المواصفات والاسعار لأسترا سيدان 2015 بمصر

[Gladiator2012]

بص صدقنى الاتنين حلوين بس الصراحة الاسترا شدانى و التكنولوجيا بتاعتها لا يعلى عليها
اه اينعم انا هضحى بالزينون و فتحة سقف لو اخترت الاسترا بس هكسب esp و كفاية اسم الاوبل
بس اية حوار ال 75 يوم دة طب دنا احجز مودبل السنة اللى جاية اكرملى D:

لا بجد 75 ولا دة هزار !!

[dede_dodo88]

بس اية حوار ال 75 يوم دة طب دنا احجز مودبل السنة اللى جاية اكرملى d:
لا بجد 75 ولا دة هزار !!

هو واضح أنهم لسة مستنيين شحنة العربيات توصل فعشان كده مزودين المدة..
بس هو حوار سخيف طبعاً..

[Gladiator2012]

هو واضح أنهم لسة مستنيين شحنة العربيات توصل فعشان كده مزودين المدة..
بس هو حوار سخيف طبعاً..

ممم ربنا يسهل و الواحد يعرف ياخد قرار

الف شكر ليك بجد تعبتك معايا :)

[احمد فهمى]

انا مش شايف ٧٥ يوم كتير يا جماعه لعربيه هتعد معاك سنين ان شاء الله والمده تدل ان الطلب كتير جداً على العربيه

[m.farouk]

هم عندهم حق لسببين ان الفانوس اللى في زينون زى بتاع الفيكترا التوب لاين فى مصر الى الان بعد ما رخص تمنو 6 الاف جنيه والناس كلها شاكيه مع ان ده سعرو لأنو متقدم جداً وفانوس الاسترا j الجديد متقدم عن بتاع الفيكترا بكتير كمان فسعرو هيعدى 10 الاف للواحد واكيد لو قالك العربيه هتزيد 20 الف مش هتشترى ولو حصل بعد كده هيكون الفانوس ده اوردر لك من بره لو حصل حاجه انت ممكن تركب زينزن متكود بره عادى جداً ب500 جنيه ومتشغلش بالك مع انك لو بعت للشركه بره هيجيبوهالك بس فرق السعر مش هتتخيلو لأن دى مش اوكتافيا او كرولا فانوس زينون وخلاص لا ده الفانوس له اكتر من كنترول وبيلف مع العجل وبيقلل النور لو حد جاى فى وشك وبيعلى ويوطى لوحدو فى المطالع والمنازل يعنى موضوع معقد جداً

انا لم قلولى كده قلتلهم زى محضرتك اقترحت نجيب احنا الزينون وهما يركبوا قلولى لا ولو ركب هيخرجوا العربية من الضمان قلتلهم ركبوا عندكم فى التوكيل ردو بنا هما مينفعش يركبوا بس هما اخدوا ملحوظة وقلولى هيبلغوا الاداره بيها لانى فى اكتر من حد سءل على الموضوع ده

[the_big_man]

هوا لي يجماعة محدش جايب سيرت الفورد فوكس في المقرنات
ياريت حد يقولي مين احسن انا شيف انهم اريبين اوي من بعض و كمان اسعار قطع غيار الفورد ارخص ؟؟؟؟

[cameeron]

طب دلوقتى يا جماعة بالنسبة للتيربو فى واحد قالى انه بيبقى عبارة عن زرار تشغله يبقى الموتور تيربو و تطفيه يبقى الموتور عادى هل ده صح و الا لا و لو صح هل فى حالة انى طافيه استخدم بنزين 92 و مشغله استخدم 95؟

[Mzeid]

طب دلوقتى يا جماعة بالنسبة للتيربو فى واحد قالى انه بيبقى عبارة عن زرار تشغله يبقى الموتور تيربو و تطفيه يبقى الموتور عادى هل ده صح و الا لا و لو صح هل فى حالة انى طافيه استخدم بنزين 92 و مشغله استخدم 95؟

