رينو داستر الشكل الجديد - الآن في مصر

[الصيداح]

يعني رأيك إني أشتري من معرض أفضل ؟وأنه معرض كويس أجيب منه؟
أصل أنا هطلب اللون الأبيض ومستعد أنتظر مدة وصوله فعلشان كدة أنا بسأل التوكيل أحسن ولا المعارض

[mokh21]

[QUOTE=beeronasr;3874246060]

عارف يا beeronasr انا اساسا كان نفسي اجيب الفضي علشان فيه ميزة مفيش حد بياخد باله منها وهي ان كل العربيات الداستر المرايات بتاعتها فضى وبيبقى شكلها غريب لما بتبقى العربية بلون تاني
عاملة بالظبط كانهم اتكسروا وملقتش نفس لون العربية فجبت لون تانى لكن الفضي بيبقى كل العربية لون واحد
ربنا يكرمك وتستلم على خير وابقى طمنى عملت ايه اول باول



ربنا يخليك يا بيبو باشا - لسة واصل امبارح من الغردقة و النهاردة ربنا اكرمنى و استلمت الداستر من الطارق - الحمد للة لونها طلع جميل و كانوا مخلصين كل الورق و طبعا اكنى راكب مركب و حاسس ان ابعادها مختلفة تماما عن اللانسر و كمان بقالى اربع سنين ماسقتش مانيوال فكنت عامل زى اللى اول مرة يسوق.
على فكرة التابلوة مش وحش اوى ولا حاجة و شكلة بالليل احلى بكتير من النهار.
بكرة الساعة 7 ان شاء اللة هروح مرور رابعة علشان الترخيص و ربنا يسهل.
وبالليل اروح لجينس كار اشوف موضوع الفرش و المسند لانة مهم اوى وطبعا حابب اشوفك قريب قبل ما اسافر.

مبروك يا باشا ربنا يحرسك ويحميك بس ياريت الصور بقي بسرعه علشان نشوف اللون

[beeronasr]

beeronasr مبروك ألف مبروك وربنا يكفيك شرها إن شاء الله ويديك خيرها يارب ويحفظ طريقك
كدة يا جماعة العربية ما شاء الله ممكن نكون اتحاد ملاك داستر :) وعليك والنصائح والارشادات بتاعت أول 2000 كيلو عشان بتفرق كتير وإن شاء الله ربنا يبارلك فيها

اللة يبارك فيك و يستر طريقك و طريقنا جميعا ان شاء اللة.
بالنسبة للقواهد و التعليمات - لقيت 4 كتالوجات للعربية و ال CD و كلهم انجليزى - كان اهم حاجة اعرف قنوات الراديو بتنزل ازاى والزراير اللى ورا الدركسيون و عملتة, بالنسبة لكتالوج العربية - الصراحة لسة ما اعرفش حاجة عن التعليمات - انا كويس اوى فى الانجليزى بس طبعا العربى اسرع - و استغربت لان اللانسر كتالوجها كان عربى.

[bebo2000]

يعني رأيك إني أشتري من معرض أفضل ؟وأنه معرض كويس أجيب منه؟
أصل أنا هطلب اللون الأبيض ومستعد أنتظر مدة وصوله فعلشان كدة أنا بسأل التوكيل أحسن ولا المعارض

والله انا شايف ان موزع معتمد كبير زي الطارق هايبقى احسن من التوكيل
ولو هاتحجز اللون الابيض قبلها بفترة يبقى في الاغلب هاتاخد خصم 1000 جنيه زى ماحصل معايا انا وبيرو

[الصيداح]

طيب معلش إوصف لي مكان الطارق ده فين الله يكرمك

[Land_Cruiser]

الف مبروك يا beeronasr و ربنا يباركلك فيها و تستخدمها فى الخير ان شاء الله

[atefadel]

مبروك وعاوزين تقرير مفصل لحضرتك كلمة كلمة

[beeronasr]

[QUOTE=gogo2012;3874247157]

