رابطة ملاك ال301

[airac2002]

م/ احمد
اولا مبروك العربية
ثانيا معاك في الفكرة الجميلة دي
ثالثا عايز نصائح عند الاستيلام واثناء السير الاف الاولي
وشكرا لك

[Drsherifishak]

برجاء الافادة...............
انا لسه مستلم الهايلاين من يومين و لاحظت ان مافيهاش انذار على الرغم من ان الكتيب مكتوب ان فيها...............حاولت اجرب..........قولت أقفل العربية من الريموت و افتحها بالمفتاح...........ولا فيه إنذار ولا يحزنون..............علما بان العربية ممتازة
حاجة تانية............هل فعلا ممكن اركب ال ESP و cruise control و ال speed limiter من التوكيل ولا لا و بكام..........

[Drsherifishak]

اه حاجة كمان...............حكاية ان مفيش مكان للكبايات ده مجننى لأنى تقريبا بقضي نصف اليوم جواها و عمال أدور على حل........حامل أكواب مثلا بس مايكونش من اللى بيتشبكوا في فتحات التكييف و يكون من اللى بيتحطوا في جيب الباب بس مش لاقي...........لو حد عنده حل يا ريت يقولى.........بس مازالت العربية ممتازة و الملاحظ جداً أنى حاسي أنى مستريح جداً و انا جواها على الرغم من طول اليوم و تعبي و الزحمة...........حاجة كمان لاحظتها مراتى و هى ان الشمس نادرا لما توصل لوشي او عينة و انا قاعد و ده مر يحنى جداً عكس الماتريكس اللى كنت سايقها الاول

[Ahmedshalaby]

برجاء الافادة...............
انا لسه مستلم الهايلاين من يومين و لاحظت ان مافيهاش انذار على الرغم من ان الكتيب مكتوب ان فيها...............حاولت اجرب..........قولت أقفل العربية من الريموت و افتحها بالمفتاح...........ولا فيه إنذار ولا يحزنون..............علما بان العربية ممتازة
حاجة تانية............هل فعلا ممكن اركب ال ESP و cruise control و ال speed limiter من التوكيل ولا لا و بكام..........

الاول الف مبروك الاستلام و ربنا يكتب لك خيرها و يكفيك شرها
دا عن موضوع الانذار احد الزملا كان سائل فيه

http://www.nilemotors.net/Nile/377450-301.html

تاني شئ العربية فيها سبيد ليميتر بمعنى انك ما ينفعش تعدي بيها ١٩٠
اما عن كروز كنترول اللي هو مثبت السرعة فدا بيتركب في التوكيل بحوالي ٧٠٠ جنيه انا سالت في الموضوع دا من قبلك و المهندس هيثم قاللي انو معمول حسابه في العربية و بيتركب بسهولة جدا دون اي تاثير على الميكانيكا
اما بالنسبة لل اي اس بي فمش عارف صراحة ينفع يتركب ولا لأ في التوكيل

[Ahmed Amin]

تاني شئ العربية فيها سبيد ليميتر بمعنى انك ما ينفعش تعدي بيها ١٩٠
اما عن كروز كنترول اللي هو مثبت السرعة فدا بيتركب في التوكيل بحوالي ٧٠٠ جنيه انا سالت في الموضوع دا من قبلك و المهندس هيثم قاللي انو معمول حسابه في العربية و بيتركب بسهولة جدا دون اي تاثير على الميكانيكا
اما بالنسبة لل اي اس بي فمش عارف صراحة ينفع يتركب ولا لأ في التوكيل

دراع الكروز كنترول فيه أوبشن تاني أسمه Speed Limiter دا اللي هوا بيسأل عليه,
دا بتحدد له سرعة معينة زي 90 مثلاً لو ماشي علي سريع ومش عايز تسرح, هتقدر تسحب بالعربية براحتك لحد السرعة اللي أنت محددها بيه ومهما دوست علي دواسة البنزين بعد كدا السرعة مش هتعدي ال 90,
دا الأسبيد ليميتر اللي يقصدة بالسؤال, والأتنين في نفس الدراع,

وبالنسبة الل ESP مينفعش يتركب في العربية لأنها مش بتنزل بيه,
علي عكس الكروز كنترول والأسبيد ليميتر, هما دراع واحد ومعمول حسابهم في المكان وفي سوفت وير العربية.

