الموضوع: التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!

المشاركة الأصلية كتبت بواسطة successcre8or

مع احترامي لرأي حضرتك..

هو تحميل طن فوق العربية يعتبر صح اصلا؟
بالمنظر دا لو عملت حادثة هتعمل كارثة..

يا عزيزي انا ما بتكلمش عن صح و لا غلط
انا بقول اللي بيحصل و لو عاوز صور هتلاقي بالعبيط عالنت

الكلام دا بيحصل فعلا و العربيات بتسافر مسافات طويلة بالشكل دا

و الدنيا ماشية زي الفل

اما حكاية صح و لا غلط فدي لا هتقدم و لا هتأخر

يا باشا انت في مصر

هو احنا ناقصين قديم على شان نجددها كمان

مصر : للخلف در

الأول إنتم فاكرين البيجو 504 ؟؟؟؟؟؟؟؟؟؟؟؟؟؟؟

أه طبعا فاكرينها , النعش الطائر

طبعا أستاذ إسلام أسبغ في الرد
لكن نبص واحدة واحدة

وقبل أي كلمة أقولها أحب أعرف الناس إني كنت من ملاك بيجو 504 سبعة راكب موديل 1980 بدون كماليات وكنت من ملاك بيجو 505 سبعة راكب كاملة أوتوماتيك موديل 1985

المشاركة الأصلية كتبت بواسطة islambana

اولا ياجماعه استحاله يكون عامل الموضوع ده علشان حكايه المواتير لان اساسا سعر الموتور الاستيراد بتاع ال504 او ال 505عدي ال11000 جنيه وأسمه استيراد فمابالك لما يبيعه هو جديد هيبقي بكام

الموضوع معمول عشان العربية وليس الموتور
الراجل قال إنه هينتج سيارة 504 مش هيفتح محل بيع مواتير
كده أنا معاك في هذه النقطة

المشاركة الأصلية كتبت بواسطة islambana

ثانيا لما نيجي نشوف ال 504 الاستيشن اختاروها ليه العربيه دي اللي يركبها من جوه يلاقي الاتي العربيه عامله زي السلم 3 درجات اقل درجه اللي السواق راكب فيها وبعد كده الكنبه الوسطي وبعد كده الكنبه الاخيره والشنطه
العربيه دي مناسبه كتاكسي ليه
1-سمعتها من زمان هتخلي اي سواق يجدد يروحلها وان ليها قطع غيار

أكيد سمعتها كويسة
لكن لابد نضيف لذلك عدم وجود منافس أو بديل لها لسنوات طويلة في قديم الزمان
وهذا يحسب لها
لكن ولى ذلك الزمان وإحنا ولاد النهاردة وبقى فيه سيارات سبعة راكب أحسن من 504 بمراحل

المشاركة الأصلية كتبت بواسطة islambana

2- العربيه دي واسعه جدا من جوه اوسع من اللوجان والافانزا بمراحل لانها اعرض منهم واطول منهم\

كما قلت بصفتي أحد ملاكها
وبصفتي جربت اللوجان السبعة راكب
اللوجان أوسع من الداخل وأكثر إستغلالا للمساحات
والكرسي اللأخير للوجان يتفوق على البيجو 405 بمراحل كثيرة
وإن كانت شنطة البيجو 504 أكبر لكن راحة الركاب أهم من راحة الشنط

المشاركة الأصلية كتبت بواسطة islambana

3-العربيه من وراء فيها شنطه بعد السبع كراسي لكن اي عربيه تاني الكرسي الاخير بيبقي لازق في القزاز اللي وراء

معاك في هذه النقطة
لكن الأفضل منها بيجو 505 فيها نفس المساحة مع إمكانية طي المقاعد لتصبح حصيرة
وهذا غير متوفر في ال 504

المشاركة الأصلية كتبت بواسطة islambana

4-العربيه دي من وراء فيها اربع مساعدين مش اتنين بس علشان كده استحاله تنزل سنتي مع الحموله

فيها أربع سست وإثنين مساعدين وليس أربع مساعدين
وهذه مسألة تصميم
يعني ممكن في سيارة أخرى سوسته واحدة تصمم لتقوم بعمل سوستتين في سيارة أخرى
ولكن أنا معك أنها لا تنخفض من الخلف بسهولة مهما حملت عليها