الف الف مبروك على الداستر ومستنيين اخبارك الجميله

ربنا يخليك يا جوجو باشا - متشكر يا جميل.
لسة اللة ما فيش اخبار اوى غير انى الحمد للة رخصت امبارح الصبح
و فية شوية ملاحظات على العربية هتكلم معاكوا فيها ان شاء اللة قريب

[beeronasr]

مليون مبروك يا beeronasr وربنا يباركلك فيها ويكفيك شرها وتكون عند حسن ظنك فيها وازيد شوية
انا عارف ان النقلة من اوتوماتيك لمانيوال تانى ده شئ مش سهل ده غير ان ابعاد العربية بتخضك شوية فى الاول ان لما جيت بيها من العجوزة لمدينة نصر كنت عامل زى احمد حلمى في فيلم عسل اسود
بس ان شاء الله مع الاستخدام اليومي ولما تتعود عليها هاتحس بفرق رهيب بينها وبين السيدان ايا كان نوعها انا دلوقتى لما بركب عربية سيدان بحس انى قاعد على الارض ده غير انى نسيت موضوع المطبات والنقر ولسة من كام يوم واخد عربية اخويا حسيت ان عفشتها فكت منى على ما رجعتهاله لان بالداستر مش بهدى غير في الحفر فوق المتر ونص فياريت لما تركب سيدان تاني تبقى تعمل حساب النقطة دي علشان عربية اخويا صعبت عليا اوى
واحب انتهز الفرصة واشكر الناس بتوع الطارق لانهم فعلا ناس محترمين جدا جدا ومش بيتعبوك فى موضوع الورق زي اغلب المعارض
ولو تحب اقابلك لما تروح لجينز كار انا معاك وربنا يباركلك فيها مرة تانية ويكون وشها حلو عليك باذن الله
على فكرة انت استلمت العربية عاملة كام كلم ؟؟؟

مليون شكرا و اللة ليك يا بيبو على حاجات كتير اوى و افادات كتير لية و لغيرى.
العربية فعلا ابعادها من برة مختلفة و خاصة التنفيخة اللى عند الكاوتشات لانك لو ماخدتش بالك هتحك منك - غير ان المانيوال القديم كان 4 نقلات بس و دى اول مرة اسوق 6 نقلات فوقعت فى انى بعد التالت و الرابع - اجى اجيب الخامس يروح جاى على التالت و العربية تكلبش منى
غير انها بطلت منى مرتين فى الرجوع من الطارق لرابعة العدوية - و الرحلة دى كانت صعبة و فكرتنى باول مرة اسوق من ناحية الخضة
الركوبة عالية و مختلفة تماما و زاوية الرؤية اعلى بكتير و دة عاجبنى اوى فيها
على فكرة يا بيبو العربية استلمتها فاضية و فى الترخيص اشتريت طفاية صغيرة يادوب تطفى عود كبريت ب 121 جنية و اشتريت شنطة الاسعافات و المثلث العاكس ب 75 جنية - رغم ان الثلاث حاجات دول كانوا فى اللانسر مع الاستلام و دفعت 180 جنية ضريبة علشان العربية اللانسر لسة باسمى و اجمالى التكلفة كان 1605 جنية لترخيص 3 سنين.
المعرض كمان ما دانيش اى هدايا و كان مع اللانسر اخدت 2 عراقة للكراسى و غطاء واتر بروف.
لكن الورق كلة خلص قبل الميعاد المتفق علية و حتى ترخيص الزجاج الملون كان خلصان و علشان كدة مروحتش مرور الدراسة.
و كمان نزلوا الف جنية من غير ما اطلب او افاصل مع العام انها برة ب 135 فى التوكيل و بعض المعارض ب 136 (بدون ذكر اسمهم )
كل الشكر للعاملين فى الطارق و خاصة الاستاذ حسين (المدير) كلهم التزام و ادب و فى قمة المهنية.
العربية كانت عاملة 52 كيلو بالظبط لما جابوها من المخزن للمعرض.
شكرا يا بيبو و ياريت تبعتلى رقم موبايلك على الخاص علشان اكلمك.

