رابطه مالكي الباسات b5&b5.5 من 1996 الي2005

[Muhammad 80]

كل سنة وانتم طيبين وعيد سعيد
عملت شوية صيانات فى شهر رمضان قلت أحكى ربما حد يستفيد خاصة الاسكندرانية
العربية باسات ١٦٠٠ موديل ٢٠٠٠ اوتوماتيك
عملت زى الأستاذ أحمد hitmangate ما قالى وجبت زيت فيبى للفتيس وملتقش فلتر من نفس النوع وجبت فلتر مايلى وكمان فلتز بنزين مايلى وزيت باور فيبى وزيت فرامل توتال بس ملقتش بنفس الكود اللى قاللى عليه dot-4 جبت الموجود وخلاص
ودخت على كومبريسور تكييف استعمال ملقتش غير عند واحد بتاع استعمال فولكس واوكتافيا فى السيوف اسمه رجب فى الشارع اللى فى وش قرية عبد الوهاب للمشويات واخدته بالعافية ب ١٤٠٠ بس بعد ما نزلت دورت فى صلاح الدين وملقتش هناك الا عند واحد اسمع اشرف نابليون قالى حفكهولك وتمنه ٢٠٠٠ جنيه وطبعا سبته ورجعت لرجب فى السيوف

أخدت الحاجات دى كلها وطلعت على الشيخ ابراهيم وسمعت عنه من المنتدى هنا واسمه نازل فى بيانات الناس اللى بتشتغل فى الفولكس
ملاحظاتى عليه الآتى
١- هو نفسه شاب متدين باين عليه دارس وفاهم لأنى لاحظت طريقة نطقه السليمة جدا لكلمة كومبريسور مش طريقة نطق صنايعى
٢- هو شغله كهربا بس والميكانيكا شغل اللى معاه فى الورشه
٣- الورشة امكانياتها ضعيفه جدا جدا جدا
٤- مواعيده مش مظبوطه
٥- الميكانيكى اللى عنده شكله مودى جدا بيشتغل بالمزاج وحسب الضغط واسمه النوبى

الميكانيى هو اللى اشتغل وهو اللى غير الكومبريسور بس موصلوش وقالولى كمله عند واحد بتاع تكييف
غير زيت الجيربوكس والفلتر وحسب كلامه الزيت كان كويس ومكنش له لزمة اغيره
غير زيت الباور
مكنش فيه وقت قبل الفطار ملحقش يغير زيت الفرامل وكان عايز يزود وانا رفضت
غير فلتر البنزين
كان فيه مشكلة فى التبريد عندى واتضح ان فيه ماسورة اللى رايحة عالموتور مخرومة خرمين صغيرين وبتسرب ميه وقالى هات غيرها استعمال وللأسف جبت من عند رحب غيرها وطلعت بتاعة أودى ومش زىيها بالظبط من حيث الصواميل اللى بتركب عليها وش الموتور بس هو وفقها الى حد ما
المشكلة ان الماسورة دى ادهالى ب ٥٠٠ جنيه وانا مستكترها اوى
بعد كده رحت لواحد بتاع تكييف ركب فيشة الكومبريسور وشحن فريون وفعلا التكييف كان حكاية وتلاجة لكن لاحظت بعد كام يوم ان التكييف وانا واقف لو فى اشارة او السكه واقفه وطولت الكومبريسور يبطل والهوا يدخل مرطب ودافى ولو طولت يقلب سخن ووصلت ان مؤشر الحراره زاد جدا بعد ال ٩٠ بشرطة وبشرطتين كمان ومنزلتش الا لما وقفت التكييف
كمان العربية بحس بيها عايزة تبطل وبتلحق نفسها وببص على ال rpm بلاقيه تحت ال ١٠ بشرطة وشاكك فى موضوع ال idle لأن الموتور بينزل وشكله مش قادر يشيل الكومبريسور عشان كده التكييف وانا ماشى بيبقى زى الفل ولما بيقف بيقل

دى الخلاصه ولو حد يفيدنى فى مشكلة التكييف دى ياريت يقولى

[elhelawy]

