الموضوع: رابطه محبي ومالكي الريجاتا

المشاركة الأصلية كتبت بواسطة mahmoodallam

وتأكبد مع تأكيد أ.عمرو
أنا اشتريت من المهندس حسين 2 مساعدين خلفي واداهملو بسعر مغري
وفضلو راكبين في العربية لحاااااااااااااااااد اما بعتها

جزاكم الله خيرا .. استاذ عمرو .. واستاذ محمود ..
ربنا يبارك في حضراتكم

بالنسبة للمساعدين وعلبة الفيوزات فيمكن الكشف عليهم اولاَ قبل اخذهم
انا جبت مساعدين وسست جديدة .. بعد ما جبت الاستيراد وحالتهم فوق الممتازة والمانى زي الجديدة " جبت المساعد كامل بحاجتة بطاحات بكاوتشة بكلة
يعنى تفك الثلاث صواميل من فوق وتركب ف اقل من دقيقتين لا شد سوست ولا كلام من دة يعنى ممكن تركبهم بنفسك بدون عفشجى "
قلت جايز السوست شديدة وممكن تبهدل المساعدين .. واللى يخلينى اجيب سوست جديدة
اجيب كلة جديد ف جديد واريح دماغي .. وفعلا جبت جدد .. حتى العفشجى واقسم بالله على ذلك قالى المساعدين
اللى انت جايبهم حلوين وشداد روح رجع دول .. وانا جايب الجدد من لهيطة فى التوفيقية بسعر مش هعرف اجيب زيهم
تانى فقلت لة لا طبعا انا جيب كلة جديد ف جديد .. والله حاول معايا عشان ارجعهم لكن مينفعش ارجع حاجة جبتها
وبالتالى يمكن الكشف على المساعدين عند اي عفشجى اولاَ

بالنسبة لعلبة الفيوزات فيمكن تجربتها ف سيارتى قبل ما يخدها .. كنت بدور على واحدة بالغطا بتاعها بعلبتها بكلة
وملقتش وطنشت على كدة .. لان الغطا عندى مكسور .. وقلت مش مشكلة مجتش على غطا
واحد من الناس اللى كنت مكلمة عليها اتصل بيا وقالى انها عندة تعالى خدها .. طبعا احرجت وانا اللى طلبها منة فعلا بنفسى وزهقتة زن عليها
" ملحوظة : علبة الفيوزات مش سهل تلاقية .. هى موجودة بس محتاجة صبر وبحث "

طبعا دفعت تمنها وركبتها شوية ف العربية حوالى اسبوعين وفكتها قلت ابيعها واركب القديمة بتاعتها لا غطا ولا غيرو بلاش فلحسة :) لذا هى للبيع .. وفية حاجات تانية عندي للريجاتا مش محتجها للبيع باردو لكن مش متذكر هما اية لذا هبقى اجمع الحاجة ف ورقة واكتبها .. ولو اي حد احتاج اي حاجة من اللى ذكرتها سابقاَ يقولي

المشاركة الأصلية كتبت بواسطة regata

انا رحت لاقيت كل التبلوها مكسره ياخساره

حضرتك رحت الشركة ؟؟ انهي فرع ؟؟ ومكسرة ازاي ؟ دة جديدة

المشاركة الأصلية كتبت بواسطة regata

فرع وادي حوف
هيا فعلا جديده بس مكسره من سوء النقل والتخزين (اشلاء)

اشكر حضرتك على المعلومة .. يعنى انسى الموضوع .

اية يا جماعة ؟؟ هى الرابطات الاخري احسن من الريجاتا يعنى ولا اية ؟ دول وصلو للارقام فلكية . واحنا لسة ف اول موضوع
لينا .. فيييييين الاسئلة ؟؟؟ انا رجعت بكل نشاط بمشيئة الله تعالى ... يالله اسئلة بقااا