[beeronasr]

[QUOTE=mokh21;3874248164]

مبروك يا باشا ربنا يحرسك ويحميك بس ياريت الصور بقي بسرعه علشان نشوف اللون

اللة يبارك فيك يا باشا و يسلمك و يسلمنا جميعا ان شاء اللة و متشكر على ذوق حضرتك جدا
هبقى اعملها تقرير علشان فى اختلافات كتير جدا بينها و بين الداستر بعضها ايجابى و الاخر سلبى لكن فى المجمل هى تكسب و الصور لسة ما صورتهاش و اللة لان بعد ما غسلتها كويس راح قام امبارح شوية تراب 100% غطوها تراب فناوى اغسلها الاول و بعدين اصور علشان اللون يبان - و بالمناسبة اللون طلع حلو و يدى احساس ان العربية اوسع من الالوان الغامقة مع وافر الشكر للى نصحونى انى ما اجبش الاسود لانة كان ضد رغبة المدام (ضد الحكومة - على رأى احمد ذكى) بس عدت على خير و هى كمان عجبها اللون

[beeronasr]

طيب معلش إوصف لي مكان الطارق ده فين الله يكرمك

مساء الفل يا دكتور احمد الصيداح - اسمحلى ارد لغاية ما بيبو يرد
اسهل وصفة انك لما تبقى على كوبرى اكتوبر متجة من مدينة نصر للتحرير - تنزل نزلة (الكيت كات و العجوزة) و تفضل ماشى طوالى و هيقابلك كوبرى بالعرض هتكمل من تحتة لغاية ما تلاقى وزارة الثقافة على شمالك تقوم تاخد U turn و تلف شمال هتبقى الوزارة على اليمين - تدخل اليمين اللى بنهاية مبنى الوزارة تلاقى المعرض على شمالك و معهد القلب امامك.
و ربنا يكرمك بيها على خير و تكمل لنا الجروب ان شا اللة.

[beeronasr]

الف مبروك يا beeronasr و ربنا يباركلك فيها و تستخدمها فى الخير ان شاء الله

اللة يبارك فى حضرتك و الف شكر على ذوقك

[beeronasr]

مبروك وعاوزين تقرير مفصل لحضرتك كلمة كلمة

اللة يبارك فيك و تجيب اللى احسن منها ان شاء اللة
يومين بس اكون قرصت عليها لغاية ما تعترف و اشوف نظامها اية و هاكتب تقرير عنها بكل حيادية ان شاء اللة
على العموم لغاية دلوقتى هى تمام و ماشية مع توعاتى منها لانى كنت مفصصها على النت قبل ما اشتريها و بقالى 7 شهور بذاكر فى رأى المصريين و الاجانب (على مواقع اروبية) عنها و الحمد للة هى عربية قوية و موتورها تحس بعزمة من اول ما تسوقها

[الصيداح]

مساء الفل يا دكتور احمد الصيداح - اسمحلى ارد لغاية ما بيبو يرد
اسهل وصفة انك لما تبقى على كوبرى اكتوبر متجة من مدينة نصر للتحرير - تنزل نزلة (الكيت كات و العجوزة) و تفضل ماشى طوالى و هيقابلك كوبرى بالعرض هتكمل من تحتة لغاية ما تلاقى وزارة الثقافة على شمالك تقوم تاخد u turn و تلف شمال هتبقى الوزارة على اليمين - تدخل اليمين اللى بنهاية مبنى الوزارة تلاقى المعرض على شمالك و معهد القلب امامك.
و ربنا يكرمك بيها على خير و تكمل لنا الجروب ان شا الله.

يا مساء النور يا غالي
ربنا يبارك فيك وألف شكر على الإفادة
لكن أنا مش دارس القاهرة كويس فيا ريت لو قلت لي أوصل هناك إزاي بالمترو أو بالمواصلات
وشكرا لك جزيلا

[الصيداح]

ويا ريت اللي إشترى من عند الطارق يقول لنا التفاصيل بالظبط

يعني بدفع كام أحجز بيه ؟
وهنتظر مدة حوالي قد إيه للون اللي أنا عايزه؟
وهيتعمل لي خصم حوالي كام؟
وهاخد إيه مع العربية بالظبط؟
وكل حاجة