بص يعني هياخد في حدود 200ج أو اكتر خمسين لأن شغل المقصات رخم شويه وبرضه الأعضاء ممكن يفيدوك في السعر اكتر شويه بالنسبه أن في اعضاء غيرت مقصات وبسيطه أن شاء الله

انا فعلا لسه مغير المقصات وخد مصنعيه 200 جنيه بس ده علشان انا زبون عندوا بقالى 11 سنه يعنى زى ما بيقول احمد باشا ممكن يزيد 50 جنيه

[elhelawy]

كل سنة وانتم طيبين وعيد سعيد
عملت شوية صيانات فى شهر رمضان قلت أحكى ربما حد يستفيد خاصة الاسكندرانية
العربية باسات ١٦٠٠ موديل ٢٠٠٠ اوتوماتيك
عملت زى الأستاذ أحمد hitmangate ما قالى وجبت زيت فيبى للفتيس وملتقش فلتر من نفس النوع وجبت فلتر مايلى وكمان فلتز بنزين مايلى وزيت باور فيبى وزيت فرامل توتال بس ملقتش بنفس الكود اللى قاللى عليه dot-4 جبت الموجود وخلاص
ودخت على كومبريسور تكييف استعمال ملقتش غير عند واحد بتاع استعمال فولكس واوكتافيا فى السيوف اسمه رجب فى الشارع اللى فى وش قرية عبد الوهاب للمشويات واخدته بالعافية ب ١٤٠٠ بس بعد ما نزلت دورت فى صلاح الدين وملقتش هناك الا عند واحد اسمع اشرف نابليون قالى حفكهولك وتمنه ٢٠٠٠ جنيه وطبعا سبته ورجعت لرجب فى السيوف

أخدت الحاجات دى كلها وطلعت على الشيخ ابراهيم وسمعت عنه من المنتدى هنا واسمه نازل فى بيانات الناس اللى بتشتغل فى الفولكس
ملاحظاتى عليه الآتى
١- هو نفسه شاب متدين باين عليه دارس وفاهم لأنى لاحظت طريقة نطقه السليمة جدا لكلمة كومبريسور مش طريقة نطق صنايعى
٢- هو شغله كهربا بس والميكانيكا شغل اللى معاه فى الورشه
٣- الورشة امكانياتها ضعيفه جدا جدا جدا
٤- مواعيده مش مظبوطه
٥- الميكانيكى اللى عنده شكله مودى جدا بيشتغل بالمزاج وحسب الضغط واسمه النوبى

الميكانيى هو اللى اشتغل وهو اللى غير الكومبريسور بس موصلوش وقالولى كمله عند واحد بتاع تكييف
غير زيت الجيربوكس والفلتر وحسب كلامه الزيت كان كويس ومكنش له لزمة اغيره
غير زيت الباور
مكنش فيه وقت قبل الفطار ملحقش يغير زيت الفرامل وكان عايز يزود وانا رفضت
غير فلتر البنزين
كان فيه مشكلة فى التبريد عندى واتضح ان فيه ماسورة اللى رايحة عالموتور مخرومة خرمين صغيرين وبتسرب ميه وقالى هات غيرها استعمال وللأسف جبت من عند رحب غيرها وطلعت بتاعة أودى ومش زىيها بالظبط من حيث الصواميل اللى بتركب عليها وش الموتور بس هو وفقها الى حد ما
المشكلة ان الماسورة دى ادهالى ب ٥٠٠ جنيه وانا مستكترها اوى
بعد كده رحت لواحد بتاع تكييف ركب فيشة الكومبريسور وشحن فريون وفعلا التكييف كان حكاية وتلاجة لكن لاحظت بعد كام يوم ان التكييف وانا واقف لو فى اشارة او السكه واقفه وطولت الكومبريسور يبطل والهوا يدخل مرطب ودافى ولو طولت يقلب سخن ووصلت ان مؤشر الحراره زاد جدا بعد ال ٩٠ بشرطة وبشرطتين كمان ومنزلتش الا لما وقفت التكييف
كمان العربية بحس بيها عايزة تبطل وبتلحق نفسها وببص على ال rpm بلاقيه تحت ال ١٠ بشرطة وشاكك فى موضوع ال idle لأن الموتور بينزل وشكله مش قادر يشيل الكومبريسور عشان كده التكييف وانا ماشى بيبقى زى الفل ولما بيقف بيقل

