الموضوع: اخر اخبار مشروع تكهين الملاكى

مش لاقى كلام اقوله غير ربنا يحرق دمهم
لازم يكون فى فحص فنى عادل وعليه يتحدد العربية اللائقة من الغير لائقة
يعنى العربية اللى معايا مالها شايلانى ولينا مع بعض عمر طويل وقصص حلوه ووحشة وهيا بسم الله ما شاء الله تكلفة تشغيلها مش تعبانى اينعم بتعب فى انى اجيب ليها قطع الغيار بس فى الاخر حتى لو ركبت فيها ارخص قطعه غيار برضة بتمشى وبتسد
تعالوا نتخيل الوضع
واحد عنده عربية ملاكى قديمه سليمه وبتعدى من الفحص من غير وسايط ومش بتكلفة الا ثمن البنزين والزيت و الصيانات الشهرية والدورية
عاوزينه يتخلى عن دى مقابل عربية صاجها اقرب ما يكون من الفويل
عاوزينه يتخلى عن دى مقابل انه يبقى عليه هم كل شهر انه يدفع قسط قد كده لمده قد كده ومش تنسوا الفوايد ولو حصل مره واتاخر فى سداد القسط
عاوزينه يتخلى عن دى مقابل انه يبقى تحت رحمه الوكلاء اللى بيجيبوا اردأ درجات العربيات وبيجردوها من كمالياتها ويبيعوا ليك الكماليات تانى يعنى تكون دافع تمن العربية اكتر من مره
عاوزينة يتخلى عن دى مقابل ايه ... ؟
لا من رأيى كفايه كده كفايه اوى الشعب مش ناقص
ولو حصل الكلام ده مش متصور ايه اللى مش ممكن يحصل

المشاركة الأصلية كتبت بواسطة hashem1999

والله انا احترت خلاص
مابقتش عارف الموضوع ده فى مصلحتنا
ولا ضدنا

بصراحة انا كمان مش عارف..


بس انا ممكن ابص على الموضوع من اتجاه تاني خالص.. (اعتبروني مش معايا عربية)
بفرض ان معظم السيارات هتتكهن لقدم موديلها ... مش دا معناه ان الشوارع هتكون فاضية؟
انا شايف ان لو في تخطيط سليم المشروع دا هيكون معجزة..
بعد ما العربيات القديمة تتكهن و الشوارع تكون فاضية الحكومة توفر وسائل مواصلات جماعية ادمية
و بكدا احنا اصلا مش هنحتاج عربيات (إلا في الضرورات) و الزحمة هتقل جداً و هنكون ماشيين في نفس الأتجاه مع الدول المتقدمة .. (الإعتماد في الأساس على وسائل النقل الجماعي)

ممكن تكون وجهة نظر مش منطقية بس انا شايفها كدا .. على المدى البعيد طبعاً

هل لحلال وتجديد السيارات الملاكي المملوكه للناس بجديدة
اهم ولا احلال وتجديد سيارات النقل الجماعي من اتوبيسات وميكروباصات وميني باصات


ولا احلال وتجديد المباني القديمة اللي مضى على انشائها 100 سنه واكثر قبل ما تنهار

مش عارف حسيت ان الملكية الفردية للمصري بتنتهك من حكومته

المشاركة الأصلية كتبت بواسطة abzoabzo

مش دستورى ومش بمزاج اى حد انه يكهن عربية ملاكى
ده ملكية خاصة كفاينا بقى انتهاكات
ومحدش فاهم حاجة فى البلد ده

ومش من حق الحكومة انها تفرض عليا اشترى منين
انا حر بفلوسى يا اصحاب العقول المظلمة
ان حر اشترى من المريخ براحتى

كلامك سليم يا أخ ابزو و لو صدر القرار بالتغيير الاجباري سيكون غير دستوريا و يمكن الطعن عليه في المحكمة الدستورية العليا و لكن لو قرأت ما بين السطور تجد ان أغلب نواب الشعب يريدون ان يكون قرار التغيير ( أختياريا ) و ليس اجباري يعني اللي عايز يحتفظ بسيارته القديمة فلا أحد يجبره على تغييرها أو شراء سيارة من ماركة معينة تصنيع محلي .

المشكلة ليست في كون القرار أجباريا من عدمه المشكلة في القرارت التي قد تأتي بعد ذلك من غلاسة و تطفيش لملاك السيارت القديمة مثل زيادة الضريبة من قبل الدولة على السيارت القديمة مع جعل الفحص الفني كل سنة بدلا من ثلاثة سنوات بدعوى أن السيارت القديمة ( نظريا ) محتاجة متابعة و صيانة أكثر من الجديد .

