين ساحة صغيرة فى شارع الهرم وعاملينها باركينج للعاملين واصحاب المحلات اللى جوة ! يعنى نادراَ
تلاقى مكان فاضى .. وباردو عادى .. بركنها بعد المول بشوية وبرجع مشي اتفرج على جمال مبنى الاحوال المدنية
ثم عبد الرحيم عمرو واطقم الانترية والترابيزات :) ثم المول .. احنا محتاجين حاجات كتيرة جداَ اهمها التسامح والرجوع
الى تعاليم الدين

معلش ماهو في برده ناس معندهاش دم .. يعني انا شاري محل و مرخصه جراج علشان احط فيه عربيتي ولازم كل يوم و انا خارج او داخل الاقي واحد رامي عربيته قدام الباب بتاع الجراج