حجز الشوارع للركن (ضروري حد يفيدني)

**dode2002** · 25-05-2009 04:19 PM

المشاركة الأصلية كتبت بواسطة karim_monir

شوف لو الحى اللي انت ساكن فيه ممكن يستجيب طبعا بلغ مرة واتنين وشوف
لو ساكن في منطقة عشوائية او منطقة الحي بتاعكم مش فاضيلكم
اعمل زيهم ماهو مفيش فايدة
وهاقولك على طريقة ظريفة
هات ماسورتين قطر كبير مفرغين وااحفرلهم واغرزهم في الارض وساويهم بالارض بالظبط(نتاية) ويكون في شفتها خرم لقفل صغير

والماسورة التانية (العاشق) تشيلها في شنطة عربيتك لما تركن واول ما تخرج تركبها مكان وتورح مشوارك
طبعا ماسورتين على قدر مقاس عربيتك
ولما تشيلها تقف فوقيهم مش جواهم عشان لو جت بلديه ماتعملكش مشكلة ولا محضر

ايه ياعم الحاج كريم الناس غضبانه من الموضوع ده وانت بتعرفه ازاي يعمله

**Samah AbdAllah** · 25-05-2009 05:17 PM

ماهو يا جماعة لو كل واحد عاوز يحط عربيته قدام بيته والعمارة الواحدة فيها 40 شقة هيحطوهم ازاى؟؟؟؟؟؟؟؟؟؟

**mam2** · 25-05-2009 09:52 PM

متشكر لكم

و ان شاء الله هشتكي في الحي و هعمل محضر

**bishoy02010** · 25-05-2009 10:42 PM

طمنا إيه اللى حصل

**zocor742** · 25-05-2009 11:19 PM

بجد حاجة مستفزة جدا لما تيجى تركن عربيتك يطلعلك واحد يقولك دة مكانى او مينفعش تقف هنا انا مرة واحد صاحب محل بيقولى متقفش هنا والعربية الى هتقف هنا هنيم العجل رحت معرض العربية قدام المحل فى نص الشارع وقولتلة العربية عندك اهية لو فعلا دكر يبقى المسها روحت قافل العربية وطالع ولما جالى مزاج نزلت اركنها فى مكان تانى عشان متبقاش رخمة واعطل الناس عن مصالحهم
بس المهم ان الراجل دة لو ركنت قدامة مش بيقدر يفتح بقة ويكح

**abzoabzo** · 26-05-2009 11:55 AM

يا جماعة انتوا ليه محسسنى ان فى واحد من المستهترين هيكلف خاطره ويعمالك حاجة حتى لو فى مادة فى القانون البلد ده ماليانة قوانين

المشكلة فى النظام الفاشل اللى سمح للمبانى ده انها تطلع بدون دراسة للشوارع وربنا يجعله عامر وبتاع
واخر قنون عبيط للمرور قال ايه لازم صاحب المنشاء ياخذ موفقة المرور علشان تصريح البناء
ههههههههههههههه هههههههههههههههههههه مبادئ النعامة يعنى

**mam2** · 16-06-2009 12:02 PM

حبيت أقول لكم على اللي حصل معايا

أنا قدمت شكوى في وزارة الداخلية و الحي (الكلام ده اونلاين على موقع الوزارة و موقع الحي)

و العجيب و المريب (رغم أنه المنطقي!) أنه بعد حوالي 3 أيام فقط اتصل بي القسم على الموبايل و قال لي تعالا نكمل المحضر بس أنا كنت في الشغل فقلت لهم أعدي و انا مروح

بعد ساعة اتصلوا تاني و قالولي انهم طالعين في حملة

بعدها بساعة كمان اتصلوا تاني و قالولي ان كله تمام و نمت ازالة التعديات!!!!!!!!!!!!!!!!!!!!!!!!!!!!!

أنا طبعا مصدقتش نفسي و حسيت اني في دولة تانية

بس الاحساس ده تبخر أول مرجعت من الشغل و السبب المرة دي احنا مش الحكومة

فعلا تمت ازالة كل المواسير الظاهرة و لكن

قام الاهالي باعادتها فورا بعد رحيل الحملة
ومنهم من قام باعادتها و لكن بعد فترة
وخلال اسبوع عاد الوضع لما كان عليه

أنا فقدت الامل خلاص

فإما اني أكون زيهم و احجز مكان
أو كل يوم عذاب في الركن و بهدله للعربية لأن الاماكن الفاضية هي اللي العربية معرضة فيها للخبط أو لعب الاطفال

أو أشوف بلد تانية محترمة

**أحمد كمال** · 16-06-2009 12:13 PM

فيه حل ظريف جدا

اما واحد يعمل سلاسل

و يركن عربيته و يقفل عليها بالسلسلة

حط له عود كبريت في القفل و اكسره بحيث العود يبقى بالكامل جوة القفل و مفيش طرف ليه ممكن يتشد و لا حتى بملقاط

هههههههههه و يبقى يقابلني لازم يكسر القفل عشان يخرج