رابطه مالكي الباسات b5&b5.5 من 1996 الي2005

[saif1112]

اولا ياباشا شرفت ونورت الرابطه وشكرا على ذوقك وثانيا الباسات الموديل ده في الأساس اودى اكتر منلها فولكس يعني للمعرفة العربيه دى ماتور وشاسيه وعفشه وكهربا ابتكار اودى في الأساس لأن توأمها في الأودي اللي هي a4 نزلت سنه 95 والباسات نزلت 96 وعلى فكره تصميم الشاسيه والعفشه ووضع الموتور لسه الأودي باستعمالها لغاية وقتنا هذا والباسات دي من العربيات اللي فولكس مش هتعمل زيها تاني لانها معموله بضمير زياده عن اللزوم الباسات نزلت من سنه 96 إلى 2000 بشكل اللي هي b5 وعدلو شكلها في 2001 إلى 2005 بشكل اللي هي b5.5 والعربيتين واحد شاسيه وعفشه ومواتير وكهرباء والصالون الداخلي ووالأبواب وكل حاجه عدا الشكل الأمامي بالكبوت والرفارف وشكل الفوانيس الخلفي غير كده كلو واحد وبالنسبه للموتور طبعا فيه فرق لصالح ال 2000 بس ال 1600 مش وحش اوى هو مشكلته في الطلعه عموما ال1600 بيطلع 100 حصان وال 2000 بيطلع 115 حصان وال b5.5 نزلت بموتور 2000 2 كامه بيطلع 130 حصان بالنسبه لقطع الغيار ال 2000 موجوده اكتر من 1600 علشان الاستيراد قليل شويه ال 1600 بس حاجات ال 2000 متشابهة مع 1600 والأفضل منهم هما الاتنين موتور 1800 عادي ده بيطلع 125 حصان وعموما مواتير الباسات أيا كانت سعتها معمره جدا وبالنسبه لقطع غيارها رخيصة جدا وارخص من الانسر البوما في الاستيراد وبعض الجديد وهتلاقي بعض الأسعار كاتبيها في الرابطه وبرضه علشان تكون في الصوره أغلى حاجه فى العربيه دى طقم المقصات الأمامي أو اسمها شدادات وهما عباره عن 8 شداد 4 يمين و4 شمال مصنوعة من الألومنيوم تمنهم بقى جديد ألماني ماركة اسمها فيبي بلاشتين بيعملو 4000 ج بس حاجه نضيفه وبيعيشو عمر طويل وتمنهم استيراد 1200 ج بس هما مشكلتهم انهم مش بيتغيرلهم بيض أو جلبه لأنهم كل واحد عباره عن جلبه ماسك في الشداد اخره بيضه الشداد ومش بيتباعو جداد لوحدهم لازم الطقم جديد ممكن تجيب استيراد اللي بايظ بس عموما هما مش عيب ومش بيبوظو بسهوله وللعلم انت بتاخد أداء عالي من العفشه دي يعني انا بجيب بيها 200 عادي وماشاء الله ثابته جدا ولو فيها موتور أكبر تجيب بيها 260 وبرضه تفضل ثابته وطبعا هي عربيه عائليه وكبيرة جدا من جوه وشنطها واسعه جدا وعزلها فوق الممتاز وطبعا صاج ناشف جدا جدا وانا برشحلك ال b5.5 لانها الموديل الأحدث بس هتلاقيها قليله شويه وعموما أهم حاجه تكشف عليها الموتور والفتيس والعفشه وطبعا الأساسيات وعلى فكره العربيه دىمافيهاش مشكله يتخاف. منها يعني فتيسها فوق الممتاز بالنسبه للاتوماتيك ومافيهوش أي عيب أو أعطال والعربيه دي عموما مافيهاش أعطال شائعة واعطالها قليله جدا بس اهم حاجه الحاله لانها هي اللي هتكمل معاك يعني لو لقيت b5 حاله أفضل من b5.5 يبقى تخليك في ال b5 لأن على اد مالعربيه دي حلوه ممكن تكرهك فيها لو حالتها وحشه زيها زي كل الألماني بس لو وقعت في حاجه كويسه أن شاءالله مش هتركب بعدها أقل من بي ام أو مرسيدس وربنا يوفقك للاصلح ويكرمك بحاجه نضيفه وأي استفسار انا في الخدمه وانا متابع معاك في اي حاجه

