الموضوع: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!

المشاركة الأصلية كتبت بواسطة lion_heart

اعتقد و الله اعلم ان كان هذا الخبر صحيح , هو الكحكة الطرية ,
و الله اعلم ان اللى هيحصل ان العربيات القديمة اللى هيسرى عليها قانون التكهين سيتم اعفاؤها اذا و اذا بس .....
انها تشترى مواتير جديدة ما بتسببش تلوث زى القديمة من وجيه اباظة , وممكن الموتور يوصل لـــ 10 او 12 الف جنيه و ساعتها شوفوا انتم كام عربية 504 فى جميع انحاء مصر و مواقفها شوفوا انتم كام الف عربية ...
ده كمان بالاضافة للعربيات الصالون اللى ممكن يتعمل معاها نفس الحركة ................
بصراحة الحركة دى لو اتعملت و اطبخت كويس ....هتجيب ملايين الملايين ...
عرفتوا ليه الــــ 504 ... هذا لو صح اللى بأفكر فيه .
انه رأس المال الذئب .
هذا و الله أعلم ....

مش عارف انا حاسس ان هوه ده الهدف الحقيقى من ورا الخبر .

انا شايف ان الخبر ناقص النص عشان اقدر احكم عليه
كل الناس بتتكلم على العربية و انها قديمة و ان وان وان........ لكن محدش اتكلم عن الطرف التانى فى المعادله اللى هو السعر
يعنى لو العربية سعرها مثلا من 60 الى 75 الف
ارى انها صفقة جيدة جدا

المشاركة الأصلية كتبت بواسطة ams

يعنى لو العربية سعرها مثلا من 60 الى 75 الف
ارى انها صفقة جيدة جدا

تفتكر هينزلها أرخص من الشاهين ؟؟
لا أعتقد
دا اللادا 2107 أم بيض مالص سعرها 47000 جنيه

المشاركة الأصلية كتبت بواسطة ahmed1981

تفتكر هينزلها أرخص من الشاهين ؟؟

لو انا مكانه هعمل كده
و هتعمل مبيعات خرافية فى الفئة دى
و اعتقد ان هيبقى فى هامش ربح لا باس به ابدا

لكن هو هيعمل ايه ؟
مش عارف بس اكيد هتبقى حاجة غير منطقية - ده الطبيعى بتاعنا

المشاركة الأصلية كتبت بواسطة lion_heart

اعتقد و الله اعلم ان كان هذا الخبر صحيح , هو الكحكة الطرية ,
و الله اعلم ان اللى هيحصل ان العربيات القديمة اللى هيسرى عليها قانون التكهين سيتم اعفاؤها اذا و اذا بس .....
انها تشترى مواتير جديدة ما بتسببش تلوث زى القديمة من وجيه اباظة , وممكن الموتور يوصل لـــ 10 او 12 الف جنيه و ساعتها شوفوا انتم كام عربية 504 فى جميع انحاء مصر و مواقفها شوفوا انتم كام الف عربية ...
ده كمان بالاضافة للعربيات الصالون اللى ممكن يتعمل معاها نفس الحركة ................
بصراحة الحركة دى لو اتعملت و اطبخت كويس ....هتجيب ملايين الملايين ...
عرفتوا ليه الــــ 504 ... هذا لو صح اللى بأفكر فيه .
انه رأس المال الذئب .
هذا و الله أعلم ....

المشروع ده لو رسى على المواتير بس يبقى عمل اللى عليه و زياده

اولا ياجماعه استحاله يكون عامل الموضوع ده علشان حكايه المواتير لان اساسا سعر الموتور الاستيراد بتاع ال504 او ال 505عدي ال11000 جنيه وأسمه استيراد فمابالك لما يبيعه هو جديد هيبقي بكام
ثانيا لما نيجي نشوف ال 504 الاستيشن اختاروها ليه العربيه دي اللي يركبها من جوه يلاقي الاتي العربيه عامله زي السلم 3 درجات اقل درجه اللي السواق راكب فيها وبعد كده الكنبه الوسطي وبعد كده الكنبه الاخيره والشنطه
العربيه دي مناسبه كتاكسي ليه
1-سمعتها من زمان هتخلي اي سواق يجدد يروحلها وان ليها قطع غيار
2- العربيه دي واسعه جدا من جوه اوسع من اللوجان والافانزا بمراحل لانها اعرض منهم واطول منهم\
3-العربيه من وراء فيها شنطه بعد السبع كراسي لكن اي عربيه تاني الكرسي الاخير بيبقي لازق في القزاز اللي وراء
4-العربيه دي من وراء فيها اربع مساعدين مش اتنين بس علشان كده استحاله تنزل سنتي مع الحموله
5-جهل فئه معينه من الناس (السائقين) وخوفهم من الجديد(اللي نعرفه احسن من اللي مانعرفوش

طيب نيجي بقي ليه اختارها وما اختارش ال505
الناس من زمان بتفضل ال504 عن ال505 علشان ال504 زي مابيقولوا حماله أسيه بمعني (هات 5شكاير اسمنت وحطهم في عربيه 504 وعربيه 505 هتلاقي ال504 وشها رفع لفوق بدون اي تأثير اخر علي كرسي النص وده علشان ال504 فيها دعامات (علب) تحت كرسي النص لكن ال 505 هتلاقيها اتقوست من النص )
امشي في الشارع وبص علي ال504 وال505 هتلاقي ال504 شكلها زيرو ولكن ال 505 هتلاقي التعبان منها كتير)
اسعار قطع غيار ال505 غاليه من زمان علشان كده ممكن السواقين مايجيبوهاش


ثالثا:فيه رأي بيقول انه ممكن يجيب ميكروباص احسن بحيث العربيه تشيل 14 راكب احسن من 7 يعني العربيه بعربيتين طبعا مش هينفع علشان
1-فرق السعر هيخلي السواقين مايرضوش
2- لو نزلت موقف هتلاقي الناس بتدور علي العربيات البيجو وبتسيب الميكروباص ليه علشان قاعده البيجو من جوه مريحه لكن الميكروباص تحس انك قاعد علي كرسي خشب ورجلك في ضهر اللي قدامك لكن البيجو كأنك راكب عربيه ملاكي عادي
3-سواقين الميكروباص ساعات بيركبوا اربعات علشان كده الناس مابتحبش تركبها

يا جماعة خدوا بالكم ان الموضوع خاص العربية البيجو ال 504 الإستيشن مش الصالون
فعلا لغاية دلوقتي مافيش عربية نزلت السوق تقدر تحل محلها كعربية 7 راكب
انا معايا اللوجان ال 7 راكب لكنه عمرها ما هتكون زي البيجو الإستيشن
اي نعم دي 7 راكب و دي 7راكب
لكن شوف البيجو بتشيل فوق سقفها ازاي
والله انا بشوف عربيان بيجو بتحمل من ميناء سفاجا الناس اللي راجعين من الخليج و معاهم عفش و الله بدون مبالغة بتششيل حوالي طن عفش و شنط و زكايب علي سقفها و بتمشي عادي
هي دي الفكرة في اعادة تصنيع العربية