[Ahmed Amin]

برجاء الافادة...............
انا لسه مستلم الهايلاين من يومين و لاحظت ان مافيهاش انذار على الرغم من ان الكتيب مكتوب ان فيها...............حاولت اجرب..........قولت أقفل العربية من الريموت و افتحها بالمفتاح...........ولا فيه إنذار ولا يحزنون..............علما بان العربية ممتازة
حاجة تانية............هل فعلا ممكن اركب ال esp و cruise control و ال speed limiter من التوكيل ولا لا و بكام..........

البيجو بتنزل بإيموبلايزر ومفتاح مشفر ضد السرقة, يعني مش هتدور إلا بمفتاحها.
والعربية بيركب لها الكروز كنترول والأسبيد ليميتر في التوكيل عادي بحوالي 800 جنيه, ومعمول حساب الدراع في تصميم العربية وفي السوفت وير
ومينفعش تضيف ال esp لأنها مش نازلة بيه.

وبعدين هوا مش فيه مكانين ناحية فرامل اليد للكوبايات ؟

[Ahmedshalaby]

دراع الكروز كنترول فيه أوبشن تاني أسمه speed limiter دا اللي هوا بيسأل عليه,
دا بتحدد له سرعة معينة زي 90 مثلاً لو ماشي علي سريع ومش عايز تسرح, هتقدر تسحب بالعربية براحتك لحد السرعة اللي أنت محددها بيه ومهما دوست علي دواسة البنزين بعد كدا السرعة مش هتعدي ال 90,
دا الأسبيد ليميتر اللي يقصدة بالسؤال, والأتنين في نفس الدراع,

وبالنسبة الل esp مينفعش يتركب في العربية لأنها مش بتنزل بيه,
علي عكس الكروز كنترول والأسبيد ليميتر, هما دراع واحد ومعمول حسابهم في المكان وفي سوفت وير العربية.

الف شكر يا اخي العزيز على تصحيح المعلومة
انا كل يوم باتعلم منك حاجة جديدة صراحة

[Ahmed Amin]

الف شكر يا اخي العزيز على تصحيح المعلومة
انا كل يوم باتعلم منك حاجة جديدة صراحة

الشكر لله يا أحمد, ودا شرف ليا.
تحياتي ليك.

[Drsherifishak]

شكرا للجميع على الاهتمام و الرد..........و على فكرة أنا استفدت كتير من المنتدى ده قبل الشراء و قررت الانضمام ليه بعد الشراء و ربنا يبارك للجميع

[airac2002]

الاعضاء الاعزاء قرينا ساستلم سيارتي بيجو 301 h\l اتوماتك
وانا تجربتي في الاوتوماتك لا تتعدي 3 او 4 مرات ولكن كل خبرتي في المانويل ارجو منكم افادتي عن الفيتيس الاوتوماتك من مميزاتة وعيوبة والطريقة الامثل لاستخدامة والمحاذير الواجب اخذها في الاعتبار اثناء الوقوف واثناء السير ..... معلش علي الاطالة ولكن ارجو الافادة

[Ahmed Amin]

الاعضاء الاعزاء قرينا ساستلم سيارتي بيجو 301 h\l اتوماتك
وانا تجربتي في الاوتوماتك لا تتعدي 3 او 4 مرات ولكن كل خبرتي في المانويل ارجو منكم افادتي عن الفيتيس الاوتوماتك من مميزاتة وعيوبة والطريقة الامثل لاستخدامة والمحاذير الواجب اخذها في الاعتبار اثناء الوقوف واثناء السير ..... معلش علي الاطالة ولكن ارجو الافادة

أنا كنت كاتب رد عن الموضوع دا قبل كدا في القسم دا وهما الأتنين نفس العربية ونفس الفتيس, هنسخهولك هنا,,

http://www.nilemotors.net/Nile/374131-a.html

أولاً بالنسبة للفتيس, هوا أوتوماتيك تيب ترونيك - أربع سرعات,
وبما أنك بتقول أنك سوقت مانيوال بس, هقولك عال أوتو بتاعها بالتفصيل,


ال P هوا الباركنج, تحطها عليه لما تيجي تركنها وهتخرج بره العربية وتمشي منها بس, وغير كدا خليها علي ال N.

