رابطه محبي ومالكي الريجاتا

**elbasosy** · 31-08-2013 01:54 PM

ياجماعه ظهرلى مشكله مش لقيلها حل لغاية دلوقتى : مع الفرامل صوت تكتكه جايللى من العجله اللى ناحيتى وأنا سايق ( الشمال ) الميكانيكى فك العجله ونضف التيل وقرّط على كل حاجه ؛؛ وبرضه فضلت نفس المشكله .. رجعتله فك تانى وغير بلية العجله ولف الطنبوره عند خراط وقاللى كده تمام .. مشيت لقيت المشكله هى هى !! رجعتله قاللى شوف العفشجى .. روحت للعفشجى قرّط على كل حاجه وقاللى كده زى الفل .. مشيت لقيت هى هى نفس المشكله !! أنا عارف إنى زهقتكوا معايا بس حد يقوللى ده معناه أيه ؟؟؟

**mtageldeen** · 31-08-2013 02:21 PM

المشاركة الأصلية كتبت بواسطة بدر الجندى

سبحان الله انا عندى نفس العيب وهذا العيب حيرنى عند الصنايعية واحد قال عيب مرش اشتريت مرش استراد واحد تانى قال غير لها كل حاجات الكهرباء من كندنسر وابلاتين واسبراتير وبيوهات وموبينة التكرير وكل هذا غيرتو والعيب مازال قائم لما تعبت رضيت بالامر الواقع بس بصراحة بتكثف الواحد والمهم بتيجى فى الاشارة او المناطق الزحمة وتبطل وكل الناس يعطو لى كلاسك ويصرخو انزل ازق العربية واركن لما تبرد وبعدها تدور وللان لم اعرف السبب اظاهر فيرس فى الريجاتا ههههههههه
يارت حد يدلنا على هذا العيب المحرج هذا

غالباً العيب من البوبينة فهي التي تسبب عدم دوران السيارة عند سخونتها
للتأكد: هتعمل مشوار بالعربية وتطفي العربية وتدور مرة أخرى (طبعاً لن تدور) حضرتك تحضر أي فوطة مبللة بالماء وتلفها حول البوبينة لتبريدها وتجرب تدور العربية مباشرة دون انتظار لو دارت تبقى البوبينة السبب.

وبالتوفيق

**Ahmed_Ramadan** · 31-08-2013 05:46 PM

المشاركة الأصلية كتبت بواسطة elbasosy

ياجماعه ظهرلى مشكله مش لقيلها حل لغاية دلوقتى : مع الفرامل صوت تكتكه جايللى من العجله اللى ناحيتى وأنا سايق ( الشمال ) الميكانيكى فك العجله ونضف التيل وقرّط على كل حاجه ؛؛ وبرضه فضلت نفس المشكله .. رجعتله فك تانى وغير بلية العجله ولف الطنبوره عند خراط وقاللى كده تمام .. مشيت لقيت المشكله هى هى !! رجعتله قاللى شوف العفشجى .. روحت للعفشجى قرّط على كل حاجه وقاللى كده زى الفل .. مشيت لقيت هى هى نفس المشكله !! أنا عارف إنى زهقتكوا معايا بس حد يقوللى ده معناه أيه ؟؟؟

بصيت على سوستة التيل .... حصلت عندى زمان و طلع إن فى سوستة للتيل وقعت من الميكانيكى و هو بيركب و خلت فردة منه أا بدوس بنزين بتتحرك على الطنبورة

**بدر الجندى** · 31-08-2013 06:21 PM

شكرا لحضرتك على الرد والاهتمام يعنى المفتاح الثالث عمله ذى ترومستات الثلاجة العادية
مرة تانية بشكر حضرتك

**بدر الجندى** · 31-08-2013 06:23 PM

المشاركة الأصلية كتبت بواسطة ahmed_ramadan

من اليمين ...

