الموضوع: رابطه محبي ومالكي الريجاتا

المشاركة الأصلية كتبت بواسطة سيف عماره

اين انتم يا اهل الخبره محدش بيرد عليا ليــــــــــه ارجو الرد انا خايف امش بالعربيه خالص

بص ياباشا ...
1-غير ماستر الفرامل هو جديد بحوالى 60 جنيه هتريح دماغك وهيفرق معاك ..

2-هتفك العجلتين الى قدام هتلاقى فيه خراطيم داخله للدشمه بتاعت الفرامل كل عجله ليها خرطوم غيرهم وريح دماغك لانهم بيتسدو من رواسب زيت الفرامل فبيعملو المشكله دى ان البستم بتاع الفرامل بيقفش على العجله مع دوسه الفرامل ومبيردش لما تشسل رجلك من الفرامل لان الزيت بيتحرك ببطء ومبيرجعش بسبب اتساخ زيت الباكم وانسداده فى الخراطيم ...

3-هو كده كده هيفك البساتم بتاعت الفرامل فى كل عجله ويشيك عليهم بعد تغيير الزيت والخراطيم ويشفهم بيرجعو باريحيه ولا برضه بتعلق .. لاكن هتلاقى المشكله اتحلت ان شاء الله فى الى انا قولتلك عليه وهتحس انك راكب عربيه جديده ..

وبتاع الفرامل فاهم الكلام ده الموضوع مش اختراع يعنى بس الصنيعيه زى الزفت عايزك تقعد جنبه متفرقوش وتيجى تتكلم معاه يقولك العربيه وحشه بيعها وريح دماغك وهو اصلا معندوش دماغ يفكر بيها ولا عندو ضمير ..

ربنا يهدى...

المشاركة الأصلية كتبت بواسطة nicegypt

لو الطنابير الامامية سخنة زيادة عن اللزوم لدرجة انك مش بتقدر تحط ايدك عليها لثواني يبقى عندك ماستر قافش انزل هاتهم استيراد بخراطيمهم .. بالنسبة للسعر الله اعلم بصراحة عشان مغيرتهمش فعمعرفش
بس اعتقد " والله اعلم مجرد تخمين " سكة 150 - 200

زى مالباشا قال كده ..

المشاركة الأصلية كتبت بواسطة سيف عماره

ربنا يبارك فيكم يا جماعة والله انا فخور انى عضو فى الجروب اللى فيه ناس مش بتستنا على بعض فى المشوره فى الازمات وشكرأ لرد حضرتك

.... " من أفضل العمل إدخال السرور على المؤمن تقضي عنه دينا تقضي له حاجة تنفس له كربة" .
.... " أحب الناس إلى الله أنفعهم و أحب الأعمال إلى الله عز و جل سرور تدخله على مسلم أو تكشف عنه كربة أو تقضي عنه دينا أو تطرد عنه جوعا و لأن أمشي مع أخي المسلم في حاجة أحب إلي من أن أعتكف في المسجد شهرا و من كف غضبه ستر الله عورته و من كظم غيظا و لو شاء أن يمضيه أمضاه ملأ الله قلبه رضى يوم القيامة و من مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام و إن سوء الخلق ليفسد العمل كما يفسد الخل العسل ".

المشاركة الأصلية كتبت بواسطة medo_115

بسم الله الرحمن الرحيم
مفيش حل لمشكله التابلوه بتاع الريجاتا التبلوه عندى رايح فيها وسئلت عليه عندى فى بورسعيد عامل من 2000 الى 2500ومش موجود كمان اعمل ايه مفيش حلول بديله

اهو موضوع التابلوه ده اسوء حاجه فى الريجاتا بالذات لما يبقى مكسر وملوش معالم تحس انك سايق عربيه ملهاش لازمه وتبقى قرفان تعمل فيها حاجه ...

عندك الريتمو الريجاتا بيركب على طول بس متنساش فى اى تابلوه تشترى التابلوه والقطمه بتاعته وعندك الانوس والسيينا وفى ناس بتركب فيرنا بيبقى شكله وحش ..
انا مستحمل التابلوه علشان التكييف بس.
لانى مش عايز اخش فى متاهات فى حاله انى غيرت التابلوه الاقى نفسى مش هشغل التكييف يبقى هتنكد واضايق اكتر ....

التكييف مش ثلاجه بس بينفع خصوصا فى الاوقات الى فيها الرطوبه عاليه ...