Tweet
المشاركة الأصلية كتبت بواسطة muhammad 80
مشاهدة المشاركة
-
معلش جت سليمه والحمد لله ودي بقى عين خللي بالك أبقى ادبح لها حاجه لله ومعلش متزعلش نفسك أهم حاجه أن انت كويس وكل حاجه سليمه الحمد لله[SIGPIC][/SIGPIC]
hitmangate سابقا -
الحمد لله طبعاالمشاركة الأصلية كتبت بواسطة hitmangate مشاهدة المشاركة
والواحد بيعمل اللى ربنا بيقدره وربنا هو العالم
المشكلة انى جبت عربيتين فى شهر الباسات وبيجو ٣٠٧ والاتنين كان عندى مشاكل فيهم فى التبريد
يعنى الاتنين عقدونى وبيخلونى طول مانا ماشى عينى على مؤشر الحرارة :)Comment
-
سؤال يخص عربية صاحبي ، هو ان ال ار بي ام عالي عاي ٢ علي طول كإن العربية بتزود بنزين لنفسها ده من ايه ؟Comment
-
خليه يفك البوابه وينضفها ويركبها ويجرب لو لسه زي ماهيه يبقى البوابه كلها عايزه تتغير أو بالأخص حساس وضع البوابه tps باظ وبيبان عند الكشف على العربيه بجهاز الأعطالالمشاركة الأصلية كتبت بواسطة a7md.5alifa مشاهدة المشاركة[SIGPIC][/SIGPIC]
hitmangate سابقاComment
-
شكرا :-)المشاركة الأصلية كتبت بواسطة hitmangateComment
-
النهاردة كنت سامع صوت غريب طالع من الموتور قربت حسيته صوت سكاكين جوه او احتكاك معادن ببص علي الزيت لقيته مش راسم اي علامة علي مؤشر الزيت حطيتلها زيت الصوت راح و ببص ع العربية لقيت الموتور من بره و الاجزاء اللي حواليه متغرق زيت وديتها لميكانيكي قالي ان غطا الزيت اللي فوق الموتور الجلده بتاعته متاكله كلها و محتاجه تتغير مش عارف دي بتتجاب منين ولا بتتباع كغطا كاملComment
-
روحت اشوف الزيت تاني لقيت في جزء بيوصل الفتيش بالموتور بينقط مش فاكر اسمه ايهالمشاركة الأصلية كتبت بواسطة a7md.5alifaComment
-
مقاس الزيت عندى مش مظبوط عايز اعرف العربيه بتاخد كام كيلو زيت بدون الفلتر 1600 سىسىComment
-
بص ياباشا انا بغير الزيت شفط والعربيه بتاخد ال 4لتر كلهم ده لما بغير فلتر ومن غير بس هوا في الكتالوج عندي كاتب 3.5 بدون تغيير فلتر و 3.9 بتغير الفلتر بس فيه حاجه الموتور بتاعي كوده Arm وده أكبر موتور بياخد زيت في ال 1600 والموتور ده في موديلات 99-2000 وانا موديل 2000 في مواتير 1600 بتاخد 3 لتر من غير فلتر 3.5 بالفلتر لو انت تعرف كود موتورك قولهولي أو قوللي موديل عربيتك كام وانا هشوفهالك في الكتالوجالمشاركة الأصلية كتبت بواسطة alzelafy مشاهدة المشاركة[SIGPIC][/SIGPIC]
hitmangate سابقاComment
-
السلام عليكم أعضاء الرابطة الكرام من فتره كده كنت غيرت طقم الرشاشات وقولت هعملكم بيه تقرير بعد التجربه طبعا انا مشيت تقريبا بالعربيه حوالي 500كم والنتيجة أن الاستهلاك جوه البلد الصفيحه عملت حوالي 220كم مع التكييف وفي السفر سافرت بيها من اسماعيلية إلى القاهره مع شويه مشى النهارده عملت 10لتر لكل 150كم يعني الحمد لله في السفر تقريبا عملت ال 100كم ب 6 لتر وده استهلاك ممتاز للباسات وطبعا السبب أن زي ماقولت الرشاش ده كان اتنين فتحه من تحت والقديم كان 4 فتحه والحمد لله الرشاشات الجديده مأثرتش على السحب إطلاقا وجبت بالعربيه 190 والتجميع كان احسن من الأول الحمد لله فدي التجربه مع طقم الرشاشات الجديد وان شاء الله في تقرير تاني هعمله قريب عن مشكله كانت عندي في العربيه وانا لاقيتلها حل إن شاء الله ينفع بس وانا بجرب دلوقتي وهقولكو النتائج وسبب المشكله وحلها أن شاء الله[SIGPIC][/SIGPIC]
hitmangate سابقاComment
-
النهاردة رحت عند الراجل بتاع التكييف اللى كنت شحنت عنده عشان اشوف مشكلة التكييف اللى قلتلكم عليها وهى باختصار التكييف شغال ممتاز وانا ماشى بسرعة انما اول ما الطريق يبطأ أو يقف الأول الكومبريسور يريح وطبعا ميبقاش فيه تبريد ولو طالت الوقفة العربية كلها تتبرجل وتسخن وممكن تبطل كمان
رحت وكشف الكبس والشحن وقالى كله تمام المشكلة فى المروحة دى غيرها وشاورلى على المروحة الصغيرة اللى جنب المروحة الكبيرة اللى قدام الريدياتير
بكرة اروح ادور عليها ان شاء الله واقولكم عملت أيهComment
-
بعد اذنكو لو عاوز اشتري باسات ٢٠٠٠ ماتور ١٨٠٠ تربو تنصحوني باية وانا باعينها و اخد بالي من ايه و ايه هي عيوب الموديل دا و اخبار قطع غيارة ايه
