رابطة ملاك ال301

[Ahmed Amin]

اخبار عزل العربية ايه يا جماعه...
يعنى صوت الهواء وصوت الموتور ...
لان معايا اوبترا وللاسف ندمت انى جبنها علشان الحاجتين دول ...فبفكر جديا ابيعها واجيب ال 301

العربية عزلها جيد جداً, وصوت الموتور مش عالي سواء ماشي جوا البلد أو علي السريع وطبيعي جداً,,
ومفيش صوت هواء مع المشي جوا البلد أو حتي علي السريع علي السرعات العادية,
أما بعد ال 140 أو 150 ممكن تبدأ تحس بعلو طفيف في صوت الموتور مع أرتفاع عدد لفات الموتور وصوت الهواء برضه ودا بيحصل في أي عربية في الدنيا في نفس رينج السعر دا.

[airac2002]

الاعضاء الاعزاء هل لديكم فكرة عن امكانية تركيب جهاز GPS Tracker بالسيارة 301 وهل هذا الجهاز متوفر لدي بيجو ولو كان متوفر بكام وان لم يكن متوفر فهل يمكن ان نشترية ويقوم التوكيل بتركيبة

[airac2002]

الف مبروك علي العربية ............. وبرجاء الاستمرار والمحافظة علي رابطة الملاك

[mahmed0100]

انا حجزت العربيه allure بس قالولي التسليم بعد شهرين. :( و ربنا يسهل و يكون قبل كده ..

[Ahmed Amin]

انا حجزت العربيه allure بس قالولي التسليم بعد شهرين. :( و ربنا يسهل و يكون قبل كده ..

تستلم علي خير يا باشا :)

[gonet]

متااااااااااااااااااااااا ابع

مهما تكلمت وقلت مش هاوفي حق المنتدي الجميل ده بصراحة انا بستفاد جداً جداً بصراحة الكل هنا بيشارك وبيساعد بصدق وحب دايماً
فعلاً الله يبارك فيكم

متابع بتشوق لشرائها انشاااااء الله

[mahmed0100]

تستلم علي خير يا باشا :)

امين و عقبال كل المنتدي. :)

[eng.karim]

السلام عليكم
انا بقالي فتره بفكر اجيب 301 بس خايف من موضوع النتشه في الفتيس
ممكن حد يفدني في الوضوع دا

[medori]

السلام عليكم
انا بقالي فتره بفكر اجيب 301 بس خايف من موضوع النتشه في الفتيس
ممكن حد يفدني في الوضوع دا

ربنا يوفقك للى فية الخير إن شاء الله، النتشة دة موجودة فى كل الفرنساوى التيب ترونيك ال4 سرعات، من اول الميجان اللى كانت معايا قبل كدة مرورا بال307 و الC4 و ال408 اللى هى نفس فتيسنا دة بالضبط، هى نتشة بتحسها فى الزحمة او لو انت مش محمل على دواسة البنزين و طالع براحة خالص، لو الطريق مفتوح و رجلك محملة على الدواسة عشان تجيب acceleration كويس بسرعة مش هتحصل النتشة دى خالص

[sonybony]

تقرير ممتاز ومحايد وربنا يبارك لك فيها

[eng.karim]

ربنا يوفقك للى فية الخير إن شاء الله، النتشة دة موجودة فى كل الفرنساوى التيب ترونيك ال4 سرعات، من اول الميجان اللى كانت معايا قبل كدة مرورا بال307 و الc4 و ال408 اللى هى نفس فتيسنا دة بالضبط، هى نتشة بتحسها فى الزحمة او لو انت مش محمل على دواسة البنزين و طالع براحة خالص، لو الطريق مفتوح و رجلك محملة على الدواسة عشان تجيب acceleration كويس بسرعة مش هتحصل النتشة دى خالص

شكرا لهتمامك
يعني التشه دي مابيبقاش ليها اي ضرر او اي حاجه للفتيس ولا حتا بعد عمر

[medori]

شكرا لهتمامك
يعني التشه دي مابيبقاش ليها اي ضرر او اي حاجه للفتيس ولا حتا بعد عمر

اللى اعرفة انة لأ، ممكن يبقى فى مشاكل تانية فى الفتيس بس محدش قال أن دة بسبب النتشة

[eng.karim]

اللى اعرفة انة لأ، ممكن يبقى فى مشاكل تانية فى الفتيس بس محدش قال أن دة بسبب النتشة

بتخوفني ليه ياعني ايه مشاكل تانيه في الفتيس

[هوندا]

ما شاء الله مشاركاتكم جميلة و أرواحكم مرحة و تطمئن ولكن لى رأي في ضغط الكاوتش لا يزيد عن 28 -30 بالكتير لأن ده إللي إدى إحساس بعدم الثبات لأن مش معقولة البيجو 301 بسرعة 130 -140 كم/ ساعة أقل ثباتا من لانوس أو لانسر بسرعة 150-160 كم / ساعة اعتقد ان الفرق فى ضغط الكاوتش صحيح بيزود إستهلاك البنزين شوية بسيطة لكن الإحساس بالأمان و الثبات أفضل جددددددااااااااااا و شكرا لكم

[medori]

بتخوفني ليه ياعني ايه مشاكل تانيه في الفتيس

يا باشا ربنا ميجيب مشاكل إن شاء الله، فى الversions القديمة فى ال307 (2005-2006) و الC4 كان بيحصل مشاكل تانية فى الفتيس، بس this is history now الكلام دة اتصلح من زمان، بس كان قصدى لما كان موجودة المشاكل محدش قال أنة بسبب النتشة مثلا