التفكير في إعادة إنتاج بيجو 504 مرة أخرى بواسطة أباظة بعد مرور 35 سنة على مولدها!!!

**samcar** · 06-09-2009 05:37 PM

المشاركة الأصلية كتبت بواسطة lord_fouad

بالمناسبة .. السيارة دي مخصصة للبني ادمين

.. انما في فئة اخرى من السيارات مخصصة لنقل الاسمنت اسمها السيارات النقل و النصف نقل و في بعض الاحيان الخلاط :f_eyeb1[1]:

اللى ما تشلش سافنج ما تشلش بنى ادمين

**ahmed1981** · 06-09-2009 06:05 PM

المشاركة الأصلية كتبت بواسطة nabaster

بس انا شدني الرد بتاع الاستاذ احمد علي اسلام مع انه بيقول انه من ملاك البيجو 504 و 505

المشاركة الأصلية كتبت بواسطة islambana

(هات 5شكاير اسمنت وحطهم في عربيه 504 وعربيه 505 هتلاقي ال504 وشها رفع لفوق بدون اي تأثير اخر علي كرسي النص وده علشان ال504 فيها دعامات (علب) تحت كرسي النص لكن ال 505 هتلاقيها اتقوست من النص )

على كده المفروض ال505 اللي كانت معايا كانت تبقى ماشية زي رقم 8 بالأرقام الهندية
قوس منحرف ووشه للأرض
أنا كنت بحملها بإفترا ونفس الكلام كان مع ال 504
عمر ما حصل حكاية التقويس نهائياً

**ahmed2000** · 08-09-2009 06:55 PM

واللة لو وقفوا علي راسهم مش هيعرفوا ينتجواها بنفس الجودة والصلابة والمتانة بتاعة الفرنسيين

احنا عندنا 504بيجو اجرة شغالة مصر اسكندرية مشغلين عليها سواقين وانتوا عارفين شغل السواقين قرص طول ال200كيلو وشد علطوا والعربية مستحملة من 35سنة كل دة
فمعتقدش ان عربية من بتوع اليويمن دول شايلة 7ركاب وقرص علي الموتور بقالها 35سنة ومنديهاش وسام او ميدلية (نعلقها في الشنطة ورا)

**auto5truck** · 09-09-2009 11:31 AM

المشاركة الأصلية كتبت بواسطة ahmed1981

سمعتم عن خبر التفكير في إعادة إنتاج بيجو 504 مرة أخرى بواسطة أباظة !!!

في تصريح صحفي صرح أحد أبناء أباظة المحتكرين لتوكيل بيجو في مصر

قال إنه ليحصل على نصيب من كعكة إحلال التاكسي
تجري بينه وبين بيجو فرنسا الآن مفاوضات لإعادة إنتاج بيجو 504 السبعة راكب بمصنع الهيئة aav

وذلك لأنه لا يوجد بديل محلي لإحلال سيارت الأجرة ذات السبع ركاب

طبعاً فكر تجاري

لكن أنا إشمأزيت من الخبر وانزعجت بشدة
لماذا؟؟
لماذا لم يفكر في موديل حديث!!!
لماذا يفكر في سيارة أبتكرت من أكثر من 30 سنة ولم تتطور في كل موديلاتها حتى وقفوا إنتاجها

على الأقل لماذا لم يفكر في بيجو 505 مثلاً فهي أكثر تطوراً

المشكلة أن البيجو 504 بها عيب تصميمي خطير يجعلها عرضة للإنقلاب بسهولة في السرعات العالية بسبب تصميم جسمها وتوزيع الأوزان والأبعاد ...

لماذا الإصرار على تجديد القديم بجموده والتنازل عن الجديد المتطور والأكثر أماناً للراكب وللمركبة وللمركوب (المركوب هو الطريق)
ولا المصريين ملهمش في الجديد ومن فات قديمه لاص ؟؟
زي الخطأ الكبير الذي اللي حصل بالسماح بدخول اللادا بمصايبها وتخلفها التطوري لمشروع إحلال التاكسي
كان ناقص يدخلوا ال 128 كمان

أنا رأيي كفاية عليها خلاص راح زمنها
المهم إنتم رأيكم إيه ؟؟؟

الأول إنتم فاكرين البيجو 504 ؟؟؟؟؟؟؟؟؟؟؟؟؟؟؟

طيب ليه مفكرش في حاجة أحدث زي:
بيجو 505:

أو بيجو 806 :

أو حتة 5008 :

في إنتظار آرائكم

و أنا رأيى يؤيد رأيك تماماً

**MaZaGAngeE** · 10-09-2009 01:43 AM

أنا موافق تماما أنهم ينزلوا العربية دي تاني لأنها أنجح عربية في مصر

بس تفتكروا تأثير الموضوع ده على أسعار ال 504 القديمة هيكون ايه ؟

**Lion_Heart** · 10-09-2009 12:38 PM

المشاركة الأصلية كتبت بواسطة mazagangee

أنا موافق تماما أنهم ينزلوا العربية دي تاني لأنها أنجح عربية في مصر

بس تفتكروا تأثير الموضوع ده على أسعار ال 504 القديمة هيكون ايه ؟

لو تمت الموافقة على تسقيط مواتير جديدة بالقديم , طبعا اسعاره هتولع تانى .

**khaled_amer** · 10-09-2009 10:03 PM

اعتقد ان 505 افضل بكثيييييييير و اكثر امانا و اكثر تطوراً و اكثر اتساعاً و لكن كل ذلك اعتماداً على السعر!!

**nabaster** · 10-09-2009 11:56 PM

المشاركة الأصلية كتبت بواسطة Lion_Heart

لو تمت الموافقة على تسقيط مواتير جديدة بالقديم , طبعا اسعاره هتولع تانى .

الموافقه موجوده دي بيجو ودي بيجو

بس المشكله ان هل القديم هيقبل ولالا

ممكن يبقي في تغيرات جوهريه في تصميم القواعد او تصميم الموتور نفسه يمنع ده

الاحسن بقي لو مواتير بتكنولوجيا جديده و تنزل علي نفس الشاسيه القديم بسعر مناسب اوعدك العربيه دي هتعمل مبيعات خياليه

سوا علي صعيد مبيعات العربيات نفسها او مبيعات قطع الغيار الي هيا بتمثل مكسب اكتر من 40% من اجمالي خزينة اي توكيل

وممكن توصل اننا نصدر العربيه دي لدول تانيه في اقريقيا ممكن ليه لا؟؟؟

A.Yakout