وال N هوا الموور زي المانيوال بتبقي مش واخدة غيار, ودا الوضع اللي بتحطة عليها لما بتقف في بنزينه تفول, أو تقف تتكلم مع واحد صاحبك, متحطش P في الأوقات دي..
عشان ال P ليه حساس خاص بيه, وأنا بحب أحافظ عليه عشان ساعات بيحصل فيه مشاكل علي المدي الطويل,, والتكة بتاعتة بتزعجني,, ولو عطلت علي P مش هتعرف تحركها.

والعربية لما بتكون علي P مش هتعرف تحرك العصاية من عليه عشان تنزل لل R و ال D من غير تدوس فرامل, فتدوس فرامل قبل ما تنزل من علي ال P لأي غيار.

ولما تيجي تحط العربية علي ال P ممكن تطلع من غير فرامل عادي,, دا لو أخدت العصاية خطف كدا من الN لل P ودا الطبيعي ومفهوش ضرر علي الفتيس او العصاية,
بس لو حركة أيديك مش سريعة يفضل تدوس فرامل,,, عشان لو أيديك بطيئة العربية هتاخد R منك وأنت طالع بالعصاية لل P وهترجع بضهرها منك فخد بالك كويس..


ال D هوا ال Drive أو وضع الحركة اللي بيمشي العربية,
يفضل قبل ما تجيبه تدوس فرامل بس مش شرط,, عشان العربية هتبدأ تتحرك ولو في مكان ضيق أو جراش أو قدامك عربية ممكن تخبط فيها.
طبعا هتخبطها علي سرعة بطئية مش هتنط بيك, بس عود نفسك من دلوقتي أنك قبل ما تجيب D أو R تكون دايس فرامل تحسبها لظروف المكان اللي حواليك.



ال R هوا اللي بيرجع العربية ورا, مفيش كلام كتير يتقالي عليه,
قبل ما تنقل لل R يفضل أن العربية تكون واقف علي الأرض خالص, مع العلم إن الفتيس فيه خاصية أمان بتمنع العربية تاخد R وهيا ماشية عشان مفيش فاصل ما بينهم زي العربيات الاوتوماتيك العادية اللي بتبقي بزرار, بس أنا محبتش أجرب, وبقف خالص قبل ما أجيب R.


ال M
لما تكون جايب D وماشي بالعربية أو واقف,
في حارة في الجنب الشمال من ال D في الفتيس مكتوب جمبها M
M أختصار لمانيوال ودي اللي بتخليك تتحكم في نقل الغيارات, وتثبت العربية علي غيار معين, وتحرق علي الغيار وتنقل متأخر أو بدري وتسقط غيارات زي الفتيس المانيوال بالظبط.
ولما بتحرك العصاية ناحيتك للشمال بيظهر لك في الطابلوة الغيار اللي أنت عليه, لو كنت واقف مش بتتحرك هتلاقيها كاتبة 1 بدل D يعني الغيار الأول,,

ولما تمشي بالعربية مش هتنقل طبعاً وهتزق عصاية الفتيس لقدام ناحية الطابلوة واللي مرسوم عندك في الفتيس + عشان تنقل للتاني, ولما توصل للرابع وعايز تجري في منطقة مثلاً هتزق العصاية لتحت عشان تجيب التالت وهكذا.

ملحوظة : ممكن في اي وقت تنقل ما بين D لل M وانت ماشي أو واقف, والعكس صحيح,
لو كنت علي ال M وحارق علي غيار ونقلت لل D العربية هتاخد أفضل غيار مناسب للسرعة اللي أنت ماشي بيها وهتكتب لك D علي الشاشة وتنقل الغيارات لوحدها تاني أكنك طلعت عليه من البداية.