الله ينور عليك يا استاذ احمد
دايما بتتحفنا بمعلوماتك الهايله عن العربيه دى و انا منتظر و بابحث عن عربيه باسات 2004 او 2005 موتور 1800 عادى

[m7nsh]

رجلنا الهمام hitmangate احمد بيه .. ازىك ياباشا يارب تكون تمااااام :)

ليا عندك سؤال كدا فى مشكله وقع فيها واحد صاحبى هو عربيته باسات b5 وقريب كدا حصله حاجه غريبه وتهييسه عاليه ان عدادين الحراره والبنزين فصلو ومبقوش شغالين و الشنطه مبقتش بتفتح كهربا و نور الصالون مش شغال و الازازين الكهربا اللى قدام مش بيفتحو برده ! راح لواحد يحطها ع الجهاز يرستر الكونترول او يعملو اى حاجه معرفش يأكسس عليها وراح لواحد تانى برده معرفش والاتنين المفروض انهم متخصصين فولكس !! هو شاكك ان فى فار تقريبا او حاجه كان لمحها بتجرى من الكبوت فى مره تكون كلت سلوك ولا حاجه لأن الهيس دا حصل بعدها علطول!! انت ايه رايك فالتخاريف دى و ممكن تكون ايه ؟! مع العلم ان العربيه ماشيه زى الفل ومافيش اى مشاكل تانيه ؟ مانيوال 1600

[Shido]

لو قدامي باسات موديل 2000 اوتوماتيك اكشف عليها فين في مدينه نصر او مصر الجديده. حد يكون شاطر و امين عشان ابقي اكمل بعد كده صيانتها معاه

[Ahmed Saad]

رجلنا الهمام hitmangate احمد بيه .. ازىك ياباشا يارب تكون تمااااام :)

ليا عندك سؤال كدا فى مشكله وقع فيها واحد صاحبى هو عربيته باسات b5 وقريب كدا حصله حاجه غريبه وتهييسه عاليه ان عدادين الحراره والبنزين فصلو ومبقوش شغالين و الشنطه مبقتش بتفتح كهربا و نور الصالون مش شغال و الازازين الكهربا اللى قدام مش بيفتحو برده ! راح لواحد يحطها ع الجهاز يرستر الكونترول او يعملو اى حاجه معرفش يأكسس عليها وراح لواحد تانى برده معرفش والاتنين المفروض انهم متخصصين فولكس !! هو شاكك ان فى فار تقريبا او حاجه كان لمحها بتجرى من الكبوت فى مره تكون كلت سلوك ولا حاجه لأن الهيس دا حصل بعدها علطول!! انت ايه رايك فالتخاريف دى و ممكن تكون ايه ؟! مع العلم ان العربيه ماشيه زى الفل ومافيش اى مشاكل تانيه ؟ مانيوال 1600

باشمهندس محمد ليك واحشه ياراجل يارب تكون بخير بص الموضوع ده لازم يروح لكهربائىفولكس ويكون فاهم العربيه للأن موضوع عدم دخول الاسكانر على العربيه ده ممكن يكون الفار قطع سلكه من بتوع فيشه الأعطال اللي رايحه للكنترول في الضفيره فالموضوع ده عايز مراجعه على الضفيره علشان محدش يفتي عليه وخليه قبل كل ده يشوف علبه الفيوزات اللي شمال التابلوه هيفك غطا التابلوه من الشمال ويتأكد أن كل الفيوزات سليمه طبعا والعربيه مبطله والمفتاح مش في الكونتاكت ويعمل نظره سريعه كده على ضفيره الكنترول يونت بالنظرهيفتح الكبوت هيلاقي علبه جنب سيرفو الفرامل وخارج منها الضفيره في خرطوم سوسته جلد ييشوفها لو الفار كلها أو عمل فيها حاجه وان شاء الله خير بس اهم حاجه يروح لكهربائى فولكس

[Ahmed Saad]

لو قدامي باسات موديل 2000 اوتوماتيك اكشف عليها فين في مدينه نصر او مصر الجديده. حد يكون شاطر و امين عشان ابقي اكمل بعد كده صيانتها معاه

بص يا باشا لو انت عايز واحد من الاخر عندك هاني اللي ورا حديقه بدر في جسر السويس دا من الاخر بص مصنعيته غاليه شويه بس حاجه انضف من التوكيل وفاهم جدا ده من الاخر

[manchestr_viru]

انا لما بشغل التكييف و العربية واقفه بتصفر شبه صفارة ااسيركتينه و مجرد ما اطلع بالعربية او ازود بنزين الصفارة تروح ...السيركتينه لسه مغيرها من ١٠٠٠ كيلو !