دى الخلاصه ولو حد يفيدنى فى مشكلة التكييف دى ياريت يقولى

اولا الف مبروك على الحاجات اللى عملتها وربنا يباركلك فيها
بالنسبه للتكييف ممكن يكون كذا حاجه
1- ممكن الفريون يكون مش مضبوط زايد او ناقص وممكن الدوره نفسها تكون الضغوط عاليه وحصلت معايا وده بيخلى العربيه وهى على السلانسيه بس التكييف يفصل و تجيب هواء سخن ولما تمشى التكييف يشتغل تانى و يسقع
2-الكمبروسور نفسوا يكون ضعيف وده يعمل نفس المشكله وبالاخص انك لسه شاريه استراد يعنى بتجربوا لسه
3-موضع السخونيه مع التكييف عايزك تتأكد من حاجه ان المروحه بتاعة التكييف بتكون شغاله مع التكييف ممكن تكون فاصله مش شغاله وده بيسخن العربيه مع التكييف
4- لو المروحه بتاعة التكييف شغاله يبقى الريداتير عندك عايز يتنضف تلاقيه فيه صدى ومع التكييف الريداتير مش بيبرد صح
ده اللى ممكن افيدك فيه على قد معلوماتى

[Muhammad 80]

اولا الف مبروك على الحاجات اللى عملتها وربنا يباركلك فيها
بالنسبه للتكييف ممكن يكون كذا حاجه
1- ممكن الفريون يكون مش مضبوط زايد او ناقص وممكن الدوره نفسها تكون الضغوط عاليه وحصلت معايا وده بيخلى العربيه وهى على السلانسيه بس التكييف يفصل و تجيب هواء سخن ولما تمشى التكييف يشتغل تانى و يسقع
2-الكمبروسور نفسوا يكون ضعيف وده يعمل نفس المشكله وبالاخص انك لسه شاريه استراد يعنى بتجربوا لسه
3-موضع السخونيه مع التكييف عايزك تتأكد من حاجه ان المروحه بتاعة التكييف بتكون شغاله مع التكييف ممكن تكون فاصله مش شغاله وده بيسخن العربيه مع التكييف
4- لو المروحه بتاعة التكييف شغاله يبقى الريداتير عندك عايز يتنضف تلاقيه فيه صدى ومع التكييف الريداتير مش بيبرد صح
ده اللى ممكن افيدك فيه على قد معلوماتى

ربنا يبارك فيك وأشكرك للإفادة
بس بصراحة دماغى اتشتت زيادة بس احتمال ضعف الكومبريسور غير انى لا أتمناه لكن كمان أشك فيه لأنه لما بيشتغل بيسقع جدا وبكفاءة عالية وأول لما شحنته كانت العربية واقفه والراجل بتاع التكييف قالى ادخل وجرب وكان ساعة الضهر والشمس سخنة جدا ومع ذلك كان زى الفل
موضوع المروحة فكرت فيه بس يا رب يكون احتمال واحد بس ميكونش سبب المشكلة اكتر من احتمال مع بعض
أشكرك تانى للاهتمام

[Ahmed Saad]

كل سنة وانتم طيبين وعيد سعيد
عملت شوية صيانات فى شهر رمضان قلت أحكى ربما حد يستفيد خاصة الاسكندرانية
العربية باسات ١٦٠٠ موديل ٢٠٠٠ اوتوماتيك
عملت زى الأستاذ أحمد hitmangate ما قالى وجبت زيت فيبى للفتيس وملتقش فلتر من نفس النوع وجبت فلتر مايلى وكمان فلتز بنزين مايلى وزيت باور فيبى وزيت فرامل توتال بس ملقتش بنفس الكود اللى قاللى عليه dot-4 جبت الموجود وخلاص
ودخت على كومبريسور تكييف استعمال ملقتش غير عند واحد بتاع استعمال فولكس واوكتافيا فى السيوف اسمه رجب فى الشارع اللى فى وش قرية عبد الوهاب للمشويات واخدته بالعافية ب ١٤٠٠ بس بعد ما نزلت دورت فى صلاح الدين وملقتش هناك الا عند واحد اسمع اشرف نابليون قالى حفكهولك وتمنه ٢٠٠٠ جنيه وطبعا سبته ورجعت لرجب فى السيوف

