المواصفات والاسعار لأسترا سيدان 2015 بمصر

[A.Adel]

افضل حاجه انك هتركب عربيه موديل ٢٠١٣ هتفضل شكل جديد لمدة ٧ سنين على الاقل لكن سكودا ورينو هيغيرو شكل خلاص ومبروك مقدماً

في نقطة بس
مظنش هتقعد 7 سنين لأن استرا hb نازلة بره من 2010 -12/2009-بظبط

و دي نسخة سيدان منها
يعني لو غيروا شكل ال hb ,أكيد هيغيروا السيدان لانهم نفسه الشكل من قدام و من جوه

بس ده ميمنعش إن فاضل تلاته أو سنتين على الاقل لحد الشكل ما يتغير

[Mzeid]

كفاية تصميمها في رأيي احسن من الفليونس و يماثل او يكاد يتفوق على الاوكتافيا من حيث الفخامة و طبعا مش هنتكلم على الجيتا
و الفوكاس بعتبرها في الصميم في تريند تاني لأنها رياضية اكثر

[ammz99]

هو ليه الكنبه الخلفيه مش مريحه ولازم تقدم الكرسى الامامى علشان ترتاح وراء مش ده يبقى عيب فيها

[احمد فهمى]

في نقطة بس
مظنش هتقعد 7 سنين لأن استرا hb نازلة بره من 2010 -12/2009-بظبط

و دي نسخة سيدان منها
يعني لو غيروا شكل ال hb ,أكيد هيغيروا السيدان لانهم نفسه الشكل من قدام و من جوه

بس ده ميمنعش إن فاضل تلاته أو سنتين على الاقل لحد الشكل ما يتغير

السيدان بينزل بعد الهاتش باك بفتره فى كل الاسترا يعنى حتى لو نزل شكل تانى هتفضل السيدان مستمره زى ما حصل فى الاسترا h بس مبعتش لأن سعرها كان قريب من الفكترا وتوقعاتى ان الاسترا هتحل محل الفكترا والهتش باك هيكون الكورسا وبصراحه انا هعمل موضوع عن الكورسا العربيه دى حكايه فعلاً بس الناس مش فاهمه لسه ومش غاليه بالنسبه للى يركبها ويشوف الخامات والتكنولوجيا والثبات

[A.Adel]

السيدان بينزل بعد الهاتش باك بفتره فى كل الاسترا يعنى حتى لو نزل شكل تانى هتفضل السيدان مستمره زى ما حصل فى الاسترا h بس مبعتش لأن سعرها كان قريب من الفكترا

ده اللي حصل فعلا في astra j

بس astra g نزلوا مع بعض
و astra h نزل ال hb وال state في نفس السنة

يعني ممكن لما يغير الشكل ينزل كله مع بعضه أو على الاقل هيبقى ال hb الجديد نزل

[احمد فهمى]

ده اللي حصل فعلا في astra j

بس astra g نزلوا مع بعض
و astra h نزل ال hb وال state في نفس السنة

يعني ممكن لما يغير الشكل ينزل كله مع بعضه أو على الاقل هيبقى ال hb الجديد نزل

بجميع الاشكال هى احدث شكل عربيه استرا فى العالم ونزلت مصر تقريباً فى نفس نزولها بره فمش هيفرق دى نزلت قبل او بعد والبديل من اوكتافيا وفلونس في خلال سنه هيتغيرو تماماً وبصراحه انا مش من المعجبين بسكودا ولا رينو واسم سكودا اتعمل فى مصر بسبب غياب اوبل ولو تفتكر سكودا a4 نزلت سنة ١٩٩٦ نفس تاريخ نزول الفيكترا بى واتمسح اسم سكودا لسنة ٢٠٠٣ وده تاريخ وقوف الفيكترا بي اللى هى المنافس الرسمى وحالياً اتفرج على مبيعات سكودا ورينو وحتى فولكس وهتشوف اللى هيحصل وسكودا فى خلال الايام القادمه هتحاول ترخص عربياتها اللى هى غليت بسبب عدم وجود بديل اوروبى محترم وكلها ايام والصوره توضح مع انها مش محتاجه مصر كلها بتتكلم عن الاسترا كأن مكنش فى منها هاتشباك منها والالغرب ان الطلب على المستعمل على الاسترا h كتر بشكل غريب هى والفيكترا c مش فاهم الناس كانت فين