حاجه تانية...صاحبي عايز يغير مقص يمين الافضل يجيب لفردة واحدة ولا الطقم فردتين ولو مش هيجيب الماني عشان غالي يجيب التركي كويس ولا يجيب ايه ؟
ولو استيراد هيعرف ازاي لن المقص ده كويس مش بايظ قبل ما يشتريه

[mahmoudshahen]

لمبة abs نورت اصفر ده كده فيه ايه ؟؟

[Ahmed Saad]

انا لما بشغل التكييف و العربية واقفه بتصفر شبه صفارة ااسيركتينه و مجرد ما اطلع بالعربية او ازود بنزين الصفارة تروح ...السيركتينه لسه مغيرها من ١٠٠٠ كيلو !

حاجه تانية...صاحبي عايز يغير مقص يمين الافضل يجيب لفردة واحدة ولا الطقم فردتين ولو مش هيجيب الماني عشان غالي يجيب التركي كويس ولا يجيب ايه ؟
ولو استيراد هيعرف ازاي لن المقص ده كويس مش بايظ قبل ما يشتريه

طيب غيرت سير التكييف لأن التكييف على سير منفصل لوحده ممكن يكون عايز يتغير أو لو غيرته ممكن يكون مرخي وعايز يتشد شويه وبالنسبه لموضوع المقصات هي مش بتتباع جديده لوحدها لازم طقم كامل ولو هيجيب جديد يحوش شويه ويجيب الفيبي الألماني أو السواج هما الاتنين واحد هما غاليين بس هينساهم لأن أيحاجه غير كده بيرمي فلوس ععلى الأرض ولو هيجيبو استيراد لوحده هيمسك المقص ويبص علىالجلبه بالنظر اأهم حاجه ماتكونش مشققه أو فيها قطع ويمسك البيضه بتاعت المقص ويحركها المفروض تكون تقيله اوى في حركتها لو خفيفه اوىتتبقى البيضه بايظه وبس

[Ahmed Saad]

لمبة abs نورت اصفر ده كده فيه ايه ؟؟

اعمل سكان على العربيه بجهاز الأعطال عند متخصص فولكس على الabs علشان كده فيه خطأ في منظومة ال ABS وغالبا هتلاقيك كنت بتعمل صيانه في العربيه وحد فك عجله وجه جنب حساس من بتوع العجل ولو ععلى أن حساس عجل بسيطه أن شاء الله تمنه بيعمل 100ج استيراد وبرضه علشان تتأكد فك العجله الاماميه يمين هتلاقي ورا كاليبر الفرامل من الجنب سلكه داخله على ناحيه الكوبلن فيها ررأس راكب على الكوبلن من برا هتمسك الرأسدي وتطلعها برا مكانها وبص عليها بالنظر لو للاقيتها واخده نقره اوخبطه بسيطه من أي حته وخصوصا الرأس من فوق يبقى كده الحساس بايظ وهتعمل كده برضه في العجل الشمال لأن الحساسين اللي في الإمام هما اللي بيبوظو أكتر من اللي على العجل الخلفي وبسيطه أن شاء الله

[manchestr_viru]

طيب غيرت سير التكييف لأن التكييف على سير منفصل لوحده ممكن يكون عايز يتغير أو لو غيرته ممكن يكون مرخي وعايز يتشد شويه وبالنسبه لموضوع المقصات هي مش بتتباع جديده لوحدها لازم طقم كامل ولو هيجيب جديد يحوش شويه ويجيب الفيبي الألماني أو السواج هما الاتنين واحد هما غاليين بس هينساهم لأن أيحاجه غير كده بيرمي فلوس ععلى الأرض ولو هيجيبو استيراد لوحده هيمسك المقص ويبص علىالجلبه بالنظر اأهم حاجه ماتكونش مشققه أو فيها قطع ويمسك البيضه بتاعت المقص ويحركها المفروض تكون تقيله اوى في حركتها لو خفيفه اوىتتبقى البيضه بايظه وبس

في رأيك الافضل جديد ولا استيراد ؟ و الجديد الالماني بكام و الاستيراد بكام ؟
ولو جبت مقصات مش الماني هتبوظ بعد قد ايه

[elhelawy]