أخدت الحاجات دى كلها وطلعت على الشيخ ابراهيم وسمعت عنه من المنتدى هنا واسمه نازل فى بيانات الناس اللى بتشتغل فى الفولكس
ملاحظاتى عليه الآتى
١- هو نفسه شاب متدين باين عليه دارس وفاهم لأنى لاحظت طريقة نطقه السليمة جدا لكلمة كومبريسور مش طريقة نطق صنايعى
٢- هو شغله كهربا بس والميكانيكا شغل اللى معاه فى الورشه
٣- الورشة امكانياتها ضعيفه جدا جدا جدا
٤- مواعيده مش مظبوطه
٥- الميكانيكى اللى عنده شكله مودى جدا بيشتغل بالمزاج وحسب الضغط واسمه النوبى

الميكانيى هو اللى اشتغل وهو اللى غير الكومبريسور بس موصلوش وقالولى كمله عند واحد بتاع تكييف
غير زيت الجيربوكس والفلتر وحسب كلامه الزيت كان كويس ومكنش له لزمة اغيره
غير زيت الباور
مكنش فيه وقت قبل الفطار ملحقش يغير زيت الفرامل وكان عايز يزود وانا رفضت
غير فلتر البنزين
كان فيه مشكلة فى التبريد عندى واتضح ان فيه ماسورة اللى رايحة عالموتور مخرومة خرمين صغيرين وبتسرب ميه وقالى هات غيرها استعمال وللأسف جبت من عند رحب غيرها وطلعت بتاعة أودى ومش زىيها بالظبط من حيث الصواميل اللى بتركب عليها وش الموتور بس هو وفقها الى حد ما
المشكلة ان الماسورة دى ادهالى ب ٥٠٠ جنيه وانا مستكترها اوى
بعد كده رحت لواحد بتاع تكييف ركب فيشة الكومبريسور وشحن فريون وفعلا التكييف كان حكاية وتلاجة لكن لاحظت بعد كام يوم ان التكييف وانا واقف لو فى اشارة او السكه واقفه وطولت الكومبريسور يبطل والهوا يدخل مرطب ودافى ولو طولت يقلب سخن ووصلت ان مؤشر الحراره زاد جدا بعد ال ٩٠ بشرطة وبشرطتين كمان ومنزلتش الا لما وقفت التكييف
كمان العربية بحس بيها عايزة تبطل وبتلحق نفسها وببص على ال rpm بلاقيه تحت ال ١٠ بشرطة وشاكك فى موضوع ال idle لأن الموتور بينزل وشكله مش قادر يشيل الكومبريسور عشان كده التكييف وانا ماشى بيبقى زى الفل ولما بيقف بيقل