[A.Adel]

أنا بس بوضح إن استحالة الشكل ده يقعد 7 سنين ولا 5 حتى
لأن opel بتغير الشكل كل 6 سنين ودا معروف من أيام astra g

دلوقتي astra j نازلة بره من 2009 يعني في سنة 2014 اللي هو موديل 2015
هينزل الشكل الجديد

يعني المفروض ال hb يتغير شكله كمان سنتين و لو قلنا كمان سنتين أو سنة عشان ال sedan بعده
يبقى الشكل الموجود هيقعد من 2-4 سنين

[احمد فهمى]

أنا بس بوضح إن استحالة الشكل ده يقعد 7 سنين ولا 5 حتى
لأن opel بتغير الشكل كل 6 سنين ودا معروف من أيام astra g

دلوقتي astra j نازلة بره من 2009 يعني في سنة 2014 اللي هو موديل 2015
هينزل الشكل الجديد

يعني المفروض ال hb يتغير شكله كمان سنتين و لو قلنا كمان سنتين أو سنة عشان ال sedan بعده
يبقى الشكل الموجود هيقعد من 2-4 سنين

انسى ان الاسترا الجديده سيدان ينزل لها شكل جديد فى مصر فى ال٥ سنين القادمين والكلام ده على مسؤليتى واتحدى اى حد حتى لو هيفضل الخط ده يتصنع لمصر زى ما حصل فى الاسترا القديمه من المانى لبرازيلى شوف كملت كام سنه وطبعاً انت عارف انها كانت نفس العربيه

[A.Adel]

كان ممكن زمان آه
بس كل التوكيلات دلوقتي ,بتنزل الموديلات الجديدة على طول

عز العرب مثلا منزل ds4 قبل ما تنزل بره كمان :)
و منصور أهو منزل استرا على طول

بس ده ميمنعش إن منصور ممكن ماينزلهاش برده

[احمد فهمى]

كان ممكن زمان آه
بس كل التوكيلات دلوقتي ,بتنزل الموديلات الجديدة على طول

عز العرب مثلا منزل ds4 قبل ما تنزل بره كمان :)
و منصور أهو منزل استرا على طول

بس ده ميمنعش إن منصور ممكن ماينزلهاش برده

العربيات اللى بتحقق نجاح ومبيعات عاليه ملهاش مقياس بعدد السنين ممكن اللى يحصل يعدلو الاكصدامات والفوانيس لكن العربيه هتكمل على الاقل ٦ سنين من اليوم اوبل مش هتنزل عربيه ٢٠١٣ وبعد كده توقف بعد سنتين ولا ٤ واحتمال الاسترا الهاتشباك توقف انتاج ويحل مكانها الكورسا

[dede_dodo88]

معتقدش الشكل ده هيفضل أكتر من سنتين كمان لأنه already بقاله 3 سنين..
و أعتقد وقت ما هيغيروا هيبتدوا برضه بالهاتشباك و بعدها بشوية يخشوا على السيدان لما العربية تنجح زي ما حصل دلوقتي مع الـJ.

و المتوقع و الله أعلم أن الأسعار تعلى الفترة الجاية بسبب أنحطاط قيمة الجنيه قدام كل العملات.. و ربنا يستر!!..

[mfrateb]

انا دخلت علي موقع اوبل و شفت الاسترا علي الموقع البولندي..وكان هناك شيء غريب هو ان فيه كذا نوع موتور للاسترا السيدان لكن مفيش ولا واحد فيهم ايكو تيك اللي هوا نازل في مصر؟
طيب ليه ؟
هل الايكوتيك تكنولوجيا قديمة منزلهالنا منصور؟
يا ريت لو حد من الاعضاء اللي ليهم باع مع اوبل يشرحلنا النقطة دي...

[Mzeid]

ازاي ...... ؟!

عندهم طبعا ايكوتك

الصورة دي من الكتالوج البولندي و المحرك بتاعنا اللي هنا هو اول واحد على الشمال

[medo2_0]

سؤال يارجاله هو الاوبل متوفره ولا فيه حجز واوفر برايس والكلام ده ؟؟

[omar-saad]

سؤال يارجاله هو الاوبل متوفره ولا فيه حجز واوفر برايس والكلام ده ؟؟

العربية متوفرة ولكن بحجز لمدة 40 يوم
والفئة الاعلى اللى هى التيربو لمدة 20 يوم فقط