يا جماعه ايه حكاية اسعار الباسات اللى هتجننى دى انا بدور على باسات بس تكون حاله نضيفه الاقى عربيات فى الستينات وعربيات تانيه فى السبعينات وعربيات تالته فى التمانينات انا بقى عايز اعرف منكوا العربيه لو حالتها نضيفه تسوى كام علشان ما ابقاش ظلمت حد او اتظلمت ولو حد عنده عربيه بنت ناس بيتى نضيفه انا جاهز اخلص فيها بس شرط الحاله

[Muhammad 80]

السلام عليكم
إخوانى أعضاء المنتدى كل عام وأنتم بخير ورمضان كريم
وأنا بقلب شوية على الإنترنت لقيت الموضوع الجميل ده والرابطة اللطيفة دى حبيت أشارككم وأكون معاكم وأستفيد من خبراتكم
عندى باسات ١٦٠٠ موديل ٢٠٠٠ اشترتها من أقل من شهر ونص وكانت عاملة ١١٨ ألف كيلو وحالتها ممتازة ما عدا طبعا بعض أعراض قلة استخدام العربية

قصة العربية دى غريبة معايا أنا كنت موصى تاجر عربيات معرفة يدورلى على بى ام دبليو موديل ٢٠١١ أو ٢٠١٢ فئة تالتة وكلمنى بالفعل ورحت أشوفها وكانت فعلا ممتازة لكن ترددت لأنى ساكن فى شارع وحش العربيات بتتجرح كتير والركنة صف تانى فقلتله بلاش بى إم دلوقت خلينى لما أنقل لبيتى الجديد كمان شهرين وأركن فى جراج أبقى اشترى بى إم
قالى يعنى عايز عربية مؤقتة تمشيك اليومين دول قلتله اه بس عربية تكون محترمة مش عربية تبهدلنى لمجرد انها مؤقتة
فرجنى على عربيات كتير ياريس ورينو سيمبول وكلها موديلات حديثة ومفيش حاجة عجبتنى لدرجة انى كنت حاخد جيب ليبرتى قلت محدش حيقربلها ولو عجبتنى اكمل بيها ولو انى مش بحب الجيب اصلا

النهاية لقيته كلم واحد وقالى فيه باسات موديل 2000 وانا سمعت 2000 دى وقلتله انسى الموضوع مش واخدها طبعا دى عربية قديمة انا اخرى 2007 فضل يتحايل عليا ويقولى طب بس شوفها الأول وبعدين نتكلم عربية محترمة جدا وسعرها حنين
قلت مكسفوش واشوف
مكدبش عليكم اول ما شفتها قالى اركب ولف بينا لفه ركبت فعلا ولفيت بيها
اول ما نزلت منها لقيتنى خدت القرار انا حاخد العربية دى
بالفعل اخدتها وبصراحة كل يوم احترمها اكتر ولما دخلت هنا وقريت الشعر اللى كتبه فيها زميلنا hitmangate وانا حبيتها أكتر خاصة ان كلامه بلاقيه حقيقى فى الواقع
صدعتكم بقصتى مع العربية دى لكن بما إن الموضوع خاص بيها فقلت لما أعرفكم بقصتى معاها أيه :)
لما أقرا ترحيبكم حبتدى أغلس واسأل شوية أسئله عنها وبالمناسبة أنا من اسكندرية عشان أكيد حسأل عن أماكن خاصة بصيانتها وقطع غيارها
شكرا للمتابعة

[munse2004]

كل عام وانتم بخير
كنت عايز اغير زيت الفتيس والمصفاه
اروح فين واعمل ايه وبكام انا من الهرم

[Ahmed Saad]

السلام عليكم
إخوانى أعضاء المنتدى كل عام وأنتم بخير ورمضان كريم
وأنا بقلب شوية على الإنترنت لقيت الموضوع الجميل ده والرابطة اللطيفة دى حبيت أشارككم وأكون معاكم وأستفيد من خبراتكم
عندى باسات ١٦٠٠ موديل ٢٠٠٠ اشترتها من أقل من شهر ونص وكانت عاملة ١١٨ ألف كيلو وحالتها ممتازة ما عدا طبعا بعض أعراض قلة استخدام العربية