دى الخلاصه ولو حد يفيدنى فى مشكلة التكييف دى ياريت يقولى

أولا كل سنه وانت طيب والف مبروك على الصيانه
بالنسبه لزيت الفرامل من فضلك اتأكد انه dot4 ومكتوب على العلبه اللي حضرتك جايبها كده لو لاقيت مكتوب dot3 بسرعه غير الزيت في الدوره كلها ب dot4 لو ملاقيتش في توتال أو أي محطه بنزين كبيره هتجيب من وطنيه عندهم زيت dot4 وممتاز جدا هتلاقيها علبه صفراء مكتوب عليها وطنيه ومكتوب dot4 اما بالنسبه للتكيف فروح لواحد بتاع تكييف غير اللي شحنلك وياريت تسأل على حد شغال في تكييف فولكس ويكون بيفهم روحله وقوله عايز اشوف الفريون عندي مظبوط ولا ايه ويشوفلك كبس الكومبريسور وكان المفروض الكومبريسور قبل مايركب كان يتغيرله زيت مخصوص للكومبريسور المهم يكشفلك على الشحن وعلى الكبس ويشوف لو مظبوط يبقى اكشف على العربيه أعطال بالكابل وبرنامج vcds ويكشف على التكييف علشان ممكن يكون فيه عطل في كهرباء دوره التكييف وبالنسبه لموضوع الايدل برضه مع كشف الأعطال هيبان لو في عطل في الموتور في البوابه وحساستها وممكن البوابه تكون عايزه يتعملها ايدل ليرن من البرنامج والله لو كنت من القاهره كنت اظبطلك الدنيا بس معلش عموما في ميكانيكي عندكوا في اسكندريه في الحرفيين اسمه البمبي ده شغال فولكس واسكودا ده واحد زميلي معاه جيتا من اسكندريه بيتعامل معاه وبيقوللي ده ميكانيكي فاهم اوى روحله خليه يكشفلك بجهاز الأعطال خليه يكشفلك موتور وتكييف وبالنسبه للسخونيه نضف الريداتير كويس وحط مياه حمرا g12 الاصليه واتاكد من مروحه التكييف الصغيره انها شغاله وسرعتين مش سرعه واحده وبرضه وانت بتكشف على التكييف خليه يشوفلك المروحه مظبوطه ولا لا وان شاء الله خير وانا هبعتلك رقمي على الخاص وأبقى كلمني وانا اشرحلك هتعمل ايه بالظبط أن شاء الله

[Muhammad 80]

أولا كل سنه وانت طيب والف مبروك على الصيانه
بالنسبه لزيت الفرامل من فضلك اتأكد انه dot4 ومكتوب على العلبه اللي حضرتك جايبها كده لو لاقيت مكتوب dot3 بسرعه غير الزيت في الدوره كلها ب dot4 لو ملاقيتش في توتال أو أي محطه بنزين كبيره هتجيب من وطنيه عندهم زيت dot4 وممتاز جدا هتلاقيها علبه صفراء مكتوب عليها وطنيه ومكتوب dot4 اما بالنسبه للتكيف فروح لواحد بتاع تكييف غير اللي شحنلك وياريت تسأل على حد شغال في تكييف فولكس ويكون بيفهم روحله وقوله عايز اشوف الفريون عندي مظبوط ولا ايه ويشوفلك كبس الكومبريسور وكان المفروض الكومبريسور قبل مايركب كان يتغيرله زيت مخصوص للكومبريسور المهم يكشفلك على الشحن وعلى الكبس ويشوف لو مظبوط يبقى اكشف على العربيه أعطال بالكابل وبرنامج vcds ويكشف على التكييف علشان ممكن يكون فيه عطل في كهرباء دوره التكييف وبالنسبه لموضوع الايدل برضه مع كشف الأعطال هيبان لو في عطل في الموتور في البوابه وحساستها وممكن البوابه تكون عايزه يتعملها ايدل ليرن من البرنامج والله لو كنت من القاهره كنت اظبطلك الدنيا بس معلش عموما في ميكانيكي عندكوا في اسكندريه في الحرفيين اسمه البمبي ده شغال فولكس واسكودا ده واحد زميلي معاه جيتا من اسكندريه بيتعامل معاه وبيقوللي ده ميكانيكي فاهم اوى روحله خليه يكشفلك بجهاز الأعطال خليه يكشفلك موتور وتكييف وبالنسبه للسخونيه نضف الريداتير كويس وحط مياه حمرا g12 الاصليه واتاكد من مروحه التكييف الصغيره انها شغاله وسرعتين مش سرعه واحده وبرضه وانت بتكشف على التكييف خليه يشوفلك المروحه مظبوطه ولا لا وان شاء الله خير وانا هبعتلك رقمي على الخاص وأبقى كلمني وانا اشرحلك هتعمل ايه بالظبط أن شاء الله

أفادك الله وربنا يزيدك
بالنسبة لزيت الفرامل لسه مغيرتوش حقرا العلبه تانى واشوف مكتوب عليها أيه
بالنسبة للميه غيرتها بميه خضرا بتاعة موبيل الجركن ب ٨٥ جنيه لكن مش عارف هى مناسبه ولا لاء
حسأل على الميكانيكى اللى قلتلى عليه ده واروحله عشان عايز ارتاح بصراحه من الدوشة دى واستمتع بالعربية
متشكر جدا لاهتمامك والله وربنا يجازيك خير على مساعدتك للناس

