الموضوع: رابطه محبي ومالكي الريجاتا

المشاركة الأصلية كتبت بواسطة ahwanoso

عندى عداد لفات الموتور بيخليه 0 لحد مدوس بنزين يبدا يشتغل ( يعنى طول ما العربية سلانسيه العداد 0)

فحص عداد الار بي ام محتاج خبرة شوية ف الكهربا لذلك الافضل تروح لكهربائى او متخصص عدادات
انا قلقان اقولك طريقة الفحص نعمل مشكلة وتعطل حاجة تانية .. يفضل تدور على محل تخصص عدادات
لو ملقتش يبقى روح لكهربائى .

المشاركة الأصلية كتبت بواسطة elbasosy

شكرا لك ياأستاذ nicegypt حقيقى أنتا عضو فعال وبنستفيد منك كثيرا .. ربنا يباركلك

تحت امر حضرتك فى اي افادة ولكل اعضاء المنتدي

المشاركة الأصلية كتبت بواسطة ahmed_ramadan

واحد زميلى بيدور على ريجاتا نضيفة .. محدش عنده واحدة نضيفة للبيع موديلات فوق 85

لو يقدر ينتظر لبعد العيد هعرض عربيتى للبيع بس بعد العيد بأذن الله

المشاركة الأصلية كتبت بواسطة ahlyking

انا جديد فى عالم العربيات .. واخترت ريجاتا موديل 88 وهى هاف باور 1500 سى سى فليا سؤالين .. ممكن اركبلها باور لان الدركسيون تقيل شويه وكمان عندى الغيار التانى بيعلق شويه كل ما بروحله بيتعبنى فده من ايه ووايه اللى هحتاجه لو حبيت اصلحه

لا انصح بتغييرها لباور لان دة اهم جزء ف توجية السيارة ولازم صنايعي عندة ضمير ودة نادر وهتندم على تحويلها
هي عموما مش محتاجة باور .. التقل اللى موجود عندك بسبب ان علبة الدركسيون تم اصلاحها قبلاّ
عن طريق اضافة حشو لها . لو عايزها تخف شوية غير علبة الدركسيون بالمناول بتاعة " مساعد صغير
بيكون فوق علبة الدركسيون " وعشان تتأكد ان تم حشوها ادخل يو تيرن ولف الدركسيون على اخرة
المفروض يرجع لوحدة معاك .. لو مرجعش يبقى تم حشوها .

بالنسبة للغيار التاني .. اتأكد من الاتي :
- زيت الفتيس مش ناقص
- مسمار الرجلاش الخاص بعصاية الفتيس محتاج تغيير لوجود تأكل
- لو كل دة تمام .. يبقى عويشة الغيار التاني محتاجة تتغير ودي لازم يتفك الفتيس ع الارض
دة بفرض ان الغيار التاني فقط هو اللى بينطر وباقي الغيارات تمام وسحب العربية تمام

انا غيرت جلدة عمة السيرفو لان الفرامل حجرت معايا وبقيت ماشي بدون فرامل بعد استخدام 3 سنوات ونصف
لقيت ف السوق انواع كتير تركي وبرغالى وايطالى
التركي ب 25 البرغالى 35 ج الصيني بعشرة جنية !! جبت الايطالى ب 40 ج + اويل سيل 20 ج
خامتها حلوة بمقارنة مع خامات التركي والبرغالى .. اما الصيني مينفعش تتحط ف اي مقارنة لانها خفيفة جدا
عاملة زي الكيس النيلون ! لو نفخت فيها هتقطع .. كنت اتمني اصور لحضراتكم لكن كنت شغال لوحدي
واغلب الحاجات اللى مش بصورها بيكون السبب ان محدش معايا .. لو حد محتاج يعرف طريقة الفك يقولي واكتبها ان شاء الله لانها غير هامة الا ف حالة لو السيرفو ضرب والفرامل تحجر معاك