لا لا الكلام خطأ

هو يمكن اللي حضرتك تقصده ال Overboost يعني تزود ضغط التيربو عن ال standard في القيادة العادية

إنما اليربو شغال على طول مش بيتقفل او بيتفتح بزرار

[mfrateb]

انا مش شايف ٧٥ يوم كتير يا جماعه لعربيه هتعد معاك سنين ان شاء الله والمده تدل ان الطلب كتير جداً على العربيه

٧٥ يوم ...يعني قول ٥ شهور بمواعيد منصور يعني حضرتك تشتري عربية ٢٠١٣ تستلمها في ٢٠١٤
ياصلاة النبي
المدة مبالغ فيها جدا صراحة

[bob12345]

هم عندهم حق لسببين ان الفانوس اللى في زينون زى بتاع الفيكترا التوب لاين فى مصر الى الان بعد ما رخص تمنو 6 الاف جنيه والناس كلها شاكيه مع ان ده سعرو لأنو متقدم جداً وفانوس الاسترا j الجديد متقدم عن بتاع الفيكترا بكتير كمان فسعرو هيعدى 10 الاف للواحد واكيد لو قالك العربيه هتزيد 20 الف مش هتشترى ولو حصل بعد كده هيكون الفانوس ده اوردر لك من بره لو حصل حاجه انت ممكن تركب زينزن متكود بره عادى جداً ب500 جنيه ومتشغلش بالك مع انك لو بعت للشركه بره هيجيبوهالك بس فرق السعر مش هتتخيلو لأن دى مش اوكتافيا او كرولا فانوس زينون وخلاص لا ده الفانوس له اكتر من كنترول وبيلف مع العجل وبيقلل النور لو حد جاى فى وشك وبيعلى ويوطى لوحدو فى المطالع والمنازل يعنى موضوع معقد جداً

يا باشا اي عربية نزلة زينون اصلي بيعلي و يوطي لوحده في المطالع و المنازل و بعض العربيات مع الملفات في زي لمبة صغيرة و عاكس بيشتغل في اتجاه الملف و ده موجود في عربيات عادية زي لانسر شارك الموضوع مش معقد اوي كده

[حاتم]

مفيش أي أخبار عن الستيشن؟؟؟!

[Mohyeldin1974]

مفيش أي أخبار عن الستيشن؟؟؟!

معتقدش انها نزلت مصر ولو نزلت هتبقى نادره اوى
انا معايا (فوكس هول = اوبل ) استرا ستيشن بس ديزل (خارج مصر)

[احمد فهمى]

يا باشا اي عربية نزلة زينون اصلي بيعلي و يوطي لوحده في المطالع و المنازل و بعض العربيات مع الملفات في زي لمبة صغيرة و عاكس بيشتغل في اتجاه الملف و ده موجود في عربيات عادية زي لانسر شارك الموضوع مش معقد اوي كده:s_thum1[1]:

مفيش عربيه نازله زينون بعلى ويوطى لواحدو فى رنج سعر الاوبل والانسر اعلى فئه فقط هى اللى فيها لمبه بتنور وع حودة الدركسيون لكن اوبل نظام اعلى عدسة الفانوس نفسها بتتحرك مع الملفات وفى حساس نور بيوطى النور لوحدو للفنوس الشمال لو فى عربيه مقابله والموضوع معقد اكتر مما تتخيل

[احمد فهمى]

٧٥ يوم ...يعني قول ٥ شهور بمواعيد منصور يعني حضرتك تشتري عربية ٢٠١٣ تستلمها في ٢٠١٤
ياصلاة النبي
المدة مبالغ فيها جدا صراحة

خلاص انت ممكن تشتري اى عربيه تانيه وتريح نفسك

[CosmicOne]

السلام عليكم يا رجاله

المبيعات الى فى الطيران قالى ان الموتور التربو شغال بنزين ٩٢ عادى علشان نسبة الانضغاط مش عاليه اوى و ان هما سألو و اتأكدو من اوبل قبل ما يجبوها علشان موضوع رفع الدعم عن ال٩٥
والله وحده اعلى واعلم