رابطه مالكي الباسات b5&b5.5 من 1996 الي2005

[Ahmed Saad]

كنت عايز اسال مصنعية تغيير المقصات كام ؟
و مصنعية تغيير مساعدين اودي خلفية كام ؟ عشان العفشجي ميستغفلنيش

بص يعني هياخد في حدود 200ج أو اكتر خمسين لأن شغل المقصات رخم شويه وبرضه الأعضاء ممكن يفيدوك في السعر اكتر شويه بالنسبه أن في اعضاء غيرت مقصات وبسيطه أن شاء الله

[Ahmed Saad]

كل عام والرابطه والجميع بخير مناسبة عيد الفطر المبارك
أعاده الله علينا جميعا بالخير واليمن والبركات

وانت بخير وصحه وسلامه وعيد سعيد عليك وعلى كل أعضاء المنتدى الكرام

[manchestrvirus]

كل سنة وانتوا طيبين ، عيد سعيد

[a7md.5alifa]

انا عندي مشكله غريبه حبتين حاسس ان الموتور كده في صوت سكسكه كده غريبه فجاه و ثابته سواء واقف او ماشي باي سرعه و حاسس انها جايه من الموتور او جنب الموتور من اليمين كده ، مش عارف ايه ده كل ميكانيكي يقولي حاجه مختلفه !
موتوري ١٦٠٠ اوتوماتيك

حاجه تانية العربيه لما بكون مشغل التكييف علي اعلي سرعه واقف في زحمه و اجي اطلع بالعربية احيانا بتفصل ، مش عارف مشكلة فلتر ولا تكييف العربية في مشكله

[a7md.5alifa]

روحت من شوية لميكانيكي تاني لقيت الصوت اختفي مش عارف اختفي ازاي
وكنت محتاج اعرف ازاي الكهربائية بيقولولي ان النور محتاج يركبله كات اوت و هو اصلا العربيه نازله من غيره وقت الزيرو ؟ والا هي محتاجه اغير اللمبة الداخليه بس بنوع نضيف وهم اللي مش عارفين ؟

[Ahmed Saad]

انا عندي مشكله غريبه حبتين حاسس ان الموتور كده في صوت سكسكه كده غريبه فجاه و ثابته سواء واقف او ماشي باي سرعه و حاسس انها جايه من الموتور او جنب الموتور من اليمين كده ، مش عارف ايه ده كل ميكانيكي يقولي حاجه مختلفه !
موتوري ١٦٠٠ اوتوماتيك

حاجه تانية العربيه لما بكون مشغل التكييف علي اعلي سرعه واقف في زحمه و اجي اطلع بالعربية احيانا بتفصل ، مش عارف مشكلة فلتر ولا تكييف العربية في مشكله

بص الصوت جاي من جنب الموتور ناحيه اليمين وانت في وش العربيه يعني ناحيه منافولد الهواء لو كده في فوق المنافولد حاجه عامله زي الكوبايه من قدام ده دي مضخه هوا دي هي اللي هتلاقيها بتعمل صوت السكسكه ده وللتاكد امسكها بايدك جامد هتلاقي الصوت قل شويه وبالنسبه لموضوع التبطيل ده اكشف علي العربيه بجهاز الاعطال في الغالب ممكن يكون حساس ايدل في بدايته بس نضف البوابه الاول وغير فلتر البنزين وفلتر الهواء ونضف الرشاشات وان شاء الله تظبط وانا متابع معاك

[a7md.5alifa]

و بالنسبة للكات اوت بتاع النور اللي سالت عنه في البوست اللي بعده عندك عنه معلومات ؟
و انا نزلت لقيت الصوت اختفي تماما و انا غيرت فلتر هوا لكن فلتر بنزين مغيرتوش من حوالي سنتين تلاته

[Ahmed Saad]

و بالنسبة للكات اوت بتاع النور اللي سالت عنه في البوست اللي بعده عندك عنه معلومات ؟
و انا نزلت لقيت الصوت اختفي تماما و انا غيرت فلتر هوا لكن فلتر بنزين مغيرتوش من حوالي سنتين تلاته