عوده حميدة للرابطه اخى العزيز حسين
وحماسك هذا ولد لى فكرة انشاء وتصميم برنامج لضم اعطال الريجاتا من خلال حضرتك والعبد لله وباقى الاعضاء التى قدر لهم ان وقعوا فى اخطاء فى السيارة والاسباب المتعلقة اللى كانت مع هذا الخطا والسبب الحقيقي لهذا العطل ومتوسط التكلفه الشامله لهذا العطل
بعرف ان حضرتك بمبرمج لكن لو لاقت الفكره اعجابك واعجاب باقى اعضاء الرابطه سوف ابدأ فى تصميم البرنامج وعرضه على حضراتكم لابداء الرأى والمشورة واعطاء ملاحظاتكم من خلال الاضافات
وافضل شىء انى واخد اجازة اسبوع انشاء الله اقدر انهيه خلال تلك الفترة ولا يبقى الا اضافه الداتا بداخلة فقط
على فكرة هذا البرنامج عند اكتماله وبالداتا الخاصه بالريجاتا سوف تستفاد به الرابطه وممكن اى شخص فى الرابطه يحمله وينزله على جهازه بسهوله
وليس هذا فقط وممكن يستفاد به اعضاء رابطه اخرى من خلال مسح الداتا الخاصه باعطال الريجات واستبداله باى سيارة اخرى
وبذلك سوف نكون قد قدمنا شىء بسيط لمنتدى نايل موتورز
منتظر ابداء ارائكم

استاذ عمرو .. الصديق والاخ العزيز
فكرة رائعة وممتازة طبعا .. ولو انى بفضل انك تستمتع بأجازتك ولا تفكر بأي عمل بها
حتى ترجع للعمل صافي الزهن
لكن عموما عن نفسى معاك ف كل شيئ ويمكن تقاسم المجهود كيفما تشاء .. وهي فكرة ربنا يوضعها بميزان حساناتك
ولا تنسى طبعا وضع حقوقك الشخصية على البرنامج لضمان عدم اساءة استخدامة بهدف التربح او اي هدف اخر

تصور لشكل البرنامج :
هيكون مدمج محرك بحث بالبرنامج .. الشاشة الاولي عبارة عن محرك بحث واسفلها الاقسام / الاعطال
الكهرباء ... الميكانيكا ... العفشة ... الخ

ومحرك البحث بالاعلى هيتم البحث عن مشكلة معينة وهيبحث البرنامج فى قاعدة البيانات ومن ثم تظهر بشاشة اخري مدمجة بصور

المشكلات اللى هتقابلنا ف البرنامج :
1 - محرك البحث لازم يكون دقيق جداَ .. لان فية مشكلات متشابهة .. وبالتالى ف الغالب مش هتظهر نتيجة بعد البحث .. يأما هتظهر مشكلات متشابهة " ف حالة وجودها داخل قاعدة البيانات بشكل متشابه " وبالتالى هيبقى المستخدم حيران مش عارف ينفذ اية ولا اية

حل المشكلة دى : اننا منعملش محرك بحث ف الاساس .. ونكتفي بالاقسام ف الشاشة الاولى .. ازرار بقسم مختلف للاعطال ..
مثلا : قسم الكهرباء .. وتحتة قسم الميكانيكا ,, بعد الضغط على قسم الكهرباء مثلا ستظهر كل مشكلات الكهرباء وعلى المستخدم الاختيار
وبكدة نبقى هربنا من مشكلة محرك البحث .

2 - الصور .... اعتقد اننا لو دمجنا صور داخل البرنامج هيكون مؤثر كتير .. وكما يقال " الصورة ابلغ من الكلمات "

عموما دة تصور شخصي منى وفى انتظار تصور حضرتك وتصور اعضاء نايل ايضاَ .. كلنا نتشارك ونفكر سوي .. احييك على فكرتك استاذ عمرو

على بركة الله
مقدمتك الرائعه اديتى دفعه قويه للبدء فى البرنامج
وانشاء الله ايديى فى ايدك وسوف ننفذه ونقدمه هديه للمنتدى
سوف ابنى اعداد وتصميم البرنامج من خلال النوافذ التى سوف يتم ادراج البيانات بها حتى يتسنى لمستخدمى البرنامج من اضافه عطل جديد مع اسبابه وطرق معالجته
وسوف ارسل لك نسخه مبدئية لاعطاء رائيك فيها والتعديل الواجب تنفيذه قبل طرحه للاعضاء
والهدف من البرنامج افاده الاخرين واجرنا افضل نأخذه من المولى عز وجل
ولا تقلق من اخذ البرنامج والتربح من خلاله لانى عند نهايه البرنامج بيتم قفله مع وضع اسمائنا داخل البرنامج لحمايته من استخدامه من قبل الاخرين
ربنا يوفقنا