حجز الشوارع للركن (ضروري حد يفيدني)

**كابوس الليل** · 20-06-2009 02:37 AM

اجر خمسة بلطجية ولا حاجة وجدع حد يكلمك
بهذر طبعن

**MoToRiZeR** · 20-06-2009 04:08 AM

انا مع الرأي اللي بيقول إن الأولوية لأصحاب العمارة يركنوا .

ماهو مش معقول يعني أبقي راجع بيتي و تعبان و عايز أنام و مالاقيش ركنة عشان واحد جي يقعد ساعتين علي قهوة ولا عيل بيلعب بلاي ستيشن في المحل اللي في الشارع ولا حتي لو بيعمل حاجة مهمة، و بصراحة منظر مستفز طبعاَ (بالنسبة لي) إن ألاقي حد راكن تحت بيتنا و تحت الشجرة اللي إحنا زارعنها و مغطي العربية كمان

و لكن المشكلة ليها كذا محور

أول حاجة المصريين بيحبوا يركنوا قدام المكان اللي رايحينوا بالضبط .. ولا بديل عن ذلك .. يعني لو هتشتري حاجة من محل تركن صف تالت قدامه مفيش مشاكل .. لو رايح تمضي ورقة من مكان تركن قدامه تماماَ و لو ينفع تركن جوه المكتب و تديهم الورقة من جوة العربية و إنت قاعد يكون جميل .

تاني حاجة الشارع دائماَ هو الإختيار الأول لأغلبية الناس .. رغم إن معظم الأماكن اللي الواحد بيروحها (معظمها) بيكون فيها أماكن و ساحات باركنج .. و الدليل علي ذلك شارع سوريا في المهندسين .. لفترة من حياتي شغلي كان في ذلك الشارع و هو طبعاَ معروف للجميع .. شارع واسع و لكن الركن فيه أربع صفوف (أيوا ! أربعة و متفهمش الحياة ماشية إزاي و تمام!) .. و الشارع ماشي في حارة واحدة .. يعني لو حد حب ينزل حد راكب معاه ولا حد نازل من تاكسي الشارع كله يقف .. و متقدرش تقوله أقف علي جنب لأن أصلاَ مفيش جنب، و في المقابل .. في ضهر الشارع و عند التوحيد و النور فيه ساحة جراج بركن فيها تقريباَ انا و 4 أو 5 عربيات تانيين ! و برضه فيه جراجات مكدسة بصراحة بس يبقي الشارع هو الخيار الأول دائماَ ! عشان محدش عايز يدفع جوز الجنيهات .. و علي فكرة في الدول المحترمة مفيش ركنة ببلاش حتي في الشارع .. عشان محدش يقول إنه إفترا إنه يدفع كل ما يركن .

**Fouad Ezz** · 20-06-2009 04:48 AM

المشكلة مش فينا ولا في القانون
بدليل ان الراجل عمل شكوي علي النت والناس إتحركوا وخلصوا الموضوع
بس لازم تكون دي حملات دورية - يومية - إسبوعية - أو أي حاجة
لكن أصل المشكلة هي حرامية الأحياء
يعني أكثر من نص عمارات البلد المفروض تكون موفرة جراجات أسفل العمارة بدلا من المحلات ... لكن شوية قرشين في الحي كل صاحب عمارة يقلب المحلات جراجات ....
وأصبحت شوارعنا وحوارينا منفجرة ولسة هاتنفجر أكثر ....
شوفوا كام الف عربية جديدة بتنزل الشارع كل يوم غير العربيات اللي موجودة من أكثر من 40 سنة + التوك توك + عربيات الكارو اللي باشوفها ماشية حتي في صلاح سالم!!!!!!!
الفوضي بقت في كل مكان
انا بقه عندي حل لموضوع الركنة ...... باسيب عربيتي راكنة و باخذ تاكسي .....
حتي تنصلح الأمور

**Terrible_DaRsH** · 20-06-2009 05:17 AM

سكان الشارع عندنا عملوها مرة و جابوا سلسلة حديد و بنوا قالبين اسمنت على اول الشارع .

للاسف اكتر من 20 شخص وقعوا من السلسلة دى لانها كانت محطوطة بغباء و انا كنت هقع بالليل مرة من فوقها , واحد من اللى وقعوا راح بلغ البوليس شالها تانى يوم على طوووول و لما سالوا مين اللى عامل السلسلة دى كل واحد دخل نام اسبووع فى بيته :) .

من ساعتها محدش غريب يدخل الشارع نهائي علشان الخناقات .

**Hondawy_2008** · 20-06-2009 05:31 AM

المشاركة الأصلية كتبت بواسطة motorizer

انا مع الرأي اللي بيقول إن الأولوية لأصحاب العمارة يركنوا .