[Ahmed Saad]

أفادك الله وربنا يزيدك
بالنسبة لزيت الفرامل لسه مغيرتوش حقرا العلبه تانى واشوف مكتوب عليها أيه
بالنسبة للميه غيرتها بميه خضرا بتاعة موبيل الجركن ب ٨٥ جنيه لكن مش عارف هى مناسبه ولا لاء
حسأل على الميكانيكى اللى قلتلى عليه ده واروحله عشان عايز ارتاح بصراحه من الدوشة دى واستمتع بالعربية
متشكر جدا لاهتمامك والله وربنا يجازيك خير على مساعدتك للناس

ياباشا لا شكر على واجب وبالنسبه لمياه موبيل طبعا ممتازه هيا والتوتال الحمرا الاتنين تمام بص العربيه هتاخد بعد تنظيف الريداتير تقريبا حوالي 7 لتر يعني جركنين وانا بعتلك رقمي على الخاص أبقى كلمني ضروري علشان اقولك هتعمل ايه بالظبط أن شاء الله

[Muhammad 80]

ياباشا لا شكر على واجب وبالنسبه لمياه موبيل طبعا ممتازه هيا والتوتال الحمرا الاتنين تمام بص العربيه هتاخد بعد تنظيف الريداتير تقريبا حوالي 7 لتر يعني جركنين وانا بعتلك رقمي على الخاص أبقى كلمني ضروري علشان اقولك هتعمل ايه بالظبط أن شاء الله

تسلملنا يا أستاذ أحمد
حبيت أرد على رسالتك طلعتلى رسالة انى لسه عضو غلبان مينفعش ابعت رسايل الا بعد كام مشاركة حكملهم الأول عشان اقدر استخدم الخاص
عموما ده كان نصها
تشرفت بيك يا أستاذ أحمد وربنا يخليك لينا :)
أنا حبعت لحضرتك قبل ما اتصل بيك اشوف المعاد المناسب ليك إن شاء الله
وكل سنه وحضرتك طيب"

مش حروح قبل ما اكلم حضرتك بس اسأل الأول فين الميكانيكى وابعتلك الأول عشان اتشرف بيك واكلمك واروح والكلام لسه حاضر فى دماغى
ربنا يجازيك خير

[mmdbdw]

والله أعضاء محترمه و بنستفاد من كلامكم معانا

ربنا يزيدكم و يبارك لكم

[a7md.5alifa]

شكرا يا استاذ elhalawy
وعايز اسال عن حاجه كمان ، انا روحت للكهربائي انضف الفانوس عشان كان مصفر بس اكتشفت ان العربيه فيها جهاز زينون بس اللمبه اللي ركباله مش زينون و الفانوس مفهوش عدسه ،،،، دلوقتي الصح اركب لمبات الزينون و اركب عدسه ولا مش لازم العدسه وهو ينفع اركب عدسه اصلا ؟

[Ahmed Saad]

شكرا يا استاذ elhalawy
وعايز اسال عن حاجه كمان ، انا روحت للكهربائي انضف الفانوس عشان كان مصفر بس اكتشفت ان العربيه فيها جهاز زينون بس اللمبه اللي ركباله مش زينون و الفانوس مفهوش عدسه ،،،، دلوقتي الصح اركب لمبات الزينون و اركب عدسه ولا مش لازم العدسه وهو ينفع اركب عدسه اصلا ؟

بص أولا اللي موجود مديوليتور الزينون هل هو شغال ولا بايظ ممكن الكهربائي يجربه لو عنده لمبه زينون يوصلها بكل جهاز ويشوف هتنور ولا لا لو شغالين جيب لمبتين زينون ووصلهم وركبهم على فوانيسك بعد ماتنضفها من غير ماتعدل عدسات ولا بتاع لأن موضوع العدسات ده فاشل ومش عاجبني لاني بسافر بالعربيه ونور العدسات مش قوى ولا لمبه عاديه ولا زينون نافعين وانا إن شاء الله هغير الفوانيس لاما أجيب فوانيس كريستال ودي أفضل بدون عدسات أو أجيب فوانيس اصليه إستيراد واريح دماغي