قصة العربية دى غريبة معايا أنا كنت موصى تاجر عربيات معرفة يدورلى على بى ام دبليو موديل ٢٠١١ أو ٢٠١٢ فئة تالتة وكلمنى بالفعل ورحت أشوفها وكانت فعلا ممتازة لكن ترددت لأنى ساكن فى شارع وحش العربيات بتتجرح كتير والركنة صف تانى فقلتله بلاش بى إم دلوقت خلينى لما أنقل لبيتى الجديد كمان شهرين وأركن فى جراج أبقى اشترى بى إم
قالى يعنى عايز عربية مؤقتة تمشيك اليومين دول قلتله اه بس عربية تكون محترمة مش عربية تبهدلنى لمجرد انها مؤقتة
فرجنى على عربيات كتير ياريس ورينو سيمبول وكلها موديلات حديثة ومفيش حاجة عجبتنى لدرجة انى كنت حاخد جيب ليبرتى قلت محدش حيقربلها ولو عجبتنى اكمل بيها ولو انى مش بحب الجيب اصلا

النهاية لقيته كلم واحد وقالى فيه باسات موديل 2000 وانا سمعت 2000 دى وقلتله انسى الموضوع مش واخدها طبعا دى عربية قديمة انا اخرى 2007 فضل يتحايل عليا ويقولى طب بس شوفها الأول وبعدين نتكلم عربية محترمة جدا وسعرها حنين
قلت مكسفوش واشوف
مكدبش عليكم اول ما شفتها قالى اركب ولف بينا لفه ركبت فعلا ولفيت بيها
اول ما نزلت منها لقيتنى خدت القرار انا حاخد العربية دى
بالفعل اخدتها وبصراحة كل يوم احترمها اكتر ولما دخلت هنا وقريت الشعر اللى كتبه فيها زميلنا hitmangate وانا حبيتها أكتر خاصة ان كلامه بلاقيه حقيقى فى الواقع
صدعتكم بقصتى مع العربية دى لكن بما إن الموضوع خاص بيها فقلت لما أعرفكم بقصتى معاها أيه :)
لما أقرا ترحيبكم حبتدى أغلس واسأل شوية أسئله عنها وبالمناسبة أنا من اسكندرية عشان أكيد حسأل عن أماكن خاصة بصيانتها وقطع غيارها
شكرا للمتابعة

أولاً أهلا وسهلا بك في الرابطة وشكرا على كلامك الجميل وثانيا ألواحد لما قرر انه يشترى الباسات الموديل ده قررت اني اركب عربيه بجد مش خيش وقش والواحد يتحرر من قيود السوق وفعلا ركوبه الألماني مالهاش زي بالذات كمان أن الباسات دي تصميم أودي فالواحد إحساسه انه راكب حاجه من تصميم أودي حاجه تانيه ولو قررت بعد فتره من الزمن اني اغير العربيه هركب أودي a4 موديل من 2009 وطالع فعلا عربيات تستحق الاحترام وربنا يكرمك بيها ويديك خيرها ويكفيك شرها وأي استفسار اوسؤال في العربيه انا تحت أمرك

[Ahmed Saad]

كل عام وانتم بخير
كنت عايز اغير زيت الفتيس والمصفاه
اروح فين واعمل ايه وبكام انا من الهرم

وانت بخير وصحة وسلامة ورمضان كريم بالنسبه لتغير زيت الفتيس عندك حلين عندك الزيت الأصلي اللتر بيعمل في حدود 275 ج والعربيه بتاخد 4لتر زيت ابيض والفلتر الأصلي بحوالي 350ج كل ده في الهاشميه ويتغير كل 60000كم وفي حاجه تانيه في زيت ألماني اسمه فيبي ابيض برضه ونضيف جدا جدا انا شخصيا حطه في عربيتي وعندي واحد صاحبي معاه الباساتبتاعتنا من الزيرو وغيرلها الفيبي ده 3 مرات كل 40000كم ومعاه زي الفل لتر الفيبي بيعمل في حدود 100ج والفلتر في حدود 90ج فيبي برضه وعلى فكره الفيبي ده ممتاز جدا بس بتغير كل 40000كم وممكن اكتر بس أمان بيتغير على الأربعين الف وبالمره هتجيب جوان كرتيره الزيت ب 150ج أصلي كأمان علشان مايحصلش تسريب معاك بعد فتره وبالنسبه لمكان التغيير في مركز تقريبا في المريوطيه اسمه فولكس هاوس تقريبا انا ماتعملتش معاه بس في ناس شكرتلي فيه وموضوع التغيير ده مش حوار بس ياسيدي