ماهو مش معقول يعني أبقي راجع بيتي و تعبان و عايز أنام و مالاقيش ركنة عشان واحد جي يقعد ساعتين علي قهوة ولا عيل بيلعب بلاي ستيشن في المحل اللي في الشارع ولا حتي لو بيعمل حاجة مهمة، و بصراحة منظر مستفز طبعاَ (بالنسبة لي) إن ألاقي حد راكن تحت بيتنا و تحت الشجرة اللي إحنا زارعنها و مغطي العربية كمان

و لكن المشكلة ليها كذا محور

أول حاجة المصريين بيحبوا يركنوا قدام المكان اللي رايحينوا بالضبط .. ولا بديل عن ذلك .. يعني لو هتشتري حاجة من محل تركن صف تالت قدامه مفيش مشاكل .. لو رايح تمضي ورقة من مكان تركن قدامه تماماَ و لو ينفع تركن جوه المكتب و تديهم الورقة من جوة العربية و إنت قاعد يكون جميل .

تاني حاجة الشارع دائماَ هو الإختيار الأول لأغلبية الناس .. رغم إن معظم الأماكن اللي الواحد بيروحها (معظمها) بيكون فيها أماكن و ساحات باركنج .. و الدليل علي ذلك شارع سوريا في المهندسين .. لفترة من حياتي شغلي كان في ذلك الشارع و هو طبعاَ معروف للجميع .. شارع واسع و لكن الركن فيه أربع صفوف (أيوا ! أربعة و متفهمش الحياة ماشية إزاي و تمام!) .. و الشارع ماشي في حارة واحدة .. يعني لو حد حب ينزل حد راكب معاه ولا حد نازل من تاكسي الشارع كله يقف .. و متقدرش تقوله أقف علي جنب لأن أصلاَ مفيش جنب، و في المقابل .. في ضهر الشارع و عند التوحيد و النور فيه ساحة جراج بركن فيها تقريباَ انا و 4 أو 5 عربيات تانيين ! و برضه فيه جراجات مكدسة بصراحة بس يبقي الشارع هو الخيار الأول دائماَ ! عشان محدش عايز يدفع جوز الجنيهات .. و علي فكرة في الدول المحترمة مفيش ركنة ببلاش حتي في الشارع .. عشان محدش يقول إنه إفترا إنه يدفع كل ما يركن .

-111111111111111111

الشارع مش ملكك عشان تركن تحت عمارتك مكنش حد غلب

**أبو_حمزة** · 20-06-2009 06:02 AM

المشاركة الأصلية كتبت بواسطة mytutor2008

لكن أصل المشكلة هي حرامية الأحياء
يعني أكثر من نص عمارات البلد المفروض تكون موفرة جراجات أسفل العمارة بدلا من المحلات ... لكن شوية قرشين في الحي كل صاحب عمارة يقلب المحلات جراجات ....
وأصبحت شوارعنا وحوارينا منفجرة ولسة هاتنفجر أكثر ....

صح 100%
بس لو الغلط على اصحاب العمارات قيراط يبقى على اللى بيشتر 24
ليه قبلت تشترى فى عمارة بدون جراج وليه ساعدت صاحب العمارة و اديته فلوسك يكمل بيها مخالفاته

اسمحوا لى..... كل واحد اشترى شقه فى عمارة مخالفة ة بدون جراج يبقى اتنازل عن حقه انه يركن تحت عمارته.
الشارع ملكيه عامه و لو مسموح فيه بالركن يبقى لا فرق بين اللى رايح يقعد على القهوة أو اللى طالع ينام

ما تروحش تضيع حقك بايدك و تطالب الناس انها تتنازل لك عن حقوقها فى الملك العام

**النوبي** · 20-06-2009 03:23 PM

الشارع ملكيه عامه ماشي مفيش مشاكل لاكن اني ارجع باليل علشان اركن الاقي واحد مكاني معلش ده لا ادب ولا ذوق يعني انا صاحب العماره وكمان معرفش اخلي العربيه تحت بيتي
طيب احنا هنا في الاقصر الشوارع واسعه نسبيا والناس اللي معاها عربيات مش كتير لاكن انا ساكن جنب فندق وشركتين سياحه وجراش سياحه لشركه تالته يوميا لازم خناقه واتنين لاني بلاقي مكاني تحت العماره اتوبيس سياحه كبير وممكن اتنين ولما اتكلم مع حد يقولك اصل الجراش مفهوش مكان واحنا طلعين الفجر وبعد الخناق يتحرك ويروح يركن بعد الفندق طيب انا ايه زنبي عايز تركن اركن بس بالنهار وانا بالنهار لو عايز اركن وفيه حد مكاني مفيهاش زعل الشارع كبير ومش مشكله لاكن باليل اسمحلي ما ينفعش خالص