طيب غير فلتر البنزين ضروري جدا لان ده كتير والمفروض علي بنزينا الحلو ده نغيره كل 20000كمو تمنه ب 120 ج جديد اصلي وثانيا العربيه مش محتاجه كتاوت نور لان سلوك النور بتاعتها محمله انت ممكن تكون الكشافات بتعتك مصفره وعايزه تتنضف وعموما الكشافات الاصليه بتاعت العربيه بتصفر علي طول وبتحتاج تنضيف والحل ياما تتنضف او تتغير بفوانيس جديده كريستال هتختلف معاك الاضاءه 180 درجه وان شاء الله خير

[Ahmed Saad]

دا فيديو لطريقه الايدل ليرن ببرنامج VCDS

How to do the Throttle Body Alignment with VCDS - YouTube

[a7md.5alifa]

اه فعلا مصفرة شكرا و كل سنة وانت طيب.... و هغير الفلتر :-)

[Ahmed Saad]

اه فعلا مصفرة شكرا و كل سنة وانت طيب.... و هغير الفلتر :-)

وانت طيب واي استفسار انا في الخدمه

[a7md.5alifa]

وانت طيب واي استفسار انا في الخدمه

طيب بما انك راجل فاهم كنت عايز اعرف هو جلب المقصات هي هي بيض المقصات ولا في فرق و هل دي بتتباع وحدها ؟ و معلش سؤال غبي انا لو هجيب مقصات مش الماني ينفع اخلع الجلب منها و اركبها علي المقصات الالماني اللي معايا ولا مش بتتخلع ؟ :-d

[ceeaama]

انا امامى سيارة باسات الموصفات:

1-موديل 2002

2-اللون اسود

3-مانيول

4-عداد 204 الف كيلو متر

5-فبريكا برا و جوة ما عدا بابين شمال نضافة بدون خبطات او حوادث

برجاء من الاخوة المحترفين

تساوى كام؟

(فية لمبة الاتشك انجن منورة)

[Ahmed Saad]

انا امامى سيارة باسات الموصفات:

1-موديل 2002

2-اللون اسود

3-مانيول

4-عداد 204 الف كيلو متر

5-فبريكا برا و جوة ما عدا بابين شمال نضافة بدون خبطات او حوادث

برجاء من الاخوة المحترفين

تساوى كام؟

(فية لمبة الاتشك انجن منورة)

بص سعرها هيتراوح من 80000-83000ج حسب حالتها يعني الموتور والعفشه يعني لو كويسه ومفهاش مشاكل تبقى بالسعر ده اما لو حالتها مش اد كده ماتجيبهاش وكله حسب التقرير بتاع الكشف وبالنسبه للمبه التشيك هتبان في كشف جهاز الأعطال وعموما انا بعتلك رقمي على الخاص أبقى اتصل بيا وانا هديك المفيد أن شاء الله

[Ahmed Saad]

طيب بما انك راجل فاهم كنت عايز اعرف هو جلب المقصات هي هي بيض المقصات ولا في فرق و هل دي بتتباع وحدها ؟ و معلش سؤال غبي انا لو هجيب مقصات مش الماني ينفع اخلع الجلب منها و اركبها علي المقصات الالماني اللي معايا ولا مش بتتخلع ؟ :-d

بص ياباشا العربيه دي مقصاتها بتغير على بعضها يعني مش بتغير بيض لوحده أو جلبه لوحدها لازم ال8 مع بعض تشيل وتركب لأن الشداد الواحد عباره عن دراع اوله البيضه حته منه والجلبه برضه حته منه والفرق بين البيضه والجلبه البيضه دي اللي على الطرف من بره والجلبه دي المطاط الكبيره من جوه واللي حضرتك بتقوله مالوش لازمه الأفضل تجيب الطقم جديد الماني عندك الفيبي محترم بيعمل في حدود 3500-4000ج بس ركبهم وانساهم وبلاش ترمي فلوسك على الأرض في طقم مش الماني وأي استفسار انا في الخدمه