أخر حاجة بقي وضع ال D العادي, ليه وضعين تابعين ليه,,
وليهم زرارين منفصلين اللي هما S و النجمة * فوق علي الشمال في الفتيس,

ال S دا الوضع الرياضي Sport : لما بتضغط عليه, بيتكب علي الشاشة قدام في الطابلوة Ds
بيخلي العربية سحبها أسرع وتنقل الغيار متأخر عشان تديك تجميع أعلي في الغيارات, وطبعاً دا بينعكس علي استهلاك البنزين بيزيد بشكل ملحوظ.

ال * دا وضع الجليد Snow: لما بتضغط عليه, بيتكب علي الشاشة قدام في الطابلوة *D
دا في الأساس مصمم للدول اللي فيها جليد وطرق زلقة كتير, لما بتغط عليه العربية بتطلع علي التاني دايماً وتاخد تالت ورابع بس, والحكمة من أنها متاخدش الأول دا عشان تقلل ال Wheel Spin والكاوتش

ميفركش علي الأرض ويفضل محافظ علي تماسكة بالأرض,
يعني في العادي أنت لو علي D أو Ds في شوارعنا ومن غير مية ولا جليد, ودوست سنة بنزين زيادة وأنت طالع, الكاوتش الامامي هيفرك علي الأرض ويطلع أمريكاني زي ما بيقولو, وهيعمل نفس الكلام معاك لو بتاخد شارع علي سرعة,
أما علي وضع ال *D لو وقفت علي دواسة البنزين مش هتفرك ولا هتخمس.
وهيخلي تماسك العربية بالأسفلت أعلي, وهنا في مصر لو أخترتة هيخلي العربية تقف معاك في وقت أقل لو قدامك مطب وأنت ماشي علي سرعة, لأنه بيعمل Engine Brake مع الفرامل العادية وبيسقط غيارات بدري عشان يوقف العربية في وقت ومسافة أقل.
وطبعا في حالة ال D وال Ds مش بيعملو كدا,
ال *D بس هوا اللي بيعمل كدا عشان يزود تماسك الكاوتش في الأرض

وعشان تلغي أي وضع بتضغط علي نفس الزرار اللي أنت ضغطت عليه من ال S أو ال *
وممكن تنقل ما بينهم عادي أو واقف بالعربية أو سايق,
وممكن تشغلهم أو تفصلهم عادي وأنت واقف أو سايق,








ولما تستلم العربية إن شاء الله,

العربية تقبل بنزين 92 عادي ودا الأفضل ليها عن ال 95

والعجل أظبطة علي 32 وأول ما تستلمها روح علي أي فرع لبريدجستون وخليهم يفضو الكاوتشات الأربعه من الهواء بالجهاز ويملوها نيتروجين, هيفرق معاك كتير في الراحة وهيريح العفشة.

ويفضل أول 1000 كيلو تمشي علي سرعة متوسطة متعديش ال 100, والأهم من أنك متعديش 100 كم في الساعة, أنك متحرقش علي الموتور وتدوس علي دواسة البنزين جامد,
وخلي كل نقلاتك هادية ما بين 2 ل 2.5 rpm عدد لفات الموتو,, طبعاً دا يفضل بس مش شرط,, وأنا عن نفسي بعمل دا في أي عربية زيرو...

[piroo]

شرح رائع فعلا شكرا على مجهودك عشان انا كان عندى نفس المشكلة من مانويل الى اتوماتيك لما استلم بيجو 301

[Ahmed Amin]

الشكر لله,
والفتيس سهل جدا في الأستخدام فوق ما تتخيل,, فا متقلقش منه.
ولو أحتجت أي حاجة أسئلنا هنا,

[airac2002]

شكرا جزيلا علي هذا الشرح الوافي وجازاك الله خيرا علي المعلومة والمجهود الرائع

[nafea]

اخبار عزل العربية ايه يا جماعه...
يعنى صوت الهواء وصوت الموتور ...
لان معايا اوبترا وللاسف ندمت انى جبنها علشان الحاجتين دول ...فبفكر جديا ابيعها واجيب ال 301