وشكراComment
-
كان عندي اقتراح بسيط....احنا ليه منعملش اتفاق باسم الرابطه مع واحد من بياعين قطع الغيار و ميكانيكي و عفشجي و كهربائي يعملولنا خصم مقابل اننا بنخلي كل الرابطه تتعامل معاهم نعمل ديزاين لكارنيه عضوية باسمنا عشان اللي معاه الكارنيه يتعمله الخصمComment
-
بص ياباشا مبدأيا كده العربيه دي في الغالب هتكون معدله لأن المواتير التربو مانزلتش في مصر ولا الخليج فدي هتكون معدله بالنسبه للعربية هيا ممتازه وقطع غيارها رخيصة جدا ومعمره جدا ومفيهاش عيوب شائعة بس هيا أغلى حاجه فيها طقم المقصات لأنهم 8 ألومنيوم بيعملوا من أول 1300ج صيني لغاية 4000ج الماني فيبي بس الألماني يعيش كتير اوى غير كده مفيهاش أي عيوب عزل وثبات ممتازين قوه صاج وأمان عالي بس بالنسبه لموتور التربو يعيبه حاجتين أولا أن أي موتور تربو عدوه الحراره الزائدة يعني ماينفعش يضغط عليه في الحر ولازم يكون دوره تبريد العربيه مظبوطه 100% لأن العربيه لو سخنت تبوظ الموتور كله وتاني حاجه أن صيانته رخمه شويه والموتور مالي الحوض يعني عامل زحمه في الحوض فالشغل فيه رخمولازم واحد فاهم الشغل فيه غير كده هوا موتور جامد وبيجري العربيه جامد ااوى بس نصيحتي ليك ماتحاولش تركب عربيه معدله خوفا من مشاكل التعديل لأن فيه ناس بتعدل ومش بتظبط والعربيه بتقع في مشاكل الكهرباء الأفضل دور على حاجه 1600 استوك امشي بيها فتره وبعدين سقط انت وتبقى الحاجه على ايدك بس العربيه لو عجباك وحالتها حلوه توكل على الله هتكشف على الموتور كبس موتور والفتيس لو أوتو وتعمل سكان كامل على العربيه بكابل الأعطال وتكشف على العفشه وطبعا الأساسيات يعني الرش دواخل وخوارج وتشوف الايرباج فتح ولا لا والتأكد من أن العداد مش ملعوب فيه وفي الغالب العداد هتلاقيه متغير علشان العربيه معدله لو أوتو لأن هتلاقى فتيسها استبترونيك وده مش بينزل غير مع التربو بس المواتير التانيه بيبقى فيها أوتو عادي عموما شوفها واركبها وشوف نظامها ايه وانا بعتلك رقمي على الخاص ولو عايز أي استفسار انا تحت أمرك في أي وقتالمشاركة الأصلية كتبت بواسطة basem moustafa مشاهدة المشاركة[SIGPIC][/SIGPIC]
hitmangate سابقاComment
-
السلام عليكم يا أعضاء الرابطه الكرام كنت من كام يوم كتبت تقرير عن تغيير الرشاشات وكتبت في الآخر عن مشكله بس بجرب لها حل المشكله كانت نقص مياه التبريد بنسبه مش كبيره المهم لاقيت السبب كان من نشع في الرداتير من ناحيه المواسير بتاعت الريداتير المهم كنت قولت هغيره بس لاقيت مانع تسريب ريداتير عباره عن علبه صغيره فيها بودرة اسمها ابرو أمريكي جبتها ب 10ج وحطيتها في القربه بتاعت المياه وسبت العربيه دايره وعملت بيها مشوار كبير شويه وبعدين ركنتها وتاني يوم سافرت بيها وعملت مشاوير كتير والنتيجة الحمد لله النقص بتاع المياه وقف خالص والسبب طبعا المياه الخضراء اللي مش متوافقه مع عربيات فولكس علشان الريداتير الألومنيوم والمياه الخضراء دي كانت أيام زمان والعربات الجيب الريداتير النحاس يعني كله ياخد باله قبل فوات الأوان المهم امبارح غيرت المياه الخضراء ونضفت الدوره بتاعت التبريد بجهاز تنضيف الريداتير واشتريت مياه حمراء توتال صناعه فرنسيه من محطه توتال وفي ضهر الجركن معتمده من فولكس فاجن واودي وسيات واسكودا الجركن ب 75ج طبعا غلى الشهر اللي فات كان ب 63ج واشتريت جركنين والعربيه اخدت 6 لتر يعني جركن ونص التاني المهم على الرغم من غلوها بس بتتغير على 250000كم أو خمس سنوات أيهما أقرب طبعا ده من موقع توتال فرنسا المياه تركيزها 33% ومكتوب عليها organic بس مش فاهم القصد بيها بس هيا غالبا علشان مش بتتفاعل مع المعادن ودي تجربتي مع الريداتير والحمد لله اني لحقته وبنصح كل واحد حاطط مياه خضرا أو حمرا مضروبة غير المياه بمياه توتال الحمرا أو موبيل الحمرا غير كده سيبكوا من اللي يقولك أمريكي ولا إسباني ولا سعودي ولا كارفور كلده اأي كلام الصح يالمياه الاصليه ال g12 ياتوتال ياموبيل وربنا يسترها علينا وعليكم[SIGPIC][/SIGPIC]
hitmangate سابقاComment
Comment