الموضوع: رابطه محبي ومالكي الريجاتا

المشاركة الأصلية كتبت بواسطة elbadry99

السلام عليكم
كنت عاوز اعرف الشبكة دى شبكة اية تمبرا ولا فيات اونو

فين وش الشبكة يا باشا الصورة مش واضحه بس دى مش شبكة الريجات اللى احنا نعرفها وقريبة قوى من التمبرا بس لو صورة من وش العربية يكون احسن

المشاركة الأصلية كتبت بواسطة hokajaja

فين وش الشبكة يا باشا الصورة مش واضحه بس دى مش شبكة الريجات اللى احنا نعرفها وقريبة قوى من التمبرا بس لو صورة من وش العربية يكون احسن

دى شبكة دوجان وغير موجودة حالياَ
شبكة التيمبرا ارفع من دي بكتير .. لان التيمبرا من الامام فيها شكل انسيابي لمقاومة الهواء بشكل افضل

المشاركة الأصلية كتبت بواسطة elbadry99

دى صورة كمان

خلاص يا باشا أ حسين رد عليك ووفى مفيش كلام تانى

المشاركة الأصلية كتبت بواسطة ahwanoso

انا كرهت العربية بسبب الكربراتير دايما يتوسخ حد عنده حل

1- ابحث عن فلتر الهوا لازم يكون نضيف ومش متهالك
2- العمة حاول تكون ركبه بطريقة مظبوطه بالوصلة البلاستيك بتاعتها
3- البنزيييييييييين وده الأهم لو بتحط تمانين يبقا لازم يتوسخ بس قولنا بتنضفة كل اد ايه علشان هنعرف مشكلتك من معدل تنضيفه والفارق الزمنى
4- التانك يا باشا اتأكد انه نضيف ومفيهوش رواسب ولو مش نضيف يتنضف بخل وهيبقى زى الفل وخالى من الرواسب والصدأ علشان مع الخبطات اللى بتسببها مطبات شوارعنا بتخلى التانك يكح تراب ويعدى الكربرتير
6- فلتر البنزين كمان عليه عامل تجيب فلتر روسي من ابو 7 جنيه ده حلو وجميل وتركبة بدل القديم
7- انا عامل حركة عندى مرياحانى جدا جدا جبت فلتر بنزين تانى وقطعت الخرطوم اللى طالع من طرمبة البنزين ورايح للكربرتير وركبت الفلتر فى النص بس تخلى بالك من مقاس الخروطوم يكون مظبوط لا هو طويل اوى علشان ميتنيش و يمنع البنزين ولا قصير يلزق فى وش الماتور من فوق علشان الحرارة ربنا يحفظك .
واخيرا استنى رد المهندس حسين الراجل ده تعب اوى مع الكربرتير وخبرته كويسةويمكن يضيف معلومة كويسة كمان .

على فكرة كل اللى انا قولته ده المهندس حسين قادر يخليك تعمله بنفسك من غير ما تروح لحد انا عن نفسي بعمله بس بصراحه مقدرش اشرحلك زى ما هو هيقولك اذا كان ينفع تعمله بنفسك