1- زرار سرعة مروحة اللاور اللى بتزق الهوا علشان يطلع من الهوايات

2- بيقلب ما بين التكييف سخن و بارد و بلاور بس و تشغيل سخانات الزجاج الخلفى لما يشبر

3- بيتجكم فى درجة البرودة بتاعة التكييف بالتدريج و السخن بالتدريج برضه

شكرا لحضرتك على الرد والاهتمام يعنى المفتاح الثالث عمله ذى ترومستات الثلاجة العادية
مرة تانية بشكر حضرتك

**Ahmed_Ramadan** · 31-08-2013 06:42 PM

المشاركة الأصلية كتبت بواسطة بدر الجندى

شكرا لحضرتك على الرد والاهتمام يعنى المفتاح الثالث عمله ذى ترومستات الثلاجة العادية
مرة تانية بشكر حضرتك

أه حاجة زى كده بس أول ما تحرك المؤشر التالت و يدخل المنطقة الحمرا الكباس بيفصل و دورة السخن هى اللى بتشتغل

**elbasosy** · 01-09-2013 04:23 PM

المشاركة الأصلية كتبت بواسطة ahmed_ramadan

بصيت على سوستة التيل .... حصلت عندى زمان و طلع إن فى سوستة للتيل وقعت من الميكانيكى و هو بيركب و خلت فردة منه أا بدوس بنزين بتتحرك على الطنبورة

الميكانيكى بص عليها فعلا وغيرها .. أنا المشكله عندى إنى خايف تكون التكتكه دى غلط على المدى البعيد أو لا قدر الله الفرامل تسيب منى مره واحده .. عموما بأشكر إهتمامك جدا ياأستاذ أحمد .. وهاراجع الميكانيكى فى موضوع سوستة التيل .

**Ahmed_Ramadan** · 01-09-2013 06:41 PM

المشاركة الأصلية كتبت بواسطة elbasosy

الميكانيكى بص عليها فعلا وغيرها .. أنا المشكله عندى إنى خايف تكون التكتكه دى غلط على المدى البعيد أو لا قدر الله الفرامل تسيب منى مره واحده .. عموما بأشكر إهتمامك جدا ياأستاذ أحمد .. وهاراجع الميكانيكى فى موضوع سوستة التيل .

على إيه ديه حاجة بسيطة ... طيب خليه يرفع العربية من قدام على جملين مثلا و جرب الفرامل و العربية دايرة و شوف الصوت منين ... أصل ممكن يبقى بلى العجل برضه

**بدر الجندى** · 01-09-2013 11:17 PM

المشاركة الأصلية كتبت بواسطة mtageldeen

غالباً العيب من البوبينة فهي التي تسبب عدم دوران السيارة عند سخونتها
للتأكد: هتعمل مشوار بالعربية وتطفي العربية وتدور مرة أخرى (طبعاً لن تدور) حضرتك تحضر أي فوطة مبلله بالماء وتلفها حول البوبينة لتبريدها وتجرب تدور العربية مباشرة دون انتظار لو دارت تبقى البوبينة السبب.

وبالتوفيق

اليوم غيرت البوبينه والعيب مازال موجود والله انا قرفت من العربية بسبب هذا العيب

**سيف عماره** · 02-09-2013 01:40 AM

المشاركة الأصلية كتبت بواسطة سيف عماره

السلام عليكم ورحمة الله وبركاته على اعضاء الجـــــــــروب
انا عندى مشكلة ومش عارف اعمل فيها اية ياريت حد يلاقى ليها حل المشكلة فى الفرامل الامامية كل فترة الاقى العربيه بتتقل فى السحب جــــــدأولما سقلت على السبب عرفت ان مستر الفرامل مسك ولم يتم رجعوة لحركتة الطبيعية رحت للميكانيكى حل العجله اليمين امام اللى فيها المشكلة وفتح المستر ونضفه وحط عليه زيت وبعد كده خد منه الهواء المهم العربية رجت تمام من اسبوع العجله الشمال امام عملت نفس المشكله ورحت للميكانيكى وعمل نفس اللى عمله قبل كده النهارده رجعت وعملت تانى
طيب ده معناه اية الحل ممكن الماساتر دى عايزته تتغير ولو عايز اغير فرامل العربية كلها تتكلف حوالى كام ياريت اللى عنده اجابه تنقزنى من فتى الصنيعيه يعرفنى ولكــــــــــــــــم جـــــــــــــــــزيل الشكـــــــــر

اين انتم يا اهل الخبره محدش بيرد عليا ليــــــــــه ارجو الرد انا خايف امش بالعربيه خالص