الموضوع: البوجيهات فى كلمات

باشمهندس سمير
انتا فاكر موضوع الصنيعى العبقرى المصرى اللى لازم يألف علشان يبقى صنيعى كويس
انا دخلت على موقع ان جى كيه علشان اشوف مواصفات البوجيه اللى اشتريته وفعلا لقيت نسبه الجاب 1.1 ... وعربيتى كرولا 1300 سى سى فى الكتالوج نسبة الجاب 1.1 .... والعبقرى زود الجاب دى بالمفك

فاكره ياباشا
هو ده يتنسى
ماهو معانا ليل ونهار
هههههه

ايه الاضرار الناتجه عن تكبير الجاب دى ؟؟؟

ضعف الشراره
مما يعنى حريق غير مكتمل
ممايعنى ضعف فى عزم وقدرة الموتور
ممايعنى نقصان فى السحب وزياده فى أستهلاك البنزين
وقد تقابلك مشاكل فى بدء الدواره مع مرور الوقت

شكرا جزيلا يا باشمهندس سمير
انا هاروح للعبقرى وأقوله حاجه من اثنين ... يا أما يرجع الجاب زى ما كانت أما أوسع الجاب بين الفص الايمن والفص الايسر لدماغه
واكيد هايشتغل بالمفك والكماشه ... يبقى أغير أحسن
بس الى يزعل انى شارى ال ان جى كيه اريديوم 160 جنية

أفضل أن ألحق هذا الموضوع معانا
فى هذا التوبيك

http://www.nilemotors.net/Nile/139202-a.html

ربنا يخليك يا أبو حنفى

بناً على شرح حضرتك لانواع البوجيهات الثلاثة ( الساخنة - المتوسطة - الباردة ) وانها على ما فهمت تختلف عن معنى بوجية سن طويل وبوجية سن قصير .

فاذا كان كلامى صحيح كنت عاوز اعرف اذى اقدر اشترى بوجية سن طويل بارد لان لما بنيجى نشترى لا تجد غير سن طويل او قصير .

ارجو التصيحيح اذا كان هناك شى غلط

المهندس سمير ارجو الـرد

المشاركة الأصلية كتبت بواسطة uhlphp

بناً على شرح حضرتك لانواع البوجيهات الثلاثة ( الساخنة - المتوسطة - الباردة ) وانها على ما فهمت تختلف عن معنى بوجية سن طويل وبوجية سن قصير .

فاذا كان كلامى صحيح كنت عاوز اعرف اذى اقدر اشترى بوجية سن طويل بارد لان لما بنيجى نشترى لا تجد غير سن طويل او قصير .

ارجو التصيحيح اذا كان هناك شى غلط

لما نجيب أنواع الشموع التصميميه معنا حاليا فى هذه المشاركه

أنواع شمعات الأشتعال ......البوجيهات
يوجد أنواع مختلفه فى المقاس من شمعات الأشتعال ولذلك عند تغيير الشمعات يجب أختيار النوع المناسب لظروف تشغيل المحرك
1- الشمعه الساخنه ............ذات السن الطويل
2- الشمعه المتوسطه.........ذات سن وسط
3- الشمعه البارده ...........ذات السن القصير


- الشمعه الساخنه .....أنف ذو لون أحمر كما بالشكل
وفيها يكون الأنف الخزفى الداخلى للشمعه طويل نسبيا ( بيكون داخل غرفة الحريق )
حيث يعمل ذلك الأنف الخزفى الطويل المعرض لغازات الأحتراق فى غرف الحريق
على الأحتفاظ بالحراره وعدم تسريبها أو تهريبها لرأس السلندر كما سبق أن بينا
والسن الطويل هو الخط المتقطع فى الشكل القادم شمالا
يستخدم هذا النوع من الشموع مع المحركات البطيئه أو التى تعمل عند أحمال جزئيه
وتتميز هذه الشمعه بخاصية التنظيف الذاتى نتيجه لتوهجها المستمر داخل غرف الحريق
(لأنها بتحتفظ بالحراره ) ولا تسربها للمحرك من خلال رأس السلندر
وذلك بسبب توهجها وبروزها جهة جبهة اللهب أثناء أشتعال مخلوط الهواء والبنزين

- الشمعه المتوسطه ....ذات الأنف الأخضر
هذا النوع من الشموع يستخدم مع المحركات التى تعمل فى ظروف تشغيل عاديه
وفيها يكون طول الأنف الخزفى للشمعه أقصر من الشمعه الساخنه وبالتالى يكون مسار التعرض للهب الناتج عن أشتعال مخلوط الهواء والبنزين أقصر من النوع الساخن

- الشمعه البارده .....أنف ذو لون أزرق
تستعمل مع المحركات ذات السرعات العاليه وذات الأحمال الكبيره للحصول على آداء متميز .......وبالذات فى البلاد الحاره نسبيا
ويكون طول الأنف الخزفى للشمعه أقصر من النوعين السابقين .....حيث لا تحتفظ بالحراره بل يحدث تسريب سريع للحراره الى المحرك
لذا يطلق عليها الشمعات البارده

حنلاقى الشمعه الساخنه مناسبه للبلاد البارده

والشمعه البارده مناسبه للبلاد الحاره

والشمعه المتوسطه بين البنين

فكل المتاح عندنا فى مصر (حسب كلامك نوعين )

يابارده ياساخنه

ومفيش متوسطه

يبقلى أيه الأنسب لينا ( بناء على الموجود عندنا )

بتاع البلاد الحاره لأننا فى مصر الجو معتدل نسبيا طوال العام

ولسنا مثل البلاد الأوروبيه أو الأسكندنافيه الشديدة البروده طوال العام