المشاركة الأصلية كتبت بواسطة islambana

5-جهل فئه معينه من الناس (السائقين) وخوفهم من الجديد(اللي نعرفه احسن من اللي مانعرفوش

هذا كلام ناس
لكن وقت الشراء لو هناك 504 و 505 أو أي موديل أحدث وأفضل بسعر متقارب العاقل سيشتري 505 أو الأحدث
ولن يشتري ال 504 إلا عاشق لها ليتفرج عليها أو جاهل والجميع سيشترون ال 505 والأحدث عموماً
طالما السعر متقارب وكله زيرو

المشاركة الأصلية كتبت بواسطة islambana

طيب نيجي بقي ليه اختارها وما اختارش ال505
الناس من زمان بتفضل ال504 عن ال505 علشان ال504 زي مابيقولوا حماله أسيه بمعني (هات 5شكاير اسمنت وحطهم في عربيه 504 وعربيه 505 هتلاقي ال504 وشها رفع لفوق بدون اي تأثير اخر علي كرسي النص وده علشان ال504 فيها دعامات (علب) تحت كرسي النص لكن ال 505 هتلاقيها اتقوست من النص )

عفواً فهذا كلام لا أساس له من الصحة

المشاركة الأصلية كتبت بواسطة islambana

امشي في الشارع وبص علي ال504 وال505 هتلاقي ال504 شكلها زيرو ولكن ال 505 هتلاقي التعبان منها كتير)

عيني بتشوف العكس
الجديد جديد والقديم قديم

المشاركة الأصلية كتبت بواسطة islambana

اسعار قطع غيار ال505 غاليه من زمان علشان كده ممكن السواقين مايجيبوهاش

ال 504 وال 505 تشترك في كثير من قطع الغيار
والإثنين قطع غيارهم بنفس المستوى السعري أغلى من الفيات

المشاركة الأصلية كتبت بواسطة islambana

2- لو نزلت موقف هتلاقي الناس بتدور علي العربيات البيجو وبتسيب الميكروباص ليه علشان قاعده البيجو من جوه مريحه لكن الميكروباص تحس انك قاعد علي كرسي خشب ورجلك في ضهر اللي قدامك لكن البيجو كأنك راكب عربيه ملاكي عادي

البيجو أريح من الميكروباص في حالة إنك راكب لوحدك جمب السواق وهذا صعب
أو أنك راكب على الكرسي الخلفي بجوار الشباك
أما لو كان نصيبك الكرسي اللأوسط بجوار السواق أو الكرسي الأوسط في الصف الثاني فسيتقوس ظهرك ولن تجد لرجلك مكان من تجويف عمود الكردان
ولو كان مكانك الكرسي الخلف فسيتوقف الأمر على طولك
فإذا كنت أطول من 165 سم فستجلس منحني القرفصاء طوال الطريق

وفي الرد القادم سأوضح الفرق بين البيحو 504 وكل من ال 505 واللوجان

الفرق بين السيارة بيجو 504 والسيارة بيجو 505
مثل الفرق بين ال 128 والسيينا

أولا إن أهم ميزة لل 505 هو أنها بنيت لتلافي كل عيوب ال 504 وخاصة عيوب التصميم الداخلي وعيب عدم الثبات في السرعات
فكيف نقول إن ال 504 أفضل !!!!!!!!!!!!!!!!!!!!!

تقريبا كل من 504 و 505 بنفس الحجم
لكن الشكل الخارجي لل505 أفضل
والعزل أصبح أكثر إحترافية
التصميم الخارجي أصبح ملائم لتوزيع الهواء بشكل أفضل للحصول على ثبات أكبر
الكراسي الداخلية لل 505 بها الكثير من حل المشاكل التي كانت موجودة في ال 504
وأصبحت كلها كراسي قابلة للطي وليست هياكل مثل ال 504
ال 505 بها جميع الكماليات التي تخطر على بالك وهي مصمة لذلك
وال 505 أكثر تطوراً
كما أنه روعي في تصميمها راحة جميع الركاب وليس كما وضحت لحالة ركاب ال 504 في ردي السابق