رابطه مالكي الباسات b5&b5.5 من 1996 الي2005

[Ahmed Saad]

دي أسعار بعض قطع الغيار سألت عليها في الحرفيين امبارح:
1-موتور 1800 عادي كامل بالضفيره والكنترول من غير فتيس 4500ج
2-مسطره رشاشات موتور 1600 كامله ب 300ج
3-موبينه كهربا 1600 هي هي بتاعت الاوكتافيا ب 300ج
4-جوز المرايات كامله يمين وشمال ب 400ج الاتنين الواحده ب 200ج
5-جوز فوانيس أمامي 400ج أبو موتور كهربا لتعديل الارتفاع أصلي استيراد الواحد ب 200
5-اكصدام أمامي كامل بالشاسيه والشبكة ب 700ج
6-اكصدام خلفي ب 800ج
7-ريداتير اتوماتيك من 600-800ج حسب المحل
8-كومبريسور التكييف بتاع ال 1600 اسمه أبو باليتات ب 1300ج لأنه قليل وبتاع ال 1800 أبو لاواكير ب 800ج لأنه كتير وبيركب على 1600 بس بتغير معاه المواسير

دي بعض أسعار قطع الغيار اللي سألت عليها وأي استفسار انا في الخدمه

[omaranes77]

مبروك يا باشا التصليح.

وحلو ان حضرتك. ايدك في العربية

[m7nsh]

برنس يابو حميد من يومك والله .. و مش بتبخل باللى عارفه ربنا يجعله فى ميزان حسناتك ..
متابع انا الموضوع من بعيد لبعيد :))

[elhelawy]

الف مبروك يا احمد باشا على الاصلاحات ربنا يباريكلك فيها
انا روحت عند محمد رأفت ( ماستر فولكس ) وغيرت حساس الميه بتاع مؤشر الحراره والحمد لله العربيه ضبطت بس لسه عندى مشكله لما بشغل التكييف العربيه تبرجل وبحس انها مخنوقه شويه مع انوا حطها على الجهاز و قالى مش مسجله معايه غير حساس الحراره و قالى حتى لو فيها حساس تكييف ما تغيروش وما يشغلكش بس انا هلروحلوا تانى علشان مش عجبانى مع التكييف خالص
وكمان حصلت حاجه النهارده وانا بفتح العربيه المفتاح لف ومش عايز يرجع تانى قفش على كده وطلع عينى عقبال ما طلعتوا بالعافيه بعد ما خليتوا على العدل و طلعتوا بس بقت العربيه تفتح وما تقفلش من الباب بتاعى يعنى المفتاح بيلف فى الكالون فتح بس انما القفل ما بيلفش عليه كأنى فى حاجه حيشاه جوه النهارده ان شاء الله هروح لعزب بتاع المفاتيح و اللى فيه الخير يقدموا ربنا

[Ahmed Saad]

مبروك يا باشا التصليح.

وحلو ان حضرتك. ايدك في العربية

الله يخليك ياباشا والواحد مش عايز يقع تحت فتى الميكانيكية فبحاول ابحث واقرأ وانفذ بأيدي كما قال الكتاب مش ببالعافية وخلاص

[Ahmed Saad]

برنس يابو حميد من يومك والله .. و مش بتبخل باللى عارفه ربنا يجعله فى ميزان حسناتك ..
متابع انا الموضوع من بعيد لبعيد :))

باشمهندس محمد الله يخليك وكل سنه وانت طيب

[Ahmed Saad]

الف مبروك يا احمد باشا على الاصلاحات ربنا يباريكلك فيها
انا روحت عند محمد رأفت ( ماستر فولكس ) وغيرت حساس الميه بتاع مؤشر الحراره والحمد لله العربيه ضبطت بس لسه عندى مشكله لما بشغل التكييف العربيه تبرجل وبحس انها مخنوقه شويه مع انوا حطها على الجهاز و قالى مش مسجله معايه غير حساس الحراره و قالى حتى لو فيها حساس تكييف ما تغيروش وما يشغلكش بس انا هلروحلوا تانى علشان مش عجبانى مع التكييف خالص
وكمان حصلت حاجه النهارده وانا بفتح العربيه المفتاح لف ومش عايز يرجع تانى قفش على كده وطلع عينى عقبال ما طلعتوا بالعافيه بعد ما خليتوا على العدل و طلعتوا بس بقت العربيه تفتح وما تقفلش من الباب بتاعى يعنى المفتاح بيلف فى الكالون فتح بس انما القفل ما بيلفش عليه كأنى فى حاجه حيشاه جوه النهارده ان شاء الله هروح لعزب بتاع المفاتيح و اللى فيه الخير يقدموا ربنا

إسلام باشا بص انت بعد ماركبت حساس المياه كشف تاني لقي العطل اتمسح ولا ايه وثانيا لازم يكشف على التكييف هيخش على برنامج VCDS هيختار auto havc ده التكييف التاتش لأنه ممكن يكون مسجل عطل وده اللي هيبين الأعطال بتاعت دوره التكييف مش حاجه تانيه وبالنسبه للمفتاح أن شاء الله يتظبط معاك وممكن تقفل العربيه من الشنطه أو الباب اليمين هيقفل العربيه كلها احتياطي لغاية ماتخلص أن شاء الله

[mmdbdw]

احمد باشا سعد
ممكن تليفونك ضرورى
لانى واقف ف الورشه محتاس

[mmdbdw]

سعادة الباشا

ده شكل القديم




و ده شكل الجديد بالظبط





بالنسبه للجمبر اللى قولت لك عليه بيتحط على الفيشه اللى ف النص دى

حبيت اوريك الصور و هجرب و اقولك

[Ahmed Saad]

اكتشفت اكتشاف من شويه قولت لازم أقوله للناس للاستفادة انا من كام يوم غيرت رشاشات زي ماقلت لحضراتكم المهم انا كان عندي 2 رشاش بس عاطل فقولت احط ا'رشاشين من اللي جايبهم فالمهم عملت كده وقولت تمام ودورت وكانت كل حاجه زي الفل المهم من شويه كنت ببص على الرشاشات القديمه فلاحظت انها من تحت أربع فتحات صغيره واللي انا جايبهم 2 فتحه فده اكيد هيبقى أوفر لأنه هينزل بنزين أقل شويه من آبو 4 فتحه ففكيت مسطره الرشاشات وغيرت الاتنين الباقيين وبقي كل اللي في العربيه أبو 2 فتحه المهم هجرب العربيه كده في الاستهلاك والسحب الفتره اللي جايه وهبلغكم أن شاء الله

[munse2004]

كل عام وانتم بخير وصحه وفى افضل حال

hitmangate

[Ahmed Saad]

كل عام وانتم بخير وصحه وفى افضل حال

hitmangate

وحضرتك طيب وكل أعضاء الرابطه وأعضاء المنتدى جميعا بخير وصحة وسلامة

[mmdbdw]

كل عام و جميع اعضاء رابطتنا المحترمه بخير

[manchestr_viru]

كنت عايز اسال مصنعية تغيير المقصات كام ؟
و مصنعية تغيير مساعدين اودي خلفية كام ؟ عشان العفشجي ميستغفلنيش

[hossamalsadik]

كل عام والرابطه والجميع بخير مناسبة عيد الفطر المبارك
أعاده الله علينا جميعا بالخير واليمن والبركات