رابطه مالكي الباسات b5&b5.5 من 1996 الي2005

[Ahmed Saad]

ده حساس ال abs اليمين


وده الشمال اللي فيه فيشه حساس التيل


وطبعا الاتنين بيشتغلوا مكان بعض بس الافضل كل واحد في مكانه

وده حساس ال abs الخلفي

[Ahmed Saad]

ده الكوبلن الخارجي للباسات والاودي a4


وده الكوبلن الداخلي

[Ahmed Saad]

إن شاء الله يا أعضاء الرابطه الكرام هحاول أجمع لكم أكثر صور لقطع غيار العربيه علشان تكون مرجع لينا لأي حد عايز قطعه غيار للعربية ومش عارف شكلها أو وصفها فتكون في صور لأغلب قطع الغيار بإذن الله

[a7md.5alifa]

السلام عليكم يا أعضاء الرابطه الكرام النهارده والحمد لله حسبت الاستهلاك الصحيح للعربية فولت العربيه لغاية الزور ومشيت 100كم بالظبط ودخلت محطه بنزين وفولت تاني والمفاجأة والحمد لله العربيه اخدت 5.5 لتر لغاية الزور برضه والمحطتين اللي فولت منهم الأولى طاقه على طريق بورسعيد والتانيه توتال الشروق اللي في طريق اسماعيلية الصحراوي وكنت ماشي بمتوسط سرعه 110كم/س وفاتح التكييف وقافل الزجاج فده والحمد لله استهلاك أفضل من اللي مكتوب في الكتالوج وطبعا الكلام ده بعد ماغيرت الرشاشات بأخرى استيراد وكنت عامل موضوع عنها فبكده العربيه بقت ماشاء الله زي التويوتا في استهلاك البنزين طبعا انا سواقتي بقالها فتره هاديه وشكرا لأعضاء الرابطه الكرام وعاوزين نزود التفاعل شويه

ربنا يكرمك علي معلوماتك الجميلة

[Ahmed Saad]

ربنا يكرمك علي معلوماتك الجميلة

الله يخليك ياباشا وان شاء الله هحاول أجمع أكبر قدر من المعلومات والصور عن العربيه علشان تكون مرجع لجميع مالكي العربيه

[khaledshaheen]

انا متابع حضرتك (hitmangate)من فترة لكن ماشاء الله تبارك الله موسوووووووعة فى الفولكس والأودى ربنا يباركلك بس عندى سؤالين
الأول / ايه أخبار استهلاك البنزين
ثانيا انا بفكر أغير عربيتى نيسان صنى 2008 أوتو وعايز أجيب الباسات 2000 تنصحنى بكده ولا هاحس بفرق ؟

[Ahmed Saad]

انا متابع حضرتك (hitmangate)من فترة لكن ماشاء الله تبارك الله موسوووووووعة فى الفولكس والأودى ربنا يباركلك بس عندى سؤالين
الأول / ايه أخبار استهلاك البنزين
ثانيا انا بفكر أغير عربيتى نيسان صنى 2008 أوتو وعايز أجيب الباسات 2000 تنصحنى بكده ولا هاحس بفرق ؟

الله يخليك ياباشا بص الباسات استهلاكها في البنزين في السفر بتعمل 7لتر|100كم و12لتر|100كم جوه البلد ده الاستهلاك اللي في كل العربيات انا الحمد لله لما غيرت الرشاشات وجبت استيراد وانا عامل عنهم موضوع هنا في الرابطه الاستهلاك اتحسن اوي معايا الحمد لله وبقت بتعمل في السفر 5.5لتر|100كم و 9.5لتر|100كم في البلد فده كويس والحمد لله فهيا مقارنه بالصني كويسه في الاستهلاك وكمان موتورها 1كامه 8صباب ده ال1600 سي سي وبالنسبه انت بتفكر تغير الصني طبعا هتحس بفرق كبير اوي عربيه افخم واوسع وصالون كبيييير وشنطه واسعه جدا 495لتر وقطع غيارها ارخص من الصني وانشف واقوي وامان اعلي من الصني وثبات رهييب انا بجيب بيها 200 ومش بحس اني ماشي وعزلها ممتاز وفرامل عجيبه مش موجوده في عربيات الياباني كلها بس طبعا هيا مشهوره بطقم مقصاتها الكتير وهوا بيعيش اوي بس يتجاب النضيف يعني عندك الفيبي الالماني ده احسن حاجه في السوق بيعمل 4000ج وفيه ماركه بس مش بتنزل مصر دي زي الاصلي اسمها مايلي الطقم ب650دولار وخلي بالك سبب غلو الطقم ده انه في الاساس بتاع اودي لغايه موديل 2010 اللي هيا b7 غير كده العربيه مفيهاش اي حاجه غاليه يعني الموتور ال1800 العادي كامل بالضفيره والكنترول ب4500ج الفتيس الاوتو ب3500ج طقم المقصات ال10 قطع مع بعضهم 1200ج وباقي الحاجه رخيصه ماتخوفش يعني مش عاليه زي البي ام ولا الانسر حتي هيا ارخص من الانسر في قطع الغيار وطبعا لو جبت واحده نضيفه واهم حاجه نضيفه دي مش هتسيبها خالص ولو فكرت تغير مش هتعرف تركب اي حاجه تانيه بالساهل او هتركب بحساب ومش هترضيك اي عربيه غيرها وغموما لو فكرت وناوي هتلف شويه علي ماتلاقي عربيه نضيفه وعموما في واحده شوفتها في دوبيزيل لونها نبيتي مدي علي سيمون في العبور هوا كاتب كانت معاقين وفكت حظر فعموما عربيات اللي بتيجي من بره مش بتتمرمط زي اللي هنا ممكن تشوفها لو نويت واهم حاجه تكشف عليها وربنا يكرمك بحاجه نضيفه ومحترمه واس استفسار انا تحت امرك

[Ahmed Saad]

ده مساعد الباسات الامامي

[Ahmed Saad]

دي اسكترا الباسات او اسكترا الدريكسيون

[khaledshaheen]

أنا شاكر جدا لحضرتك على المعلومات القيمة دى

[khaledshaheen]

على فكرة قطع غيار الصنى 2008 غالية مش رخيصة خالص خصوصا انى مابحطش الا الأوريجينال فى التوكيل فبيكلفنى جدا

[khaledshaheen]

أما بالنسبة لإستهلاك البنزين فتقريبا زى الباسات لأنى كنت فاكر ان تقل الباسات وموتورها القديم حيستهلك بنزين أكتر

[khaledshaheen]

سؤال أخير هى متوسط سعرها 75000 ؟

[Ahmed Saad]

طنابير فرامل الباسات الاماميه


ودي الطنابير الخلفيه

[Ahmed Saad]

سؤال أخير هى متوسط سعرها 75000 ؟

بص هوا نظرا لجنون الاسعار فالحاله النضيفه اوي ماتعديش 80000ج دي هتبقي عربيه زيرو مافيهاش الهوا وال75000ج تبقي عربيه محترمه اوي بس تبقي راشه وفي الغالب هتلاقي كتير راشش لان موديل قديم اللي هيبقي فابريكا بالكامل هتبقي جايه من بره مثلا معاقين وفكت حظر لان العربيه دي انتشرت شويه معاقين