ممكن تظهر مشكلة أكبر و هي نقص قطع الغيار خاصة و أن تجار قطع الغيار لن يقبلوا على شراء أو استيراد قطع الغيار للموديلات القديمة لان نسبتها ستقل حيث انه من المتوقع أن نسبة من الملاك ستقبل على التجديد سواء بمعرفتهم عن طريق البيع و شراء الماركة التي يريدونها أو عمل التجديد و الاحلال تبع المشروع .

المشكلة في تبعات القرار و ليس في القرار نفسه كونه اختياري أم أجباري

طبعا المستفيد الاول و الاخير معروف صاحب اكبر توكيل بيجمع العربيات فى مصر و عندة مخزون جامد جدا لازم يخلص اجبارى

المشاركة الأصلية كتبت بواسطة shnory

يا باشا
80% من عربيات مصر عدي عليها 30 سنه
معني ان القرار ده يتطبق ان الشوارع تبقي فاضيه
والبيجو ال 504 كلها حتتعدم
والفيات القديم
والفولكس حتنقرض نهائي
والمرسيدس
وموديلات بالهبل حتموت
انا موافق علي القرار ده بشرط واحد
انه ياخد عربيتي يحرقها ويديني عربيه بدون جمارك بقسط شهري 300 جنيه
غير كده كل واحد يحرق عربيته ويبقوا يجيبوا عربيات مطافي تكفي بقي
دا لو محرقوهاش علشان هي كمان معديه ال30 سنه وكلها كهنه

و هو دا المطلوب عشان اصحاب العربيات الفخمة يعرفوا يستخدمو امكانيات عربياتهم و عشان تامين المواكب الرسمية بتاعت الوزرا و غيرهم يبقى اسهل

المشاركة الأصلية كتبت بواسطة hashem1999

والله انا احترت خلاص
مابقتش عارف الموضوع ده فى مصلحتنا
ولا ضدنا

متهيالي هو ضد مصلحة اي حد معاه عربية و مكفياه

المشاركة الأصلية كتبت بواسطة successcre8or

بصراحة انا كمان مش عارف..

بس انا ممكن ابص على الموضوع من اتجاه تاني خالص.. (اعتبروني مش معايا عربية)
بفرض ان معظم السيارات هتتكهن لقدم موديلها ... مش دا معناه ان الشوارع هتكون فاضية؟
انا شايف ان لو في تخطيط سليم المشروع دا هيكون معجزة..
بعد ما العربيات القديمة تتكهن و الشوارع تكون فاضية الحكومة توفر وسائل مواصلات جماعية ادمية
و بكدا احنا اصلا مش هنحتاج عربيات (إلا في الضرورات) و الزحمة هتقل جداً و هنكون ماشيين في نفس الأتجاه مع الدول المتقدمة .. (الإعتماد في الأساس على وسائل النقل الجماعي)

ممكن تكون وجهة نظر مش منطقية بس انا شايفها كدا .. على المدى البعيد طبعاً

اضحك الله سنك يعني هيا الحكومة مستنية تكهن الملاكي عشان تقدر توفر وسائل مواصلات جماعية و ادمية دا الموضوع دا حيبقى هلاك على جميع مشارع النقل الجماعي بما فيها المترو طبعا و الحكومة لو عارفه تعمل اكتر من كده في موضوع الواصلات كانت عملت من زمان

المشاركة الأصلية كتبت بواسطة abdelmessih67

كلامك سليم يا أخ ابزو و لو صدر القرار بالتغيير الاجباري سيكون غير دستوريا و يمكن الطعن عليه في المحكمة الدستورية العليا و لكن لو قرأت ما بين السطور تجد ان أغلب نواب الشعب يريدون ان يكون قرار التغيير ( أختياريا ) و ليس اجباري يعني اللي عايز يحتفظ بسيارته القديمة فلا أحد يجبره على تغييرها أو شراء سيارة من ماركة معينة تصنيع محلي .

المشكلة ليست في كون القرار أجباريا من عدمه المشكلة في القرارت التي قد تأتي بعد ذلك من غلاسة و تطفيش لملاك السيارت القديمة مثل زيادة الضريبة من قبل الدولة على السيارت القديمة مع جعل الفحص الفني كل سنة بدلا من ثلاثة سنوات بدعوى أن السيارت القديمة ( نظريا ) محتاجة متابعة و صيانة أكثر من الجديد .

ممكن تظهر مشكلة أكبر و هي نقص قطع الغيار خاصة و أن تجار قطع الغيار لن يقبلوا على شراء أو استيراد قطع الغيار للموديلات القديمة لان نسبتها ستقل حيث انه من المتوقع أن نسبة من الملاك ستقبل على التجديد سواء بمعرفتهم عن طريق البيع و شراء الماركة التي يريدونها أو عمل التجديد و الاحلال تبع المشروع .

المشكلة في تبعات القرار و ليس في القرار نفسه كونه اختياري أم أجباري

مش عارف يا مان جالي ليه احساس فجائي و انا بشوف الكلمتين دول انني عايش في امريكا ولا فرنسا مش عايش في مصر