[a7md.5alifa]

بص أولا اللي موجود مديوليتور الزينون هل هو شغال ولا بايظ ممكن الكهربائي يجربه لو عنده لمبه زينون يوصلها بكل جهاز ويشوف هتنور ولا لا لو شغالين جيب لمبتين زينون ووصلهم وركبهم على فوانيسك بعد ماتنضفها من غير ماتعدل عدسات ولا بتاع لأن موضوع العدسات ده فاشل ومش عاجبني لاني بسافر بالعربيه ونور العدسات مش قوى ولا لمبه عاديه ولا زينون نافعين وانا إن شاء الله هغير الفوانيس لاما أجيب فوانيس كريستال ودي أفضل بدون عدسات أو أجيب فوانيس اصليه إستيراد واريح دماغي

انا نضفتها و جرب جهازين الزينون شغالين و قالي هات لمبتين يكون نوع نضيف وقوي عشان الفانوس غامق تنصحني اجسب نوع معين للمبه ؟و شكرا مقدما

[Ahmed Saad]

انا نضفتها و جرب جهازين الزينون شغالين و قالي هات لمبتين يكون نوع نضيف وقوي عشان الفانوس غامق تنصحني اجسب نوع معين للمبه ؟و شكرا مقدما

جيب لمبات فيليبس لو عندك أو اوسرام طبعا زينون ودول هتلاقيهم غاليين شويه ولو ملاقيتش هات أي حاجه هيشتغلوا فتره كويسه إن شاء الله

[a7md.5alifa]

جيب لمبات فيليبس لو عندك أو اوسرام طبعا زينون ودول هتلاقيهم غاليين شويه ولو ملاقيتش هات أي حاجه هيشتغلوا فتره كويسه إن شاء الله

الف شكر ليك ربنا يكرمك :-)

[Muhammad 80]

حصل معايا موقف سىء
كنت رايح سان ستيفانو يوم الخميس بالليل والطريق زحمة وقبل ما اوصل بمسافة بسيطة فجأه لقيت دخان ابيض افتكرته من العربية اللى قدامى وبعدها استوعبت انه خارج من عندى
المهم بصيت على مؤشر الحرارة بس فيه علامة تحذير بتاعة دورة المياه نورت وعملت صوت طفيت العربية طبعا
لقيت واحد ابن حلال وصاحبه قالى احنا حنزقها معاك وستر ربنا كنت جنب باركينج وفاضى مع انه دايما مقفل
المهم دورتها ورجعت بيها بسرعه ومسخنتش
فتحنا الكبوت لقيت الدخان الأبيض مش دخان لكن بخار ميه جامد نتيجة ان الميه نزلت على الأجزاء السخنه واتبخرت
المهم الشاب الشهم ده فتح غطا القربه بقميصه بس مطلعش بخار ولا حاجه وجبنا ميه وجينا نزود لقيناها بتدلق على الأرض من تحت ناحية الشمال
راح واخد الدواسه ونزل تحت بص قالى ده فيه خرطوم او ماسورة مكسورة ومكناش شايفين كويس فى الضلمه
وعرض عليا المساعده وقالى عندى عربية بولو وبفهم فى الفولكس انا تحت امرك
شكرته جدا وقلتله حتصرف ومشى وهو فعلا عايز يخدم بكل شهامة
طبعا الوقت كان متأخر كل ما اكلم حد عشان كساحة يقولى بكره
ظبطت بتاع الباركينج وقلتله حبيتها عندك للصبح
تانى يوم واحد صاحبى جالى وقطرها بعربيته مرسيدس بى ووصلناها لمركز صيانة بتاع واحد صاحبى
كان الخرطوم الواصل بين الريدياتير والموتور فلت والكلبس بتاعه وقع
المهم جبنا الكلبسات وركبناه تانى وطبعا حطيت ميه تانى من نوع تعبان مؤقتا وطلعنا الهوا وقفلنا وكله تمام الحمد لله
كله يشيك على الخراطيم دى عشان لما بيحصلها حاجة بتبقى حوسه وربنا ما يوقعكم فى مشاكل ابدا